Á sunnudaginn verður kaffihúsaguðsþjónusta í Grafarvogskirkju kl. 11.
Sr. Guðrún Karls Helgudóttir prédikar og þjónar, Hákon Leifsson er organisti og forsöngvari leiðir söng.
Kaffi og meðlæti í boði í guðsþjónustunni og barnaborðið verður á sínum stað.
Verið öll velkomin!
Á sunnudaginn verður kaffihúsaguðsþjónusta í Grafarvogskirkju kl. 11. Sr. Sigurður Grétar Helgason þjónar, Antonia Hevesi og Hlöðver Sigurðsson sjá um tónleikana. Kaffi og meðlæti í boði á meðan á messunni stendur.
Verið öll velkomin!
Fjölnir hafði sigur gegn ÍBV í gær sunnudag 2-1 á Extravellinum.
Góð barátta í leiknum skilaði þessum sigri. Fjölnir stóðs mikla pressu ÍBV síðustu mínútur leiksins.
Áfram Fjölnir
Á sunnudaginn verður kaffihúsaguðsþjónusta í Grafarvogskirkju kl. 11.
Sr. Sigurður Grétar Helgason þjónar, Antonia Hevesi og Hlöðver Sigurðsson sjá um tónleikana.
Kaffi og meðlæti í boði á meðan á messunni stendur.
Olíumengun er nú sjáanleg í neðanverðum Grafarlæk sem liggur út í Grafarvog. Fólki er ekki talin stafa hætta af olíumenguninni en nokkur sjón- og lyktarmengun er á svæðinu. Fylgst verður vandlega með menguninni áfram. Ekki hefur tekist að finna hvaðan mengunin kemur en starfsmenn Veitna ohf. vinna nú hörðum höndum við að reyna að rekja mengunina. Að mati Slökkviliðsins virðist ekki um mikla olíum
engun að ræða.
Þó nokkur olíumengun er nú sjáanleg í neðanverðum Grafarlæk sem liggur út í Grafarvog og má sjá brák í fjörum Grafarvogs meðfram norðurströndinni. Mikil aukning varð á sýnilegri mengun í dag og er það talið vera afleiðing þeirrar miklu úrkomu sem nú er. Vitað er að olíumengun berst í Grafarlæk úr regnvatnsrás og við úrkomuna eykst mjög flæði gegnum rásina og því líklegt að olían sé að skolast út af meiri hraða en áður. Ekki er hægt að útiloka að enn komi mengun frá uppsprettu en sennilegra er um útskolun eldri mengunar frá því á föstudag og laugardag sé að ræða.
Ekki hefur tekist að finna hvaðan mengunin kemur en starfsmenn Veitna ohf. vinna nú hörðum höndum við að reyna að rekja mengunina. Regnvatnsrásin sem liggur út í Grafarlæk tekur við ofanvatni af stóru svæði m.a. öllu Grafarholti og hluta Hálsahverfis og því snúið að rekja mengunina. Mögulegt er að mengunin sé vegna bilaðrar olíuskilju eða rangra tenginga. Þess er óskað að aðilar á þessum svæðum sem meðhöndla olíu athugi hvort olíuskiljur séu ekki í lagi eða hvort mögulegt sé að olíumengun sé að berast með einhverju móti í niðurföll. Allar slíkar upplýsingar flýta fyrir rannsókninni á uppruna mengunarinnar.
Í dag fóru starfsmenn Heilbrigðiseftirlits Reykjavíkur og starfsmenn frá skrifstofu umhverfisgæða á umhverfis- og skipulagssviði Reykjavíkur ásamt sérfræðingum frá Slökkviliði höfuðborgarsvæðisins á vettvang, en Slökkviliðið er viðbragðsaðili þegar kemur að mengunarslysum. Að mati Slökkviliðsins virðist ekki um mikla olíumengun að ræða en hún er allútbreidd á svæðinu og er áberandi og er greinilega enn að berast úr regnvatnsrásinni. Ræddir voru möguleikar á að reyna að hefta útbreiðslu olíunnar þannig að hún berist ekki með Grafarlæk út í fjörur Grafarvogs en til er búnaður sem getur gripið olíu sem virkar best þegar olían er í frekar miklu magni og staðbundin. Var það metið svo að tilraunir til að grípa olíuna væru líklegar til að bera lítinn árangur því olían sem flýtur á yfirborði læksins er á þessu stigi þunn og útbreidd. Enn er verið að skoða hvort raunhæfir hreinsunarmöguleikar séu í stöðunni en ef ekkert er hægt að gera mun olían brotna niður á náttúrulegan hátt en það getur tekið tíma.
Fólki er ekki talin stafa hætta af olíumenguninni en nokkur sjón- og lyktarmengun er á svæðinu og þar sem olía hefur sest í gróður getur hún borist í fatnað. Grafarvogur er mikilvægt náttúrusvæði og þar er auðugt fuglalíf og hafa starfsmenn skrifstofu umhverfisgæða gengið fjörurnar í Grafarvogi og lagt mat á útbreiðslu og þykkt olíunnar. Greinileg svört skán er á grösugum fitjum norðarlega í voginum og á þangi og grjóti. Lítil mengun sást við suðurströndina. Ekki sást til fugla sem virtust hafa orðið fyrir olíumengun í athugunum í gær og í dag en áfram verður fylgst með áhrifum mengunarinnar á fuglalífið. Ef vegfarendur sjá vart við fugla sem virðast illa haldnir vegna olíumengunar er mælt með því að láta starfsfólk skrifstofu umhverfisgæða hjá umhverfis- og skipulagssviði Reykjavíkurborgar vita.
