Guðsþjónustur sunnudaginn 15. mars kl. 11 og 13

a7a328cb-889c-4298-8cfc-37bb2b766ac8~__H
Kirkjan kl. 11:00

Messa – Séra Guðrún Karls Helgudóttir þjónar fyrir altari ásamt messuþjónum. Prédikari er Díana Ósk Óskarsdóttir, guðfræðingur. Hilmar Örn Agnarsson er organisti og stjórnar Kirkjukór Grafarvogskirkju sem leiðir söng.

Sunnudagaskóli – Umsjón hafa Þóra Björg Sigurðardóttir og séra Sigurður Grétar Helgason. Undirleikari er Stefán Birkisson.

Kirkjuselið í Spöng kl. 13:00

Guðsþjónusta með léttu sniði – Séra Sigurður Grétar Helgason prédikar og þjónar. Hilmar Örn Agnarsson er organisti og stjórnar Vox populi sem leiðir söng.

Sunnudagaskóli – Umsjón hefur Þóra Björg Sigurðardóttir. Undirleikari er Stefán Birkisson.

Velkomin í kirkju!

Ofsaveður gengur nú yfir höfuðborgarsvæðið og er mikinn hvassviðri í efri byggðum. Þakplötur hafa verið að fjúka af Egilshöllinni og af þeim sökum hefur nærliggjandi götum verið lokað tímabundið af lögreglunni.

Búist er við mikilli úrkomu á S-verðu landinu næsta sólarhring. Í dag, laugardag er von á vonskuveðri á öllu landinu og geta vindhviður hæglega farið yfir 50 m/s við fjöll. Því er fólki ráðið frá því að leggja í ferðalög milli landshluta fyrr en lægir. Strætó er hættur að ganga en í tilkynningu frá Strætó segir að ekki sé hægt að halda úti akstri vagnaflota Strætó vegna veðurs.

Að sögn lögreglunnar er mikið álag er á 112 vegna tilkynninga um foktjón. Fólk er beðið að nota ekki 112 nema í neyðartilvikum núna þegar mesti hvellurinn er að ganga yfir.

Nú stendur yfir alþjóðlega Reykjavíkurskákmótið í Hörpu sem vekur athygli um allan skákheiminn. Tólf skákmeistarar frá Fjölni á öllum aldri taka þátt í mótinu. Þar fer fremstur stórmeistarinn Héðinn Steingrímsson (2530) sem að eftir þrjár umferðir af 10 er í efsta sæti með fult hús ásamt rúmlega 20 öðrum skákmönnum.

Dagur Ragnarsson nýkrýndur Norðurlandameistari teflir á mótinu og eftir sigur í 1. umferð fékk Dagur að tefla á 1. borði í annarri umferð gegn stigahæsta skákmanni mótsins. Skákmennirnir efnilegu Oliver Aron og Jón Trausti eru mættir til leiks ásamt þeim Jóni Árna Halldórssyni, Erlingi Þorsteinssyni og Vigni Bjarnasyni. Allir þessir Fjölnismenn hafa teflt í 1. deild Íslandsmóts skákfélaga fyrir A sveit Fjölnis.

Á Reykjavik Open tefla tvær skákdrottningar úr herbúðum Fjölnis, þær Hrund Hauksdóttir og Norðurlandameistarinn og Íslandsmeistari 13 ára og yngri, Nansý Davíðsdóttir. Joshua bróðir Nansýjar sem er aðeins 10 ára gamall teflir nú á sínu 1. alþjóðlega skákmóti en ábyggilega ekki því síðasta. Loks ber að nefna Jóhann Arnar Finnsson sem er lykilmaður í sterkri skáksveit Rimaskóla.

Kíkið í Gallerí Korpúlfsstaði ef þú ert að leyta að fallegri gjöf.

Í stað kálfa eru nú komin listaverk sem eru tilvalin í fermingagjafir, útskriftargjafir, afmælisgjafir eða bara fyrir heimilið. Hjartanlega velkomin!

Á Laugardaginn kemur, 14. mars, milli kl. 11 og 12:30 verður John Barnes fyrrum leikmaður Liverpool og enska landsliðsins  í SportBitanum hjá Fjölnismönnum í Egilshöll þar sem hann mun árita treyjur, myndir og hvaðeina sem fólk vill að hann kroti á.

Fólk er hvatt til að mæta tímanlega því búast má við því að margt verði um manninn eins og venja er þegar svona vinsælir fyrrum leikmenn félagsins mæta til landsins. Fólki er bent á að halda fjölda hluta sem Barnes áritar á í lágmarki svo að sem flestir komist að.

Reiknað er með að þessi fyrrum stjarna Liverpool kíki á æfingu hjá yngri flokkum Fjölnis.

