Eins og ykkur er vonandi öllum kunnugt um þá verður Þorrablót félagsins og Grafarvogsbúa haldið næstkomandi laugardagskvöld í íþróttamiðstöðinni Dalhúsum.

Það er löngu uppselt á blótið en við eigum nokkra miða efitir á Palla ballið,  Páll Óskar hinn eini sanni tekur við blótinu upp úr 23:00 en þá opnar húsið fyrir ballgesti og stendur fjörið til 02:00.

Miðar á ballið eru seldir í Hagkaup Spönginni en þar er opið allan sólarhringinn.  ATH ekki verður hægt að kaupa miða á ballið við innganginn, þeir eru eingöngu seldir í Hagkaup.

Hlökkum til að sjá ykkur í rosa stuði á laugardagskvöldið.

Kær kveðja Þorrablótsnefndinn,

Follow

Aðgerðaáætlun í úrgangsmálum Reykjavíkurborgar var samþykkt í borgarstjórn í dag. Áætlunin gildir fyrir árin 2015 – 2020 og er markmið hennar að draga úr myndun úrgangs og auka endurnýtingu og endurvinnslu.

Reykjavíkurborg vill sýna gott fordæmi með vistvænum lausnum og ábyrgri meðhöndlun úrgangs stofnana borgarinnar. Borgin myndaði því starfshóp með kjörnum fulltrúum Reykjavíkurborgar til að vinna að aðgerðaáætluninni. Leitað var til hagsmunaaðila og borgarbúa um ábendingar og athugasemdir. Hópurinn var að störfum frá vormánuðum 2013 og hafði hann góða þjónustu við íbúa og hagkvæmni við hirðu og meðhöndlun úrgangs að leiðarljósi.

42 aðgerðir og tíu leiðarljós

Fjárhagslegur og umhverfislegur ávinningur

Dæmi um aðgerðir:

• Plastsöfnun við heimili í græna tunnu er þegar hafin. Safnað verður 2.400 tonnum af plasti á ári.
• Átaki gegn umbúðanotkun verður hrundið af stað í Reykjavík
• Íbúar fái fræðslu um og hvatningu til að stunda heimajarðgerð
• Niðurgröfnum grenndarstöðvum verði komið fyrir í áföngum á fjölförnum stöðum þar sem byggð er hvað þéttust og landrými takmarkað
• Komið verði á glersöfnun á öllum grenndarstöðvum í áföngum.
• Boðið verði upp á hirðu heimilisúrgangs úr niðurgröfnum ílátum
• Söfnun á lífrænum úrgangi við heimili
• Gerð verði tilraun með söfnun á lífrænum úrgangi frá heimilum borgarbúa og honum komið til gas- og jarðgerðar

Aðgerðaáætlun í úrgangsmálum 2015 – 2020

Follow

Díana Kristín Sigmarsdóttir leikmaður meistaraflokks kvenna hélt til Molde í Noregi í dag til að taka þátt á æfingum í þrjá daga. Molde Elite spilar í efstu deild Noregs sem er töluvert sterkari en Olís deildin með lið eins og Larvik, Vipers Kristianstad og Glassverket innanborðs.

Liðin komust að samkomulagi eftir viðræður fyrr í vikunni þar sem Díana mun dvelja frá sunnudegi til miðvikudags. Eftir æfingarnar mun það svo ráðast hvort að þeim líst vel á hana og þá er sá möguleiki fyrir hendi að Díana fari á lán út tímabilið. Díana mun koma í tæka tíð til baka fyrir bikarleikinn gegn Fylki á miðvikudaginn.

Þess má geta að Einar Jónsson þjálfari karlaliðs Stjörnunnar stýrði Molde Elite upp í efstu deild í fyrra með Birnu Berg Haraldsóttir innanborðs.

Follow

Í ljósi umræðu um helgarmáltíðir hjá félagsmiðstöðinni Borgum í Grafarvogi er rétt að árétta nokkur atriði. Borgir eru meðal 17 félagsmiðstöðva sem Reykjavíkurborg rekur þar sem boðið er upp á hádegismat og kaffiveitingar alla virka daga en ekki um helgar.

Vitatorg við Lindargötu er eina eldhúsið sem opið er alla daga ársins en þar er framleiðslueldhús borgarinnar og þaðan kemur allur matur í móttökueldhús félagsmiðstöðvanna og heimsendi maturinn. Vitatorg er opið íbúum úr öllum hverfum sem þar vilja snæða.

Fulltrúi frá þjónustumiðstöð Reykjavíkurborgar Miðgarði í Grafarvogi, hjúkrunarheimilinu Eir og fulltrúi íbúa í Eirborgum  munu í viðræðuhópi fara í sameiningu yfir umrætt mál og vinna að farsælli lausn þess.

