Framkvæmdir í byggingu nýs fimleikahús við Egilshöllina er hafnar af fullum krafti. Fimleikahúsið verður gríðarlega lyftistöng fyrir fimleikastarfið innan Fjölnis. Áætlað er að fim­leika­húsið verið tekið í notk­un vet­ur­inn 2015 en það verður 2.250 fer­metr­ar að stærð og teng­ist nú­ver­andi hús­næði

Mikill uppgangur hefur verið í íþróttastarfi Fjölnis síðustu árin. Fjölnir hefur verið með íþróttaaðstöðu við Dalhús og í Egilshöll. Þar hefur félagið haft knattspyrnuæfingar á inni- og útivöllum, frjálsíþróttaæfingar inni, bardagaíþróttir, fimleikaæfingar í tveimur bráðabirgðasölum auk skrifstofu.

Þar að auki hefur félagið eitt stórt íþróttahús í Grafarvogi til æfinga og keppni í handknattleik og körfuknattleik og annað minna íþróttahús í Rimaskóla til æfinga.

Eftir viku höldum við Veturnáttaboð í galleríinu á Korpúlfsstöðum.
Veturnáttaboð voru algeng á 12. og 13. öld. Þá kvöddu menn sumarið og gerðu sér glaðan dag enda var nægur matur til í lok sláturtíðar. Í staðinn fyrir innmat og slátur ætlum við að bjóða upp á aðeins fínlegri veitingar, enda tímarnir breyttir nu í upphafi 21. aldarinnar.
Meiri upplýsingar á næstu dögum. Fylgist með!

In one week we will be holding a a Winter Night event at Gallerí Korpúlfsstaðir. Winter Nights were popular during the 12 and 13th century. Saying goodbye to the summer and celebrating that there would be plenty of the traditional cured foods for the winter months. Instead of this tradition we will be offering something a bit more modern since times of course have changed and so have our palates in the 21st century. More info will come so keep following

Framkvæmdir við Gullinbrú ganga samkvæmt áætlun.

Göngustígur var styrktur og svæðið breikkað.

Birgit Pöppler frá Þýskalandi varð Evrópumeistari  í keilu þegar hún sigarði Andreu Eliassen Hansen frá Noregi 2 – 0 í úrslitum.  Andrea sá aldrei til sólar í úrslitunum og sigarði því nokkuð örugglega. Fyrsta leikinn vann hún 190 – 139 og annan leikinn 266 – 169.

Keppni er lokið á Evrópumóti landsmeistara 2014.
Tom van der Vliet frá Hollandi og Mattias Wetterberg frá Svíþjóð áttust við í úrslitum á Evrópumótinu í Egilshöll í dag.
Báðir spilarar sýndu að þeir áttu heima í úrslitum og spiluðu mjög góða keilu.
Tom vann fyrsta leikinn 259 – 236 og eftir hörku annan leik jafnaði Mattias metin 227 – 228 þar sem leikurinn réðst á síðasta kastinu.
Þá var komið að hreinum úrslitaleik. Þar var mikil spenna alveg fram í lokin en það fór svo á endanum að Tom sigraði 213 – 200 og viðureignina 2 – 1 og er því Evrópumeistari landsmeistara 2014.

Meðfylgjandi eru myndir frá verðlaunaafnendingu karla og kvenna ásamt því þegar Tom (í appelsínugulu) fangaði titlinum.

Sunnudaginn 19. október verða guðsþjónustur í Grafarvogskirkju og Kirkjuselinu Borgum.

Grafarvogskirkja

Guðsþjónusta kl. 11.00
Séra Sigurður Grétar Helgason þjónar fyrir altari.
Sigurbjörn Þorkelsson rithöfundur flytur hugvekju.
Barnakór Grafarvogskirkju syngur.
Organisti: Hákon Leifsson.

Sunnudagaskóli kl. 11.00
Séra Guðrún Karls Helgudóttir hefur umsjón ásamt
Þóru Björgu Sigurðardóttur.
Undirleikari: Stefán Birkisson.

Kirkjuselið í Spöng

Guðsþjónusta kl. 13.00
Séra Guðrún Karls Helgudóttir prédikar og þjónar fyrir altari.
Vox Populi syngur. Organisti: Hilmar Örn Agnarsson.

Sunnudagaskóli kl. 13.00
Umsjón hefur Ásthildur Guðmundsdóttir.
Undirleikari: Stefán Birkisson.

Þá er lokið forkeppni Evrópumóts landsmeistara í karlaflokki.  Úrslit eru svo leikin á morgun en þá eru leikin 8 manna úrslit, undan úrslit og úrslit í karla- og kvennaflokki.
Eftir forkeppnina er Mads Sandbækken frá Noregi í fyrsta sæti með 5283 stig sem gera 220,1 í meðaltal. Í öðru sæti er Paul Stott frá Írlandi með 5354 stig en Paul hefur leitt nær allt mótið en missti efsta sætið í síðasta leik.
Magnúsi Magnússyni gekk ágætlega í dag, spilaði 1633 sem gera 204 í meðaltal og endaði  með 4818 stig, 200,8 í meðaltal. Þetta skilaði honum 15. sæti sem er aðeins fyrir neðan það sem stefnt var að. Magnús er hins vegar ánægður með mótið og segir það góðan undirbúning fyrir Heimsmeistaramótið í Abu Dhabi sem fram fer í desember.

Lista yfir lokastöðu eftir forkeppni má sjá hér: Úrslit
—

Kveðja

Ásgrímur H. Einarsson

Lesskimun sem gerð var í grunnskólum Reykjavíkur vorið 2014 sýnir að 66% nemenda í 2. bekk luku tilskildum árangri í lesskimunarprófi og teljast því samkvæmt skilgreiningu geta lesið sér til gagns.

Þeir nemendur sem ekki ná tilskildum árangri í lesskilningi, eða 483 af þeim 1.407 sem tóku prófið, þurfa stuðning í lestri með einstaklingsáætlun eða einstaklingsnámskrá. Sá hópur er samkvæmt skimuninni misstór eftir skólum eða frá engum nemenda upp í 40% nemenda í árgangi.

Niðurstöður skimunarinnar nú (66%) eru  jafnar meðaltalshlutfalli þeirra sem hafa getað lesið sér til gagns síðastliðin 12 ár.Hlutfall nemenda sem les sér til gagns 2014 er um 3 prósentustigum hærra en árið 2013 en það ár var hlutfallið það lægsta síðan 2005. Þrátt fyrir hækkun á milli ára er hlutfallið lægra nú en það var árin 2008-2012.

Skúli Helgason, formaður skóla- og frístundaráðs segir að enda þótt niðurstöðurnar fari ekki undir meðaltalið undanfarin ár þá megi alltaf gera betur.
„Við höfum sett okkur það markmið að allur þorri barna geti lesið sér til gagns á fyrstu árum grunnskólans. Það er einmitt verkefni nýs fagráðs um eflingu lestrarfærni og lesskilnings að móta tillögur um hvernig megi ná því marki, hvaða viðmið séu raunhæf  og sömuleiðis hvort tilefni sé til að endurskoða lesskimunarprófið sem borgin hefur notað frá 2002, svo greina megi fyrr og þjónusta þau börn sem þurfa á sérstakri aðstoð að halda í sínu lestrarnámi.“