Sl. 10 ára hafa ráðherrar og þingmenn lesið Passíusálmana í Grafarvogskirkju alla virka daga föstunnar.

Fyrsti lesturinn var í gær öskudag, miðvikudaginn 18. febrúar og hófst kl. 18. Það er forsætisráðherra, Sigmundur Davíð Gunnlaugsson sem byrjaði.

Boðið verður upp á kaffi og kleinur að loknum lestri og eru allir velkomnir.

„Á leiðinni heim“ –

1. 18 í Grafarvogskirkju

virka daga föstunnar

Þingmenn og ráðherrar lesa úr Passíusálmunum

Febrúar

Mars

Apríl

Þær ánægjulegu fréttir voru að berast frá NM í skólaskák að „Rimaskólaljónið“ og Fjölnisskákmeistarinn Dagur Ragnarsson 17 ára hafi unnið efsta flokkinn á mótinu, 18 – 20 ára. Eins og fram hefur komið á heimasíðu Fjölnis þá hefur Dagur verið að ná ótrúlegum árangri á nýju ári og hækkað um tæp 300 skákstig sem er taflmennska á staðli alþjóðlegs meistara. Þessi magnaði sigur Dags er athyglisverður því að hann var í 6. sæti af 12 keppendum á NM í skólaskák og því líklegra að hann yrði í miðjum hópi í lok mótsins. Skákdeild Fjölnis er óskaplega stolt af Degi og sendir honum og öllum Fjölnismönnum hamingjuóskir.

Starfsskráin er kjölfesta þess starfs sem fram fer á vegum frístundamiðstöðvanna. Starfsskrá frístundamiðstöðvanna byggir á Starfsskrá skrifstofu tómstundamála ÍTR sem kom út árið 2006. Markmiðið með útgáfunni er að til sé yfirlit yfir starfsemi miðstöðvanna á einum stað á aðgengilegu formi.

Í starfsskránni eru leiðarljós með starfsseminni sett fram, fjallað er um þríþætt gildi og lykilfærniþætti frístundastarfsins, auk þess sem helstu starfsþáttum eru gerð skil. Starfsskráin er kjölfesta þess starfs sem fram fer á vegum frístundamiðstöðva og skipar þar með veigamikinn sess ásamt starfsáætlun ár hvert við framkvæmd og skipulag frístundastarfs fyrir börn og unglinga í Reykjavík. Starfsskráin veitir einnig leikmönnum innsýn í það fjölbreytta starf sem frístundamiðstöðvar standa fyrir.

Starfsskrá frístundamiðstöðva 2015

Sjá flettiútgáfu. 

Á undanförnum árum hafa fjölmargar góðar hugmyndir íbúa orðið að veruleika í Grafarvogi en framkvæmt hefur verið fyrir 125 milljónir króna í hverfinu, samkvæmt niðurstöðum kosninga frá 2012-2014.  Flestar hugmyndanna gagnast börnum og unglingum í hverfinu enda snúast verkefnin um það að bæta umhverfið – leiksvæði, útivistaraðstöðu, gönguleiðir, umferðaröryggi, gróðursetningu og fleira sem gerir hverfið miklu betra.

[su_button url=“http://grafarvogsbuar.is/rafraenar-ibuakosningar-um-verkefni-i-grafarvogi/“ target=“blank“ style=“3d“ background=“#1065bd“ radius=“0″]Betri Reykjavík[/su_button]

Fjölnir náði í gríðarlega mikilvæg stig í kvöld þegar Selfoss kom í heimsókn í Grafarvoginn. Fjölnismenn mættu einfaldlega miklu grimmari frá fyrstu mínútu og komust fljótlega í 2-o. Þá forystu náðu gestirnir einfaldlega aldrei að jafna. Staðan eftir 15 mínútur 9-4.

Fjölnir jók forystuna jafnt og þétt og þrátt fyrir að Selfyssingar breyttu um vörn breytti það litlu . Sebastian byrjaði í marki gestanna en fór útaf um miðjann fyrri hálfleikinn en kom aftur í síðari hálfleik.
Staðan 15-9 í hálfleik.

