Útbúið verður kaffihús í kirkjurýminu og áhersla á ljúfa kaffihúsastemmingu.
Séra Sigurður Grétar Helgason þjónar. Hilmar Örn Agnarsson er organisti og Björg Þórhallsdóttir er forsöngvari.
Kirkjukaffið verður í guðsþjónustunni.
Stemningin var ólýsanleg á Arnarhóli þegar Ísland mætti Englandi á EM síðasta mánudag. Talið er að allt að 20.000 manns hafi mætt til að fylgjast með leiknum og hvetja landsliðið til sigurs.
Áhuginn á leik Íslands og Frakklands á sunnudag er ekki minni, nema síður sé, og því hafa aðstandendur EM torgsins: Íslensk Getspá, Landsbankinn, Icelandair, Coca-Cola, KSÍ, N1, Síminn og Borgun ásamt Reykjavíkurborg ákveðið að endurtaka leikinn og bjóða þeim aðdáendum landsliðsins sem ekki verða staddir á Stade de France í París að mæta á Arnarhól.
Skjárinn á sunnudagskvöldið við Arnarhól verður mun stærri ásamt því að skjárinn verður hækkaður eins hátt upp og mögulegt verður til að tryggja sem besta sýn á leikinn. Leikurinn hefst klukkan 19 og það borgar sig að vera mættur tímanlega. Aðgengi verður fyrir hjólastóla á sérstökum útsýnispalli.
Lækjargata verður lokuð frá morgni til kvölds á sunnudag til að auka aðgengi gangandi fólks að Arnarhóli. Allir aðrir leikir keppninnar verða áfram sýndir á EM torginu á Ingólfstorgi.
Allir eru hvattir til að koma og styðja strákana okkar og upplifa EM drauminn saman á Arnarhóli.
Hreinsunarherinn var að störfum í morgun eins og sést á hverfinu okkar fallega.
Áfram Grafarvogur …………….
Við höfum verið með EM stofu hér í Borgum sem hefur verið geysilega vel sótt.
Með góðri kveðju frá okkur og gleðilegt sumar,
Sjónhverfingar – Alexandra Vassilikian sýnir í Spönginni
„Málari umfram allt, ljósmyndari að auki. Armeni í grunninn, Rúmeni um tíma, nú Frakki: manneskja á eilífu ferðalagi.“
Svona lýsir listakonan Alexandra Vassilikian sjálfri sér og viðfangsefnum sínum.
Í teikningum og málverkum leitar Alexandra í eigin dulvitund, en einnig í dýpt landslagsins sem umkringir hana á ferðalögum um heiminn. Fjallgarður í Rúmeníu, klettabelti í Portúgal og hraunbreiða á Íslandi verða upphafpunkturinn að því sem hún kallar „leiktjöld hugans“. Við lestur Íslendingasagnanna uppgötvaði Alexandra hugtakið sjónhverfingar sem hún segir lýsandi fyrir listaverk sín, þar sem erfitt er að greina milli minninga, ímyndunar og umhverfis.
Eftir að hafa lokið meistaranámi í myndlist frá listaakademíunni í fæðingarborg sinni Búkarest hefur Alexandra Vassilikian (f. 1946) unnið að listsköpun í stórborgunum Lissabon, London og París, en hún fékk pólitískt hæli í Frakklandi á níunda áratugnum. Síðustu árin hefur hún komið sér upp vinnuaðstöðu í þorpinu Klimmach í Bæjaralandi og leitar þangað úr borgarysnum í æ ríkara mæli. Alexandra Vassilikian hefur haldið sýningar víða um Evrópu og í Kanada og starfað á gestavinnustofum hér og þar. Árið 2013 sýndi hún á Skriðuklaustri, dulmagnaðar ljósmyndir úr þýskum skógi, en nú er það nátturan hið innra og hið ytra sem flæðir um myndflötinn.
