Frjálsíþróttakeppni WOW Reykjavik International Games fer fram í Laugardalshöllinni í dag og hefst klukkan 13:00. Sextán mjög góðir erlendir gestir taka þátt í mótinu auk fremsta frjálsíþróttafólks landsins. Erlendu gestirnir eru allir betri eða af svipuðu getustigi og okkar besta fólk og því von á mjög spennandi keppni. Mótið er líklega sterkasta innanhúsmótið í frjálsum íþróttum frá upphafi sem haldið hefur verið hér á landi. 

Ekki verður aðeins barist um sigur í hverri grein á mótinu því nokkrir keppenda eru að berjast við að ná lágmörkum fyrir Evrópumótið sem fram fer í Belgrad í mars. Stuðningur áhorfenda í keppni sem þessari getur skipt sköpum og því eru allir hvattir til að mæta í Laugardalshöll í dag til að hvetja frjálsíþróttafólkið okkar til dáða. Frjálsíþróttakeppnin verður klukkan 13-15 í Laugardalshöllinni og kostar 1500 krónur inn, frítt fyrir 12 ára og yngri. 

Á meðal keppenda í 60 m hlaupinu er Skotinn Allan Hamilton sem sigraði á laugardaginn skoska meistaramótið á nýju meti, 6,74s. Það er líklegt að hann þurfi að taka á öllu sínu ef hann á að hafa Danann Festus Asante, sem er búinn að hlaupa á 6,81s í ár. Þá munu án vafa Daninn Kristofer Hari, sem á best 10,37s í 100m hlaupi (frá árinu 2013) og okkar Íslandsmethafi í 100m hlaupi, Ari Bragi Kárason, leggja allt undir í þessari jöfnu keppni. Ari Bragi á best 6,94s í 60m, nokkrum hundraðshlutum betra en tugþrautarstjarnan Tristan Freyr Jónsson sem á best 7 sekúndur sléttar. 

Bestan tíma í 400 m hlaupi kvenna á Arna Stefanía Guðmundsdóttir úr FH, 53,91s. Arna Stefanía stefnir að því að tryggja sig inná EM sem fram fer í Belgrad í sumar og þarf að hlaupa undir 54 sekúndum á morgun til að komast þangað. Erlendu keppendurnir sem munu án efa heyja harða baráttu við hana koma frá Belgíu og Hollandi. Axelle Dauwen frá Belgíu keppti á Ólympíuleikunum í 400 m grindahlaupi í sumar og var keppinautur Örnu Stefaníu á EM síðasta sumar. Hennar besti tími er 54,20. Frá Hollandi kemur Femka Bol sem hljóp á 55,40 s um liðna helgi sem er besti tími allra þátttakenda á yfirstandandi innanhústímabili. 

Aníta á besta tíma keppenda í 800 metra hlaupinu (2:00,14) en þar munar mjög litlu. Sanne Verstegen frá Hollandi mun án efa veita Anítu harða keppni en hún á best 2:00,47 sem og besti 800m hlaupari Norðmanna, Hedda Hynne, en hún á best 2:00,94. Í hlaupinu munu einnig keppa Anna Silvander Svíþjóð sem á best 2:02,53 og Ida Fillingsnes, Noregi, sem á best 2:04,66. Til þess að tryggja hratt og skemmtilegt hlaup mun Femke Bol frá Hollandi „héra“ í hlaupinu. 

Spjótkastarinn Ásdís Hjálmsdóttir keppir í kúluvarpi á mótinu í dag og ætlar að freista þess bæta Íslandsmetið í greininni. Hún stefnir á að kasta yfir 16 metrana og veit að kast yfir 16,3 m mun tryggja henni rétt til þátttöku á EM innanhúss í Serbíu í mars. 

Hér má finna lista yfir allar keppnisgreinar í frjálsíþróttakeppni dagsins og upplýsingar um þátttakendur og þeirra besta árangur: http://urslitmota.fri.is/MotFRI/SelectedCompetitionEvents.aspx?Code=RIG2017 

Meðfylgjandi myndir frá mótinu í fyrra er velkomið að nota með fréttum af keppninni, ljósmyndari er Sportmyndir.is. 

Follow

Stólpi Gámar eru hluti af Stólpa ehf. sem er gamalgróið fyrirtæki sem hóf starfsemi sína 1974. Aðaleigandi fyrirtækisins til ársins 1999 var Þorlákur Ásgeirsson en núverandi aðaleigandi og framkvæmdastjóri er Ásgeir Þorláksson.

Athafnasvæði Stólpa Gáma er að Klettagörðum 5 í Reykjavík en þar fer fram sala og leiga á gámum svo og viðgerðir og endurbætur á stálgámum, einkum þurrgámum, opnum gámum og gámafletum.

