Ég verð með postulínið mitt. Fullt af nýjum vörum og jólalegu punteríi.

Follow

Tillaga að  nýju svæðisskipulagi höfuðborgarsvæðisins – Höfuðborgarsvæðið 2040 er nú til kynningar. Nýtt svæðisskipulag mun leysa af hólmi Svæðisskipulag höfuðborgarsvæðisins 2001 – 2024 og svæðisskipulag fyrir vatnsvernd á höfuðborgarsvæðinu frá 1998.

Follow

Flottir jólatónleikar voru í Grafarvogskirkju í dag.

Kór Grafarvogskirkju söng nokkur lög. Einnig tóku Vox Populi nokkur lög og síðan sungu kórarnir saman jóla og helgilög.

Sérstakur gestur tónleikanna var Svavar Knútur sem söng nokkur lög og skellti sér síðan með kórunum í söng.

Undirleikur var í höndum Kjartans Valdimarssonar og Gunnars Hrafnssonar.

Stjórnendur í dag voru Hákon Leifsson og Hilmar Örn Agnarsson.

Margir íbúar Grafarvogs mættu til að hlíða á fallega tóna á þessum fallega laugardegi.

Follow

Grafarvogskirkja

Guðsþjónusta kl. 11.00 – Vísitasía vígslubiskups séra Kristjáns Vals Ingólfssonar
Innsetning séra Örnu Ýrr Sigurðardóttur, séra Gísli Jónasson setur séra Örnu Ýrr í prestsembætti
Prestar kirkjunnar þjóna fyrir altari
Kór Grafarvogskirkju syngur
Organisti: Hákon Leifsson
Nemendur úr Tónlistarskóla Grafarvogs
Kaffisamsæti eftir messu

Sunndagaskóli kl. 11.00
Umsjón hefur Þóra Björg Sigurðardóttir
Undirleikari: Stefán Birkisson

Kirkjuselið í Spöng

Guðsþjónusta kl. 13.00
Prestur: séra Guðrún Karls Helgudóttir
Vox Populi syngur
Organisti: Hilmar Örn Agnarsson
Nemendur úr Tónlistarskóla Hörpunnar

Sunnudagaskóli kl. 11.00
Umsjón hefur Ástríður Guðmundsdóttir
Undirleikari: Stefán Birkisson

Follow

Pizza 67 opnar aftur að Langarima 21í Reykjavík í dag eftir áralanga fjarveru úr höfuðborginni.

Fyrsti Pizza 67 staðurinn var opnaður fyrir 22 árum þann 17. september 1992 og hefur keðjan starfað óslitið síðan þá.
Þegar mest gekk á voru starfræktir 26 staðir í sex löndum, síðustu ár hafa þrír Pizza 67 staðir verið starfræktir, tveir í Færeyjum og einn í Vestmannaeyjum og er því nýr staður kærkomin viðbót.

Síðustu mánuði hefur teymi leitt af Geir Gíja einum af upprunalegu þróunarstjórum Pizza 67 ásamt einum af eigendum vörumerkisins Georg Georgiou verið að finna aftur sama góða bragðið sem var við opnun árið 1992. Pizza 67 státaði sig á að vera með gæðavörur í sínum bökum og verður þeim gæðum haldið áfram. Það tók töluverðan tíma að finna rétta hveitið og dusta rykið af leyniuppskriftinni fyrir sósuna, sem og að láta framleiða orginal Pizza 67 pepperóníið.

Gestir og gangandi hafa fengið að smakka síðustu daga og hafa fleiri hundruð aðilar mætt á staðinn til að smakka pizzurnar og ekki látið vont veður stoppa sig. Í gær var svo lokasmökkun og eru allir sem koma að þessu gríðarlega sáttir með bragðið. Það er því ekkert til fyrirstöðu að opna og verður það gert í dag.

Mynd: DV

Á myndinni eru gömlu Pizza 67 eigendurnir og strákarnir sem eru að opna fyrsta staðinn í Reykjavík á ný. Frá hægri: Anton Traustason, Georg Georgiou, Einar Kristjánsson, Gísli Gíslason, Kristján Jónsson og Ólafur Tryggvasson.

Follow

Krakkar og starfsfólk Kelduskóla Vík áttu hátíðlega og fræðandi stund í Kirkjuselinu í morgun.

Sr Arna Ýrr Sigurðardóttir tók á móti þessum flottu krökkum og var mikill jólahugur í þeim.

Krakkarnir hlustuðu á sögur og sungu saman.

Starfsmenn skólans voru ánægð með heimsóknina í Kirkjuselið.

Follow

Borgarbúar eru vinsamlegast beðnir um að greiða götu sorphirðufólks í Reykjavík með því að kanna aðstæður við sorpgeymslur. Á sumum stöðum þarf að moka frá sorpgeymslum og hálkuverja, á öðrum stöðum þarf að losa tunnur sem voru bundnar fastar vegna óveðurs.

Mikið álag er á sorphirðufólki þegar færð og aðstæður eru slæmar líkt og í veðuráhlaupinu í gær og í dag. Tunnur sem ekki er greiðfært að eða eru bundnar niður verða ekki losaðar að þessu sinni.

Starfsfólk sorphirðunnar hjá Reykjavíkurborg þakkar kærlega öllum sem sjá sér fært að sinna þessu verkefni. Búast má við smá seinkun á hirðunni vegna færðar síðustu daga en það munar miklu að íbúar greiði leið starfsmanna.

Follow

Hátíðleg og notaleg jólaheimsókn í Grafravogskirkju á aðventu

Nemendur, kennarar og starfsmenn Rimaskóla heimsóttu Grafarvogskirkju á aðventu líkt og undanfarin ár.

Þeir sr. Vigfús Þór og sr. Sigurður Grétar prestar kirkjunnar tóku á móti 600 gestum í tveimur heimsóknum. Andi jólanna sveif svo sannarlega yfir vötnum, því hvert söng-og tónlistaratriðið var flutt af öðru við undirleik Rakelar Maríu Axelsdóttur tónmenntakennara skólans.

Rakel María hefur í gegnum árin sín í Rimaskóla innleitt nokkur dásamleg jólalög sem nemendur skólans kunna orðið svo vel við og syngja með af raust.

Sr. Vigfús Þór fræddi börnin um aðventuna og sr. Sigurður Grétar sagði jólasögu sem allir gestirnir hlýddu á með athygli.

Starfsmenn skólans voru bæði ánægðir og stoltir yfir frammistöðu nemenda sem allir virtust njóta heimsóknarinnar og þeirra frábæru atriða sem þar voru í boði.

Helgi Árnason

Follow

Þetta eru jólatónleikar í Grafarvogskirkju þar sem kór Grafarvogskirkju og Vox Populi koma fram og syngja jóla- og helgilög. Sérstakur gestur er Svavar Knútur.

Undirleikarar eru Kjartan Valdimarsson (píanó) og Gunnar Hrafnsson (kontrabassi). Stjórnendur kóranna eru Hákon Leifsson og Hilmar Örn Agnarsson.

Aðgangur er ókeypis og allir velkomnir.

Þetta er laugardaginn 13. desember kl. 17.00 í Grafarvogskirkju.

Við lofum jóla og hátíðarstemmingu

Follow