Myndlist

Innsýn | myndlistarsýning

Borgarbókasafnið | Menningarhús Spönginni Fimmtudaginn 2. mars kl. 17.00

Aðgangur ókeypis – allir velkomnir!

Sýningin veitir innsýn í Gallerí Korpúlfsstaði enda eiga listamennirnir sem sýna það sameiginlegt að vera með vinnuaðstöðu og reka gallerí í hinni sögufrægu byggingu Korpúlfsstöðum. Gallerí Korpúlfsstaðir var stofnað árið 2011 en vinnustofur listamanna hafa verið þar til húsa um margra ára skeið. Árið 2016 hlaut galleríið Máttarstólpann, menningarverðlaun hverfisráðs Grafarvogs.

Á sýningunni eru listaverk af ýmsum toga s.s. málverk, grafík, textíll og leir. Listamennirnir sem sýna eru: Anna S. Gunnlaugsdóttir, Ásdís Þórarinsdóttir, Beta Gagga, Dóra Kristín Halldórsdóttir, Edda Þórey Kristfinnsdóttir, Gunnhildur Ólafsdóttir, Hafdís Brands, Marilyn Herdís Mellk, Sigrún Sveinsdóttir, Valgerður Björnsdóttir og Þórdís Elín Jóelsdóttir.

Sýningin verður opnuð fimmtudaginn 2. mars kl. 17 og stendur út apríl.

Nánari upplýsingar veitir:

Katrín Guðmundsdóttir,

deildarstjóri í Borgarbókasafninu í Spönginni,

katrin.gudmundsdottir@reykjavik.is

Sími 411 6230

Pálmasunnudag, 9. apríl, verður fermt kl. 10:30 og 13:30 í Grafarvogskirkju. Klukkan 10:30 sjá séra Sigurður Grétar Helgason og séra Arna Ýrr Sigurðardóttir um ferminguna og kl. 13:30 sjá séra Guðrún Karls Helgudóttir og séra Grétar Halldór Gunnarsson um ferminguna. Kór Grafarvogskirkju syngur og organisti er Hákon Leifsson. Það verður sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa í Kirkjuselinu kl. 13:00. Séra Arna Ýrr Sigurðardóttir prédikar og þjónar fyrir altari. Vox Populi syngur lög úr Jesus Christ Superstar. Organisti er Hilmar Örn Agnarsson. Hvetjum ykkur sérstaklega til að mæta í Selmessurnar á meðan fermingarnar standa yfir.

Athugið að sunnudagaskólinn í Kirkjuselinu er kominn í frí.

Hverfissjóður Reykjavíkur auglýsir nú eftir umsóknum um styrki úr sjóðnum, en  styrkir eru veittir til verkefna sem að stuðla að bættu mannlífi, eflingu félagsauðs, fegurri ásýnd borgarhverfa og stuðla að auknu öryggi eða efla samstarf íbúa, félagasamtaka og fyrirtækja við borgarstofnanir.

Einstaklingar, hópar, félagasamtök eða stofnanir geta sótt um styrk allt að 700 þúsund krónur hver. Hægt er að sækja um styrki til verkefna hvort sem þau tengjast einu eða fleiri hverfum eða almennt í borginni.

Umsóknarfrestur er til miðnættis þriðjudaginn 25. apríl og eru nánari upplýsingar á vef Reykjavíkurborgar –  www.reykjavik.is/hverfissjodur en þar má finna úthlutunarreglur og nánari upplýsingar um sjóðinn .

Fjáröflun sem virkar

Hreinlæti

Gámaleiga og sala

Næstkomandi sunnudag, 2. apríl, verður fermt kl. 10:30 og 13:30 í Grafarvogskirkju. Klukkan 10:30 sjá séra Guðrún Karls Helgudóttir og séra Arna Ýrr Sigurðardóttir um ferminguna og kl. 13:30 sjá séra Sigurður Grétar Helgason og séra Grétar Halldór Gunnarsson um ferminguna. Kór Grafarvogskirkju syngur og organisti er Hákon Leifsson. Það verður sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa í Kirkjuselinu kl. 13:00. Séra Arna Ýrr Sigurðardóttir prédikar og þjónar fyrir altari. Björg og Anna Kristín Þórhallsdætur synjar og organisti er Hilmar Örn Agnarsson. Hvetjum ykkur sérstaklega til að mæta í Selmessurnar á meðan fermingarnar standa yfir.

Athugið að sunnudagaskólinn í Kirkjuselinu er kominn í frí.

Hugmyndasöfnun á vefnum hverfidmitt.is gekk vonum framar en alls bárust 1.080 hugmyndir sem er nýtt met. Síðast bárust 915 hugmyndir og þar áður voru þær 597 talsins.

Mögulegt verður til 8. apríl að rökstyðja, ræða og gefa hugmyndum vægi á vefnum hverfidmitt.is . Hugmyndir sem teknar verða í áframhaldandi vinnslu verða að fá fylgi 10 íbúa, en íbúar greiða hugmynd leið með því að smella á hjarta við þær hugmyndir sem þeim líkar við. 

Fagteymi umhverfis- og skipulagssviðs er þegar byrjað að vinna úr hugmyndum sem bárust og í júní taka hverfisráð borgarinnar ákvörðun um 25 hugmyndir fyrir borgarhlutana tíu.  Frumhönnun verður síðan unnin fyrir þessar 250 hugmyndir þannig að þegar kemur að kosningu meðal íbúa geti þeir betur gert upp hug sinn. Kosningar verða 17. – 31. október.

