Þegar starfsfólk og börn komu í leikskólann 14. júní þá blasti við okkur miklar skemmdir sem unnar höfðu verið á sumarblómunum í fallega garðinum okkar. Pottar og blóm  brotin og mold út um allt.  Þótti okkur þetta mjög leiðinlegt því við í Brekkuborg leggjum áherslu á virðingu við umhverfi og náttúru.

Hvert vor eru gróðursett fjöldin allur af sumarblómum  sem þau hafa lagt mikla natni við að  sá fyrir og rækta.  Börnin rækta líka kartöflur og grænmeti. Er þetta stór partur af fræðslu sumarsins.

Við viljum endilega að garðurinn okkar sé nýttur eftir leikskólatíma og fólk njóti þess að koma í fallega garðinn okkar með börn og að börnin í hverfinu sæki í hann.  En við viljum biðja fólk að sýna garðinum sömu virðingu og við kennum börnunum í Brekkuborg.

Kveðja börn og starfsfólk í Brekkuborg

Follow

Jón Margeir Sverrisson, sundmaður úr Fjölni, náði frábærum árangri á þýska meistaramótinu í sundi í dag þegar hann setti nýtt heimsmet í 800 metra skriðsundi í flokki S14. Jón Margeir synti vegalengdina á 8:48,24 mínútum og bætti hann verulega gamla metið sitt sem var 8:53,13 mínútur.

Jón Margeir setti Íslandsmet í 100 metra flugsundi, synti á tímanum 1:10,17 mínútum.

Follow

Það er sannkallaður stórleikur á miðvikudaginn þegar KR mætir í heimsókn í Grafarvoginn.

Fjölnir – KR miðvikudagur 15. júní kl. 19:15 – Extra völlurinn (mfl. kk.) Gott hamborgaratilboð á vellinum, pizzur í sjoppunni og allur pakkinn! Mætum í gulu á völlinn með krakkana, höfum gaman og styðjum Fjölni. Við hvetjum ykkur til að taka þátt í umræðunni með Fjölni á samskiptamiðlunum.

Twitter: Fjolnir_FC Snapchat: umf.fjolnir

Áfram Fjölnir!

Follow

Sunnudagurinn 12. júní í Grafarvogskirkju.

Guðsþjónusta kl. 11. Séra Arna Ýrr Sigurðardóttir prédikar og þjónar fyrir altari.

Kór kirkjunnar syngur.

Organisti: Hákon Leifsson.

Kaffisopi eftir messi.

Follow

Hugmyndasöfnun á Betri Reykjavík vegna nýframkvæmda og viðhaldsverkefna lýkur miðvikudaginn 15. júní og því  fer hver að verða síðastur til að láta ljós sitt skína.

Nú þegar hafa um 500 hugmyndir skilað sér á Hverfið mitt eins og hugmyndasöfnunin heitir á Betri Reykjavík .  „Það eru komnar töluvert fleiri hugmyndir en á sama tíma í fyrra,“ segir Róbert Bjarnason hjá Íbúum Ses. sem rekur Betri Reykjavík.  Hann er ánægður með fjölgun þeirra sem heimsækja vefinn en hún hefur nær þrefaldast. „Nú hafa yfir 18.000 Reykvíkingar heimsótt vefinn en þeir voru um 7.000 á sama tíma í fyrra,“ segir hann.

Nýr vefur Betri Reykjavíkur virkar vel

Hugmyndavefurinn í ár er endurbætt útgáfa. Þeir sem setja inn hugmyndir geta látið ljósmyndir eða teikningar fylgja með til útskýringar eða gera hugmyndina líflegri. Engin takmörk eru á fjölda hugmynda sem hver og einn getur sett inn og hver og einn getur einnig sett inn hugmyndir í fleiru en einu hverfi. Hvatt er til þess að hafa aðeins eina hugmynd í hverri færslu.

Eftir að hugmynd hefur verið sett inn er hægt að deila henni á samfélagsmiðla og vekja athygli á henni. Þannig getur skapast stemning um hugmyndir og aðrir  geta sett inn rök með eða á móti hugmynd.  Róbert segir að þetta dragi fólk inn á vefinn. „Aukning í heimsóknum kemur næstum því öll frá viral virkni þar sem fólk er að smella beint á hugmyndir sem vinir eru að biðja um stuðning við á Facebook eða Twitter,“ segir hann.

Meira fé til framkvæmda en áður

Alls eru 450 milljónir til framkvæmda á þeim hugmyndum sem koma inn í ár og er það veruleg hækkun frá fyrri árum þegar 300 milljónir voru til ráðstöfunar.

Skipting fjármuna milli hverfa fer að hluta til eftir íbúafjölda og skiptist framkvæmdafé með eftirfarandi hætti:

Hverfi:	Upphæð:
Árbær	41.558.350
Breiðholt	69.957.904
Grafarholt og Úlfarsárdalur	29.004.563
Grafarvogur	60.640.770
Háaleiti og Bústaðir	50.916.979
Hlíðar	39.002.223
Kjalarnes	13.753.565
Laugardalur	55.376.368
Miðborg	33.986.795
Vesturbær	55.802.389

Nánari upplýsingar um fyrirkomulag skiptingar fjármuna eru á Hverfidmitt.is

Hugmyndasöfnun lýkur 15. júní 2016

Með hugmyndasöfnuninni er óskað er eftir snjöllum hugmyndum frá íbúum um smærri nýframkvæmda- og viðhaldsverkefni í hverfum Reykjavíkur til að kjósa um í hverfakosningu Betri Reykjavíkur.

