Grafarvogskirkja

Guðsþjónusta kl. 11.00

Fundur með fermingarbörnum úr Vættaskóla og Kelduskóla og foreldrum þeirra

Prestar: séra Vigfús Þór Árnason og séra Sigurður Grétar Helgason
Kór Grafarvogskirkju syngur
Organisti: Hákon Leifsson 

Sunndagaskóli kl. 11.00

Prestur: séra Arna Ýrr Sigurðardóttir
Umsjón: Þóra Björg Sigurðardóttir
Undirleikari: Stefán Birkisson

Kirkjuselið í Spöng

Selmessa kl. 13.00

Prestur: séra Arna Ýrr Sigurðardóttir
Vox Populi syngur
Organisti: Hilmar Örn Agnarsson

Sunnudagaskóli á sama tíma

Umsjón: Rósa Ingibjörg Tómasdóttir
Undirleikari: Stefán Birkisson

Follow

Kæru foreldrar og skólafólk.

Við vekjum athygli  á því að Alþjóðlegi netöryggisdagurinn verður haldinn hátíðlegur þriðjudaginn 9. febrúar nk. kl. 13-16 í salarkynnum Menntavísindasviðs Háskóla Íslands, Bratta.

Takið daginn frá! Vinsamlegast staðfestið komu á heimiliogskoli@heimiliogskoli.is.

Follow

N1 endurnýjaði samning sinn við Ungmennafélagið Fjölnir. Samningurinn er til þriggja ára og gerir N1 að einn af aðal styrktaraðilum Fjölnis.

“ Það er okkur hjá Fjölni mikil ánægja að framlengja samning okkar við öflugan bakhjarl eins og N1″, segir Guðmundur L. Gunnarsson, framkvæmdarstjóri Fjölnis.

Þyrí Dröfn Konráðsdóttir, markaðsstjóri N1 segir að N1 leggi mikið upp úr því að styðja og styrkja við uppbyggingu við íþróttastarf ungmenna í landinu.

„Það er okkur því sönn ánægja að framlengja samning okkar við Fjölni“ segir Þyrí Dröfn Markaðsstjóri N1.

Á myndinni má sjá Guðmund L Gunnarsson, framkvæmdarstjóri Fjölnis og Þyrí Dröfn Konráðsdóttir markaðsstjóra N1

Follow

Tillaga um að sundferðir og bókasafnsskírteini verði áfram gjaldfrjáls fyrir atvinnulausa og einstaklinga með fjárhagsaðstoð til framfærslu í Reykjavík árið 2016 var samþykkt á fundi borgarráðs 21. janúar.

Einstaklingur getur sótt um sundkort og bókasafnsskírteini á Þjónustumiðstöð í sínu hverfi.

Rannsóknir sýna að atvinnuleysi geti haft neikvæðar heilsufarslegar og félagslega afleiðingar í för með sér en með því að bjóða þessum hópum upp á heilsurækt og endurgjaldslausan aðgang að Borgarbókasafninu er stuðlað að aukinni þátttöku í samfélaginu og bættum lífsgæðum.

Kostnaðarmat gerir ráð fyrir um 5,8 milljónum króna kostnaði borgarinnar á árinu 2016 og er það miðað við fjölda sundferða og bókasafnsskírteina undanfarin ár að teknu tilliti til verðlagshækkana.

Þjónustumiðstöð:
Þjónustumiðstöð Grafarvogs og Kjalarness, Miðgarður, Gylfaflöt 5, s. 411 1400

Þjónustuver Reykjavíkurborgar sími 411 1111

Follow

Ný skýrsla um íbúalýðræðisverkefnin Betri Reykjavík og Betri hverfi sýnir að Reykvíkingar eru ánægðir með þau en þó er bent á ýmis tækifæri til úrbóta og að auka þyrfti þáttöku með öflugri lýðræðisverkefnum.

Follow

Dagskrá Menningarhúsa Borgarbókasafnsins er að öllu jöfnu ótrúlega fjölbreytt og vönduð. Aðsóknin á marga viðburði á nýju ári hefur verið frábær og á suma hefur verið fullt út úr dyrum.