E
M torgið verður fært yfir á Arnarhól þegar Ísland leikur á móti Englandi á mánudagskvöld kl. 19:00.
Vegna mikils áhuga þjóðarinnar á að horfa saman á þennan stórleik Íslands í 16-liða úrslitum Evrópukeppninnar var ákveðið, í samráði við Reykjavíkurborg, að setja upp risaskjá og hljóðkerfi við Arnarhól. Aðeins þessi leikur Íslands verður sýndur á Arnarhóli og verða aðrir leikir sem eftir eru í keppninni áfram sýndir á Ingólfstorgi.
Reykjavíkurborg í samstarfi við aðstandendur EM-torgsins; Íslenska Getspá, Landsbankann, Icelandair, Coca-Cola, KSÍ, N1, Símann og Borgun vinna að þessari breytingu. Vonast er til að sem flestir mæti og sendi góða strauma til strákanna okkar í Nice.
Guðni Th. Jóhannesson hefur verið kjörinn forseti Íslands. Hann verður sjötti forseti lýðveldisins. Hann hlaut 39,08 prósent, en 71.356 Íslendingar kusu Guðna. Hylling verður fyrir utan heimili hans á Seltjarnarnesi klukkan fjögur í dag. Sýnt verður frá hyllingunni í beinni útsendingu í sjónvarpinu.Guðni Th. er fæddur árið 1968, er með doktorspróf í sagnfræði og starfaði sem háskólakennari. Hann er kvæntur Elizu Reid og eiga þau saman fjögur börn. Frá fyrra hjónabandi á Guðni eina dóttur. Guðni var einn af níu forsetaframbjóðendum og hefur haft afgerandi forystu í skoðanakönnunum sem birst hafa á vikunum fyrir kosningar.
Þjóðin gekk til kosninga í gærdag og fyrstu tölur birtust upp úr 10 í gærkvöldi frá Suðurkjördæmi. Guðni viðurkenndi að fyrstu tölur hefðu komið sér á óvart, en tölurnar sýndu lítinn mun á milli hans og Höllu Tómasdóttur. Þegar líða fór á kosninganóttina fór atkvæðafjöldi að líkjast skoðanakönnunum og Guðni tók forustu.
Guðni sagði í ræðu sinni að kosningabaráttan hafi verið stressandi, sérstaklega fyrstu tölur. Hann treysti því að hann eigi áfram stuðning viðstaddra og landsmanna allra. Mikið verkefni bíði hans, fari fram sem horfir. Hann ætlar að leggja sig allan fram við að vera það sameiningarafl sem þjóðin vilji og eigi skilið.
Hylling verður fyrir utan heimili hans á Seltjarnarnesi og verður sýnt beint frá henni í sjónvarpinu klukkan fjögur í dag.
Kjörstaðir í Reykjavík við forsetakosningar 25. júní næstkomandi eru alls fimmtán talsins. Hér er að finna allar helstu upplýsingar til borgarbúa um framkvæmd kosinganna.
Kjörstaðir í Reykjavík við forsetakosningar 25. júní næstkomandi eru eftirfarandi:
Á kjördag er upplýsingavakt í Ráðhúsi Reykjavíkur í s. 411 4915, netfang kosningar@reykjavik.is. Þar eru fúslega veittar upplýsingar um hvar fólk á að kjósa og hvað annað sem kjósendur vilja spyrja um.
Aðgengi fyrir hjólastóla er tryggt á öllum kjörstöðum. Ekki gleyma að hafa skilríki meðferðis á kjörstað.
Yfirkjörstjórn Reykjavíkurkjördæmis norður hefur aðsetur í Ráðhúsinu á kjördag. Hún er í s. 411 4910. Yfirkjörstjórn Reykjavíkurkjördæmis suður hefur aðsetur í Hagaskóla á kjördag. Hún er í s. 411 4920.
Á www.reykjavik.is/kosningar má einnig fylgjast með þróun kjörsóknar yfir daginn og nálgast ýmsar hagnýtar og áhugaverðar upplýsingar sem tengjast kosningum.
