Hið árlega Vormót Fjölnis í frjálsum íþróttum var haldið 2. júní á Laugardalsvelli í yndislegu veðri. Mótið var fyrir keppendur á aldrinum 11-15 ára og tóku 75 keppendur þátt á mótinu, þar af voru 7 frá Fjölni. Keppt var í 60 m eða 100 m hlaupi, langstökki, kúluvarpi og 800 m hlaupi. Mótahaldið gekk vel og fjölmargir að bæta sinn besta árangur, en 68 persónulegar bætingar náðust á mótinu.

Þeir Fjölniskrakkar sem komust á verðlaunapall voru:

Elísa Sverrisdóttir fékk gull í 100 m hlaupi og brons í langstökki.

Kjartan Óli Ágústsson fékk silfur í 800 m hlaupi og brons í kúluvarpi.

Bjartur Gabríel Guðmundsson fékk gull í kúluvarpi.

Leonard Sveinsson fékk brons í 800 m hlaupi.

Eins og áður sagði voru bætingar keppenda margar. Helstu bætingar fjá Fjölniskrökkunum voru að 14 ára krakkarnir voru að bæta sig mikið í 100 metra hlaupinu. Bjartur Gabríel átti áður 14,68 sek en hljóp nú á 13,35 sek. Leonard átti áður 15,71 sek en hljóp nú á 13,37 sek. Elísa átti áður 14,27 sek en hljóp nú á 13,81 sek. Kjartan Óli átti áður 15,41 sek en hljóp nú á 14,30 sek. Þetta er góð byrjun á utanhússkeppnistímabilinu sem er að hefjast. Nánari úrslit mótsins má finna hér.

Á myndinni eru Kjartan Óli og Leonard ánægðir að móti loknu.

Í dag fögnuðu nemendur í Hamraskóla sumrinu með skrúðgöngu um hverfið sitt.

Nemendur hafa undirbúið gönguna með því að búa til dreka, veifur, grímur, hljóðfæri og sitthvað fleira.

Skrúðgangan fór frá Hamraskóla klukkan 12:00 á hádegi (föstudaginn 3. júní) og mættu nokkrir foreldrar til að taka þátt.

Sjá myndir hérna….

Skautafélag Reykjavíkur listhlaupadeild stendur fyrir skauta og leikjanámskeiði í júlí í Skautahöllinni í Egilshöll fyrir börn á aldrinum 5-10 ára. Hvert námskeið er frá  kl. 9-12 fyrir hádegi eða  kl.

13-16 eftir hádegi. Á námskeiðinu  er börnunum skipt upp eftir aldri og getu þannig að allir fái kennslu við hæfi. Farið verður í leiki úti og inni eftir hvernig viðrar auk skautatíma á ísnum, hver vika verður með sérstakt þema sem skilar sér í þeim leikjum og  æfingum sem börnin taka þátt í.

Sumarbúðir fyrir lengra komna eru í júlí og ágúst og eru búðirnar opnar fyrir alla skautarar sem æfa íþróttina.  Það þarf því engin skautari að stirðna upp í sumar og missa niður stökkin sín, en sumarbúðirnar eru mikilvægar til að bæta við sig í íþróttinni og byrja byggja sig upp fyrir veturinn.

Allar frekari upplýsingar er að finna á heimasíðu félagsins, hér um skauta og leikjanámskeiðið ( http://skautafelag.is/sumarbudir/sumar2016/

)   og hér um sumarbúðirnar (http://skautafelag.is/sumarbudir/ )

Í sumar verður Fótboltaskóli Fjölnis starfræktur eins og undanfarin ár á æfingasvæðinu okkar við

Egilshöll. Skólinn er fyrir stelpur og stráka frá 5 – 12 ára og er skipt í hópa eftir aldri og getustigi.

