Ánægja íbúa Reykjavíkur með þjónustu borgarinnar og umhverfi var könnuð undir lok síðasta árs og liggja niðurstöður nú fyrir. Annars vegar var gerð viðhorfskönnun á þjónustu sveitarfélagsins í heild og hins vegar þjónustu í hverfum borgarinnar.
Íbúar benda helst á samgöngumál og umhverfismál þegar spurt er um hvað helst þurfi að bæta í þeirra hverfi. (Þjónusta í hverfum Reykjavíkur, síða 47).
Íbúar voru spurðir um umhverfi og þjónustu (Þjónusta sveitarfélaga, síða 3).
Einkunn íbúa Reykjavíkur milli ára stendur að mestu í stað eða er innan vikmarka. Aðeins í tveimur spurningum lækkar einkunn milli ára, annars vegar þegar spurt er um sveitarfélagið sem stað til að búa á og hins vegar gagnvart þjónustu við fatlaða. Þegar spurt er um stuðning við barnafjölskyldur er lítilsháttar aukning. (Þjónusta sveitarfélaga, síða 4).
Ánægja Reykvíkinga er minni en ánægja íbúa annarra sveitarfélaga í öllum málaflokkum þegar spurt er um sveitarfélagið sem heild. (Þjónusta sveitarfélaga, síða 5).
79% Reykvíkinga telur Reykjavík góðan stað til að búa á (Þjónusta sveitarfélaga, síða 6).
57% Reykvíkinga eru ánægðir með þjónustu borgarinnar á heildina litið og hefur hlutfall ánægðra hækkað um 10 prósentustig frá árinu 2010. (Þjónusta sveitarfélaga, síða 17).
Þegar spurt er hvaða þjónustu sveitarfélagið þurfi að bæta nefna flestir samgöngumál, endurvinnslu-/sorphirðumál og umhverfismál. Fleiri nefna þessa þætti en undanfarin ár. (Þjónusta sveitarfélaga, síða 21).
Ánægja Reykvíkinga er meiri þegar spurt er um þjónustu í hverfum en þegar spurt er um þjónustu í borginni í heild. (Þjónusta í hverfum Reykjavíkur, síða 4).
Reykvíkingar eru ánægðir með hverfið sitt sem stað til að búa á. Þegar íbúar eru spurðir um sitt hverfi sem stað til að búa á eru tæp 90% ánægð. (Þjónusta í hverfum Reykjavíkur, síða 3).
Íbúar í Laugardal og Vesturbæ eru ánægðastir með sín hverfi. (Þjónusta í hverfum Reykjavíkur, síða 5).-
Íbúar benda helst á samgöngumál og umhverfismál þegar spurt er um hvað helst þurfi að bæta í þeirra hverfi. (Þjónusta í hverfum Reykjavíkur, síða 47).
-
Íbúar voru spurðir um umhverfi og þjónustu (Þjónusta sveitarfélaga, síða 3).
Með skiptingu könnunarinnar eftir hverfum verður hægara um vik að bæta þjónustuna. Almennt séð voru svarendur ánægðari með þjónustu í sínu hverfi en Reykjavík í heild. Íbúar í Vesturbæ og Laugardal eru á pari við ánægju íbúa þeirra sveitarfélaga sem skoruðu hæst í heildarkönnun.
79% íbúa telja Reykjavík góðan stað til að búa á og þegar spurt er um hverfið þá telja 89% hverfið sitt góðan stað til að búa á. 57% Reykvíkinga eru ánægðir með þjónustu borgarinnar á heildina litið og hefur hlutfall ánægðra hækkað um 10 prósentustig frá árinu 2010.
Capacent sá um framkvæmd kannana og svöruðu 984 Reykvíkingar 18 ára og eldri í heildarkönnun og 1031 Reykvíkingur 18 ára og eldri í könnun um þjónustu í hverfunum. Sömu spurningar voru lagðar fyrir nema að því leyti að spurt var um Reykjavík sem heild í sveitarfélagakönnuninni en spurt um afstöðu til hverfa í seinni könnuninni. Kannanirnar voru framkvæmdar í október – desember.
Niðurstöður kannana Capacent Gallup:
- Þjónusta sveitarfélaga 2014: Reykjavík. Niðurstöður í síma- og netkönnun með 18 ára og eldri, handahófsvalinna einstaklinga úr Viðhorfahópi Capacent Gallup og Þjóðskrá. Útgefið 16. janúar 2015.
- Þjónusta í hverfum Reykjavíkur 2014. Reykjavík í heild. Niðurstöður netkönnunar á viðhorfum borgarbúa til þjónustu í mismunandi hverfum 15. – 28. desember 2014. Handahófsval
Follow