Talning atkvæða fer fram í Ráðhúsi Reykjavíkur fyrir Reykjavíkurkjördæmi norður og í íþróttahúsi Hagaskóla fyrir Reykjavíkurkjördæmi suður. Talning hefst kl. 22.00 og er opin almenningi meðan húsrúm leyfir.
Allar nánari upplýsingar eru veittar með því að senda fyrirspurn á netfangið kosningar@reykjavik.is.
Skrifstofa borgarstjórnar
Yfirkjörstjórn Reykjavíkurkjördæmis norður
Yfirkjörstjórn Reykjavíkurkjördæmis suður
Vel heppnað Miðnæturhlaup Suzuki
Þrjú ný brautarmet
Hlauparar í Miðnæturhlaup Suzuki eru allir komnir í mark í Laugardalnum og margir að láta þreytuna líða úr sér í Laugardalslauginni þangað sem öllum var boðið að hlaupi loknu. Skráðir þátttakendur voru í heild 2640 talsins, 1247 í 5 km, 782 í 10 km og 611 í hálfu maraþoni.
Aldrei hafa fleiri erlendir gestir tekið þátt í hlaupinu en þeir voru um 900 talsins frá 50 löndum. Flestir erlendu gestanna komu frá Bandaríkjunum, Bretlandi, Kanada og Þýskalandi. Þátttökumet
Framkvæmd hlaupsins hefur gengið að óskum í kvöld enda frábært hlaupaveður og aðstæður allar hinar bestu. Þrjú brautarmet voru sett í hlaupinu í kvöld; í hálfmaraþoni karla, 10 km hlaupi kvenna og 5 km hlaupi kvenna.
Fyrstu þrír hlauparar í mark í hverri vegalengd voru eftirfarandi:
Hálfmaraþon karla
1. Benjamin P Zywicki (USA), 01:07:47
2. Kári Steinn Karlsson, 01:09:29
3. Harry Lupton (IRL), 1:13:25
Benjamin sigraði á nýju brautarmeti í hálfmaraþoninu en tími Kára Steins er næst besti tími sem náðst hefur í hlaupinu frá upphafi. 
Hálfmaraþon kvenna
1. Sigrún Sigurðardóttir, 01:33:23
2. Helen Keeley (GBR), 01:33:50
3. Bergey Stefánsdóttir, 01:34:54
Tími Sigrúnar er 4.besti tími kvenna í hálfmaraþoni kvenna í Miðnæturhlaupi Suzuki frá upphafi. Sigrún hefur hlaupið þrjú hálfmaraþon í ár og er þetta besti tími hennar til þessa á árinu.
10 km karla
1. Ingvar Hjartarson, 33:57
2. Hugi Harðarson, 34:39
3. Þórólfur Ingi Þórsson, 35:32
Tími Ingvars er fjórði besti tíminn sem náðst hefur í 10 km hlaupinu í Miðnæturhlaupi Suzuki. Ingvar átti sjálfur 4.besta tímann fyrir þetta hlaup 33:58 frá árinu 2012.
10 km kvenna
1. Arndís Ýr Hafþórsdóttir, 37:40
2. Andrea Kolbeinsdóttir, 38:55
3. Helga Guðný Elíasdóttir, 39:47
Tími Arndísar er nýtt brautarmet í 10 km hlaupi kvenna en hún átti sjálf gamla metið, 37:44 sem hún setti árið 2012. 
5 km karla
1. Aaron Rowe (USA), 15:44
2. Sigurjón Ernir Sturluson, 16:59
3. Maxime Fages-Lartaud (FRA), 17:24
Aaron hljóp á öðrum besta tíma sem náðst hefur í 5 km hlaupinu frá upphafi.
