Hver á að fá samgönguviðurkenningu?

Leitað er eftir umsóknum frá fyrirtækjum, félagasamtökum og stofnunum sem stigið hafa mikilvæg skref í starfsemi sinni í átt til vistvænni samgöngumáta. Dómnefndin byggir val sitt á árangri og aðgerðum sem fyrirtæki eða stofnanir hafa gripið til í þeim tilgangi að draga úr umferð á sínum vegum og einfalda starfsfólki að nýta sér virka samgöngumáta.

Árið 2013 hlutu Landsbankinn og Hugsmiðjan samgönguviðurkenningu Reykjavíkurborgar og Mannvit, Alta og Landsamtök hjólreiðamanna árið 2012.

Umsóknir skulu berast Reykjavíkurborg í síðasta lagi 15. september næstkomandi, merktar “Samgönguviðurkenning“. Þær sendist á netfangið graenskref@reykjavik.is eða á póstfangið Borgartún 12-14, 105 Reykjavík.

Opna umsóknareyðublað.