Fjölnismenn byrja vel á Íslandsmótinu 2014 með góðum sigri á Víking í Grafarvoginum.
Góð barátta var í Fjölnismönnum og það voru ótal færi sem fóru forgörðum, td vítaspyrna sem fór í þverslánna.
Mikil körfuboltahefð hefur skapast í Grafarvogium sem sét m.a. á því að karlaliðið komst upp í úrvalsdeild í vetur og kvennaliðið féll út í úrslitaleik um sæti í úrvalsdeild.
Einnig hefur Fjölnir alið upp leikmenn sem spila sem atvinnumenn í Evrópu. Margir efnilegir leikmenn eru í félaginu og mikll kraftur hefur verið í yngri flokka starfinu í vetur og ekkert verður gefið eftir í sumar.
Búið er að ráða mjög hæfa þjálfara til að sjá um metnaðarfullt sumarstarf deildarinnar.
Öllum börnum og unglingum sem hafa áhuga á að bæta sig og hafa gaman að körfubolta gefst tækifæri til æfinga í sumar, þar mun metnaður, ánægja og gleði ráða ríkjum.
Sjá auglýsingu hér.
[su_button url=“http://grafarvogsbuar.is/wp-content/uploads/2014/05/Karfa-sumarnámskeið1.pdf“ target=“blank“ style=“3d“ background=“#302def“ radius=“0″]Körfubolti 2014[/su_button]
Vinnuvélar frá borginni hafa verið að hreinsa göturnar síðustu vikur en nú er vænst eftir að borgarbúar taki til hendinni um næstu helgi.
Reykjavíkurborg hvetur fólk og fyrirtæki til að taka til í sínu nánasta umhverfi um næstu helgi, 10.- 11. maí. Markmiðið er að hreinsa borgina af rusli og gera skínandi fína fyrir sumarið. Hægt er fá poka undir ruslið á næstu Olísstöð.
Tiltektarhelgi er liður í vorverkum Reykjavíkurborgar og verður hún nú haldin 10. og 11. maí. Reykvíkingar eru hvattir til að taka til hendinni í hverfum sínum, hvort sem er á eigin vegum eða í skipulögðum hópum. Starfsfólk hverfastöðva Reykjavíkurborgar mun sækja pokana strax eftir helgi þar sem þeim hefur verið komið haganlega fyrir í götum.
Allir sem vettlingi geta valdið geta tekið þátt í tiltektinni, fjölskyldur, vinnuhópar eða húsfélög og íbúasamtök. Tiltektarhelgin felst í því að hreinsa burt rusl sem finna má í runnum, í garðinum heima, á leikvöllum eða opnum svæðum og gangstéttum. Ekki er um garðaúrgang að ræða heldur einungis rusl. Íbúar eru hvattir til að koma pappír, skilagjaldskyldum drykkjarumbúðum og öðrum endurvinnanlegum efnum til endurvinnslu. Garðaúrgang fer fólk með sjálft á endurvinnslustöðvar Sorpu.
Tiltektarhelgin er mikilvægur liður í því að fegra borgina, verkefnið er gott fyrir borgarbúa og skapar betra viðmót gagnvart gestum borgarinnar. Það er góður vitnisburður þegar sagt er að Reykjavíkurborg sé hrein borg.
Reykjavíkurborg leggur metnað sinn í að borgin verði hrein og fín í sumar. Vonir standa til að íbúar í hverfum og við hverja húsagötu taki saman höndum og hreinsi burt ruslið sem nú hefur komið í ljós eftir veturinn. Kjörið er að senda ljósmyndir á Facebook síðu Reykjavíkurborgar, jafnvel af völdum stöðum fyrir hreinsun og eftir. Hægt er að sækja sér svartan ruslapoka á Olísstöðvar. Starfsfólk Reykjavíkurborgar ætlar að sýna gott fordæmi í vikunni og hreinsa á völdum stöðum í borgarlandinu.
Jón Gnarr borgarstjóri hefur hvatt starfsfólk borgarinnar til að taka þátt í hreinsuninni og mun sjálfur fara út og taka til hendinni. Borgin hvetur einnig fyrirtæki og stofnanir í Reykjavík til að skjótast út hluta úr degi og hreinsa í nágrenninu og skutla ruslinu í SORPU.
Mikið af fallegum og flottum Ford Mustang biðfreiðum til sýnis í Brimborg.
Gaman að sjá hvað þeim er vel við haldið.
Sýningin verður bæði laugardag og sunnudag kl: 11-16
Á Grafarvogsdaginn, 17.maí næstkomandi verður opnuð félgsmiðstöð í Spönginni 43.
