Boðið verður upp á fimleikaæfingar fyrir eldri borgara á haustönn 2016. Boðið var upp á æfingar síðastliðið vor í samstarfi við Korpúlfa félag eldri borgarar í Grafarvogi, samstarfið og æfingarnar gengu vel og er mikil tilhlökun að halda áfram að byggja upp stóran hóp af fimleikafólki á öllum aldri.

Æfingatími: Föstudagar kl.10.00-11.00
Staðsetning: Egilshöll
Þjálfari: Ólöf Tara Harðardóttir – Sími: 770 3310
Fatnaður: Íþróttafatnaður og æskilegt er að vera berfættur eða í sokkum.
Búningskeflar: Hægt er að hafa fataskipti í búningsklefum í kjallar Egilshallar.
Verð: Það kostar 500 kr skiptið og greitt er fyrir 6 vikur í senn. Hægt er að greiða með korti eða peningum í fyrsta tímanum.

Rafræn þjónustumiðstöð Reykjavíkurborgar tekur til starfa innan tíðar. Rafræn þjónustumiðstöð á að hafa þann megintilgang að þróa og breyta framlínuþjónustu borgarinnar á þann veg að sjálfsafgreiðsla verði ávallt fyrsti valkostur borgarbúa þar sem því verður við komið.

Rafrænni þjónustumiðstöð verður falið að stuðla að opnun rafrænnar gagnagáttar um fjármál borgarinnar, utanumhald og eftirfylgni með opnun annarra ópersónugreinanlegra gagna og birtingu fundargerða og fylgigagna ráða og nefnda borgarinnar, í samræmi við upplýsingastefnu Reykjavíkurborgar og aðra samþykkta stefnumörkun um viðfangsefnin.

Rafræn þjónustumiðstöð verður leiðandi í þróun þjónustuveitingu borgarinnar og verður staðsett á skrifstofu þjónustu og reksturs. Í upphafi er gert ráð fyrir fjórum stöðugildum innan einingarinnar, stjórnanda og þremur starfsmönnum, og einnig framlagi á fjárfestingaáætlun.

Skrifstofa þjónustu og reksturs leitar nú eftir deildarstjóra rafrænnar þjónustumiðstöðvar. Um er að ræða spennandi og krefjandi brautryðjendastarf en deildarstjóra er ætlað að leiða uppbyggingu einingarinnar, þróun hennar og daglegan rekstur. Umsóknarfrestur rennur út þann 12. september næstkomandi.

Byrjendanámskeið hlaupahóps Fjölnis hefst í dag, mánudaginn 5. september við Grafarvogslaug kl 17:30. Þjálfarar verða Ingólfur Björn Sigurðsson og Ingvar Hjartarson.  Allir eru velkomnir, bæði algjörir byrjendur og einnig þeir sem eru komnir með einhvern grunn í hlaupum en vilja meiri tilsögn, aðhald og góðan félagsskap.

Gerðar eru teygju- og styrktaræfingar inní sal í Dalhúsum í lok æfingarinnar. Skráning á námskeiðið er inná fjolnir.is undir „Iðkendaskráning“ efst til hægri á síðunni. Sjá hér. Verð á námskeiðið er 10.000 kr. Þátttakendur á námskeiðinu geta svo hlaupið með hlaupahópnum fram að áramótum án frekara gjalds. Nánari upplýsingar eru settar inná facebooksíðu hlaupahópsins „Skokkhópur Fjölnis“.

 Hlaupahópurinn er orðinn hluti af Frjálsíþróttadeildinni og er með æfingar við Grafarvogslaug alla mánudaga og miðvikudaga kl 17:30-19:00 og æfingar á fimmtudögum ýmist úti eða í Laugardalshöll. Einnig skipuleggur hópurinn hlaup á laugardögum.

Skráning í hlaupahópinn er inná fjolnir.is undir „Iðkendaskráning“ efst til hægri á síðunni. Sjá hér. Hægt er velja um að greiða ársgjald 25.000 kr (janúar – desember) eða greiða hverja önn fyrir sig 10.000 kr. Nánari upplýsingar eru inná facebooksíðu hópsins: „Skokkhópur Fjölnis“.

Boðið veðrur upp á viðtalstíma prests á skrifstofu kirkjunnar í Kirkjuselinu alla fimmtudaga milli 11:00 og 12:00. Velkomið er að mæta á staðinn eða að hringja í kirkjuna s. 587 9070 og bóka tíma fyrirfram.

Prestar safnaðarins skiptast á að vera með viðtalstíma.

Prestarnir eru nú sr. Guðrún Karls Helgudóttir sóknarprestur, sr. Sigurður Grétar Helgason og sr. Arna Ýrr Sigurðardóttir.