Markmið skólans er að krakkarnir upplifi knattspyrnu á skemmtilegan hátt hvort þau séu byrjendur eða

lengra komin. Farið verður í alla helstu þætti þjálfunar eins og tækniæfingar, skotæfingar, sendingar

og sköllun. Mikið verður um skemmtilega leiki með og án bolta að ógleymdum liða- og

einstaklingskeppnum þar sem allir reyna á sína færni. Skráningar í Fótboltafjör, hálfdagsnámskeið er í

gegnum Nóra skráningarkerfi félagsins https://fjolnir.felog.is

Í sumar verður við með nýjung þar sem við bjóðum upp á heilsdagsnámskeið í samstarf á við

Gufunesbæ, þar sem börnum býðst að vera í fótboltaskóla frá kl. 08:30 – 12:30 og í sumarfrístund frá

kl. 12:30 – 16:30 eða í 8 tíma. Hægt er að kaupa viðbótarstund frá kl. 08:00 – 08:30 og frá kl. 16.30 –

17:00. Börnunum verður fylgt á milli staða. Í sumarfrístund er lögð áhersla á útiveru, frjálsan leik,

skapandi starf, þemaverkefni og styttri ferðir. Lögð verður áhersla á að virkja börnin við ákvarðanatöku

um hina ýmsu þætti starfsins. Í fótboltanum er lögð áhersla á knattspyrnuæfingar og skemmtilega

hreyfingu. Starfsfólk í sumarfrístund hefur reynslu af starfi í frístundaheimilum og í fótboltanum verða

þjálfarar sem starfað hafa hjá deildinni undanfarin ár og unnið mikið með börnum. Skráningar í

fótbolta og sumarfrístund, heildagsnámskeiðin er á skráningarvef Rvk.borgar http://sumar.fristund.is

Fótboltafjör hálfdagsnámskeiðin verða í júní, júlí og ágúst

Vika 1: 13. júní – 16. júní, 4 dagar verð 5.400 kr.

Vika 2: 20. júní – 24. júní, 5 dagar verð 6.750 kr.

Vika 3: 27. júní – 1. júlí, 5 dagar verð 6.750 kr.

Vika 4: 4. júlí – 8. júlí, 5 dagar verð 6.750 kr.

Vika 5 : 11. júlí – 15. júlí, 5 dagar verð 6.750 kr.

Vika 6: 02. ágúst – 05. ágúst, 4 dagar verð 5.400 kr.

Vika 7: 8. ágúst – 12. ágúst, 5 dagar verð 6.750 kr.

Vika 8: 15. ágúst – 19. ágúst, 5 dagar verð 6.750 kr.

Nánari upplýsingar um Fótbolta og sumarfrístund heildagsnámskeið á www.fjolnir.is

Eða http://www.fristund.is

Sunddeild Fjölnis býður í sumar upp á sundnámskeið í Grafarvogslaug. Líkt og áður sér Gunna Baldurs um kennsluna auk þess sem aðstoðarfólk verður í lauginni. Aðstoðarfólkið fylgir börnunum í gegnum búnings– og baðklefa.

Eftirfarandi námskeið verða í boði sumarið 2016:

13. júní – 24. júní (9 dagar) 6.750 kr.
27.júní – 8. júlí (10 dagar) 7.500 kr.
8. ágúst – 19. ágúst (10 dagar) 7.500 kr.

Tímar sem í boði eru:

8:15– 8:55 Frístund
9:00-9:40 4-10 ára
9:45-10:25 4-10 ára
10:40-11:20 4-10 ára
11:25-12:05 4-10 ára 

Börnum sem eru 8-10 ára er boðið að synda með sér námsskrá og er þá sérstök áhersla lögð á þau atriði er uppá vantar úr skólasundi.

Hægt er að skrá með því að smella hér eða á skrifstofu Fjölnis í síma 578-2700 eða með tölvupósti á aefingagjold@fjolnir.is

Á sjómannadaginn verður mikil hátíð í Grafarvogskirkju þegar nýr sóknarprestur verður settur inn í embætti.

