Fjölnir mætir Hetti í úrslitum umspilsins um laust sæti í úrvalsdeild karla í körfubolta. Fjölnir vann Breiðablik í kvöld í oddaleik í undanúrslitum umspilsins í jöfnum og afar spennandi leik sem lauk með fimm stiga sigri Fjölnis, 82:77. Vinna þurfti tvo leiki í undanúrslitunum til að komast í úrslitin og vann Fjölnir einvígið 2:1.

Fjölnir mætir því Hetti í úrslitum, en Höttur sló Þór Akureyri út í hinni undanúrslitaviðureigninni, 2:0.

Daron Lee Sims var stigahæstur Fjölnis í kvöld með 29 stig og tók að auki 14 fráköst, en hjá Blikum skoraði Oddur Rúnar Kristjánsson 17 stig. Tölfræði leiksins má nálgast hér fyrir neðan.

Follow

Íslandsmót barnaskólasveita í skák 2014, 1. – 7. bekkur, var haldið í Rimaskóla helgina 22. – 23. mars og mættu 49 skáksveitir til leiks sem er metþátttaka. Það má segja að „heimavöllurinn“ hafi reynst hinum fjórum skáksveitum Rimaskóla vel því við verðlaunaafhendingu kom í ljós að þær voru allar í fremstu röð.

A sveit Rimaskóla varð í 2. sæti mótsins á eftir Norðurlandameistarasveit Álfhólsskóla sem vann barnaskólamótið í 3. sinn í röð. Báðar sveitirnar, sem höfðu nokkra yfirburði á mótinu, tryggðu sér þátttökurétt á Norðurlandamót barnaskólasveita sem fram fer á Íslandi í haust. Í sveitinni eru systkinin Nansý 6-EHE og Joshua 3. bekk, Kristófer Halldór og Róbert Orri í 6-EHE og Mikael Maron í 4-SBH. B sveit Rimaskóla varð í 1. – 2. sæti B sveita, C og D sveitirnar urðu einnig efstar og besta stúlknasveitin og besta skáksveitin skipuð nemendum í 4. bekk og yngri komu líka frá Rimaskóla.

Nemendur 7. bekkjar Rimaskóla og foreldrar þeirra höfðu í nógu að snúast við veitingasölu á mótinu og fer allur ágóði sölunnar í skólabúðaferð krakkanna að Reykjum í maí.

Follow

Fjölnir karfa

Nú er það að duga eða drepast fyrir Fjölnisstrákana!

Oddaleikurinn í einvíginu á móti Breiðablik verður næstkomandi miðvikudag kl. 19.15 í Dalhúsum!! Það lið sem vinnur leikinn kemst áfram í úrslitin um að komast upp í úrvalsdeild.

Stuðningurinn er búin að vera flottur í síðustu leikjum en við viljum gera ennþá betur og er stuðningur úr stúkunni gríðarlega mikilvægur í þessum leik!

Þess vegna viljum við fá alla Grafarvogsbúa og Fjölnisfólk til að styðja við bakið á strákunum og hjálpa þeim að komast í úrslitin og auka þá líkurnar á að komast upp í úrvalsdeild fyrir næsta tímabil!!

Ekki skemmir fyrir að hafa stúkuna gula og því væri gaman ef allir mættu í gulu!!

Sjáumst hress og kát og tilbúin í baráttuna á miðvikudaginn kl. 19.15 í Dalhúsum!!

ÁFRAM FJÖLNIR!

Follow

I am happy
Brekkuhúsum

„I am Happy er litrík barnafataverslun. Komdu í heimsókn til okkar í Brekkuhús 1 í Grafarvogi eða skoðaðu úrvalið í Netverslun okkar á iamhappy.is. Full búð af litríkum og fallegum barnafatnaði á frábæru verði. Vandaður fatnaður meðal annars frá ME TOO, nununu baby og mói“

Follow

Mótið er fyrir nemendur á barnaskólaaldri, 1.-7. bekk. Fjórir skákmenn eru í hverri sveit, hægt er að vera með allt að þrjá varamenn í hverri sveit.

Teflt var í Rimaskóla, Grafarvogi.

Tefldar vou níu umferðir, fimm á laugardegi og fjórar á sunnudegi.

Umhugsunartími var  15 mínútur á mann.

Taflmennska hófst 13:00 á laugardag og 11:00 á sunnudag.

Veitt voru verðlaun fyrir efstu b-e sveitir ásamt verðlaunum fyrir efstu sveitina sem er einungis skipuð nemendum í 1.-4. bekk.

Veitt voru borðaverðlaun fyrir bestan árangur á borði 1-4.

Sá skóli sem verður Íslandsmeistari tryggir sér þátttökurétt á Norðurlandamóti barnaskólasveita sem fer fram í haust.

