Kjarvalsstaðir 17. nóvember kl. 17.15

Nýtt stjórnkerfis- og lýðræðisráð Reykjavíkurborgar mun halda opinn fund á Kjarvalsstöðum, mánudaginn 17. nóvember kl. 17.15. Yfirskrift fundarins er Málefni hverfanna

Formaður ráðsins Halldór Auðar Svansson mun bjóða fólk velkomið.
Hilmar Sigurðsson fjallar um hverfisráð og hverfalýðræði
Óskar Dýrmundur Ólafsson segir frá Breiðholtsverkefninu.
Eva Einarsdóttir varaformaður ráðsins flytur hugvekju í lok fundar.

Þetta er spennandi fundur sem er öllum opinn þátttakendum að kostnaðarlausu.

Follow

Heild­versl­un­in Innn­es ehf. gekk frá kaup­um á öllu hluta­fé Búrs ehf. þann
12. nóv­em­ber sl. eft­ir að Sam­keppnis­eft­ir­litið staðfesti kaup­in enda var það mat Sam­keppn­is­stofn­unn­ar að um óveru­lega samþjöpp­un sé um að ræða á þeim mörkuðum sem fyr­ir­tæk­in hafa starfað á.

Búr ehf. hef­ur sér­hæf­ir sig á ávaxta- og græn­met­is­markaði, inn­lend­um sem og inn­flutt­um vör­um og hef­ur boðið uppá yfir 400 vöru­liði í fersk­um ávöxt­um og græn­meti. Íslensk fram­leiðsla nem­ur um þriðjungi af sölu fyr­ir­tæk­is­ins.

Við sam­ein­ingu fyr­ir­tækj­anna und­ir nafni Innn­es verður til ein stærsta og öfl­ug­asta mat­vöru­heild­sala lands­ins með eitt fjöl­breytt­asta vöru­úr­val sem boðið er upp á mat­vörumarkaði á Íslandi. Að því er fram kem­ur í til­kynn­ingu er til­gang­ur Innn­es með kaup­un­um á Búr að styðja við áfram­hald­andi vöxt á ferskvörumarkaði, stuðla að auk­inni neyslu og um leið hvetja til holl­ara mataræðis lands­manna en með kaup­un­um. Þá seg­ir að mark­mið Innn­es sé að vera ávallt í fara­broddi á sínu sviði hvað varðar vöru­fram­boð, þjón­ustu til viðskipta­vina sinna sinna og markaðssetn­ingu vörumerkj­anna.

Með samruna fyr­ir­tækj­anna verður velta Innn­es rúm­lega 9 milj­arða í veltu og 160 starfs­menn munu starfa hjá fyr­ir­tæk­inu eft­ir sam­ein­ing­una.

Follow

Glæsileg þátttaka er í 19. Silfurleikum ÍR í frjálsum sem fara fram í Laugardalshöllinni á laugardag 15. nóvember.  Silfurleikarnir eru haldnir til heiðurs Vilhjálmi Einarssyni og silfurverðlaunum hans á Ólympíuleikunum 1956 og keppt í þrístökki í öllum aldursflokkum frá 11 ára aldri.  600 Keppendur frá 25 félögum víðsvegar að af landinu mæta til leiks í flokkum 17 ára og yngri.  Flestir keppendur koma frá mótshöldurunum  ÍR eða 120.

Follow

Það var vel tekið á því á Wurth mótinu í morgun.

Þetta er mót fyrir „eldri“ knattspyrnu menn og konur.

Gaman að sjá hvað allir lögðu sig fram.

Follow

Passíusálmaskáldsins Hallgríms Péturssonar minnst á 400 ára árstíð hans.

Undanfarin ár hefur „ Dagur Orðsins“ verið haldinn hátíðlega í Grafarvogskirkju. Fyrsta dagskráin var tileinkuð séra Sigurbirni Einarssyni biskup. Síðan hefur verið fjallað um séra Auði Eir fyrsta kvenprestinn, séra Friðrik Friðriksson æskulýðsleiðtoga, séra Bjarna Þorsteinson tónskáld og heiðursborgara Siglufjarðar, séra Matthíasi Jochumsyni þjóðskáldinu, Matthías Jóhannessen ritstjóra og skáld, Elísabetu Kristínu Jökulsdóttur skálds , séra Jón Steingrímsson „eldprestinn“ og nú í ár Hallgrím Pétursson á 400 ára árstíð hans.