Félagsmiðstöðin mun hýsa starfsemi Korpúlfa, samtök eldri borgara í Grafarvogi, Kirkjusel Grafarvogskirkju, dagdeild fyrir heilabilaða, hárgreiðslustofu, fótaaðgerðarstofu, mötuneyti, auk þess sem áhersla verður á ýmis konarstarf með öllum aldurshópum.
Hér með er óskað eftir hugmyndum að nafni á félagsmiðstöðina. Tillögum skal skilað á midgardur@reykjavik.is fyrir 11.maí nk. Niðurstöður valnefndar verða kynntar við opnunina 17.maí þar sem vinningshafa verður veitt viðurkenning.
Félagsmiðstöð í Spöng
Fyrsti leikurinn í Pepsideildinni hjá strákunum í meistaraflokki er á sunnudag kl. 19:15 þegar Víkingur mætir í heimsókn. Loksins er fjörið byrjað og er vel við hæfi að þessi lið sem komu upp úr 1.deild mætist í fyrstu umferð.
Nú verða allir að koma, frábært veður, glæsilegur völlur og hörkuleikur !
Ekki gleyma að mæta í búning.
Hér er smá lýsing á námskeiðunum sem deildirnar verða með í sumar, frekari upplýsingar um námskeiðin er að finna á heimasíðum deildanna ásamt sumarver ÍTR (ath. ekki allt komið upp á síðurnar eins og er) http://sumar.itr.is/desktopdefault.aspx/tabid-2988/4823_read-10771
Skrifstofa Fjölnis veitir einnig allar upplýsingar á opnunartíma skrifstofu í sima 578-2700 og með tölvupósti á aefingagjold@fjolnir.is
Búið er að opna fyrir skráningar í Nóra á heimasíðu félagsins, hér er slóð beint á skráningarsíðuna https://fjolnir.felog.is ein undantekning er þó, skráning í Tennisskóla Fjölnis og Þróttar er í gegnum þessa slóð www.tennishollin.is/tennisskoli eða í síma 564-4030
Fimleikadeild: Fimleika- og sumarskóli, heildagsnámskeið með mat, í júni og ágúst, fyrir 6 – 9 ára börn.
Handknattleiksdeild: Handboltaskóli, 105 mínútur pr. dag (hægt að fá gæslu fyrir yngri hópinn), í ágúst, fyrir 6 – 9 ára og 10 – 13 ára börn.
Knattspyrnudeild: Fótboltafjör, hálfdagsnámskeið, í júní – ágúst, fyrir 6 – 14 ára börn.
Körfuboltadeild: Boltaskóli, hálfdagsnámskeið, í júní, fyrir 6 – 9 ára börn. Akademía, í júni – ágúst, 120 mínútur pr.dag, fyrir 10 – 13 börn og 14 – 19 ára unglinga.
Sunddeild: Sundnámskeið, 40 mínútur pr. dag, í júní – ágúst, fyrir 4 – 10 ára börn.
Tennisdeild: Tennisskóli í samstarfi við Þrótt, í júní – ágúst, fyrir 6 – 12 ára börn.
Hér má skoða nánari upplýsingar um sumarnámskeiðin
[su_button url=“http://grafarvogsbuar.is/wp-content/uploads/2014/05/Fimleikadeild-sumarnámskeið.pdf“ target=“blank“ style=“3d“ background=“#302def“ radius=“0″]Fimleikadeild [/su_button]
[su_button url=“http://grafarvogsbuar.is/wp-content/uploads/2014/05/Handbolti-sumarnámskeið.pdf“ target=“blank“ style=“3d“ background=“#302def“ radius=“0″]Handboltadeild [/su_button]
[su_button url=“http://grafarvogsbuar.is/wp-content/uploads/2014/05/Karfa-sumarnámskeið.pdf“ target=“blank“ style=“3d“ background=“#302def“ radius=“0″]Körfuboltadeild [/su_button]
[su_button url=“http://grafarvogsbuar.is/wp-content/uploads/2014/05/Knattsp.-sumarstarf.pdf“ target=“blank“ style=“3d“ background=“#302def“ radius=“0″]Knattspyrnudeild[/su_button]
[su_button url=“http://grafarvogsbuar.is/wp-content/uploads/2014/05/Sunddeild-sumarnámskeið.pdf“ target=“blank“ style=“3d“ background=“#302def“ radius=“0″]Sunddeild [/su_button]
[su_button url=“http://grafarvogsbuar.is/wp-content/uploads/2014/05/Tennisdeild-sumarnámskeið.pdf“ target=“blank“ style=“3d“ background=“#302def“ radius=“0″]Tennisdeild [/su_button]
Barnamenningarhátíð
Nemendum í 4. bekk Rimaskóla boðið í Hörpuna
Í tilefni af Barnamenningarhátíð í Reykjavík 2014 var öllum 1400 nemendum fjórðu bekkja í borginni boðið að taka þátt í opnun hátíðarinnar í Hörpu.
