Velkomin að koma til okkar á opið hús í tilefni 25 ára afmælis okkar.
Með bestu kveðju
Svala Ingvarsdóttir
Leikskólastjóri Brekkuborg
Hlíðarhúsum 1
112 – Reykjavík
Bjarg íbúðáfélag ASÍ og BSRB hafa fengið byggingarrétti úthlutað á þremur stöðu í Reykjavík.
Er Bjargi íbúðafélagi ætlað að tryggja tekjulágum fjölskyldum á vinnumarkaði aðgengi að ódýru, öruggu og vönduðu íbúðarhúsnæði.
Lóðirnar sem nú er úthlutað eru í Spönginni, Úlfarsárdal og á Kirkjusandi, hér að neðan er frétt sem birtist á vefnum okkar í september 2016 þar sem kynnt
er svæðið við Spöngina.
Tillagan liggur einnig frammi í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 13. júlí 2016 til og með 24. ágúst 2016. Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til skipulagsfulltrúa eða á netfangið skipulag@reykjavik.is, eigi síðar en 24. ágúst 2016. Vinsamlegast notið uppgefið netfang fyrir innsendar athugasemdir með tölvupósti.
Útvarpsmessa í Grafarvogskirkju sunnudaginn 19. mars kl. 11:00.
Séra Guðrún Karls Helgudóttir þjónar fyrir altari. Jónína Ólafsdóttir guðfræðinemi flytur lokaprédikun sína frá guðfræði- og trúarbragðafræðideild Háskóla Íslands. Vox Populi og Kammerkór Suðurlands syngja undir stjórn Hilmars Arnar Agnarssonar organista. Gunnar Hrafnsson leikur á bassa. Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.
Í Kirkjuselinu kl. 13:00 verður guðsþjónusta með íhugunarívafi. Séra Grétar Halldór Gunnarsson prédikar og þjónar fyrir altari. Vox Populi syngur og organisti er Arnhildur Valgarðsdóttir. Sunnudagaskóli kl. 13:00 í Kirkjuselinu. Umsjón hefur Bjarki Geirdal Guðfinnsson og undirleikari er Stefán Birkisson.
Hugmyndum rignir inn í Hverfið mitt
Hugmyndasöfnun vegna nýframkvæmda og viðhaldsverkefna í Reykjavík gengur vel og hafa nú þegar um 500 hugmyndir skilað sér á vefsvæðið hverfidmitt.is, en það er hluti af vefnum Betri Reykjavík. Hugmyndasöfnun líkur eftir viku, föstudaginn 24. mars.
Allar hugmyndir birtast strax öllum notendum um leið og þær hafa verið settar inn á Hverfið mitt. Notendur geta látið velþóknun sína í ljós með því að smella hjarta á þá hugmynd sem þeim líkar. Hjartað er like-merki Betri Reykjavíkur.
Hver og einn getur sett inn eins margar hugmyndir og í öllum hverfum ef hann vill. Gott er að hafa sérhverja hugmynd afmarkaða og nauðsynlegt er að ákveða staðsetningu fyrir hverja hugmynd. Þá hjálpar að setja góðan titil og greinargóða lýsingu á hugmyndinni, ásamt mynd að eigin vali. Sá sem setur inn hugmynd getur að auki bætt inn rökum með eða á móti.
Eftir að hugmynd hefur verið send inn á vefinn hverfidmitt.is er æskilegt að draga athygli að henni með því að deila henni með fylgdarliði sínu á samfélagsmiðlum. Þeir sem sjá geta þá látið vita hvort hjarta þeirra slái með hugmyndinni. Til að hugmynd komist áfram á næsta stig í úrvinnslu verður hún að hafa fengið 10 hjörtu að lágmarki.
Íbúasamtök slá upp hugmyndakaffihúsi
Íbúasamtök Ártúnsholts, Árbæjar og Seláss, sem og íbúasamtök Norðlingaholts bjóða til hugmyndakaffihúss í samstarfi við hverfisráð Árbæjar. Hugmyndakaffihúsið verður í Fylkisheimilinu mánudaginn 20. mars og opnar kl. 20.00. Gefin verða góð ráð um hvernig best sé að setja inn hugmyndir.
Hverfið mitt á Breiðholtsþingi
Breiðholtsþing verður haldið miðvikudaginn 22. mars í Menningarhúsinu Gerðubergi og hefst það kl. 19.30. Aðferðafræði skapandi samráðs verður notuð á fundinum og stórt líkan sem sem nemendur í 6. bekkjum allra grunnskóla í Breiðholti byggðu síðasta vetur verða sett upp. Verkefnisstjórar fyrir Hverfið mitt gefa góð ráð og aðstoða við innsetningu hugmynda.