Vont veður í dag – æfingar falla niður

Í dag eru æfingar felldar niður vegna veðurs.  Hvetjum foreldra til að fylgjast með á facebook síðum flokkanna og heimasíðu félagsins.

Í skítaveðri er alveg í lagi að hafa það kósý heima og viljum við hvetja alla til að meta aðstæður með tillit til barna sinna.

EKKI KOMA Á ÆFINGAR – allir að vera heima.

Skrifstofa Fjölnis

Skákdeild Fjölnis stóð fyrir undankeppni í BarnaBlitz á vikulegri skákæfingu á miðvikudegi. Þrátt fyrir að það gengi á með roki og slydduveðri þá þyrptust Fjölniskrakkar og efnilegir skákmenn úr öðrum hverfum og félögum til þátttöku um tvö laus sæti á BarnaBlitz. BarnaBlitz er einn af aukaviðburðum á Reykjavik Open 2015 í Hörpunni og eru það átta krakkar sem tefla þar til úrslita og glæsilegra verðlauna. Tefldar voru sex umferðir með sjö mínútna umhugsun. Rúmlega 30 skákkrakkar mættu til leiks og keppnin var jöfn og spennandi. Þegar fjórum umferðum var lokið voru þau Robert Luu og Nansý Davíðsdóttir jöfn að vinningum með fullt hús og tefldu því saman í 5. umferð. Þegar leið á skákina var Nansý komin í tímahrak með örlítið lakari stöðu. Þetta nýtti Róbert sér í þaula og vann skákina örugglega. Í lokaumferðinni kórónaði Robert glæsilega frammistöðu með því að sigra Sindra Snæ og klára mótið með fullu húsi. Systkinin Nansý og Joshua urðu í 2. – 3. sæti mótsins með 5 vinninga og í aukaskák um þátttökurétt á BarnaBlitz sigraði Nansý bróður sinn. Á Fjölnisæfingum er alltaf teflt um fjölda vinninga og einnig dregið í happadrætti. Í næstu sætum á eftir Roberti, Nansý og Joshua komu þeir Hákon Garðarsson, Sindri Snær Kristófersson, Einar Bjarki Arason, Halldór Atli Kristjánsson, Sæmundur Árnason, Jón Hreiðar Rúnarsson, Kristján Dagur Jónsson, Ísak Orri Karlsson og Ívar Björnsson. Þátttakendum var boðið upp á skúffuköku í skákhléi og kláraðist hún fljótt og vel. Skákstjóri var Helgi Árnason formaður skákdeildar Fjölnis og naut hann aðstoðar fjölda foreldra sem fylgdust með mótinu.

Úrslitin verða tefld á sviðinu í Hörpu laugardaginn 15. mars klukkan 12:00. Teflt verður með útsláttarfyrirkomulagi með tímamörkunum 4 02.

Mynd: Skessuhorn

Enginn slasaðist alvarlega þegar rúta á vegum Skákakademíu Reykjavíkur og Skákdeildar Fjölnis valt á hliðina nærri Hótel Glym í Hvalfirði sl. laugardag. 30 börn og þrír fullorðnir voru í rútunni sem var á leið í Vatnaskóg þar sem Skákdeild Fjölnis og Skákakademían eru með skákbúðir fyrir börn á grunnskólaaldri. Fjórir voru fluttir með sjúkrabifreið á sjúkrahús í Reykjavík en aðrir sluppu að mestu við meiðsli.

Helgi Árnason, skólastjóri í Rimaskóli og skákfrömuður, var fararstjóri með krökkunum á ferðalaginu. Helgi var einn af þeim sem slasaðist í þessu slysi og segir þetta hafa verið mikla lífsreynslu.

,,Krakkarnir voru sérlega yfirveguð og þau flest öll spennt í öryggisbelti. Þau slösuðust minna en maður hefði getað óttast en allt gerðist þetta mjög hratt. Við áttuðum okkur mjög  fljótlega á því að börnin sluppu að mestu. Það kom engin taugaveiklun upp og engin reyndist sem betur fer vera stórslasaður. Mæðgin í rútunni fengu slæma byltu en þau voru ekki heldur í beltum og þau hentust eins og ég þvert yfir rútuna. Ég meiddist á hné og á brjóstkassa en ekkert alvarlega.  Þetta hefði getað farið miklu verr ef maður hefði fengið höfuðhögg. Þetta minnir mann á að vera alltaf með beltin spennt hvort sem um lengri eða skemmri leiðir er að fara. Við komuna í Rimaskóli tóku foreldrar og Rauði Krossinn á móti hópnum og kynnti krökkunum þá aðstoð sem í boði var. Allir fengu síðan hressingu en það er lífsreynsla að lenda í atburði sem þessum og kennir manni ýmislegt. Þetta er ekki þægilegt og ég vil aldrei lenda í þessu aftur. Það fór betur en á horfðist,“ sagði Helgi Árnason skólastjóri í Rimaskóla.