Gunnar Ingi Sigurðsson framkvæmdastjóri Hagkaupa og Guðmundur L Gunnarsson framkvæmdastjóri Fjölnis undirrituðu samkomulagið.

Hagkaup hefur gert samning við Fjölnir um stuðning við barna og unglingastarf knattspyrnudeildar.

Hagkaup hefur rekið verslun í Fjölnishverfinu í á annan áratug og er stollt af að geta stutt við það góða starf sem unnið er hjá félaginu.

Með styrktarsamningi sem þessum vill Hagkaup leggja sitt á vogaskálarnar við að efla hreyfingu og heilbrigði barna og unglinga hjá Fjölni og í austurborginni allri.

Undirskrift samningsins fór fram í Hagkaup spönginni, en búið er að umbreyta þeirri verslun og lengja opnunartímann í sólarhringsopnun.

Fyrir okkur í Fjölni er þetta mikil viðurkenning á því góða starfi sem félagið stendur fyrir og setur aukinn kraft í okkar metnaðarfulla starf sem við viljum standa fyrir á ókomnum árum.

Fjölnir býður Hagkaup velkomin í hóp ánægðra samstarfsaðila félagsins.

Follow

Eiður og Guðmundur handsala samning

Knattspyrnudeild Fjölnis gekk í dag frá ráðningu á Eið B Eiríkssyni sem þjálfara næstu árin hjá félaginu.  Eiður mun halda áfram að þjálfa 8 og 6 flokk karla og tekur við 3 flokki karla af Elmari Erni Hjaltalín sem er yfirþjálfari Fjölnis.

Nýr þjálfari verður svo kynntur í 4 flokki karla en Eiður vill þakka öllum þar fyrir frábært samstarf á núverandi keppnistímabili.  Eiður mun að sjálfsögðu klára þetta tímabil með núverandi flokkum.

Samningurinn var undirritaður í dag af Eiði B Eiríkssyni og Guðmundi L Gunnarssyni framkvæmdastjóra Fjölnis og tekur hann gildi frá 1 október 2015.

Við væntum mikils af áframhaldandi veru Eiðs hjá félaginu og vonum að samstarfið verði farsælt.

Stólpi Gámar

Follow

Jón Margeir, lengst til vinstri, á verðlaunapalli í Glasgow.

Jón Margeir Sverrisson sundkappi úr Sunddeild Fjölnis vann til silfurverðlauna á Heimsmeistaramóti fatlaðra í sundi sem fram fór í  Glasgow í Skotlandi í síðustu viku.  Jón Margeir kom í bakkann á tímanum 1:58,06 mín sem er annar besti tíminn hans í greininni.  Rússinn Viacheslav Emeliantsev kom öllum á óvart um morguninn og sló heimsmet Jón Margeirs sem hann setti fyrr á árinu og vann svo gullið í úrslitum.

Heimsetið er því 1:56,27 og það er ljóst að á Ólympíuleikunum í Ríó þarf Jón að synda á 1:55 til að halda í Rússann.  Það gefur okkur gott markmið til að vinna með á næsta keppnistímabili enn með því að ná í silfrið hefur Jón tryggt sér þátttöku á Ríó 2016.

Jón Margeir keppti einnig í 100m bringu, 200m fjórsundi og 100 baksundi og var að synda þau sund rétt við sína bestu tíma.

Almennt var þetta  mjög sterk heimsmeistaramót, það sterkasta sem haldið hefur verið frá upphafi.  Þar sem að það eru svo margir fötlunarflokkar eru ekki alltaf undanrásir í öllum flokkum enn á þessu móti voru 2-3 riðlar undanrásum í nær öllu greinum og fötlunarflokkum og íslensku keppendur komust allir í úrslit í einhverri grein og má því með sanni segja að þau séu flokki með þeim bestu í heiminum í dag.

Follow

Það var fagurt um að litast og létt yfir mönnum í Gufunesi við undirritunina. Dagur og Gísli skrifa undir kaupsamningana.

Sl. föstudag  skrifuðu Dagur B. Eggertsson borgarstjóri og Gísli Gíslason, hafnarstjóri, undir kaupsamninga Reykjavíkurborgar á þrem lóðum Faxaflóahafna sf. Þetta eru lóð Áburðaverksmiðjunnar í Gufunesi, land á Geldinganesi og land í Eiðsvík.

Lóðin Gufunes Áburðarverksmiðjan,  er 200.172 m2 að stærð, ásamt öllu því sem henni fylgir þar með talin  óskráð landfylling vestan lóðarinnar 2.062 m2 að stærð og aðrar landfyllingar sem gerðar hafa verið við sjávarsíðu lóðarinnar. Kaupverð hins selda landsvæðis er kr. 219.450.000.

Við Geldinganes er borgin að kaupa 70 ha. landssvæði í sem þýðir að nesið er nú allt í eigu Reykjavíkurborgar. Kaupverð er kr. 103.470.721 milljón krónur.

Um er að ræða tvær lóðir í Eiðsvík eða 21.300 m2, (sjá afmarkað sérstaklega með rauðri línu hægra megin á mynd af Geldinganesi), og er kaupverðið 23.371.425 milljón krónur.