Flakkað um framhaldsskólana
Til að ná betur til ungs fólks verða framhaldsskólarnir heimsóttir. SnapChat-hópurinn Áttan tók áskorun um að koma með bestu hugmyndina og má sjá hana bæði inn á Hverfidmitt.is sem og á þeirra rás á snappinu.
Í frétt á vef Reykjavíkurborgar er myndefni og virkir tenglar á nánari upplýsingar > http://reykjavik.is/frettir/hugmyndum-rignir-inn-i-hverfid-mitt
Reykjavíkurborg leigir út um átta hundruð matjurtagarða til íbúa. Þeir verða opnaðir í byrjun maí ef veður leyfir, en hægt er að sækja um þá núna.
Matjurtagarðar sem borgin útdeilir eru á sjö stöðum:
· Vesturbær við Þorragötu
· Fossvogur við enda Bjarmalands
· Laugardalur við enda Holtavegar
· Árbær við Rafstöðvarveg
· Breiðholt við Jaðarsel
· Grafarvogur við Logafold
· Skammidalur í Mosfellsbæ
Þá annast Garðyrkjufélag Íslands rekstur matjurtagarða í Stekkjarbakka og Grafarvogi samkvæmt samningi við Reykjavíkurborg.
Nánari upplýsingar um matjurtagarðana og þjónustu sem veitt er má finna á vefsíðunum:
· reykjavik.is/matjurtagarðar
· gardurinn.is undir grenndargarðar.
Í frétt á vef Reykjavíkurborgar eru virkir tenglar á nánari upplýsingar > http://reykjavik.is/frettir/atta-hundud-matjurtagardar
Fjölnir karfa
Þriðjudaginn 14.mars klukkan 19:00 tekur meistaraflokkur karla í körfubolta á móti Hamri í fyrsta leik liðanna í úrslitakeppninni.
Baráttan snýst um Domino’s sæti og því allt gefið í komandi leiki.
Húsið opnar klukkan 18:30 með fríum samlokum og pylsum á meðan birgðir endast. Einnig seljum við Krispy Kreme á staðnum.
FJÖLNISSTÚKAN VERÐUR GUL OG HVETJANDI!
Hér má smella á Facebook viðburinn:
Hlökkum til að sjá ykkur, kær kveðja stjórn körfuknattleiksdeildar.
Messa kl. 11:00 í Grafarvogskirkju. Séra Arna Ýrr Sigurðardóttir prédikar og þjónar fyrir altari. Kór Grafarvogskirkju syngur. Organisti er Hákon Leifsson. Sunnudagaskóli kl. 11:00 á neðri hæð kirkjunnar. Umsjón hefur Þóra Björg og undirleikari er Stefán Birkisson.
Selmessa í Kirkjuselinu kl. 13:00. Séra Arna Ýrr Sigurðardóttir prédikar og þjónar fyrir altari. Vox Populi syngur og organisti er Hilmar Örn Agnarsson. Sunnudagaskóli kl. 13:00. Umsjón hefur Bjarki Geirdal Guðfinnsson og undirleikari er Stefán Birkisson.
Knattspyrnumennirnir Birnir Snær Ingason og Ægir Jarl Jónasson úr verða við æfingar hjá norska úrvalsdeildarliðinu Tromsö í næstu viku en þeir félagar halda utan á sunnudaginn.
Báðir hafa leikmennirnir framlengt samninga sína við Grafarvogsliðið og er ætlað stórt hlutverk með liðinu. Hjá Tromsö hitta þeir fyrrum liðsfélaga sinn, Aron Sigurðarson sem er að hefja sitt annað tímabil með liðinu.
Það voru glaðar fimleikastúlkur sem komu heim með bronspening um hálsin eftir bikarmót í áhaldafimleikum sem fór fram um liðna helgi. Keppt var samkvæmt reglum fimleikastigans í 4. og 5.þrepi, mót stúlknana fram í Stjörnunni og strákana í Björk.
Mótinu var skipt í A og B keppni hjá stúlkunum og sendum við tvö lið í A keppni og tvö lið í B keppni. Það voru fjórir strákar sem kepptu í 5.þrepi sem lið en 4.þreps strákarnir okkar kepptu sem gestir.
Fjölniskrakkar skiluðu flottum fimleikum undir leiðsögn þjálfara sem hafa sannarlega unnið frábært starf undanfarið.
Verðlaunasæti fyrir samanlagðan árangur:
4.þrep A keppni
3. sæti – Hópar KÁ-1 og MÁ-1
5.þrep A keppni
3. sæti – Hópar KÁ-2 og MÁ-2
Úrslit: http://live.sporteventsystems.se/
Myndasíða fimleikadeildar: https://www.flickr.com/photos/fjolnirfimleikar/
Myndir frá fimleikasambandi: https://www.facebook.com/fimleikasamband/
