Grafarvogskirkja:

Sunnudagaskóli kl. 11:00 - Umsjón hefur Þóra Björg Sigurðardóttir ásamt séra Sigurði Grétari Helgasyni. Undirleikari er Stefán Birkisson.

Guðsþjónusta kl. 14:00 –  Séra Arna Ýrr Sigurðardóttir prédiar og þjónar fyrir altari ásamt séra Guðrúnu Karls Helgudóttur. Við minnumst látinna og nefnum sérstaklega nöfn þeirra sem prestar kirkjunnar hafa jarðsungið undanfarið ár og þeirra sem hafa verið jarðsungin í Grafarvogskirkju á þessum tíma. Við tendrum ljós í minningu þeirra og biðjum fyrir ástvinum þeirra.
Kirkjukórinn syngur undir stjórn Hákonar Leifssonar og Karlakór Grafarvogs syngur undir stjórn Írisar Erlingsdóttur.

Að lokinni guðsþjónustu verður kaffisala til styrktar líknarsjóðs safnaðarins. Kaffið kostar 2500 kr. fyrir fullorðna og 1000 kr fyrir börn.

Kirkjuselið:

Selmessa kl. 13:00 – Séra Sigurður Grétar Helgason prédikar og þjónar fyrir altari. Hákon Leifsson er organisti og hópur úr Kór Grafarvogskirkju syngur.

Sunnudagaskóli kl. 13:00 – Matthías Guðmundsson hefur umsjón með starfinu og undirleikari er Stefán Birkisson.

Vekomin!

Follow

Um næstu helgi fer fram Haustmót 2 í 3., 2., 1. þrepi og frjálsum æfingum. Mótið er haldið af fimleikadeild Fjölnis í Egilshöll í nýjum og glæsilegum sal félagsins.

Að þessu sinni eru um 175 keppendur skráðir til leiks úr 9 félögum. Búast má við spennandi keppni í öllum flokkum. Á mótinu er keppt til verðlauna í fjölþraut og á einstökum áhöldum.

Hér má sjá Facebook viðburð mótsins:

https://www.facebook.com/events/208452549593281/

Follow

Íbúar kjósa um framkvæmdir fyrir 450 milljónir í hverfum borgarinnar:

Í dag opnaði kosningavefur fyrir framkvæmdir í hverfum borgarinnar og er það í fimmta sinn sem íbúar í Reykjavík geta tekið þátt í ákvörðunum með beinum hætti. Framkvæmdafé er 450 milljónir króna eða 50% hærra en í fyrri kosningum.

Kosningavefurinn hefur verið endurbættur frá því síðast og var hann prufukeyrður af notendahópi í liðinni viku. Mikil ánægja var með breytingar sem gerðar voru og nú geta íbúar í Reykjavík dæmt sjálfir. Kosið er á vefslóðinni kosning.reykjavik.is og standa kosningar í tvær vikur eða til og með 17. nóvember.

Íbúar velja fyrst borgarhluta og kjósa síðan milli 20 verkefna upp að þeirri upphæð sem til ráðstöfunar er. Ekki er nauðsynlegt að velja fyrir alla upphæðina sem hverfið hefur til ráðstöfunar. 

Rétt til þátttöku í kosningunum hafa íbúar fæddir árið 2000 eða fyrr og sem eru búsettir í Reykjavík á þeim degi sem kosið er.  Ekki er skylda að kjósa í þeim borgarhluta sem viðkomandi býr, en eingöngu er hægt að kjósa í einu hverfi.  Notendur auðkenna sig til að staðfesta kosningu og stendur þar valið á milli rafrænna auðkenna og Íslykils.  

Hugmyndum íbúa komið í framkvæmd

Kosningarnar sem nú standa yfir eru síðasta stigið af fjórum í samráðsferli íbúa, hverfisráða og Reykjavíkurborgar og eru niðurstöðurnar bindandi. Verkefni sem íbúar kjósa verða framkvæmd frá apríl til september 2017.

