- HEIM
- FRÉTTIR
- MYNDIR
- HVERFIÐ OKKAR
- AÐSENT EFNI
- ÍÞRÓTTIR
- UM OKKUR
Aðsent efni
Follow
Vel gengur að ryðja snjó þrátt fyrir mikinn snjóþunga í borginni
Þer brjálað að gera líkt og verið hefur undanfarna daga,“ segir Björn Ingvarsson sem stjórnar snjóhreinsun Reykjavíkurborgar. Vinna gengur vel og í nótt fóru tæki úr kl. 4 til að ryðja snjó bæði á
Megináherslan er á að ryðja helstu leiðir, strætóleiðir, stofnbrautir og safngötur, en einnig er farið í húsagötur eftir því sem mögulegt er. „Við erum að skoða hvort moka þurfi snjó úr götum,“ segir Björn.
Metin falla
Það er óvenju snjóþungt í Reykjavík en snjódýpt mældist 42 sentimetrar í morgun og hefur ekki mælst meiri í desember frá því mælingar hófust. Fyrra desembermetið var 33 sentimetrar 29. desember 2011. Mesta snjódýpt í Reykjavík frá því mælingar hófust eru 55 sentimetrar en það met var sett 18. janúar 1937. Mögulegt er að það met falli síðar í þessum mánuði því áfram á að snjóa.
Reykjavik.is/snjor
Í grófum dráttum má skipta verkefnum Reykjavíkurborgar við snjóhreinsun, snjómokstur og hálkueyðingu í þrennt eftir því hvort um er að ræða umferðargötur, stíga og gangstéttar eða stofnanalóðir og strætóskýli. Aðstæður kalla á mismunandi tækjakost og aðferðir, en markmiðið er það sama: að tryggja greiðar leiðir. Nánari upplýsingar um verklag og forgangsröðun er að finna á vefsíðunni reykjavik.is/snjor
Reykjavíkurborg vill standa vel að þessum málum og þiggur allar ábendingar um það sem betur má fara. Bæði um hvernig vinnan er skipulögð sem og hvernig að framkvæmd er staðið. Skilvirkasta leiðin til að koma ábendingum um þjónustuna á framfæri er ábendingavefur Reykjavíkurborgar. Opna ábendingavef.
Fjöldi bikara og verðlaunapeninga í Grafarvoginn eftir velheppnað jólaskákmót grunnskóla
Á fjölmennu jólaskákmóti Skóla-og frístundasviðs og TR unnu stúkurnar í Foldaskóla sigur í yngri flokki. Stúlkurnar sem allar eru í 5. bekk unnu fyrsta skákbikarinn sem Foldaskóli vinnur á skólamóti í skák. Rimaskóli hélt sínu striki, sendi 26 skákmeistara og sex skáksveitir jólaskákmótið og hlutu Rimaskólakrakkarnir alls 35 verðlaunapeninga á þeim tveimur dögum tveimur dögum sem mótið stóð yfir. Keppt var annars vegar í flokki 1. – 7. bekkjar og hins vegar í flokki 8. – 10. bekkjar á mótinu. Rimaskóli átti skáksveitir í verðlaunasætum í öllum fjórum flokkum mótsins. Stúlknasveitin í 8. – 10. bekk varð í 1. sæti. Í opnum flokki urðu sveitir Rimaskóla í 2. sæti á báðum aldursstigum. Loks hlutu B sveit yngra stigs og yngri stúlknasveitin bronsverðlaunin á þessu fjölmenna skákmóti sem um 130 grunnskólanemendur tóku þátt í. Af 12 verðlaunasveitum voru 6 skáksveitir úr Grafarvogi, fimm frá Rimaskóla og ein frá Foldaskóla.
Í leiðinni ǀ Jólavættir – fjölbreytt flóra sagnahefðarinnar
Bragi Valdimar Skúlason flytur erindi um þær fjölmörgu jólavættir sem finna má í íslenskri sagnahefð og hvernig hægt er að lífga enn frekar upp á aðventuna með með sögum og hefðum þeirra sem annars eru minna þekktar.
Bragi hefur unnið að verkefninu Jólavættir Reykjavíkurborgar sem hófst 2011. Síðan þá hefur borgin kynnt hinar ýmsu kynjaverur tengdar jólunum og þannig unnið að því að upphefja íslensku sagnahefðina og skapa áhrifaríka og skemmtilega jólaupplifun í borginni.
Dagsetning viðburðar:
mánudagur, 30. nóvember 2015
Staðsetning viðburðar:
Viðburður hefst:
17:15
Viðburður endar:
18:00
Mikill snjór á höfuðborgarsvæðinu
Mesti snjór í Reykjavík í áratugi. Mokstur gengur vel og hefur verið unnið að því að hreinsa húsagötur alla helgina.