Dagur Orðsins Í Grafarvogskirkju 16. nóvember 2014 kl. 10.00 – 13.00

„Passíusálmaskáldið“
Dagskrá tileinkuð  séra Hallgrími Péturssyni

Erindi um
séra Hallgrím Pétursson kl. 10.00 – 11.00

Smári Ólason organisti
“Gömlu lögin við Passíusálmana”

Guðrún Jóhanna Jónsdóttir
syngur Passíusálma eftir Jón Ásgeirsson

Þórunn Sigurðardóttir
„Unun var augum mínum“
Sorg og huggun í erfiljóðum Hallgríms Péturssonar

Hátíðarmessa kl.11.00

Séra Karl Sigurbjörnsson biskup prédikar
Prestar Grafarvogskirkju séra Vigfús Þór Árnason, séra Guðrún Karls Helgudóttir, séra Arna Ýrr Sigurðardóttir og séra Sigurður Grétar Helgason þjóna fyrir altari.
Kór Grafarvogskirkju syngur.
Organisti og kórstjóri: Hákon Leifsson

Sunnudagaskóli kl. 11.00 á neðri hæð kirkjunnar

Umsjón hefur Þóra Björg Sigurðardóttir. Undirleik annast Stefán Birkisson

Gospelmessa í kirkjuselinu kl. 13.00

Séra Guðrún Karls Helgudóttir þjónar fyrir altari. Eva Björk Valdimarsdóttir, guðfræðingur, prédikar. Vosx populi syngur. Organisti er Hilmar Örn Agnarsson.

Sunnudagaskóli í kirkjuselinu kl. 13.00

Umsjón hefur Ásthildur Guðmundsdóttir. Birkir Stefánsson sér um undirleik.

Að lokinum guðsþjonustum verður boðið upp á léttar veitingar.

Velkomin!

Follow

Í tilefni af byggingu nýs fimleikahúss við Egilshöllina hefur stjórn fimleikadeildar Fjölnis ákveðið að blása til flugeldafjáröflunar í samstarfi við PEP flugelda. Velunnurum deildarinnar er boðið að kaupa gjafabréf sem gilda á sölustað PEP flugelda að Draghálsi 12 á opnunartíma flugeldasölunnar á milli jóla og nýárs. Í boði er annars vegar gjafabréf upp á glæsilegann tertupakka með fimm tertum á kr. 12.400 og hins vegar veglegann fjölskyldupakka á kr. 8.400.  Fimleikadeildin fær ríflegann skerf af sölu þessara gjafabréfa og mun andvirðið renna í sjóð til að fjármagna áhaldakaup fyrir nýja húsið sem stefnt er á að taka til notkunar haustið 2015.  Salan mun fara fram í gegnum skráningarkerfi Fjölnis en þar er hægt að ganga frá greiðslu með kreditkorti. Einnig verður hægt að senda inn pöntun á netfangið fjolnirflugeldar@gmail.com þar sem fram þarf að koma tegund og fjöldi gjafabréfa sem kaupa á, nafn og símanúmer kaupanda og kennitala kaupanda ef óskað er eftir reikningi fyrir kaupunum. Pöntunum í gegnum netfang verður svarað með reikningsupplýsingum til að ganga frá greiðslu. Gjafabréfin verða svo afhent í Egilshöllinni þegar nær dregur jólum og mun sú afhending verða auglýst sérstaklega með tölvupósti til allra þeirra sem velja að styðja þetta verðuga málefni.

Langþráður draumur Grafarvogsbúa um fimleikahús í hverfið er loks að rætast og til að gera þar alla aðstöðu sem glæsilegasta má búast við því að fimleikadeildin þurfi að fjármagna ýmis tækjakaup. Við vonum því að Fjölnismenn og aðrir velunnarar deildarinnar sjái sér fært að styðja við bakið á okkur með því að kaupa af okkur gjafabréf og að saman sjáum við glæsilegustu fimleikaaðstöðu í Reykjavík rísa í fallega hverfinu okkar, Grafarvogi.

Athugið að í nóvember verður veittur verður 10% afsláttur af ofangreindum verðum fyrir þá sem vilja tryggja sér glæsilega flugelda með góðum fyrirvara!
Með fyrirfram þökk fyrir veittan stuðning!
Stjórn Fimleikadeildar Fjölnis

Follow

Íbúar í Reykjavík hafa enn eitt árið sýnt hvað þeir eru hugmyndaríkir og lýðræðissinnaðir. Borgarbúar settu samtals inn 690 hugmyndir að verkefnum í hverfum Reykjavíkur á samráðsvefinn Betri Reykjavík. Söfnun hugmynda fyrir verkefnið Betri hverfi 2015 lauk 7. nóvember.