Dagskráin hefst með helgistund við Naustið, gamalt bátalægi fyrir neðan kirkjuna kl. 10:30. Félagar úr björgunarsveitinni Ársæli munu koma siglandi inn voginn og standa heiðursvörð á meðan helgistundin stendur yfir. Séra Guðrún Karls Helgudóttir leiðir stundina ásamt Kirkjukórnum, Vox populi, Hákoni Leifssyni, organista og Brassbandi Reykjavíkur.

Innsetningarmessan hefst kl. 11:00 og þá mun sr. Gísli Jónasson, prófastur í Reykjarvíkurprófastsdæmi eystra setja prestinn Guðrúnu Karls Helgudóttur inn í embætti sóknarprests Grafarvogsprestakalls. Sr. Arna Ýrr Sigurðardóttir, sr. Sigurður Grétar Helgason, Stefanía Steinsdóttir, guðfræðinemi og messuþjónar munu einnig þjóna. Jarþrúður Karlsdóttir mun frumflytja eigin sálm. Kirkjukórinn syngur ásamt Vox populi undir stjórn Hákonar Leifssonar organista og Brassband Reykjavíkur spilar.

Að messu lokinni verður hátíðarkafi í boði sóknarnefndar og safnaðarfélags Grafarvogsprestakalls.

Vekomin!

Ólöf Nordal innanríkisráðherra hefur skipað Ársæl Guðmundsson í embætti skólameistara Borgarholtsskóla frá 1. júlí.

Tíu sóttu um stöðuna og var upphaflega gert ráð fyrir að Illugi Gunnarsson, mennta- og menningarmálaráðherra, myndi skipa í hana frá 1. apríl og hafa umsækjendur og starfsmenn skólans verið upplýstir um það.

Ingi Bogi Bogason, aðstoðarskólameistari og starfandi skólameistari, sendi starfsmönnum skólans tilkynningu um þetta í gær.

Ársæll hefur starfað undanfarið sem verkefnastjóri í mennta- og menningarmálaráðuneytinu og vegna tengsla hans við ráðuneytið var ákveðið að innanríkisráðherra skipaði í stöðuna.

Guðný Elísabet Ingadóttir

Mannauðsstjóri

Innanríkisráðuneyti

Grafarvogsdagurinn, hverfishátíð Grafarvogsbúa, var haldin í 19. sinn laugardaginn 28. maí. Sem fyrr er markmið dagsins að sameina íbúa hverfisins og skapa vettvang til að hittast og gera sér glaðan dag.

Hérna er hægt að skoða myndir frá nokkrum viðburðum…….

Fjölnishlaupið fór fram 26. maí við Grafarvogslaug.

Sigurvegarar í skemmtiskokki voru Guðbjörg Jóna Bjarnadóttir ÍR og Mikael Daníel Guðmarsson ÍR. Í 10 km hlaupinu sigraði Arndís Ýr Hafþórsdóttir Fjölni kvennaflokkinn á tímanum 38:21, Andrea Kolbeinsdóttir ÍR varð önnur á tímanum 39:15 og Helga Guðný Elíasdóttir Fjölni varð þriðja á tímanum 41:29.

Þórólfur Ingi Þórsson ÍR sigraði karlaflokkinn á tímanum 34:09, Hugi Harðarson Fjölni var í öðru sæti á persónulegi meti 34:21 og Ingvar Hjartarson Fjölni varð þriðji á tímanum 35:25.

Frekar blautt var í veðri en hlauparar létu það ekki á sig fá. Fjöldi útdráttarverðlauna voru dregin út að loknu hlaupi. Nánari úrslit eru hér.

Á myndunum eru Arndís Ýr og Þórólfur sem unnu 10 km og Guðbjörg Jóna og Mikael Daníel sem unnu skemmtiskokkið.

Fleiri myndir hérna…..