Hugmyndum var safnað hjá íbúum í júní og bárust rúmlega 900 hugmyndir sem var 50% aukning frá fyrra ári. Tíminn frá hugmyndaskilum hefur síðan verið nýttur til að vinna úr innsendum hugmyndum. Svipaðar hugmyndir hafa verið sameinaðar og búið er að áætla framkvæmdakostnað við hverja þeirra. Tuttugu hugmyndum var stillt upp í hverju hverfi af fagteymi hjá umhverfis- og skipulagsráði og þær lagðar fyrir hverfisráð til skoðunar.  

Nánari upplýsingar:

Í frétt á vef Reykjavíkurborgar eru vísanir á ítarefni >  http://reykjavik.is/frettir/ibuar-kjosa-um-framkvaemdir-i-hverfum-borgarinnar

Nánari upplýsingar veitir undirritaður og Sonja Wiium verkefnisstjóri á skrifstofu borgarstjóra og borgarritara, sími 898 9989

Follow

Kæru foreldrar og skólafólk.

Foreldradagur Heimilis og skóla verður haldinn í sjötta sinn miðvikudaginn 9. nóvember nk. í samstarfi við Félag grunnskólakennara og Samband íslenskra sveitarfélaga. Í boði verður morgunverðarfundur fyrir foreldra, kennara og aðra áhugasama á Grand Hótel kl. 8:15-10. Viðfangsefnið er málefni sem brennur á mörgum þessa dagana en það er kvíði barna og ungmenna, staða og lausnir. Við höfum sett saman dagskrá sem á að bæta við þá umfjöllun sem verið hefur og ræðum bæði grunn- og framhaldsskóla. Á dagskránni eru:

1) Ingibjörg Eva Þórisdóttir, sérfræðingur hjá Rannsóknum og greiningu en hún mun fjalla um kvíða barna og unglinga, svefn og samfélagsmiðla.

2) Hjalti Jónsson, sálfræðingur hjá Sálfræðiþjónustu Norðurlands. Hann var sálfræðingur í VMA sem var einn fyrsti framhaldsskólinn til að bjóða upp á sálfræðiþjónustu. Hann mun fjalla um reynslu sína sem sálfræðingur á grunn- og framhaldsskólastigi og gefa góð ráð til foreldra.

3) Sigrún Daníelsdóttir, verkefnastjóri geðræktar hjá Embætti landlæknis. Hún mun fjalla um hvað má betur fara í geðheilbrigðismálum í skólum, hvernig við getum unnið á markvissari hátt með geðrækt í skólum.

Að lokum verða umræður.

Fundarstjóri er Þórlaug Steindórsdóttir, grunnskólakennari.

Aðgangseyrir er 2000 kr. og er morgunverður innifalinn.

Vinsamlega skráið ykkur á heimiliogskoli@heimiliogskoli.is fyrir mánudaginn 7. nóvember.

Vinsamlegast sendið þennan póst á foreldra í ykkar skóla.

Björn Rúnar Egilsson

Verkefnastjóri hjá Heimili og skóla og SAFT

Follow

Góðan daginn 

Á föstudaginn kemur 4. nóvember opnum við fyrir sölu á okkar árlega Þorrablót sem haldið verður 21. janúar 2017 í Íþróttamiðstöðinni Dalhúsum. 

     Við verðum eingöngu með 12 manna borð í ár, verðið í forsölu er 8.900 pr. mann = 106.800 kr. borðið en hækkar í 9.990 = 119.880 eftir 16. desember.

     Miðar á ballið eru seldir í Hagkaup Spönginni, verðið er 2.900 kr. pr. mann

     Borðin eru seld í gegnum Nóra skráningarkerfi félagsins https://fjolnir.felog.is/

     Borðapantanir eru hjá starfsmönnum félagsins, hægt er að senda tölvupóst á thorrablot@fjolnir.is eða hringja í síma 578-2700 á símatíma mánudaga – fimmtudaga frá 9:00 – 12:30.

     Ath. við tökum ekki frá borð, þau eru aðeins bókuð þegar búið er að kaupa borðin. 