Fjölnir slakaði aldrei á klónni og hélt sínum leik áfram voru stöðugir í vörn og markvörslu. Kristján Örn Kristjánsson skytta Fjölnis var atkvæðamikill í fyrri hálfleik og tóku gestirnir á það ráð að taka hann úr umferð þegar líða fór á seinni hálfleikinn. Staðan eftir rúmar 20 mínútur 23-15.

Vörn heimamanna ásamt markvörslu Ingvars gerði það að verkum að Selfyssingar náðu ekki að laga stöðuna neitt eftir þetta og úrslit leiksins 7 marka sigur Fjölnis 25-18 og liðin því jöfn að stigum í 4 sætinu og með jafna markatölu út úr þrem leikjum vetrarins samtals, 70-70.
Mörk Fjölnir: Kristján Örn Kristjánsson 6, Arnar Ingi Guðmundsson 6, Sveinn Þorgeirsson 3, Sigurður Guðjónsson 3, Bjarki Lárusson 2, Bergur Snorrason, Brynjar Loftsson, Bjarni Ólafsson, Björgvin Páll Rúnarsson og Unnar Arnarsson allir með 1 mark. Markvarsla:  Ingvar Kristinn Guðmundsson varði 17 skot. (49% markvarsla.)
Mörk Selfoss: Hörður Másson 4,Sverrir Pálsson 4, Daníel Arnar Róbertsson 3, Hergeir Grímsson, Elvar Örn Jónsson, Egedius Mikalonis, Andri Már Sveinsson, Matthías Örn Halldórsson og Jóhann Erlingsson allir með 1 mark.
Markvarsla: Sebastían Alexandersson varði 13 skot og Helgi Hlynsson varði 5 skot.

Íbúar í Grafarvogi leggja til hugmyndir fyrir 117 milljónir í hverfakosningunum Betri hverfi 2015. Þar á meðal er hundagerði á Gufunessvæðinu, áningarstaður fyrir botni Grafarvogs og margt fleira áhugavert.

Íbúar í Grafarvogi leggja til að sett verði upp hundagerði  á Gufunessvæðinu sem á að kosta tíu milljónir. Þeir vilja einnig leggja upplýstan, malbikaðan stíg í stað malarstígsins á milli Vættaskóla og Gullengis sem mun kosta fjórar milljónir. Þá hafa þeir sett fram þá frábæru hugmynd að gera áningarstað fyrir botni Grafarvogs með bekkjarborðum og upplýsingaskilti.

Þetta eru aðeins þrjú af 19 verkefnum í Grafarvogi sem íbúar komu með hugmyndir að í hugmyndasöfnun fyrir Betri hverfi 2015. Alls leggja Grafarvogsbúar til verkefni sem eru verðmerkt á 117 milljónir króna en hægt verður að framkvæma hugmyndir fyrir um 41 milljón króna eftir hverfakosningar.

Rafrænar íbúakosningar um verkefni í hverfum borgarinnar hefjast  þriðjudaginn 17. febrúar í næstu viku og standa yfir til miðnættis þriðjudaginn 24. febrúar. Til að kjósa þarf að auðkenna sig með rafrænum skilríkjum eða íslykli og kemst þá kjósandinn inn í rafrænan kjörklefa. Kerfið er afar einfalt í notkun. Aldurstakmark í kosningunum er 16 ár.

