Frestur fyrir hugmyndaríka einstaklinga eða hópa til að taka að sér almenningssvæði í borginni og gæða þau meira lífi hefur verið framlengdur til 18. apríl.

Verkefnið sem heitir Torg í biðstöðu felur í sér að endurskilgreina not af svæðum sem ekki eru fastmótuð til framtíðar. Verkefnin eiga að vekja íbúa og aðra hagsmunaaðila til umhugsunar um sitt nánasta umhverfi og virkja þá til að taka þátt í að þróa svæðin til framtíðar. Í ár er einkum leitað eftir verkefnum sem lífga svæði með auknu mannlífi, en það geta verið markaðir, leikir eða annað sem dregur fleiri borgarbúa út undir bert loft.

Hóparnir sem taka að sér verkefni finna tímabundnar og skemmtilegar lausnir á sínu svæði og kanna möguleika þeirra með tilraunum. Gert er ráð fyrir því að byrjað verði á verkefnunum í maí. Frjálst er að sækja um hvaða svæði sem er en einkum er horft til eftirfarandi svæða:

• Bernhöftstorfa.
• Fógetagarður.
• Óðinstorg.
• Rými við og/eða á göngugötum í miðborginni.

Frestur til að sækja um þátttöku hefur verið framlengdur til 18. apríl 2016. Umsóknir skal merkja „umsókn um biðsvæði“ og senda á Hildi Gunnlaugsdóttur,  netfang hildurg@reykjavik.is.

Follow

Fjöln­is­menn komu sér í úr­slit 1. deild­ar karla í körfuknatt­leik er þeir lögðu ÍA að velli í undanúr­slit­un­um, 77:72, en leikið var á Akra­nesi.

Grafar­vog­s­pilt­ar unnu þar með ein­vígið 3:1 og mæta þar annað hvort Vals­mönn­um eða Skalla­grími. Þar er staðan hníf­jöfn eft­ir leik kvölds­ins.

Borg­nes­ing­ar jöfnuðu ein­vígið í kvöld með sigri á heima­velli í Borg­ar­nesi, 78:71, staðan 2:2 og því úr­slita­leik­ur framund­an að Hlíðar­enda.
Akra­nes – Vest­ur­gata, 1. deild karla, 07. apríl 2016.
Gang­ur leiks­ins:: 5:2, 8:12, 8:15, 11:18, 19:26, 28:33, 31:38, 38:38, 38:45, 44:45, 48:53, 51:59, 58:62, 60:66, 64:72,72:77.
ÍA: Sean Wesley Tate 28/​6 frá­köst, Jón Orri Kristjáns­son 11/​11 frá­köst, Fann­ar Freyr Helga­son 9/​6 frá­köst, Áskell Jóns­son 7, Er­lend­ur Þór Ottesen 7/​7 frá­köst, Ómar Örn Helga­son 6, Magnús Bjarki Guðmunds­son 4/​4 frá­köst.
Frá­köst: 22 í vörn, 14 í sókn.
Fjöln­ir: Ró­bert Sig­urðsson 21/​7 frá­köst/​6 stoðsend­ing­ar, Bergþór Ægir Rík­h­arðsson 14, Árni Elm­ar Hrafns­son 12, Coll­in Ant­hony Pryor 11/​15 frá­köst/​6 stoðsend­ing­ar, Garðar Svein­björns­son 7, Hreiðar Bjarki Vil­hjálms­son 5, Sindri Már Kára­son 4/​4 frá­köst, Eg­ill Eg­ils­son 3.
Frá­köst: 25 í vörn, 10 í sókn.

Nú fjölmennum við á úrslitaleikina.

Follow

Mælingarbíll verður á ferðinni næstu sex nætur og ekur hann samtals 250 km leið um götur borgarinnar. Bíllinn fer á aðeins 10 km hraða og eru því vegfarendur beðnir um að sýna aðgát og skilning ef hann verður á vegi þeirra.

Follow

Félag eldri borgara í Reykjavík og nágrenni hefur fengið úthlutað byggingarrétti fyrir 52ja íbúða fjölbýlishúsi á lóðum 1 og 3 við Árskóga. Borgarráð samþykkti úthlutunina á fundi sínum í gær.  

Úhlutunin er í samræmi við viljayfirlýsingu sem undirrituð var í fyrra. Íbúðir verða eingöngu fyrir félagsmenn Félags eldri borgara og mun félagið hafa eftirlit með endursölu íbúða til að tryggja að allar kvaðir séu virtar.  Þá verður þinglýst þeirri kvöð að óheimilt sé að leigja út íbúðir í skammtímaleigu eða til gistiþjónustu.

