Leiklistarnámskeið Leynileikhússins í Rimaskóla hefjast 19. júní.
Þetta eru vikulöng námskeið. 8-10 ára eru frá kl. 09.00-13.00 og 11-13 ára eru frá 13.00-17.00 dag hvern í vikunni.
Opinn tími og leiksýning í lok vikunnar.
Enn eru nokkur laus pláss.
Allar upplýsingar og skráning á www.leynileikhusid.is.
Bergur Elí Rúnarsson hefur undirritað samnig við hkd. Fjölnis. Bergur Elí er fæddur árið 1995 og spilar í hægra horni.
Bergur Elí er uppalinn FH-ingur. Hann spilaði með ÍH í 1. deildinni árin 2013-2015 en skipti svo yfir í FH og spilaði þar tímabilið 2015-2016. Í fyrra færði hann sig yfir í KR þar sem hann stóð sig mjög vel og var meðal annars markahæsti leikmaður liðsins með 120 mörk í 22 leikjum.
Stjórn handknattleiksdeildarinnar er virkilega ánægð með að hafa náð samkomulagi við Berg Elí. Hann er leikmaður sem kemur til með að styrkja liðið fyrir komandi átök. Fjölnir leikur sem kunnugt er í Olís-deildinni á komandi keppnistímabili.
Allir eru velkomnir á sýningarnar og það kostar ekkert!
Hlakka til að sjá ykkur.
Kærar kveðjur,
Helga og Lilli
Hægt er að skoða dagskrá júní og júlí hérna……
Guðsþjónusta kl. 11:00 á Sjómannadaginn í Grafarvogskirkju. Helgistund við naustið/bátalægi fyrir neðan kirkjuna kl. 10:30.
Félagar úr Björgunarsveitinni Ársæli sigla inn Grafarvoginn og taka þátt í helgistundinni.
Árni Bjarnason formaður Skipstjórnarmanna á Íslandi flytur hugvekju, Örn Pálsson framkvæmdastjóri smábátaeiganda flytur ritningarorð.
Þorvaldur Halldórsson söngvari syngur bæði við bátalægið og í messunni.
Séra Vigfús Þór þjónar fyrir altari. Kaffi og kleinur eftir messu.
Sumarhátíð Lyngheima var haldin í dag. Boðið var upp á grillaðar pylsur og mjólk. Hoppukastalar voru á svæðinu, krítar og sápukúlur. Andlitsmálun var í boði fyrir þau börn sem vilja fyrr um daginn.
Eins og sést á myndum voru allir í góðu skapi. Fleiri myndir hérna.
Kveðja foreldrafélagið.
Samstarf um uppbyggingu á Ártúnshöfða
Samstarfsyfirlýsing um uppbyggingu á Ártúnshöfða vestan Breiðhöfða var undirrituð í dag. Borgarstjórinn í Reykjavík, Dagur B. Eggertsson og fulltrúar lóðarhafa, Ingvi Jónasson hjá Klasa og Pétur Árni Jónsson hjá Heild, skrifuðu undir á einni af fjölmörgum nýjum byggingarlóðum. Svæðið sem samkomulagið nær til er 273.000 fermetrar og er gert ráð fyrir að á þetta svæði geti komið 3 – 4.000 nýjar íbúðir. Fyrirsjáanlegt er að á Ártúnshöfða verði eitt mesta uppbyggingarsvæðið í Reykjavík á næstu árum.
Aðilar að samkomulaginu við borgina eru Heild fasteignafélag hf. fyrir hönd Árlands ehf. og Klasi hf. fyrir hönd Elliðaárvogs ehf.
Ungt fólk í öndvegi
Við undirbúningi uppbyggingar íbúðasvæðisins á Ártúnshöfða verður haft að leiðarljósi að skapa hagstæðar aðstæður á hluta svæðisins fyrir ungt fólk og/eða þá sem eru að kaupa sína fyrstu íbúð eða kjósa að vera á leigumarkaði. Markmiðið er að skapa aðstæður til að byggja ódýrt húsnæði án þess að slegið sé af gæðakröfum, skapa möguleika fyrir deililausnir, bæði er lýtur að húsnæði, innviðum og samgöngum, eins og segir í yfirlýsingu. Vinna skal með þessi markmið á öllum stigum undirbúnings, deiliskipulagsgerðar, uppbyggingar- og söluferlis.