Mokstur á strætum og stígum Reykjavíkur hefur gengið vel í morgun. Gríðarlegt fannfergi var í borginni í morgun og voru öll moksturstæki kölluð út snemma. Var búið að ryðja allar forgangsleiðir um tíuleytið í morgun.
Öll tiltæk tæki vinna nú að mokstri í húsagötum og á göngu- og hjólastígum. Í fyrrinótt snjóaði einnig talsvert og var snjóruðningsfólk borgarinnar vel á veg komið með að ná tökum á því ástandi. Í morgun sást hins vegar hvergi að tekið hefði verið til hendinni í gær því jafnfallinn snjór var víða um 30 sentimetra djúpur. Unnið verður alla helgina að því að ryðja götur, gangstéttir og stíga. Vel viðrar til moksturs og því ætti allt að ganga vel.
Í gærmorgun mældist mesta snjódýpt á landinu í Reykjavík eða 21 sm. Það er ljóst að metin falla því enn meira snjóaði í nótt en í fyrrinótt. Mældist þá mesta snjódýpt í Reykjavík í nóvember síðan 1979 og er hún sú fjórða mesta í Reykjavík frá stofnun Veðurstofu Íslands samkvæmt Sigurði Þór Guðjónssyni veðursagnfræðingi. Það er því ljóst að vetur konungur minnir hressilega á sig þessa dagana þótt veðrið sé einkar fallegt.
Reykjavíkurborg hvetur fólk til að fara varlega í umferðinni í þessari þungu færð og leggja ekki af stað á vanbúnum bílum.
Mætum öll í Dalhús og styðjum stelpurnar og strákana til sigurs!
Mætum öll í Dalhús og styðjum stelpurnar og strákana til sigurs!
Stelpurnar taka á móti KR sunnudaginn 29. nóvember kl. 17:30.
Strákanna taka á móti ÍA sunnudaginn 29. nóvember kl. 20:00.
Sundabraut
Sundabrautin hefur oft verið í umræðu manna á milli.
Núna eru engar viðræður í gangi milli ríkis og borgar um þetta nauðsynlega verkefni.
Það hefur verið vilji hjá borgarstjóra og ráðherra að skoða einkaframkvæmd.
Í Morgunblaðinu 26.nóvember er góð umræða um Sundabrautina.
Logafold 2015
Safnaðarblað grafarvogssóknar er komið út. Í blaðinu má sjá myndir, upplýsingar úr starfi Grafarvogskirkju og safnaðarstarfinu.
Hægt er að lesa blaðið með því að smella á það hér til hægri.
Nýir skólastjórar við Foldaskóla og Klettaskóla
Ágúst Ólason hefur verið ráðinn skólastjóri við Foldaskóla. Hann hefur lokið M.Ed. gráðu í náms- og kennslufræði með áherslu á kennslufræði og skólastarf og hefur starfað sem grunnskólakennari, deildarstjóri, aðstoðarskólastjóri og skólastjóri. Hann starfaði m.a. í sex ár sem aðstoðarskólastjóri í Norðlingaskóla. Átta sóttu um skólastjórastöðuna í Foldaskóla en einn dró umsókn sína til baka. Umsóknarfrestur rann út 9. nóvember.
Ágúst tekur við skólastjórastöðunni Foldaskóla um næstu áramót þegar Kristinn Breiðfjörð lætur af störfum.
Árni Einarsson var ráðinn í stöðu skólastjóra við Klettaskóla en umsóknarfrestur um stöðuna rann út 9. nóvember. Árni er með háskólapróf í sérkennslufræðum og mannauðsstjórnun og hefur starfað sem deildarstjóri og aðstoðarskólastjóri í Brúarskóla 12 ár. Þá hefur hann kennt við Þjálfunarskóla ríkisins og hefur víðtæka reynslu af starfi með fötluðum, bæði börnum og fullorðnum.
Fjórir sóttu um skólastjórastöðuna í Klettaskóla en hann er sérskóli sem þjónar öllu landinu. Fráfarandi skólastjóri er Erla Gunnarsdóttir sem lætur af störfum um áramótin.
Fjórir sóttu um skólastjórastöðuna í Klettaskóla en hann er sérskóli sem þjónar öllu landinu. Fráfarandi skólastjóri er Erla Gunnarsdóttir sem lætur af störfum um áramótin.
Nýir skólastjórnendur eru boðnir velkomnir til starfa.
Allur réttur áskilinn © 2024
www.grafarvogsbuar.is