Fylgst verður vandlega með menguninni áfram og metið hvort tilefni er til frekari aðgerða eða athugana með tilliti til áhrifa á lífríki.
Hin árlega útiguðsþjónusta samstarfssvæðis Grafarvogs, Árbæjar og Grafarholtssafnaða verður haldin á Nónholti sunnudaginn 16. júlí kl. 11.
Sr. Arna Ýrr Sigurðardóttir þjónar. Gengið verður frá Grafarvogskirkju kl. 10:00 og sr. Guðrún Karls Helgudóttir mun standa fyrir pílagrímahlaupi í kringum voginn og í messuna kl. 10:30..
Hlaupið er um 3 km. Einnig verður gengið frá öðrum kirkjum á samstarfssvæðinu, Guðríðarkirkju og Árbæjarkirkju.
Fyrir þau sem vilja koma akandi að Nónholti þá er best að fara niður hjá meðferðarstöðinni Vogi og ganga stuttan spöl þaðan. Fólki með fötlun verður veitt aðstoð við að komast á staðinn.
Að guðsþjónustu lokinni verða veitingar í boði.
Velkomin öll!
Nú þegar hafa safnast um 17 milljónir króna eða 61% hærri upphæð en á sama tíma í fyrra í áheitasöfnun Reykjavíkurmaraþons Íslandsbanka. Hlauparar söfnuðu 97,2 milljónum til góðgerðamála í fyrra sem var nýtt met en miðað við gang mála núna er ekki ólíklegt að það met verði slegið í ágúst.
Reykjavíkurmaraþon Íslandsbanka fer fram í 34. sinn laugardaginn 19.ágúst n.k. Rúmlega 8600 manns eru þegar skráðir til þátttöku í hlaupið og safnar stór hluti þeirra áheitum til góðra málefna á vefnum hlaupastyrkur.is. Áheitasöfnunin lýkur á miðnætti mánudaginn 21.ágúst.
Á hlaupastyrkur.is geta skráðir þátttakendur í Reykjavíkurmaraþon Íslandsbanka 2017 safnað áheitum fyrir um 150 mismunandi góðgerðafélög. Málefnin eru fjölbreytt og ættu allir að geta fundið eitthvað sem stendur hjarta þeirra næst. Hér má finna lista yfir öll góðgerðafélögin sem hafa skráð sig til þátttöku í ár: https://www.hlaupastyrkur.is/godgerdafelog
Kveðja
f.h. Reykjavíkurmaraþons Íslandsbanka
Anna Lilja Sigurðardóttir
———————————
Anna Lilja Sigurðardóttir
Upplýsinga- og samskiptastjóri
Íþróttabandalag Reykjavíkur
annalilja@ibr.is
s. 535 3705 / gsm. 868 6361
Alls eru núna veittar upplýsingar um fjórtán efnisflokka sem heita: Borgarskipting, Götur og stígar, Hús og lóðir, Lagnir, Lýðfræði og fasteignir, Menningarminjar, Myndefni, Mælipunktar, Náttúrufar, Saga og þróun, Íþróttir, Umferð, Þjónusta og Þungamiðjur búsetu. Í hverjum flokki eru eitt eða fleiri upplýsingaþemu, en upplýsingar um þau ásamt ýmsum almennum upplýsingum um Borgarvefsjá fást með því að smella á „Borgarvefsjá-Hjálp“.
Gagnagrunnar LUKR eru stöðugt uppfærðir og eiga því ávallt að veita nýjustu fáanlegar upplýsingar. Auðvelt er að bæta við nýjum atriðum af ýmsu tagi, og má gera ráð fyrir að Borgarvefsjá haldi áfram að taka örum breytingum, þannig að hún þjóni sem best þörfum íbúa og starfsmanna borgarinnar á hverjum tíma.
Borgarvefsjá fyrir snjallsíma og spjaldtölvur:
Android.
iOS.
Þessi útgáfa Borgarvefsjár er unnin af Samsýn ehf. í samstarfi við umhverfis- og skipulagssvið Reykjavíkur, Upplýsingatæknideild Reykjavíkurborgar og Orkuveitu Reykjavíkur, en þessar borgarstofnanir/ -fyrirtæki eru aðilar að LUKR. Umhverfis- og skipulagssvið hafði heildarverkstjórn á hendi og Guðmundur R. Einarsson sá um útlitshönnun.
Fyrsta útgáfa Borgarvefsjár kom út í desember 1999 og hefur verið í stöðugri þróun síðan.
ATHUGIÐ! Óheimilt er að nota kort úr Borgarvefsjá við jarðvegsframkvæmdir! Sjá nánar tengilinn „Um notkun korta“ hér til hægri sem veitir almennar upplýsingar um gögn LUKR og notkunarskilmála kortanna.
Sömuleiðis er hér hægra megin hægt að sækja kynningarbækling um Borgarvefsjá á pdf – formi.
Athugasemdir sendist til umsjónarmanns Borgarvefsjár á netfangið bvs@rvk.is.
Messað verður í Grafarvogskirkju sunnudaginn 2. júlí kl. 11.00.
Séra Grétar Halldór Gunnarsson predikar og þjónar fyrir altari.
Meðlimir úr kór Grafarvogskirkju syngja og organisti er Hákon Leifsson.
Í athöfninni verður Kristófer Róbert Magnússon fermdur.