Árið byrjar vel á Borgarbókasafninu. Fyrsti viðburður ársins var í menningarhúsinu í Grófinni en þar fengu börn að lesa fyrir sérþjálfaða hunda og er nánast fullbókað í alla tímana.

Í Árbæ komu talmeinafræðingarnir Eyrún og Þóra og sungu nokkrar Lubbavísur fyrir fullu húsi og brugðu á leik með fjárhundinum Lubba sem leitaði að málbeininu.

Berglind Björgúlfsdóttir var með tónlistarstund fyrir yngstu kynslóðina í Spönginni og var þéttsetið af mæðrum og litlum krílum sem tóku virkan þátt og hlýddu áhugasöm á. Sögustund á náttfötunum í Sólheimum þarf vart að kynna en hún er fastur dagskráliður hjá fjölda barna og er fullskipað í hvert sæti.

Í Grófinni var á dögunum opnuð myndasögusýning Lilju og Simma. Skemmtilegt viðtal var tekið við verkefnastýruna og teiknarana í beinni útsendingu í Fréttatíma Stöðvar 2 og á Café lingua á Hótel Marina var ljúf stemning en þar leiddu skáld og ljóðaunnendur gesti í ljóðaferðalag heimshorna á milli.

Prjónakaffið í Árbæ hefur verið með eindæmum vinsælt og er greinilegt að landinn fær aldrei nóg af hannyrðum og góðum félagsskap og leshringir safnanna eru fullskipaðir af áhugasömum bókaormum.

Tvær sýningar voru opnaðar helgina 16-17. janúar, Polaroid – Fortíðarþrá í Grófinni en sýningin er samsýning nokkurra félaga úr Félagi íslenskra samtímaljósmyndara. Guðrún Ingibjartsdóttir opnaði sýninguna Veröldin mín í Boganum í Gerðubergi og fékk til sín marga góða gesti.

Í Gerðubergi var boðið upp á tónleikana, Jazz í hádeginu, og var þétt setið í stóra salnum þegar þeir félagar Leifur Gunnarsson og Agnar Már Magnússon léku af hjartans list og svo endurtóku þeir leikinn í Spönginni daginn eftir.

Og rúsínan í pylsuendanum er óneitanlega aðsóknarmetið sem var slegið í Gerðubergi á Heimspekikaffið Hefur hugsun áhrif á heilsu? með Gunnari Hersveini og Láru G. Sigurðardóttur lækni en þar mættu yfir 230 manns og var setið í öllum skúmaskotum hússins.

Follow

Félag Sjálfstæðismanna í Grafarvogi boðar til opins fundar mánudaginn 25. janúar kl.: 20:00 í félagsheimilinu að Hverafold 3, 2. hæð.

Elliði Vignisson, bæjarstjóri í Vestmannaeyjum, verður gestur fundarins.

Umræðuefni fundarins:

*Almenn sveitastjórnarmál

*Eru minni sveitarfélög íbúavænni?

*Væru Grafarvogsbúar betur settir ef Grafarvogur væri sjálfstætt sveitarfélag?

*Fylgi Sjálfstæðisflokksins á landsvísu og í Reykjavík

Allir velkomnir á meðan húsrúm leyfir.

Heitt á könnunni.
Stjórnin

Follow

Frá og með næstkomandi sunnudegi mun Grafarvogssöfnuður bjóða upp á kaffi og meðlæti í kirkjuselini í Eirborgum kl. 12:00 – 13:00. Síðasta sunnudag hvers mánaðar (fram á vor) mun veitingastaðurinn Sægreifinn bjóða upp á fiskisúpu á þessum sama tíma.

Þetta er fólki að kostnaðarlausu en Grafarvogssöfnuður og Sægreifinn vilja koma á móts við fólk sem ekki hefur lengur kost á að fá heitan mat í samfélagi við annað fólk í þessari vinsælu félagsmiðstöð um helgar.

Follow