Kveðja starfsfólk skrifstofu Fjölnis

Follow

Kvöldfyrirlestur 2.nóvember 2016  –  Í næstu viku!

Vinsamlega skráið ykkur til þátttöku sem fyrst.

Spennandi innsýn í nánustu framtíð

Köld orka = Borgir án loftmengunar

Allir sem áhuga hafa á málefninu eru velkomnir og aðgangur er frír.

Þeir sem áhuga hafa á þátttöku vinsamlega skrái sig inn á vefsíðu skólans eða í síma 568-5010.

Follow

Miðvikudaginn 2. nóvember verður haldið upp á hinn árlega félagsmiðstöðvadag fyrir börn og unglinga í Reykjavík.

Markmið félagsmiðstöðvadagsins er að vekja athygli á því uppbyggilega starfi sem þar fer fram og bjóða gestum og gangandi að kynnast því með eigin augum. Yfirskrift dagsins að þessu sinni er Framtíðin er núna.

Dagskrá félagsmiðstöðvanna verður fjölbreytt í tilefni dagsins en þar má bæði kynna sér hefðbundin viðfangsefni og taka þátt í margs konar uppákomum.

Í félagsmiðstöðinni 105 í Hlíðum verður hægt að fræðast um „hvað er þetta trúnó?“, keppa í Rocket League, læra ný spil og gæða sér á veitingum.

Í Buskanum í Laugardal verður gestum boðið að koma og spila bingó, horfa á dansatriði og taka leik í pool eða borðtennis.

Unglingar í félagsmiðstöðinni Sigyn í Grafarvogi munu kynna starf félagsmiðstöðvarinnar fyrir gestum, hægt verður að taka þátt í skemmtilegum þrautum, hlýða á söngatriði og sjá framlag Rimaskóla í hæfileikakeppninni Skrekk.

Hægt verður að njóta ljúfra tóna í boði Dj-ráðsins í félagsmiðstöðinni Fókus í Grafarholti og skella sér í hinn sívinsæla Pógó-leik.

Í félagsmiðstöðinni Hólmaseli í Breiðholti verða unglingar með skemmtiatriði, hægt verður að koma og spila FIFA17 og gæða sér á gómsætri súkkulaðiköku og kakó.

Sjá yfirlit yfir félagsmiðstöðvar í Reykjavík þar sem kynna má sér dagskrá og opnunartíma.

Félagsmiðstöðvadagurinn er haldinn á öllu landinu fyrir tilstilli SAMFÉS, samtaka félagsmiðstöðva á Íslandi, en hann hefur verið haldinn hátíðlegur á höfuðborgarsvæðinu frá árinu 2005.

Kíkið endilega við og verið hjartanlega velkomin. Börn, unglingar og frístundaráðgjafar bíða spennt eftir að fá ykkur í heimsókn!

Follow

Gengið hefur verið frá því af hálfu menntamálaráðherra að Borgarholtsskóli fái aukið fjármagn næstu fimm árin til að byggja áfram upp og þróa starfsemi á sviði íþrótta og lýðheilsu. Á afreksíþróttasviði skólans eru nú um 120 nemendur en þeir stunda nám á hinum ýmsu brautum skólans.

Stefnt er að auknu samstarfi skólans og Ungmennafélagsins Fjölnis í Grafarvogi sem snýr að þjálfun og faglegu starfi.  Borgarholtsskóli mun í framtíðinni því   geta sinnt kennslu íþrótta á einum stað, þ.e. í Egilshöll.

Hingað til hefur skólinn þurft að vera með starfsemi á mörgum stöðum í tveimur sveitarfélögum vegna mikillar aðsóknar nemenda á afreksíþróttasvið. Einnig hefur skólinn í farvatninu nýjar námsbrautir á sviði björgunar- og öryggismála. Nýlega skrifaði skólameistari Borgarholtsskóla undir samstarfssaming við Háskólann í Reykjavík um samstarf á sviði íþrótta og lýðheilsu.

Follow