Kynningarmyndband

Stólpi Gámar bjóða til sölu flestar gerðir og stærðir af notuðum og nýjum gámum, s.s geymslugáma, kæli- og frystigáma, einangraða gáma, fleti og tankgáma.

Stólpi Gámar eru einnig með til leigu gáma sem nýtast vel sem geymsla undir lager, fyrir árstíðabundnar vörur og búslóðir. Gámarnir eru í stærðunum 6, 8, 10, 20 og 40 feta. Viðskiptavinum býðst að geyma gáminn á lokuðu svæði fyrirtækisins við Óseyrarbraut Hafnarfirði.

Hjá Stólpa Gámum er einnig hægt að leigja gámahús til ýmissa nota, t.d. fyrir kaffistofur, skrifstofur eða viðbótar gistirými fyrir aðila í ferðarþjónustu. Einnig býður fyrirtækið WC einingar sem koma með öllum tækjum og lögnum og eru tilbúin til notkunar.

Follow

Guðsþjónusta í Grafarvogskirkju kl. 11:00. Séra Sigurður Grétar Helgason prédikar og þjónar fyrir altari. Kór Grafarvogskirkju syngur og organisti er Hákon Leifsson. Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa í Kirkjuselinu kl. 13:00. Séra Arna Ýrr Sigurðardóttir prédikar og þjónar fyrir altari. Vox populi syngur og organisti er Hilmar Örn Agnarsson. Sunnudagaskólinn er í Kirkjuselinu kl. 13:00. Umsjón hefur Þóra Björg Sigurðardóttir og undirleikari er Stefán Birkisson.

Follow

Frjálsíþróttasamband Íslands hefur tilkynnt hverjir hafa verið valdir í úrvalshóp FRÍ á aldrinum 15-19 ára. Átta iðkendur frá Fjölni á þessu aldursbili voru valin í hópinn. Eru það eftirfarandi:

Daði Arnarson 18 ára fyrir góðan árangur í 400m, 800m, 1500m, og 3000 m hlaupum.

Styrmir Dan Hansen Steinunnarson 18 ára fyrir góðan árangur í hástökki.

Bjarni Anton Theódórsson 19 ára fyrir góðan árangur í 200m og 400 m hlaupum.

Einar Már Óskarsson 19 ára fyrir góðan árangur í 200m hlaupi.

Signý Hjartardóttir 15 ára fyrir góðan árangur í kúluvarpi.

Karen Birta Jónsdóttir 16 ára fyrir góðan árangur í kúluvarpi og spjótkasti.

Helga Þóra Sigurjónsdóttir 17 ára fyrir góðan árangur í hástökki.

Vilhelmína Þór Óskarsdóttir 19 ára fyrir góðan árangur í 200 metra og 400 metra hlaupum.

Öll þessi ungmenni voru einnig í úrvalshópnum í fyrra nema Signý sem kemur ný inní hópinn. Styrmir tilkynnti félagaskipti um áramótin og er komin til Fjölnis en áður keppti hann fyrir Þór í Þorlákshöfn. Ef fleiri ná lágmörkum inn í úrvalshópinn á innanhússkeppnistímabilinu verður þeim bætt í hópinn í mars.

Nánari upplýsingar um hópinn má finna á heimasíðu FRÍ: http://fri.is/sida/urvalshopur

Follow

Meistaramót Íslands í frjálsum íþróttum fyrir 11-14 ára fór fram í Kaplakrika um liðna helgi. Sjö keppendur frá Fjölni tóku þátt á mótinu og stóðu sig vel. Voru mörg þeirra að bæta sinn persónulega árangur í ýmsum greinum. Þau sem lentu ofarlega í sínum greinum voru:

Ingibjörg Embla Davíðsdóttir 14 ára keppti í öllum greinum og bætti sig í 60 m hlaupi, 60 grind og langstökki. Gekk henni vel og varð hún t.d. í 5. sæti í 60 m grind og langstökki.

Una Hjörvarsdóttir 14 ára keppti í öllum greinum og bætti sig í 60 m grind og lenti í 4. sæti. Einnig stóð hún sig vel í öðrum greinum.

Ívar Björgvinsson 11 ára náði 5. sæti í 60 m hlaupi og gekk líka vel í 600 m hlaupinu.

Öll úrslit mótsins eru hér.

Það verður gaman að fylgjast með krökkunum í þessum aldurshóp á næsta móti sem verður Stórmót ÍR helgina 11. og 12. febrúar.

Á myndinni eru Una Hjörvarsdóttir, Hafdís Rós Jóhannesdóttir þjálfari, Ingibjörg Embla Davíðsdóttir og Agnes Inger Axelsdóttir.