Follow

Gjafakort

HönnunarMars hefst í næstu viku og af því tilefni langar mig að gefa kassa (48 stk.) af nýju gjafakortunum mínum sem verða til sýnis í Gerðubergi dagana 27 mars – 6 apríl. Það þarf bara að likea og deila Þóra Björk Design – Thora Bjork Design Þeir sem gera það lenda í pottinum sem verður dregið úr mánudaginn 31 mars.

Follow

Fjölnir karfa

Fjölnir vann stórsigur á Breiðabliki, 93:66, í fyrsta leiknum í undanúrslitum umspils um sæti í úrvalsdeild karla í körfuknattleik en liðin mættust í Grafarvogi í kvöld.

Þau eigast aftur við í Smáranum á mánudag og með sigri þar kæmust Fjölnismenn í úrslitaeinvígi við Þór frá Akureyri eða Hött. Vinni Blikar þurfa liðin að spila oddaleik í Grafarvogi.

Þór og Höttur áttu að leika á Akureyri í kvöld en viðureign þeirra var frestað til sunnudags vegna ófærðar fyrir norðan og austan.

Gangur leiksins: 4:3, 8:8, 10:8, 15:8, 19:13, 24:20, 32:29, 38:33, 41:35, 51:39, 58:41, 66:44, 68:49, 79:51, 82:62, 93:66.

Fjölnir: Daron Lee Sims 30/5 fráköst, Ólafur Torfason 19/15 fráköst, Páll Fannar Helgason 13/7 stoðsendingar, Róbert Sigurðsson 12/7 stoðsendingar, Garðar Sveinbjörnsson 5/4 fráköst, Emil Þór Jóhannsson 5, Davíð Ingi Bustion 4/4 fráköst, Hreiðar Bjarki Vilhjálmsson 2, Andri Þór Skúlason 2, Þorgeir Freyr Gíslason 1.

Fráköst: 26 í vörn, 13 í sókn.

Breiðablik: Pálmi Geir Jónsson 15/8 fráköst, Þorsteinn Gunnlaugsson 13/6 fráköst, Oddur Rúnar Kristjánsson 11, Egill Vignisson 10/5 fráköst, Jerry Lewis Hollis 4/4 fráköst, Þröstur Kristinsson 4, Björn Kristjánsson 3, Halldór Halldórsson 2, Brynjar Karl Ævarsson 2, Snorri Vignisson 2.

Fráköst: 19 í vörn, 11 í sókn.

Follow

Fjölnir – Breiðablik

Næstkomandi föstudag kl 19.15 er komið að fyrsta leik í undanúrslitum 1.deildar karla. Fjölnisstrákarnir taka á móti Breiðablik í Dalhúsum og má búast við hörku leik. Það lið sem fyrst vinnur tvo leiki kemst áfram í úrslitin um að komast upp.

Fjölnir á heima í efstu deild karla og þangað viljum við fara. Stuðningur úr stúkunni er mikilvægari en nokkru sinni fyrr og ef við stöndum öll saman þá förum við upp!

Hamborgarar verða til sölu frá kl. 18.00 í hátíðarsal Dalhúsa á 2.hæð! Um að gera að koma fyrr og fá sér eins og einn borgara og styðja svo strákana til sigurs!

Sjáumst á föstudag kl. 19.15 í Dalhúsum!

Áfram Fjölnir

Körfuboltakveðja, stjórn körfuknattleiksdeildar.

Follow

Frestur til að sækja um styrk til Hverfissjóðs Reykjavíkurborgar fyrir árið 2014 er til miðnættis þriðjudaginn 15. apríl. Hægt er að sækja um styrki til verkefna í einu eða fleiri hverfum eða almennt í borginni. Einstaklingar, hópar, félagasamtök, fyrirtæki og stofnanir geta sótt um. Hámarksupphæð hvers styrks er 700.000 krónur.

Tilgangur Hverfissjóðs Reykjavíkur er að styðja við verkefni sem stuðla að eftirtöldum þáttum í hverfum borgarinnar:
• Bættu mannlífi og eflingu félagsauðs
• Fegurri ásýnd borgarhverfa
• Auknu öryggi í hverfum borgarinnar
• Samstarfi íbúa, félagasamtaka eða fyrirtækja við borgarstofnanir.

Sótt er um á mínum síðum á Rafrænni Reykjavík. Stjórn sjóðsins fer yfir allar umsóknir og tekur ákvörðun um styrkveitingar í samræmi við úthlutunarreglur sjóðsins og styrkjareglur Reykjavíkurborgar. Nánari upplýsingar á www.reykjavik.is/hverfissjodur

Follow