Útvarpsmessa í Grafarvogskirkju kl. 11:00. Séra Guðrún Karls Helgudóttir þjónar fyrir altari. Auður Hafsteinsdóttir spilar á fiðlu og kór Grafarvogskirkju syngur. Hákon Leifsson stjórnar.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur taka yfir stundina og í þetta sinn verður bleikur dagur svo endilega komið í einhverju bleiku 🙂 Umsjón hefur Pétur Ragnhildarson.

Selmessa í Kirkjuselinu í Spöng kl. 13:00 guðsþjónusta með íhugunarívafi. Séra Arna Ýrr Sigurðardóttir þjónar. Vox Populi leiðir söng og organisti er Hilmar Örn Agnarsson.

Verið öll hjartanlega velkomin!

Steinunn Erla Sigurgeirsdóttir ætlar að koma til okkar og vera með fyrirlestur um lífsgildi.

Hún ætlar að fjalla um þau lífsgildi sem henta yngstu börnum, sem eru yngri en þriggja ára.

Á fyrstu árum ævinnar læra börn hratt og mikið. Áhrif umhverfisins á nám barna eru mikil og fyrirmyndir spila stórt hlutverk. Börnin vilja oft endurtekningu á sama hlutnum eða sama efninu. Lestur bóka er þar engin undantekning. Bækur verða fljótt hluti af daglegri rútínu, undirbúningi fyrir svefn, leik eða notalegri stund. Bækur eru bæði nýttar til yndislesturs og sem námsefni.

Fjallað er um lífsgildi og dygðir sem henta yngstu börnum leikskólans og sem eflir siðvit barnanna og hjálpar þeim að verða betri einstaklingar.

Enginn aðgangseyrir er á viðburðinn, heitt frítt kaffi er á könnunni og allir eru velkomnir.

Það er okkur Fjölnismönnum mikið ánægjuefni að tilkynna að Ásmundur Arnarsson hefur verið ráðinn þjálfari meistaraflokks karla hjá Fjölni í Grafarvogi til ársins 2021. Ása þarf vart að kynna fyrir neinum í Grafarvogi en hann stýrði liðinu í 7 ár eða frá 2005-2011.

Þetta eru einhverjir mestu uppgangstímar í sögu Fjölnis sem innihéldu m.a. tvo bikarúrslitaleiki og að komast upp í efstu deild í fyrsta sinn. Við bjóðum Ása hjartanlega velkominn aftur í Grafavoginn.

Þá verður Gunnar Már Guðmundsson aðstoðarþjálfari og Gunnar Sigurðsson markmannsþjálfari en báðir skrifuðu þeir undir í dag.

Þetta eru mikil gleðitíðindi fyrir Fjölni.

#FélagiðOkkar

Skólahljómsveit Grafarvogs er tónlistarskóli með áherslu á samleik í hljómsveitarstarfi. Þar leika 130 krakkar úr grunnskólunum í Grafarvogi, Grafarholti og Úlfarsárdal.

Mikilvægt er fyrir meðlimi hljómsveita að stilla saman strengi sína, en hver og einn þarf líka að kunna vel á sitt hljóðfæri. Á þessum tónleikum koma nokkrir ungir tónlistarmenn fram með kennurum sínum og leika einleik með píanóundirleik, allir fá að láta ljós sitt skína, sem tekur auðvitað dálítinn tíma, þ.e.a.s. þrjá tíma!

Verið velkomin, hvort sem þið staldrið stutt við eða lengi!

Grafarvogskirkja og íþróttafélagið Fjölnir bjóða í nærandi og skemmtilega Fjölnismessu næstkomandi sunnudag kl. 11:00. Séra Grétar Halldór Gunnarsson leiðir stundina. Iðkendur Fjölnis ganga saman inn með heiðursfána Fjölnis undir söng Fjölnislagsins. Jón Karl Ólafsson, formaður aðalstjórnar, flytur ávarp. Ungið iðkendur í starfi Fjölnis verða messuþjónar og flytja bænir. Kór Grafarvogskirkju leiðir söng undir stjórn Hákons Leifssonar organista. Jón Karl Ólafsson spilar á hljómborð og Pétur Veigar Pétursson spilar á gítar. Við hvetjum ykkur öll að koma í Fjölnislitunum og/eða Fjölnistreyjum. Eftir góða stund í kirkjunni er ykkur öllum boðið að þiggja kaffi, djús og kleinur í safnaðarheimilinu.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og nú hvetjum við ykkur öll að koma með derhúfur. Pétur Ragnhildarson hefur umsjón.