Samstarf um deiliskipulag og uppbyggingu
Aðilar að samkomulaginu munu standa sameiginlega að deiliskipulagstillögu sem afmarkast af þeim lóðum sem þeir ráða yfir á Ártúnshöfða og við Elliðaárvog. Einnig er gert ráð fyrir samstarfi um að gera lóðir byggingarhæfar og ráðstöfun þeirra.
Þó deiliskipulagstillaga miðist við lóðir samningsaðila verður tekið mið af fyrirliggjandi rammaskipulagi fyrir Elliðaárvog og Ártúnshöfða og er markmið samstarfsins að hámarka gæði skipulagsins á svæðinu og verða núgildandi lóðarmörk ekki látin hafa áhrif á útfærslu deiliskipulagstillögu heldur horft til heildarhagsmuna. Hafi aðrir lóðarhafar vestan Breiðhöfða áhuga á að koma inn í samstarfið er það mögulegt.
Gott jafnvægi milli íbúða og atvinnustarfsemi
Kveðið er á um það í samningi að við deiliskipulagsvinnuna skuli sérstaklega horft til þess að skapa gott jafnvægi milli íbúðarhúsnæðis, atvinnuhúsnæðis og þjónustu í hverfinu, auk tenginga við almenningssamgöngur. Jafnframt verður unnin áætlun um nýtingarhlutfall lands og frummat á kostnaði við innviði og opin svæði. Frumkostnaðaráætlun skal ná til gatnagerðar, breytinga á lögnum sem þarf að afskrifa, kostnaðar við blágrænar lausnir svæðisins, gatnalýsingu og gerð opinna svæða. Enn fremur skal matið ná hlutfallslega til annarra innviða, svo sem skóla og leikskóla, sem þjóna munu svæðinu ásamt öðrum framtíðarsvæðum í Elliðaárvogi/Ártúnshöfða.
Rammasamningur verður gerður til að ákvarða hlutfallslega kostnaðarþátttöku lóðarhafa á svæðinu við gerð innviða, greiðslutilhögun og tímasetningar greiðslna vegna innviðagerðar, hlutfall leiguíbúða á svæðinu, kauprétt á leiguíbúðum og listskreytingar. Þá verður horft til kostnaðarþátttöku í væntanlegri Borgarlínu sem og gatnagerðargjalda vegna uppbyggingar á svæðinu.
Þá verða sett viðmið varðandi veðsetningu lóða til þess að koma í veg fyrir óhóflega skuldsetningu þeirra.
Skipaður verður sérstakur stýrihópur lóðarhafa og Reykjavíkurborgar.
Í frétt á vef Reykjavíkurborgar er yfirlitsmynd af svæðinu sem um ræðir og vísanir í tengt efni: http://reykjavik.is/frettir/samstarf-um-uppbyggingu-artunshofda
Flestum grunnskólum borgarinnar verður slitið miðvikudaginn 7. júní og halda þá hátt í 15.000 skólabörn á vit sumarævintýra.
Þessa vikuna eru flestir grunnskólar borgarinnar að ljúka vetrarstarfinu með útskriftarathöfnum og skólaslitum. Um 1.400 tíundubekkingar eru að kveðja skólana sína og á leið í framhaldsskóla.
Börnum og unglingum stendur til boða fjölbreytt frístundastarf í sumar, bæði sumarsmiðjur of fl. á vegum frístundamiðstöðvanna og alls slags námskeið á vegum félagasamtaka. Nánari upplýsingar og skráning á vefnum www.fristund.is.
Í sumar verður Brúðubíllinn á ferð og flugi um borgina til að skemmta smáfólkinuu. Forsýning verður í Hljómskálagarðinum 8. júní kl. 14.00.
Sýningar Brúðubílsins eru sívinsælar hjá yngstu borgarbúunum og fer Lilli þar fremstur í flokki jafningja. Allir eru velkomnir á sýningar utandyra í sumar en sýnt verður m.a. á Klambratúni, við sundlaug Vesturbæjar,Árbæjarsafn og víðar.
Forsýning á sumardagskránni verður í Hljómskálagarðinum 8. júní klukkan 14:00 en frumsýning í Árbæjarsafni daginn eftir, föstudaginn 9. júní kl. 14.00.
Guðsþjónusta verður í Grafarvogskirkju á Hvítasunnudag 4. júní kl. 11:00. Séra Guðrún Karls Helgudóttir þjónar fyrir altari.
Stefanía Steinsdóttir meistaranemi í guðfræði prédikar.
Tvö börn verða borin til skírnar.
Kór Grafarvogskirkju syngur og organisti er Hákon Leifsson.
Follow