Íbúar geta nú skoðað allar hugmyndirnar inni á vefsvæðinu Betri hverfi 2015 á Betri Reykjavík og tekið þátt í rökræðum með eða á móti þeim. Þá geta þeir deilt hugmyndum á samfélagsmiðlum og beðið fólk um að styðja tilteknar hugmyndir. Reykjavíkurborg hvetur íbúa í hverfum borgarinnar til að heimsækja vefinn og ræða þær hugmyndir sem þar er að finna. www.betrireykjavik.is

Vinna er hafin hjá sérstöku fagteymi Reykjavíkurborgar við að fara yfir allar innsendar hugmyndir og meta hvort þær séu framkvæmanlegar eða ekki. Margt getur spilað þar inn í. Verið getur að sumar hugmyndir séu of dýrar í framkvæmd til að rúmast innan verkefnisins eða að ómögulegt sé að framkvæma þær á landi sem ekki er eign borgarinnar. Hverfisráð borgarinnar koma einnig að þessu vali.

Á endanum verður þeim hugmyndum sem þykja góðar og gildar stillt upp til hverfakosninga en til stendur að halda þær í febrúar með sama sniði og fyrri ár. Íbúar þurfa þó ekki að örvænta um afdrif hugmynda sinna því þær lifa áfram á vefnum og hafa verið metnar af borginni. Dýrmætar hugmyndir fara því alls ekki til spillis.

Stöðugt innstreymi hugmynda

Þetta er í fjórða skiptið sem íbúar senda inn hugmyndir að Betri hverfum og hafa um 1.900 hugmyndir að verkefnum í hverfunum verið sendar inn. Þetta er fyrir utan stöðugt innstreymi hugmynda á samráðsvefinn Betri Reykjavík en hugmyndir þar skipta nú orðið þúsundum.

Í ár heimsóttu vefinn 13,525 einstaklingar á þeim mánuði sem tekið var við hugmyndum fyrir Betri hverfi 2015 sem er 3.06% aukning frá því  í fyrra þegar 13,024 einstaklingar komu í heimsókn á vefinn.  Aukning í fjölda hugmynda er 21%

Hverfakosningar i febrúar 2015

Reykjavíkurborg hefur nú framkvæmt nær 300 hugmyndir sem íbúar hafa sent inn í öllum hverfum borgarinnar eftir úrslit hverfakosninga. Í mars á þessu ári kusu íbúar í Reykjavík 78 verkefni til framkvæmda. Meirihluti þeirra hafa þegar verið framkvæmd, önnur eru á lokastigi framkvæmdar og örfá stærri verkefni eru enn á undirbúningsstigi.

Hverfakosningar um Betri hverfi 2015 verða haldnar í febrúar á næsta ári. Borgin leggur 300 milljónir króna til verkefna sem íbúar kjósa.

Reykjavíkurborg þakkar öllum hugmyndasmiðum kærlega fyrir innleggin.

Skoða hugmyndir

Follow

Seljaskóli og Kelduskóli Vík komust áfram í Skrekk | Reykjavíkurborg

Follow

Listasmiðja í Borgum

Í haust byrjaði listasmiðja fyrir börn á aldrinum 9-11 ára í Grafarvogi. Listasmiðjan er á vegum Grafarvogskirkju og hittist einu sinni í viku í Kirkjuselinu í Borgum í Spönginni. Vikulega mæta hress og kát börn sem stunda hinar ýmsu listir. Nú vorum við að ljúka við postulíns-málun sem við gerðum í samstarfi við eldri borgara í Grafarvogi. Einnig höfum við saumað listaverk, búið til brjóstsykur, haldið hæfileikasýningu og farið í alls kyns leiki og búið til listaverk. Við erum einstaklega ánægð með þennan hóp og hlökkum til áframhaldandi skemmtunar og samstarfs í framtíðinni. Vonumst til þess að fleiri sláist í hópinn með okkur á næsta ári. Nánari upplýsingar er hægt að fá á thora@grafarvogskirkja.is

Æskulýðsfulltrúi Grafarvogskirkju,
Þóra Björg

Follow