Follow

Nagladekkjum undir bifreiðum í Reykjavík hefur fjölgað verulega undanfarið. Það kemur fram í tveimur könnunum sem Reykjavíkurborg hefur látið gera. Eigendur tæplega 27% þeirra bíla sem eru á nagladekkjum gáfu upp ferðalög út á land og yfir fjallvegi að vetri til sem helstu ástæðu þess að nagladekk urðu fyrir valinu. Hlutfall ökutækja í Reykjavík á negldum dekkjum var 46,6% þegar talið var í fjórðu viku ársins 2017.

Reykjavíkurborg hefur ekki mælt með negldum dekkjum í borginni af nokkrum ástæðum. Uppspænt malbik er þáttur í svifryksmengun en nagladekk spæna hundraðfalt hraðar en hefðbundin vetrardekk. Þá valda nagladekk hljóðmengun og þau krefjast meira viðhalds gatna. Einnig er vetrarþjónusta gatna í borginni prýðileg.

Umhverfis- og skipulagsráð bókaði 25. janúar á fundi sínum „Umhverfis og skipulagssviði er falið að koma með tillögur hvernig megi snúa þessari þróun við með aukinni fræðslu og hugsanlegu sérstöku gjaldi sem lagt yrði á notkun nagladekkja í takt við mengunarbótaregluna.“

Sveitarfélög hafa ekki heimild til gjaldtöku vegna notkunar negldra hjólbarða samkvæmt núgildandi umferðarlögum. Sviðið hefur því fyrst og fremst bætt vetrarþjónustu gatna og upplýst um áhrif nagladekkja á loft- og hljóðmengun og lýðheilsu.

Könnun á notkun nagladekkja

Gallup gerði nýlega könnun fyrir umhverfis- og skipulagssvið Reykjavíkurborgar um notkun nagladekkja. Könnunin var gerð 15.-29. desember 2016 og var úrtakið 1837 manns á öllu höfuðborgarsvæðinu. Svarhlutfall var 60%.
Spurt var:

• Hversu margir bílar eru á heimilinu?
• Hvernig dekk eru undir bílnum/bílunum í vetur?
• Hver er helsta ástæða þess að þú kaust að hafa nagladekk fremur en ónegld dekk undir bílnum/bílunum í vetur?
• Hver er helsta ástæða þess að þú kaust að hafa ónegld dekk fremur en nagladekk undir bílnum/bílunum í vetur?

Tæplega 44% svöruðu að fjöldi bíla á heimilinu væri einn, 38% sögðu tvo bíla vera á heimilinu, naumlega 9% þrjá bíla og ríflega 4% fjóra bíla. Rúmlega 6% svöruðu að enginn bíll væri á heimilinu.

Þátttakendur voru í framhaldinu spurðir fyrir hvern bíl heimilsins hvort bílinn/bílarnir væru á negldum eða ónegldum dekkjum og í ljós koma að hlutfall nagladekkja var 35,7%, hlutfall ónegldra 61,5% og tæp 3% bíla voru enn á sumardekkjum.

Hver er helsta ástæða þess að fólk velur nagladekk á höfuðborgarsvæðinu umfram önnur dekk?

Eigendur tæplega 27% þeirra bíla sem eru á nagladekkjum gáfu upp ferðalög út á land og yfir fjallvegi að vetri til. Eigendur naumlega 23% bíla á nagladekkjum nefndu öryggi og eigendur rúmlega 10% bíla á nagladekkjum sögðu að nagladekkin hefðu fylgt bílnum eða að þeir hefðu átt þau fyrir. Aðrir ástæður voru t.d. hálka, búseta, vani og traust. Spurt var fyrir hvern og einn bíl á heimilinu.

Einnig var spurt um helstu ástæðu fyrir vali á ónegldum dekkjum. Eigendur rúmlega 22% þeirra bíla sem eru á ónegldum dekkjum sögðust ekki þurfa þau, eigendur 18% bíla á ónegldum dekkjum sögðu að bíllinn væri á heilsársdekkjum og eigendur tæplega 18% bíla á ónegldum dekkjum sögðust keyra mest innanbæjar. Aðrar ástæður voru að það væri umhverfisvænna, nagladekk mengi, skemmi götur og valdi hávaða.

Mælingar hlutfalli milli negldra og ónegldra

EFLA hf. hefur reglulega framkvæmt talningu á negldum dekkjum á stórum bílaplönum í Reykjavík og reiknað út hlutfallið á milli negldra og ónegldra. Þetta hefur verið gert í mörg ár og nokkrum sinnum yfir hvern vetur. Hér er um að ræða talningu á vettvangi. Ný talning var gerð miðvikudaginn 25. janúar fyrir Reykjavíkurborg.

Hlutfall ökutækja í Reykjavík á negldum dekkjum var 46,6% þegar talið var í fjórðu viku ársins 2017 en 53,4% var á ónegldum. Hlutfall negldra dekkja hefur því hækkað nokkuð mikið frá síðustu talningu (20. des) en þá var það 40,2%.