5 km kvenna
1. Guðlaug Edda Hannesdóttir, 18:00
2. Olivia Sidock (CAN), 19:29
3. Hrönn Guðmundsdóttir, 20:02
Guðlaug Edda hljóp 5 km á nýju brautarmeti en gamla metið átti Hrönn Guðmundsdóttir sem var í þriðja sæti í kvöld, 19:27 frá árinu 2014.
Staðfest heildarúrslit og úrslit í einstökum aldursflokkum verða birt á marathon.is eigi síðar en kl.02. Hér má sjá óstaðfest úrslit sem verið er að yfirfara: http://marathon.is/urslit-midnaeturhlaup/lifandi-urslit
Miðnæturhlaup Suzuki fer fram í 24.sinn í kvöld fimmtudaginn 23.júní. Þó að skráningu sé ekki lokið er ljóst að fjölmennt verður í hlaupinu í kvöld því 2.480 hafa forskráð sig en það eru örlítið fleiri en forskráðu sig í fyrra.
Þegar er búið að slá tvö þátttökumet í hlaupinu. 627 eru skráðir í hálft maraþon og hafa aldrei verið fleiri. Þá eru erlendir gestir fjölmennari en nokkru sinni áður, 880 eru skráðir sem er 27% fleiri erlendir þátttakendur en skráðu sig í heildina í fyrra. Flestir erlendu þátttakendanna sem nú eru skráðir koma frá Bandaríkjunum eða 321. Þá eru skráðir Bretar 160, Kanadamenn 108 og Þjóðverjar 44.
Í dag verður hægt að skrá sig í Laugardalshöll frá kl.16 og þar til 45 mínútum fyrir ræsingu hverrar vegalengdar. Á sama stað sækja forskráðir þátttakendur hlaupnúmerið sitt og önnur skráningargögn.
Hlauparar verða ræstir af stað á Engjavegi í Laugardal á eftirfarandi tímum:
Kl. 21:20 – Hálfmaraþon ræst á Engjavegi ofan við bílastæði Skautahallarinnar.
Kl. 21:50 – 5 km hlaupið ræst fyrir framan Laugardalshöllina.
kl. 22:00 – 10 km hlaupið ræst fyrir framan Laugardalshöllina.
Þátttakendur koma í mark í trjágöngunum við gömlu þvottalaugarnar fyrir neðan Skautahöllina. Reikna má með að flestir hlauparar verði komnir í mark um miðnætti og munu eflaust flestir láta þreytuna líða úr sér í Laugardalslauginni en þangað er öllum þátttakendum boðið að hlaupi loknu.
Í Miðnæturhlaupi Suzuki er að mestu hlaupið á stígum en þó að hluta til á götum. Sjá kort hér. Vegna hlaupsins verður truflun á umferð auk þess sem loka þarf nokkrum götum í stutta stund meðan hlauparar fara hjá. Hér á heimasíðu hlaupsins má nálgast nánari upplýsingar um hvenær götur eru lokaðar og búast má við truflun á umferð. Ökumenn sem eiga leið hjá eru góðfúslega beðnir að taka tillit til hlaupara og starfsmanna hlaupsins.
Þátttakendur geta valið milli þriggja vegalengda: hálfmaraþons (21,1 km), 10 km og 5 km. Allar hlaupaleiðir í Miðnæturhlaupi Suzuki eru löglega mældar samkvæmt reglum AIMS sem eru alþjóðleg samtök hlaupa. Því er allur árangur og met sem slegin eru í hlaupinu viðurkennd af Frjálsíþróttasambandi Íslands.
Heimasíða Miðnæturhlaups Suzuki með öllum helstu upplýsingum er http://marathon.is/midnaeturhlaup
Nánari upplýsingar veita
Svava Oddný Ásgeirsdóttir, hlaupstjóri, s. 898 9614
Anna Lilja Sigurðardóttir, upplýsingafulltrúi, s. 868 6361
Kveðja
f.h. Reykjavíkurmaraþons
Anna Lilja Sigurðardóttir
annalilja@ibr.is
s. 868 6361
Follow