Follow

Grafarvogskirkja kl. 11:00:

Messa þar sem fermingarbörnum úr Foldaskóla er sérstaklega boðið ásamt fjölskyldum sínum. Séra Arna Ýrr Sigurðardóttir prédikar og þjónar fyrir altari ásamt séra Vigfúsi Þór Árnasyni. Hákon Leifsson er organisti og kór kirkjunnar syngur.
Eftir messu verður fundur með fermingarbörnum og foreldrum þeirra þar sem farið verður yfir flest sem viðkemur fermingunni.

Sunnudagaskóli í umsjá Þóru Bjargar Sigurðardóttur, æskulýðsfulltrúa og séra Sigurðar Grétar Helgasonar. Undirleikar er Stefán Birkisson.

Kirkjuselið kl. 13:00:

Selmessa með séra Sigurði Grétari Helgasyni. Vox Populi syngur og organisti er Hilmar Örn Agnarsson.

Sunnudagaskóli í umjá Rósu Ingibjargar Tómasdóttur. Undirleikari er Stefán Birkisson.

Velkomin!

Follow

Fjölnir hefur samið við 25 ára danskan miðjumann sem lék síðast með Horsens, hann heitir  og á 19 leiki að baki með yngri landsliðum Danmerkur. 

Pedersen er sóknarmiðjumaður sem getur einnig leyst stöðu vinstri vængmanns. Hann var á sínum tíma í unglingaliðum OB. 

Follow

mynd: Eva Björk Ægisdóttir

Ólaf­ur Páll Snorra­son, spilandi aðstoðarþjálf­ari hjá Fjölni í Pepsi-deild karla, mun fá stærra hlut­verk hjá fé­lag­inu á ár­inu en hann hef­ur verið ráðinn af­reksþjálf­ari hjá Grafar­vogsliðinu.

Ólaf­ur Páll á að baki yfir 200 leiki í meist­ara­flokki í efstu deild og er marg­fald­ur Íslands- og bikar­meist­ari með FH. Hann mun vinna náið með þjálf­ur­um meist­ara­flokka, yfirþjálf­ara yngri flokka og aðalþjálf­ur­um 2.-4. flokks hjá Fjölni með það að mark­miði að styðja enn frek­ar við bakið á ung­um af­reks­mönn­um.

Auk ýmis kon­ar fræðslu mun til­tekn­um hópi af­reksiðkenda sinnt sér­stak­lega með ýmis kon­ar séræf­ing­um og nám­skeiðum. Er ætl­un­in að viðhalda þannig stefnu Fjöln­is að á hverj­um tíma séu leik­manna­hóp­ar meist­ara­flokka fé­lags­ins að um­tals­verðu leyti skipaðir upp­öld­um leik­mönn­um.

Staða Ólafs Páls sem af­reksþjálf­ara er til­rauna­verk­efni hjá Fjölni sem mun standa út árið 2016.

Follow

Byrjað var í morgun að ryðja snjó í húsagötum og verður unnið af krafti í húsagötum í allan dag.  Snjóruðningsbílar voru á ferðinni í alla nótt á stofnbrautum og fyrir klukkan fjögur voru allir bílar ræstir út fyrir götur, sem og göngu- og hjólaleiðir.  Í morgunsárið var svo bætt við fleiri tækjum sem betur geta athafnað sig í húsagötum.

Unnið var við snjóruðning í alla nótt á öllum stofnbrautum og í efri byggðum borgarinnar, einkum í Úlfarsárdal, á Víkurvegi og Korpúlfsstaðavegi.  Klukkan hálf fjögur í nótt voru snjóruðningsbílar kallaðir út fyrir alla borgina og í morgunsárið eru allar helstu leiðir færar, en færð er víða erfið í húsagötum og hefur snjóruðningsvélum verið bætt við til að sinna því. Unnið verður í húsagötum í dag.

Follow

Frímúraramessa kl. 11

Séra Vigfús Þór Árnason þjónar fyrir altari.
Jóhann Heiðar Jóhannsson prédikar.

Kór Grafarvogskirkju syngur ásamt Frímúrarakórnum.
Einsöngvari: Eiríkur Hreinn Helgason.
Trompet: Kristján Hermannsson og Grímur Sigurðsson.
Sellóleikur: Örnólfur Kristjánsson.
Organistar: Hákon Leifsson og Hilmar Örn Agnarsson.

Krossberi: Sigurður Örn Einarsson.
Ljósberi: Jón Sigurðsson og Sigurður Sigurðsson.
Ritningarlestra lesa: Kristján Jóhannesson og Þorsteinn A. Guðnason.
Meðhjálparar: Hermann Jónasson og Anna Einarsdóttir.

Léttar veitingar eftir messu.

Sunnudagaskóli kl. 11

Umsjón hefur Þóra Björg Sigurðardóttir.
Undirleikari: Stefán Birkisson.

Guðsþjónusta kl. 13

Séra Guðrún Karls Helgadóttir þjónar fyrir altari.
Stefanía Steinsdóttir guðfræðinemi prédikar.
Vox Populi syngur.
Organisti: Hilmar Örn Agnarsson.

Sunnudagaskóli á sama tíma

Umsjón hefur Þóra Björg Sigurðardóttir.
Undirleikari: Stefán Birkisson.

Follow