Árið 2016 var einnig talið í viku 4 og var þá hlutfall þeirra ökutækja sem voru á negldum dekkjum 38,7%. Árið 2015 var það 34,9%, árið 2014 var hlutfallið 31,9% og árið 2013 var hlutfallið 37,6%. Negldum hjólbörðum hefur því fjölgað verulega og ekki verið eins margir frá því um veturinn 2006-2007.

Næstu skref

Fulltrúar Samfylkingar, Vinstri grænna, áheyrnarfulltrúi Pírata og fulltrúi Framsóknar og flugvallarvina í umhverfis- og skipulagsráði telja ástæðu til að sporna gegn vaxandi nagladekkjanotun í borginni og hafa bókað:

„Ítarlegar kannanir Eflu og Gallup sýna að bílum á nagladekkjum hefur fjölgað mikið á götum Reykjavíkur veturinn 2016/2017 miðað við fyrri ár, þrátt fyrir óvenju snjólétta tíð. Þetta er slæm þróun því sýnt hefur verið fram á að nagladekkin valda alvarlegri mengun við helstu umferðaæðar. Auk þess er beinn kostnaður sem hlýst af þessu sliti gatnanna talinn nema milli 150 til 300 milljónum króna. Þessi kostnaður leggst á alla borgarbúa, líka þá sem nota ekki nagladekk. Í ljósi þess að nýir bílaleigubílar eru nokkuð stór hluti í fjölgun bíla í umferðinni er líklegt að þeir eigi sinn þátt í stóraukinni nagladekkjanotkun. Kostnaðurinn sem af því hlýst leggst ekki á ferðamennina eða bílaleigurnar, heldur bogarbúa.“

Umhverfis- og skipulagssvið mun nú kanna hvernig best er að vinna að því að fleiri velji dekk góð naglalaus vetrardekk. Áherslan verður á að bifreiðar sem einungis er verið að nota á höfuðborgarsvæðinu verði á naglalausum dekkjum.

Tenglar

Könnun á notkun nagladekkja

Talning á nagladekkjum

Upplýsingar um áhrif nagladekkja

Follow

Það verður messa kl. 11:00 í Grafarvogskirkju. Séra Guðrún Karls Helgudóttir og séra Grétar Halldór Gunnarsson þjóna. Fermingarbörnum í Kelduskóla og Vættaskóla er sérstaklega boðið ásamt fjölskyldum. Það verður stuttur fundur með þeim eftir messuna. Kór Grafarvogskirkju syngur og organisti er Hákon Leifsson. Sunnudagaskóli á neðri hæð kirkjunnar kl. 11:00. Umsjón hefur Þóra Björg og undirleikari er Stefán Birkisson.

Selmessa í Kirkjuselinu kl. 13:00. Séra Sigurður Grétar Helgason prédikar og þjónar fyrir altari. Vox populi syngur og organisti er Hilmar Örn Agnarsson. Sunnudagaskóli í Kirkjuselinu kl. 13:00. Umsjón hefur Bjarki Geirdal Guðfinnsson og undirleikari er Stefán Birkisson.

Follow

Eins og undanfarin ár eiga íbúar þess kost að sækja sér salt og sand á hverfastöðvar og verkbækistöðvar Reykjavíkurborgar til að bæta öryggi á gönguleiðum í sínu næsta nágrenni og heimkeyrslum. 

Salt og sandur er aðgengilegur fyrir íbúa á eftirfarandi stöðum: 

·       Þjónustumiðstöðinni við Stórhöfða (keyrt inn frá Svarthöfða)

·       Hverfastöðinni við Njarðargötu,      

·       Verkbækistöðinni á Klambratúni við Flókagötu,

·       Hverfastöðinni í Jafnaseli,

·       Hverfastöðinni á Kjalarnesi og

·       Verkbækistöðinni við Árbæjarblett.  

Allar stöðvarnar opna kl. 7.30 virka daga en breytilegt er milli stöðva hve opið er lengi.  Á Stórhöfða, Njarðargötu og Flókagötu er opið til kl. 16:00 mánudaga til fimmtudaga, en á föstudögum lokar kl. 15:25.  Í Jafnaseli, Kjalarnesi og við Árbæjarblett er opið lengur á mánudögum til fimmtudaga eða til kl. 17.00, en hins vegar hætta starfsmenn fyrr á föstudögum eða kl. 11.30.  Í Jafnaseli eru gular kistur með salti og sandi fyrir utan lóð og því aðgengilegar utan þjónustutíma, þó með þeim fyrirvara að þær tæmist ekki.                                    

Íbúar eru hvattir til að hafa með sér ílát en einnig er mögulegt að fá poka á staðnum.  Skóflur eru við sand- og salthrúgurnar. 

http://reykjavik.is/frettir/sandur-og-salt-fyrir-ibua-1

Follow