Selmessa í Kirkjuselinu í Spöng kl. 13:00. Sr. Sigurður Grétar Helgason þjónar, Vox Populi syngur og organisti er Hilmar Örn Agnarsson.

Myndlistarsýning Þórunnar Báru.

Verkin á sýningunni eru gerð á árinu 2018 og hafa tilvísun í rannsóknir á þróun lífríkis og jarðfræði í Surtsey en Þórunn Bára hefur unnið með þann efnivið síðastliðinn áratug.

Þórunn Bára vinnur með náttúruskynjun og trúir því að skynreynsla sé vannýtt leið að gagnrýnni hugsun og ábyrgð einstaklings á umhverfi og eigin lífi, sem gæti dregið úr firringu og orðið hvati til góðra verka. Hún vinnur stór litrík verk með óræðum formum í þeirri trú að það stöðvi tímann eitt augnablik og dragi úr streitu í innra samtali manns við hversdagslega náttúru. Þórunn Bára leitar að undirliggjandi formgerð í óreiðu lifandi náttúru sem hún túlkar með óhlutbundnu og hlutbundnu myndmáli. Hún ímyndar sér að með því varpi hún ljósi á undrið í lífinu, fegurðina og margbreytileikann í sköpun og eyðileggingu, lífsbaráttu og leit alls sem lifir í náttúrunni eftir öryggi.

Verkin vinnur Þórunn Bára í seríum og eru þau hluti af heildarverki, nokkurskonar sjónrænni skráningu á lífríki Surtseyjar.
Þórunn Bára lauk prófi í málun og teikningu frá Listaháskólanum í Edinborg og mastersprófi í listum frá Wesleyan háskóla í Bandaríkunum.

Þórunn Bára er nú sjálfstætt starfandi myndlistarmaður í Reykjavík og má kynnast verkum hennar á vefsíðu hennar, www.thorunnbara.is. Verk Þórunnar Báru eru sýnd og til sölu á Gallerí Fold en einnig má nálgast verk á vinnustofu hennar.

Verið öll velkomin á opnunina, föstudaginn 5. október kl. 17:00!

Nánari upplýsingar veitir:
Sigríður Stephensen, sigridur.steinunn.stephensen@reykjavik.is

Um viðburðinn

Öryggi og vellíðan í samskiptum

Námskeið

Fyrsti hópur 17. nóvember í ,,Rými til Vaxtar“ Grafarvogskirkju.
Njóttu þín betur í samskiptum á vinnustað eða í daglega lífinu. 

Forðastu 3 hættur sem steðja að fólki á vinnumarkaði:

,,Burn out“ eða kulnun í starfi
Að setja engin mörk á milli vinnu og einkalífs
Óþægileg eða óæskileg samskipti.

Auktu á:

vellíðan í kynningum
vellíðan á fundum og í hópsamtali
öryggi í tengslamyndun.

Viltu auðvelda þér að hefja samtal – hvar og hvenær sem er?
Viltu komast að þvi hvað þú getur í sambandi við kynningar?

Skráðu þig strax hérna !  ……

Dagskrá frá kl 10.00 – 15.30 (húsið opnar kl 9.30)
Aldurstakmark 20 ára

G

Gylfaflöt Dagþjónusta verður með opið hús næst komandi fimmtudag og er húsið opið fyrir alla 🤗 við ætlum að kynna starfsemina og það væri gaman að sjá grafarvogsbúa mæta við erum staðsett í Grafarvoginum og ég hugsa að það séu ekki margir sem vita af okkur eða hvað við gerum og svo auðvitað verður listasmiðjan opin og sala á okkar munum.

Allir velkomnir