Kæru íbúar í Grafarvogi,
Við bjóðum ykkur velkomin í Hverfahleðslu ON með því að hafa frítt að hlaða út nóvember! 
Hverfahleðslur ON eru í alfaraleið í Reykjavík og Garðabæ fyrir rafbílaeigendur. Hverfahleðslur ON gefa fólki kost á að hlaða við sundlaugar, menningarhús, íþróttamiðstöðvar, skóla og leikskóla. Þær eru einnig hentugar fyrir fólk sem vill hlaða bílinn í sínu hverfi og eiga ekki kost á að hlaða heima við.
Gott er að hafa ON-lykilinn ávallt í hönd þegar hlaðið er þar sem við bjóðum viðskiptavinum með heimilisrafmagn hjá okkur 20% afslátt í öllum hleðslustöðvum ON. Við þökkum rafbílafólki fyrir að velja umhverfisvænni fararskjóta. Saman bætum við andrúmsloftið!
Nánar: https://www.on.is/gotuhledslur-on/

Helgi Sig hefur verið ráðinn sem þjálfari 2. flokks karla hjá félaginu. Félagið lýsir yfir mikilli ánægju með þessari ráðningu og býður hann velkominn til starfa.

Helgi hefur eins og allir þekkja náð góðum árangri bæði sem leikmaður á sínum ferli og sem þjálfari ÍBV og Fylkis. Miklar vonir er um að hans reynsla muni hjálpa leikmönnum okkar að stíga en stærri skref í þróun sinni sem framtíðarleikmenn Fjölnis.

Annar flokkur er fjölmennur flokkur sem býr yfir miklum hæfileikum og verður spennandi að fylgjast með þeim leikmönnum næstu árin.

Ásamt Helga í þjálfarateyminu hjá 2. flokki verður Þórir Karlsson sem var í þjálfarateymi 2. flokks í fyrra og hefur þjálfað hér hjá Fjölni undanfarin ár.

Hérna er hægt að skoða þær tillögur sem í vali eru…….

Hverfið mitt 2021 (reykjavik.is)

Hverfið mitt: Almennar upplýsingar 2020-2021 | (reykjavik.is)

Það er knattspyrnudeild Fjölnis sönn ánægja að tilkynna Úlf Arnar Jökulsson sem nýjan aðalþjálfara meistaraflokks karla.

Með Úlla í þjálfarateyminu verður Gunnar Sigurðsson aðstoðarþjálfari.Úlla þekkjum við Fjölnismenn vel. Hann er gríðarlega efnilegur þjálfari sem gjörþekkir félagið.

Úlli er með UEFA A og UEFA Elite Youth A þjálfaragráður. Undanfarin 4 ár eða frá árinu 2017 hefur hann stýrt öðrum flokki Fjölnis með góðum árangri. Samhliða því þá stýrði Úlli liði Vængja Júpiters á nýliðnu sumri en undirstaðan í því liði voru efnilegir leikmenn úr öðrum flokki Fjölnis. Liðið fór alla leið í undanúrslit 4. deildar og vakti athygli fyrir góða spilamennsku.

Á árunum 2014-2017 var hann þjálfari meistaraflokks hjá nágrönnum okkar í Aftureldingu. Gunni Sig hefur verið í þjálfarateymi meistaraflokks karla hjá Fjölni undanfarin 10 ár. Það er mjög ánægjulegt að halda í þá reynslu og þekkingu sem Gunni hefur fram að færa.Unnið er að enn frekari viðbót við annars öflugt þjálfarateymi.Knattspyrnudeild Fjölnis bindur miklar vonir við þessa ráðningu og hlakkar til samstarfsins á komandi tímabilum.

#FélagiðOkkar

Reykjavíkurborg auglýsir eftir umsóknum um styrki til forvarnarverkefna úr Forvarnasjóði Reykjavíkur. Hægt er að sækja um styrki til verkefna í einstökum hverfum eða almennt í borginni. Íbúaráð veita styrki til verkefna í hverfum en velferðarráð til almennra forvarnarverkefna í borginni.

Styrkirnir gefa einstaklingum, félagasamtökum, fyrirtækjum og stofnunum tækifæri til að vinna að forvörnum í borginni. Samkvæmt nýjum úthlutunarreglum geta stofnanir Reykjavíkurborgar eða starfsmenn þeirra sótt um styrki í sjóðinn en einungis í samstarfi við aðra aðila utan Reykjavíkurborgar.

Umsóknarfrestur er til miðnættis 30. september 2021.

Alls eru 10,7 milljónir króna til úthlutunar árið 2021.