Í deiliskipulagi er heimilt að gera sérstaka göngutengingu, gangbraut eða undirgöng milli lóðanna Árskóga 1 – 3 og Árskóga 2 – 8.  

Heildarverð fyrir byggingarréttinn ásamt gatnagerðargjöldum er 254 milljónir króna og er þar miðað við 6.650 fermetra hús og 3.850 fermetra kjallara og bílageymslu.  

Í frétt á vef Reykjavíkurborgar er yfirlitsmynd og vísun í tengda frétt > http://reykjavik.is/frettir/eldri-borgarar-fa-arskoga

Follow

Páskarnir miðla von. Von um eilíft líf. Jesús Kristur sigraði dauðann í upprisunni á páskadagsmorgni samkvæmt guðspjöllunum.Að sögn guðspjallamannsins…

Páskarnir miðla von. Von um eilíft líf. Jesús Kristur sigraði dauðann í upprisunni á páskadagsmorgni samkvæmt guðspjöllunum.Að sögn guðspjallamannsins voru það konurnar sem fyrstar urðu vitni að undrinu. Þær komu fyrstar að gröfinni á páskadagsmorgni og hafa alla tíð verið í lærisveinahópi Jesú.

Að konurnar hafi verið fyrstar að gröfinni varpar ljósi á mikilvægi þeirra í lærisveinahópnum. Jafnrétti kynjanna og mikilvægi hvers einstaklings eru hornsteinar kristins siðgæðis og menningar. Okkar kristna lýðræðismenning er nokkuð sem þjóðin verður að standa vörð um.

Undrið veitti þeim von sem þær miðluðu til vina sinna og áfram barst boðskapurinn kynslóð fram af kynslóð, boðskapurinn um sigurinn yfir dauðanum. Lífið er meira og stærra en virðist við fyrstu sýn. Boðskapur páskanna veitir þeim sem trúir stærri sjóndeildarhring en augun greina.

Þjónusta kirkjunnar á páskum hefur það markmið að miðla þessari von og glæða hana í samfélagi okkar.

Kirkjan þjónar um land allt, í hverjum bæ og hverri sveit. Það er undir þér komið hvort þú vilt leyfa sól upprisunnar að lýsa þér á lífsveginum.

Kristur þröngvar sér aldrei inn í líf

Follow

Reykjavíkurborg hefur auglýst eftir þátttakendum í forval fyrir lokaða hugmyndasamkeppni um skipulag Gufunessvæðisins í Grafarvogi.

Hugmyndasamkeppnin er haldin í samstarfi við Félag Íslenskra Landslagsarkitekta. Markmiðið með henni er að kalla eftir hugmyndum að skipulagi og hönnun, í samræmi við meginstefnu Aðalskipulags Reykjavíkur 2010 – 2030. Skipulag svæðisins hefur lengi verið órætt og miklar umræður hafa verið um framtíðarþróun þess.

Leiðarljós samkeppninnar eru eftirfarandi:

•  Samfélag: Að skapa heildstæðar einingar sem fjarlægja hindranir og hvetja til jákvæðra samskipta á milli mismunandi aldurs- og þjóðfélagshópa.
•  Gæði byggðar: Að skipulag byggðar myndi umgjörð um lifandi og aðlaðandi staði sem ýti undir aukin og gagnkvæm samskipti fólks og umhverfis.
•  Samgöngur: Að verslun og þjónusta sé í göngufjarlægð frá öllum íbúum viðkomandi skipulagssvæðis. Gangandi og hjólandi umferð ásamt almenningssamgöngum verði sett í forgang.
•  Vistkerfi og minjar: Að tryggja náttúrulegan fjölbreytileika lands, lífríkis, og menningarminja með markvissri verndun og viðhaldi.
•  Orka og auðlindir: Stuðla skal að sjálfbærari nýtingu orku og auðlinda svo sem vatns, rafmagns og lands. Auka kolefnisbindingu með gróðri og hlutdeild endurvinnslu með markvissri úrgangsstjórnun.
•  Mannvirki: Að taka tilliti til framþróunar í vistvænni byggingartækni og mannvirkjagerð sem verði skilyrtur hluti af framkvæmda- og byggingarskilmálum.
• Náttúruvá: Gera viðeigandi ráðstafanir og marka stefnu til að lágmarka hættu af völdum loftslagsbreytinga á lágsvæðum.
• Lýðheilsa: Að svæðið komi til móts við og ýti undir afþreyingu, útivist og hreyfingu almennings á sem fjölbreyttastan hátt allan ársins hring og ýti undir menningarstarfsemi.

Follow