GRAFARVOGUR
Hamrar, Foldir, Hús, Rimar, Borgir, Víkur, Engi, Spöng, Staðir, Höfðar, Bryggjuhverfi, Geirsnef, Gufunes og Geldinganes.
Grafarvogur er næst fjölmennasta hverfi borgarinnar og var íbúafjöldi þess þann 1.janúar 2011 18.706 á 6.216 heimilum. Grafarvogur er stórt hverfi bæði hvað varðar íbúafjöldi en einning landsvæði. Í hverfinu er mikil hverfisvitund og líta margir íbúar á Grafarvog sem einskonar bæ innan borgarmarkanna.
Það sem helst einkennir íbúasamsetningu hverfisins er að það er barnmargt og mikið er af ungu fólki. Í samanburði við Reykjavík í heild sinni eru íbúahóparnir frá 0-24 ára fremur fjölmennur í Grafarvogi eða 38,3% íbúa en til samanburðar þá er telur sá aldurshópur 33,4% í allri Reykjavík. Þetta er raunin þótt hverfið hafi verið að eldast undanfarin ár. Hlutfall eldri borgara er að sama skapi fremur lágt í samanburði við Reykjavík í heild sinni þar sem einungis 6,3% íbúa hverfisins eru 67 ára og eldri en í Reykjavík er þetta hlutfall 10,7%.
Það sem einkennir hverfið er mikil nánd við náttúruna. Þar ber helst að nefna svæði eins og Gufunesið, Grafarvoginn og ánna Korpu. Hverfið markast einnig af langri og fallegri sjávarsíðu sem umlykur hverfið af stórum hluta. Íbúarnir nýta sér óspart þessar náttúruperlur til útivistar og íþróttaiðkunar. Hverfið státar einnig af metnaðarfullu starfi í 15 leikskólum, átta grunnskólum og sjö frístundaheimilum, sex félagsmiðstöðum. Í hverfinu eru einnig góð aðstaða til íþróttaiðkunar m.a. í Íþróttamiðstöðinni, sundlaug Grafarvogs og Egilshöll. Íþróttafélag hverfisins er Fjölnir.
Í ljósi þess að hverfið er barnmargt þá hefur áhersla í þjónustu Reykjavíkurborgar hefur verið á börn og barnafjölskyldur. Löng hefð fyrir þjónustumiðstöð og þeirri starfsemi sem hún hefur staðið fyrir en Miðgarður varð til árið 1997 sem eitt af framlögum Reykjavíkurborgar til reynslusveitafélagaverkefnisins. Þjónustumiðstöðin er til húsa að Gylfaflöt 5 og veitir alhliða fjölskylduþjónustu við íbúa hverfisins.
Follow