Styrkir úr sjóðnum verða veittir til verkefna sem styðja:

• Forvarnir í þágu barna og unglinga
• Eflingu félagsauðs í hverfum borgarinnar
• Bætta lýðheilsu
• Markvisst samstarf íbúa, félagasamtaka, og fyrirtækja í þágu forvarna og félagsauðs
• Önnur verkefni sem mæta þeim markmiðum sem borgarstjórn setur hverju sinni

Almennt um sjóðinn

Hlutverk Forvarnasjóðs Reykjavíkur er að stuðla að forvörnum og efla félagsauð í hverfum Reykjavíkur. Markmið sjóðsins er að styrkja forvarnarverkefni í samræmi við forvarnastefnu Reykjavíkurborgar og veita einstaklingum, félagasamtökum, fyrirtækjum og stofnunum tækifæri til frumkvæðis og nýsköpunar. Í forvarnastefnunni er m.a. lögð áhersla á að bæta andlega líðan, heilsu og sjálfsmynd barna og unglinga og forvarnir gegn áhættuhegðun. Hlutverk sjóðsins er jafnframt að vinna að eflingu félagsauðs og stuðla að hvers kyns framförum í hverfum borgarinnar.
 

Ferli umsóknar

Allar styrkumsóknir sem ganga þvert á hverfi borgarinnar eru lagðar fyrir samráðshóp um forvarnir í Reykjavík og til umsagnar og samþykktar í velferðarráði. Umsóknir um verkefni í einstökum hverfum fara fyrir íbúaráð til samþykktar. Allir umsækjendur fá skriflegt svar þegar niðurstöður um úthlutun liggja fyrir.

Úthlutunarreglur Forvarnasjóðs Reykjavíkur
Rafræn umsókn á Mínum síðum (Rafræn Reykjavík)
Eyðublað fyrir greinargerð um ráðstöfun styrkfjár
Merki borgarinnar til að setja á kynningarefni

Fyrirspurnir eða ábendingar

Velferðarsvið Reykjavíkurborgar hefur umsjón með sjóðnum. Senda má fyrirspurnir á netfangið forvarnarsjodur@reykjavik.is.

Upplýsingar um styrki í einstökum hverfum borgarinnar veita framkvæmdastjórar þjónustumiðstöðva velferðarsviðs.

Í ljósi umræðunnar í fjölmiðlum og samfélagsmiðlum varðandi agamál ofl í íþróttahreyfingum landsins, þá er vert að benda á það sem Fjölnir er að gera.

Hérna er hægt að lesa meira um þetta……..

Ef það þarf að senda inn tilkynningu þá má senda hérna……

---

---

Ungmennafélagið Fjölnir hefur unnið að ýmsum málum í tengslum við forvarnarstarf og hefur átti í samstarfi við fjölmarga aðila tengda barna og unglingastarfi. En hér má finna upplýsingingar um verkferla sem hafa verið gefnir út síðastliðin ár og er notast við hjá Fjölni.

Ef óæskileg hegðun kemur upp innan félagsins þá er mikilvægt að taka rétt skref.

Hægt er að hafa samband við tilkynningaraðila félagsins, samskiptaráðgjafa, Æskulýðsvettvanginn eða Íþróttabandalag Reykjavíkur.

Öll söngelsk börn á aldrinum 6-15 ára eru hjartanlega velkomin í barna- og unglingakor Grafarvogskirkju!

Börnunum er skipt niður í 2 hópa.

Barnakór Grafarvogskirkju (3. – 5. bekkur) æfir á þriðjudögum kl. 16:15 – 17:15 í Grafarvogskirkju.

Unglingakór Grafarvogskirkju (6. – 10. bekkur) æfir á þriðjudögum kl. 17:00 – 18:15 í Grafarvogskirkju.

Kórgjöld: 15.000 kr. fyrir árið – hægt að nota frístundastyrk Reykjavíkurborgar.

Nánari upplýsingar á: barnakorgrafarvogskirkju@gmail.com

Við æfum á þriðjudögum.

Hér er skráningarformið:

https://docs.google.com/forms/d/e/1FAIpQLScDzMa6Rp-RxO5ZZ0T302crzcQAsfMRYP-mbf1WSpoqXux4gA/viewform

Bestu kveðjur
Sigga Soffía , kórstjóri

Breytingar voru gerðar á grunnskólum í Grafarvogi haustið 2020. Eftir breytingarnar sækja nemendur í Staðahverfi nú skóla í Engjaskóla og Víkurskóla. Reykjavíkurborg óskaði því eftir tillögu frá Strætó til að bæta þjónustu fyrir nemendur í Staðahverfi. Samhliða var hugað að breytingum sem samræmast nýju leiðaneti.

Hægt að skoða þetta nánar á vefsíðu Stærtó…..

Þorsteinn Jónsson setur inn færslu á Facebook hópinn – Íbúar í Grafarvogi

Vill vekja athygli fólks á aukinni útbreiðslu risahvanna við voginn, tröllakló og bjarnarkló eru að ná útbreiðslu báðu megin vogsins og hafa myndað breiður við Gullinbrú. Þetta eru hættulegar plöntur bæði mannfólki og vistkerfum. Safi úr þeim veldur slæmum bruna komist hann í tæri við húð. Reykjavíkurborg segist vera í átaki en felling plantnanna virðist stundum gerð með hangandi hendi mv. lýsingu náttúrufræðistofnunar sem talar um fellingu og uppgröft róta í 3 ár. Spurningin er þarf ekki aukinn kraft og fjármagn til þess að vogurinn verði ekki alsettur þessum plöntum og ófær til útivistar á fáeinum árum https://www.ni.is/grodur/agengar-plontur/risahvannir