Ekki er ljóst hver nýting á landinu verður en á vegum borgarinnar stendur yfir samkeppni um framtíðarskipulag Gufuness í Grafarvogi. Reykjavíkurborg hefur auglýst eftir hugmyndum um nýtingu lands og mannvirkja á svæðinu og er skilafrestur til 18. ágúst næstkomandi.

Tilgangurinn með fyrirhugaðri samkeppni er að stuðla að góðu heildarskipulagi sem tryggir líflega og skynsamlega nýtingu svæðisins í samræmi við markmið Aðalskipulags og er til þess fallin að auðga nálæga byggð og umhverfi.

Meira um Framtíðarnýtingu lands og bygginga í Gufunesi 

Follow

Kæri Ungmennafélagi – Fjölnisfólk

Nú styttist óðum í að 18.Unglingalandsmót UMFÍ hefjist á Akureyri en eins og alltaf þá er mótið um verslunarmannahelgina. 

Unglingalandsmótið er öllum opið á aldrinum 11-18 ára.  Allir geta tekið þátt,  óháð hvort viðkomandi sé í einhverju íþróttafélagi eða ekki.

Uppistaða Unglingalandsmótsins er íþróttakeppnin en keppt er í fleiri greinum nú en áður. Keppnisgreinar okkar að þessu sinni eru:

BADMINTON, BOCCIA, BOGFIMI, BORÐTENNIS, DANS, FIMLEIKAR, FJALLAHJÓLREIÐAR, FRJÁLSÍÞRÓTTIR, GLÍMA, GOLF, GÖTUHJÓLREIÐAR, HANDBOLTI, HESTAÍÞRÓTTIR, JUDÓ, KNATTSPYRNA, KRAFTLYFTINGAR, KÖRFUBOLTI, LISTHLAUP Á SKAUTUM, MOTOCROSS, PARKOUR, PÍLUKAST, SIGLINGAR, SKÁK, STAFSETNING, STRANDBLAK, SUND, TAEKWONDO, TÖLVULEIKUR, UPPLESTUR.

Í nokkrar hópíþróttagreinar geta einstaklingar skráð sig til keppni þrátt fyrir að hafa ekkert sérstakt lið.  Við sjáum um að koma viðkomandi í lið eða búum til lið þannig að allir geti keppt á jafnréttisgrundvelli.

Einnig er mikið lagt upp úr alls konar afþreyingu frá morgni til kvölds fyrir alla aldurshópa og ekki síst fyrir krakka sem eru 10 ára og yngri og eiga ekki möguleika að taka þátt í íþróttakeppni mótsins.

Skráning á mótið fer fram á heimasíðu umfi.is og er hafin. 

Þátttökugjald er kr. 6.000.- og er best að greiða það við skráningu.

Allir sem hafa greitt keppnisgjaldið geta tekið þátt í öllum viðburðum án nokkurs annars kostnaðar.  Keppa má í eins mörgum keppnisgreinum og hver og einn vill og getur.

Ókeypis er fyrir þátttakendur og fjölskyldur á tjaldsvæði mótsins.  Sérstakar reglur gilda á tjaldsvæðinu sem öllum ber að fara eftir.  Aðgangur að rafmagni á tjaldsvæðinu en fyrir hendi en rukkað er lágmarksgjald kr.3.000.- fyrir alla helgina.

Samhliða Unglingalandsmótinu fer fram hátíðin „Ein með öllu“ á Akureyri.  Unglingalandsmótið verður með sín keppnissvæði, sitt tjaldsvæði og á því verður tjaldið okkar þar sem kvöldvökurnar verða.  Á sunnudagskvöldið munum við hinsvegar sameinast og halda lokakvöldið saman.

Við hvetjum allt Fjölnisfólk til að fjölmenna á Unglingalandsmótið á Akureyri, þetta er frábær fjölskyldustemming verðum með tjaldstæði merk félaginu.

Í viðhengi eru upplýsingar um Fjölnisvarning sem hægt er að kaupa, væri gaman að sem flestir ( keppendur, systkini, foreldrar…) gætu verið í einhverju merktu Fjölnir til að gera okkur sýnilegri á svæðinu og auka samheldnina.

Þau sem ætla að kaupa varning senda pöntun á fjolnirsala@gmail.com pantanir fyrir peysum þurfa að berast fyrir 17. júlí.  Sjá sölublað í viðhengi.

Við hlökkum til að taka á móti ykkur.

Áfram Fjölnir

Bestu kveðjur,

Málfríður Sigurhansdóttir

Íþrótta- og félagsmálastjóri

Ungmennafélagsins Fjölnir

frida@fjolnir.is

578-2702

Follow

Áfram Fjölnir

Fjölnismenn fara í Kópavoginn til að spila við Breiðablik í Pepsídeild karla í knattspyrnu og hefst viðureign liðanna klukkan 20.00. Staða Fjölnis er vænleg í deildinni en liðið hefur leikið frábærlega vel til þessa og situr í 5. sætinu með 17 stig. Breiðablik er í sætinu fyrir ofan með 19 stig.

Með sigri geta Fjölnismenn komist upp í 4.sætið í deildinni. Það rík ástæða til að hvetja stuðningsmenn Fjölnis sem og Grafarvogsbúa til að fjölmenna á leikinn og hvetja liðið til sigurs.

Follow