Markmiðið er að hugmyndirnar:

• nýtist hverfinu í heild.
• kosti ekki meira en er í framkvæmdapotti hverfisins.
• krefjist ekki mjög flókins undirbúnings og framkvæmdar.
• falli að skipulagi borgarinnar og stefnu, sé í verkahring borgarinnar og á borgarlandi.

Hugmyndir geta t.d. varðað:

• umhverfi og möguleika til útivistar og samveru, s.s. bekkir, gróður, útilistaverk, fegrun.
• aðstöðu til leikja eða afþreyingar, s.s. að bæta leiksvæði og endurnýja leiktæki.
• betri aðstöðu til göngu, hjólreiða og notkun almenningssamganga, s.s. stígatengingar, lýsingu, lagfæringu gönguleiða.

Nánari upplýsingar

• Skoða hugmyndir á Betri Reykjavík
• Nánari upplýsingar um fyrirkomulag skiptingar fjármuna eru á Hverfidmitt.is

Follow

Davíð Oddsson var með skemmtilegan spjallfund í Sportbitanum Egilshöll.

Hann var á léttari nótunum og fór vítt og breytt yfir sinn feril ásamt því að svara spurningum úr sal.

Davið sagði „það væru engir leyndir gallar hjá sér, og vonandi einhverjir kostir.“

Sjá frekari upplýsingar um framboð Davíðs hérna…..

Follow

Á ævintýradögum má læra ýmislegt fyrir útivistina í sumar.

Gufunesbær efnir nú í júní til Ævintýradagskrár í samstarfi við Útilífsmiðstöð skáta á Úlfljótsvatni. Þátttakendur læra ýmislegt spennandi fyrir útivistina á stuttum tíma. Þetta er sannkallað ævintýranám sem skólar og frístundaheimili í Grafarvogi eru að nýta sér.

Follow

Grafarvogsdagurinn var haldinn hátíðlegur í 19. skiptið laugardaginn 28. maí síðastliðin.

Mikið var um dýrðir og var dagskrá fjölbreytt og dreifðist hún víðs vegar um hverfið. Eitt af helstu markmiðum hátíðahaldanna er að bjóða Grafarvogsbúum upp á fjölbreytta skemmtidagskrá þar sem allir hverfisbúar geta fundið eitthvað við sitt hæfi ásamt því að skapa fyrirtækjum, stofnunum og félagasamtökum í hverfinu vettvang til þess að kynna sig og mynda sterka tenginu við menningarstarf hverfisins.

Fjöldi einstaklinga, fyrirtækja, félagasamtaka og stofnanna í hverfinu lögðu hönd á plóg við framkvæmd þessa viðburðar og má með sanni segja að uppskeran hafi verið frábær skemmtun fyrir alla Grafarvogsbúa. Veðurguðirnir komu deginum til bjargar á síðustu stundu, en spáð hafði verið rigningu sem Grafarvogurinn slapp að mestu leyti við.

Í dagskránni í ár voru nokkrir viðburðir sem telja má til fastra liða á Grafarvogsdeginum, t.d. Grunnskólahlaupið við Gufunesbæ, fjölskyldudagskrá hjá Íslenska Gámafélaginu, fjölbreytt skemmtidagskrá í Egilshöll og skottmarkaðurinn við Spöngina. Það voru hins vegar margir nýir viðburðir í ár á borð við afmælisdagskrá hjá Krumma, fjölskyldudagskrá hjá Sorpu, og síðast en ekki síst unglingatónleikar á Korpúlfsstöðum.

Á Korpúlfsstöðum var máttarstólpinn, hvatningaverðlaun Hverfisráðs Grafarvogs einnig afhentur en að þessu sinni var það Gellerí Korpúlfsstaðir sem hlutu viðurkenninguna fyrir framúrskarandi starf í þágu menningar og lista í Grafarvogi. Þess má til gamans geta að Galleríið hélt upp á 5 ára starfsafmælið sitt föstudaginn 27. maí 2016.

Follow

Fyrir EM mun Keiluhöllin í Egilshöll í samstarfi við Ölgerðina og Carlsberg International, setja upp fyrstu Carlsbergstúku á Sportbar í heiminum. En Carlsbergstúkur hafa hingað til verið settar upp á öllum helstu knattspyrnuvöllum í heimi.

“Þetta er auðvitað rosalega spennandi verkefni. Það er auðvitað verið að tjalda öllu til vegna þess að Ísland er komið á lokakeppni EM, ef þetta gefst vel þá munum við halda í stúkuna og gera Enska boltann enn betri í haust. Ölgerðin og Carlsberg tóku strax vel í hugmyndina og með þeirra aðkomu varð hún að veruleika”, segir Sigmar Vilhjálmsson, framkvæmdastjóri Keiluhallarinnar.

Stúkan mun  taka 20 manns í sæti og hægt er að borða í sætunum sem eru útbúin með borðum.

Follow