Von er á fjórða prestinum síðar í haust.

Velkomin í Kirkjuselið!

Fjölbreytt úrval verka er í galleríinu, málverk, grafík, vatnslitir, teikningar, gler, leir, tré, skart, textíll og föt.
Listamennirnir eru: Anna Gunnlaugsdóttir, Ásdís Þórarinsdóttir, Dóra Kristín Halldórsdóttir, Edda Þórey Kristfinnsdóttir, Beta Gagga, Hafdís Brands, Katrín V. Karlsdóttir, Marilyn Herdís Mellk, Sigrún Sveinsdóttir, Valgerður Björnsdóttir, Þórdís Elín Jóelsdóttir,

Við ræddum við Ingibjörgu og hérna eru upplýsingar um hana og það sem hún hafði að segja um sig og sín málefni.

Ég er fædd og uppalin í Reykjavík og hef ávallt verið virkur þátttakandi í samfélaginu, jafnt á vinnumarkaði sem í sjálfboða- og trúnaðarstörfum. Ég hef góða reynslu úr atvinnulífinu, bæði úr opinbera og einkageiranum, og þekki samkeppnisumhverfi og lögmál vinnumarkaðarins vel.

Mig langar til að leggja mitt af mörkum og vinna að því að auka sátt í samfélaginu. Ég vil stuðla að því að þingmenn hugsi í lausnum með hagsmuni þjóðarinnar að leiðarljósi. Við þurfum að snúa bökum saman og horfa til framtíðar. Úrlausnarefnin eru brýn og allra hagur að leiða þau farsællega til lykta.

Sem frambjóðandi Sjálfstæðisflokksins er ég hluti af heild og þeim stefnumálum sem sett eru fram í kosningum, en ég legg sérstaka áherslu á húsnæðismál, heilbrigðisþjónustuna og málefni aldraðra, ásamt menntamálum og samgöngumálum.

Menntun: MBA frá HÍ í viðskiptafræði og stjórnun, BSc. Í frétta- og blaðamennsku frá Ohio
University í Bandaríkjunum, stúdent frá Verslunarskóla Íslands.
Starfsferill: Mannauðsstjóri Slökkviliðs höfuðborgarsvæðisins (núverandi), mannauðsstjóri
Skýrr (Advania), stjórnunar- og starfsmannaráðgjafi hjá Capacent og blaða- og fréttamaður.
Störf fyrir flokkinn: Ég hef verið varaþingmaður RVK norður þetta kjörtímabil, hef setið
miðstjórn flokksins, í stjórn velferðarnefndar, í stjórn efnahags- og skattanefndar, Varðar og
stýrði starfshópi um rafrænar kosningar. Sat í stjórn Félags sjálfstæðismanna í Grafarvogi og í
hverfisráði Grafarvogs. Ég hef einnig gegnt ýmsum trúnaðarstörfum fyrir flokkinn innan
borgarinnar, m.a. verið varamaður í velferðarráði og mannréttindaráði, í stjórn
hjúkrunarheimilis, í starfshópi um mannréttindi eldri borgara, mannréttindi útigangsfólks,
stýrihóp um hlutverk og framtíð hverfismiðstöðva, og stýrihópi um skipulagningu
Gufunessvæðisins.
Félagsstörf: Ég hef setið í stjórnum ýmissa félagasamtaka og stofnana, m.a. Styrktarfélags
krabbameinssjúkra barna, íþróttafélagsins Fjölnis, fimleikadeildar Fjölnis, Vímulausrar æsku,
hjúkrunarheimilisins Skógarbær, Leiðtoga Auðar og setið í trúnaðarráði VR.
Fjölskylduhagir: Ég er gift Lárusi Elíassyni verkfræðingi og á með honum þrjú uppkomin börn.

Hérna er grein eftir Ingibjörgu sem birtist í Fréttablaðinu…..

Myndband…..

Haustið 2016 verður stútfullt af sögum!

Dagskrá Söguhrings kvenna er tilbúin, skoðið færslurnar hér fyrir neðan. Við verðum á Borgarbókasafninu Spönginni í Grafarvogi, fyrsta laugardag hvers mánaðar.

http://www.borgarbokasafn.is/is/content/l%C3%ADfss%C3%B6gur-s%C3%B6guhringur-kvenna

Autumn of 2016 will be full of stories! The program of The Women’s Story Circle is ready, check out the posts here below. We will meet on the first Saturday of every month, at Reykjavik City Library Spöngin, in Grafarvogur.

http://borgarbokasafn.is/en/content/life-stories-womens-story-circle