Allir nemendur í 4-ÁÝÓ, 4-KÞ og 4-SHB ásamt kennurum voru sóttir heim að dyrum í Rimaskóla og þeim ekið á staðinn. Rimaskólakrakkarnir voru auðkenndir með appelsínugulum hárböndum sem fóru þeim einstaklega vel. Krakkarnir höfðu undirbúið sig sérstaklega fyrir tilefnið og æft lagið “112” sem allur skarinn í salnum flutti með Dr. Gunna, Friðriki Dór og Möggu Stínu.
Boðið var upp á glæsilega klukkustundar menningardagskrá og skapaðist “dúndur stemmning” í salnum. Krakkarnir okkar, sem sátu á öðrum svölum Eldborgar, voru alveg til fyrirmyndar í Hörpunni og kunnu vel að meta þetta góða boð. (HÁ)
Hans klaufi
Nemendur 7. bekkjar sýndu Hans klaufa á dagskrá Barnamenningarhátíðar
Ævintýri H.C. Andersen um Hans klaufa var framlag Rimaskóla til Barnamenningarhátíðar í Reykjavík 2014. Nemendur 7. bekkjar buðu upp á tvær leiksýningar á Hans klaufa í hátíðarsal skólans og var nemendum úr grunn-og leikskólum Grafarvogs boðið ókeypis að sjá nemendur 7. bekkjar leika þetta bráðskemmtilega leikrit. Mjög vel tókst til með sýningarnar og áhorfendur fylltu sal Rimaskóla á báðum sýningunum. Það var Eggert Kaaber leiklistarkennari Rimaskóla sem leikstýrði krökkunum og fékk aðstoð frá list-og verkmenntakennurum skólans. Áhorfendur sem komu gangandi í Rimaskóla skemmtu sér vel og lýstu ánægju sinni með leiksýninguna. Fyrir leiksýningarnar fékk Rimaskóli styrk frá Barnamenningarhátíð sem kom sér að góðum notum. (HÁ)
Fjölnir körfubolti
Glæsileg frammistaða 6. bekkjar á grunnskólamóti Fjölnis í körfubolta
Körfuknattleiksdeild Fjölnis efndi til grunnskólamóts fyrir 6. bekki skólanna í Grafarvogi og Kjalarnesi í fyrsta sinn. Góð þátttaka var í mótinu og flest lið frá Rimaskóla eða fjögur talsins.
Frammistaða 6. bekkinga ER og EHE var í einu orði sagt glæsileg og kepptu lið skólans til úrslita bæði í drengja-og stúlknaflokki. Stúlkurnar sem voru ósigrandi í undanriðli töpuðu fyrir Kelduskólastúlkum í hreinum úrslitaleik en í drengjaflokki reyndust Rimaskólapiltar I í algjörum sérflokki og unnu alla leiki sína örugglega. Þeir fengu vart á sig körfu í allri keppninni. Rimaskóli drengja II vann þrjá af fjórum leikjum sínum og frammistaða þeirra ekki síðri en liðs I. Erla Ragnarsdóttir var liðsstjóri stúlknanna og Helgi Árnason skólastjóri liðsstjóri drengjanna. Þau voru bæði afar stolt yfir framkomu og frammistöðu sinna liða. Í sigurliði Rimaskóla I voru f.v. Viktor Elvarsson, Hafsteinn, Aron Már og Gabríel Douane í 6-ER og Kristall Máni og Kacper í 6-EHE. (HÁ)
Með kveðju
Helgi Árnason
Skólastjóri Rimaskóla
GSM 6648320
Opið hús 3 maí 2014
Laugardaginn 3. maí verður opið hús á Korpúlfsstöðum milli kl. 13:00 – 17:00.
Listamenn opna vinnustofur sínar. Tónlist mun hljóma í húsinu, hörpuleikur, kórsöngur, harmonikkuleikur og fleira.
Korpúlfar verða með sölu- og handverkssýningu, með margt góðra muna til sölu.
Kaffihúsið á Korpúlfsstöðum verður opið fyrir gesti.
ALLIR VELKOMNIR!
Follow