Fjöldi hugmynda eftir borgarhlutum:

·       Grafarvogur 180

·       Breiðholt 160

·       Laugardalur 124

·       Háaleiti og Bústaðir 143

·       Miðborg 111

·       Hlíðar 101

·       Árbær 87

·       Vesturbær 78

·       Grafarholt og Úlfarsárdalur 61

·       Kjalarnes 35

Í frétt á vef Reykjavíkurborgar eru gagnlegir tenglar >  http://reykjavik.is/frettir/thusund-hugmynda-borgin

Stólpi Gámar

Fjáröflun á netinu

Takk hreinlæti

Árleg vorhreinsun er hafin í borginni. Götusópur og þvottur fer fram á götum og göngu- og hjólastígum víða í borginni. Garðyrkjufólk borgarinnar nýtir nú góða veðrið til að hreinsa beð og klippa runna og gera klárt fyrir gróðursetningu sumarblóma.

Starfsmenn borgarinnar eru byrjaðir á árlegri vorhreinsun.  Þessir ágætu starfsmenn voru í óða önn að klippa runna og tré, tína rusl úr beðum og gera klárt fyrir gróðursetningu á hringtorginu við Hringbraut og Suðurgötu í gær.

Reykjavíkurborg hvetur alla sem vettlingi geta valdið til að hreinsa í kringum sig og tína upp rusl eftir veturinn þar sem það liggur.
Þá getur borgin vel þegið að fólk fari og sópi laufi af gangstéttum fyrir utan hús sín. Sópar fara nú víða um í borginni og hreinsa götur og stíga. Ef allir leggjast á eitt verður borgin skínandi fín.

Hreinsun gatna og gönguleiða

Nú eru fermingarnar að hefjast í Grafarvogskirkju. Næstkomandi sunnudag, 26. mars, verður fermt kl. 10:30 og 13:30 í Grafarvogskirkju.

Klukkan 10:30 sjá séra Guðrún Karls Helgudóttir og séra Sigurður Grétar Helgason um ferminguna og kl. 13:30 sjá séra Arna Ýrr Sigurðardóttir og séra Grétar Halldór Gunnarsson um ferminguna.

Kór Grafarvogskirkju syngur og organisti er Hákon Leifsson.

Það verður sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa í Kirkjuselinu kl. 13:00. Séra Sigurður Grétar Helgason prédikar og þjónar fyrir altari. Vox Populi syngur og organisti er Hilmar Örn Agnarsson. Sunnudagaskóli í Kirkjuselinu kl. 13:00. Umsjón hefur Bjarki Geirdal Guðfinnsson og undirleikari er Stefán Birkisson.

Handknattleiksdeild Fjölnis og Arnór Ásgeirsson hafa undirritað samning þess eðlis að hann taki við sem framkvæmdastjóri/starfsmaður deildarinnar og sem þjálfari meistaraflokks kvenna.

Arnór er uppalinn Fjölnismaður, fyrst sem leikmaður og seinna sem þjálfari. Hann hefur þjálfað upp alla kvennaflokka ásamt yngstu strákaflokkana. Stuttu eftir nám í íþróttafræði við Háskólann í Reykjavík lá leiðin í framhaldsnám til Noregs.

Eftir tveggja ára framhaldsnám í Sport Management (íþróttastjórnun) í Molde þar sem hann meðal annars var aðstoðarþjálfari Einars Jónssonar hjá kvennaliði félagsins í 1. deild, aðalþjálfari karlaliðsins í 2. deild og þjálfari U16 strákaliðs fékk hann stöðu íþróttastjóra hjá Fjellhammer. Því starfi hefur hann sinnt síðastliðið ár ásamt því að þjálfa U16 stelpulið félagsins.

Kæru körfuboltaunnendur,

Leikmenn meistaraflokks karla, ásamt Hjalta þjálfara, stefna ótrauðir upp í efstu deild, Dominosdeildina. Þessa dagana fara fram undanúrslitin en það lið sem er á undan að vinna þrjá leiki kemst áfram í úrslitin. Eftir þrjár viðureignir Fjölnis og Hamars um sæti í úrslitum er staðan þannig að Fjölnir er með einn sigur en Hamar með tvo. Það er því ljóst að strákarnir okkar verða að fara með sigur af hólmi í leiknum annað kvöld til að ná fram oddaleik næsta laugardag. Leikurinn fer fram í Hveragerði á morgun fimmtudag 23. mars kl. 19:30. 

Við og leikmenn meistaraflokks karla óskum eftir stuðningi á leiknum á morgun frá öllum iðkendum, forráðamönnum og öðrum stuðningsmönnum. Stuðningur úr stúkunni skiptir máli! Hvetjum drengina til dáða og fögnum sigri með þeim annað kvöld í Hveragerði. 

50 manna rúta fer frá Dalhúsum kl. 18:00 – Frítt er í rútuna fyrir alla sem mæta í Fjölnisbúningi eða í einhverju gulu. Rútan fer til baka frá Hveragerði strax að leik loknum. 

Hér er linkur á Facebook viðburð leiksins: https://www.facebook.com/events/772560646234994/ 

Endilega fylgist með starfi deildarinnar á Facebook og smellið á LIKE á Fjölnir karfa til að fá fréttaflæðið til ykkar: https://www.facebook.com/fjolnirkarfa/?fref=ts 

Áfram Fjölnir!

Stjórn Körfuknattleiksdeildar Fjölnis