Sjá verkefni í Grafarvogi

Rimaskólakrakkar sýndu það og sönnuðu í enn eitt skiptið hversu góð þau eru í skáklistinni. A sveit Rimaskóla sigraði líkt og sl. ár nokkuð örugglega á Reykjavíkurmóti grunnskóla 2015 og hlaut sveitin 25 vinninga af  28 mögulegum. Miklir afrekskrakkar þar á ferð og á öllum aldri. Það voru alls 27 nemendur skólans sem tóku þátt í Reykjavíkurmótinu fyrir hönd Rimaskóla og sendi skólinn 6 öflugar skáksveitir til leiks. B, C og D sveitirnar urðu í 5. 6. og 7. sætum mótsins, þ.e. fjórar Rimaskólasveitir í sjö efstu sætunum. Rimaskólakrakkarnir fá góða þjálfun frá Helga Ólafssyni stórmeistara og Birni Ívari frá Skákakademíu Reykjavíkur auk þess sem þau mæta reglulega á skákæfingar Fjölnis alla miðvikudaga. Mörg spennandi verkefni eru á dagskrá skáksnillinganna svo sem Íslandsmót, Miðgarðsmót, Rótarý – skákhátíð, Skákbúðir svo og heimsóknir í aðra grunnskóla. Reykjavíkurmeistarar, A sveit Rimaskóla eru Nansý 7-EH, Jóhann Arnar 9-BAS, Kristófer Jóel 10-SG, Joshua 4. bekk og Kristófer Halldór 7-EH. Liðstjórar voru þeir Dagur Ragnarsson og Jón Trausti Harðarson margfaldir meistarar með Rimaskóla á árunum 2008 – 2013.

Hinn 17 ára Fjölnismaður Dagur Ragnarsson hefur farið mikinn nú eftir áramótin með þátttöku sinni á tveimur sterkum skákmótum, Skákþingi Reykjavíkur 2015 og Nóa – Síríus mótinu sem er boðsmót. Dagur varð í 6. sæti á Skákþinginu og er nú sem stendur í 3. sæti á boðsmótinu.

Það sem vekur þó mesta athygli við frammistöðu Dags er að hann er að vinna eða gera jafntefli við stórmeistara og alþjóðlega meistara og búinn að hækka sig um tæplega 200 ELÓ skákstig á þessum stutta tíma.

Dagur er með 2059 skákstig og í vikunni vann hann skákmeistarann Karl Þorsteins sem er með 2456 stig. Auk Dags eru félagar hans úr Rimaskóla og nú MH, þeir Jón Trausti Harðarson og Oliver Aron Jóhannesson á svipuðum nótum og hækka sig stöðugt á skákstigum og að verða ótrúlega sterkir skákmenn.

Þetta eru góð tíðindi fyrir Skákdeild Fjölnis sem treysta á þessa þrjá ungu skákmenn til að halda A – sveit Fjölnis í öruggu sæti 1. deildar. Það er því óhætt að segja að framtíðin sé björt.

Grótta hélt uppteknum hætti í 1. deildinni í kvöld og sigruðu þá lið Fjölnis sem kom í heimsókn á nesið. Hörkuleikur og sem sýndi að lið fjölnis er sýnt veiði en ekki gefins. Gróttumenn höfðu þó frumkvæðið lengst af og voru með 4 marka forsytu í hálfleik 14-10 og höfðu að lokum 6 marka sgur 27-21.

Grótta var búin að endurheimta markahæsta leikmann sinn Viggó Kristjánsson sem lék ekki í síðasta leik vegna leyfis erlendis og þá var einnig Þórir Jökull Finnbogason komin aftur inn í liðið eftir meiðsli.

Grótta heldur þar með toppsæti sínu í deildinni með 33 stig eftir 17 leiki og hafa nú 3 stiga forskot á Víkinga sem eru í 2. sætinu. Fjölnismenn eru engu að síður í ágætis málum í 4. sætinu með 19 stig og eru ennþá í góð’um málum að koma sér í úrslitakeppnina.

Mörk Gróttu: Þráinn Orri Jónsson 7, Viggó Kristjánsson 6, Árni Benedikt Árnason 3, Aron Valur Jóhannsson 3, Styrmir Sigurðarson 2, Aron Dagur Pálsson 2, Þorgeir Bjarki Davíðsson 1, Þórir Jökull Finnbogason 1, Hjalti Már Hjaltason 1 og Kristján Þór Karlsson 1.
Mörk Fjölnis: Sveinn Þorgeirsson 4, Brynjar Loftsson 4, Bjarki Lárusson 3, Björgvin Páll Rúnarsson 2, Arnar Ingi Guðmundsson 2, Bergur Snorrason 2 og Kristján Örn Kristjánsson 2.

Myndir: Þorgils