Í tilefni af 100 ára afmæli bandaríska tónskáldsins Leonard Bernstein (1918-1990) verða haldnir veglegir tónleikar í Grafarvogskirkju sunnudaginn 11. mars n.k. kl. 17.00

Fram koma:
George Mason University Singers ásamt 10 meðlimum úr National Philharmonic kórnum í Washington og Kór Grafarvogskirkju.
Undirleik annast hljóðfæraleikar frá George Mason University og Kammersveit Grafarvogskirkju

Flutt verður verkið Chichester Psalms eftir Leonard Bernstein en einnig munu kórarnir flytja ameríska og íslenska þjóðlagatónlist og kirkjuleg verk.

Stjórnendur eru Dr. Stan Engebretson og Hákon Leifsson

Þetta verða glæsilegir tónleikar sem enginn ætti að láta fram hjá sér fara. Miðaverði er stillt í hóf og er aðeins 1000 kr.

Follow

Aðalfundur Fjölnis verður  haldinn Miðvikudaginn 7 mars kl. 17 í félagsaðstöðunni í Egilshöll. 

Dagskrá aðalfundar:

a)      Skýrsla stjórnar

b)      Reikningar félagsins

c)      Lagabreytingar

d)      Kjör formanns

e)      Kjör stjórnarmanna

f)       Kjör skoðunarmanna reikninga

g)      Önnur mál 

Lögum félagsins verður ekki breytt nema á aðalfundi félagsins undir dagskrárliðnum ,,lagabreytingar” og þá með fulltingi 2/3 hluta atkvæðisbærra fundarmanna. Tillögur til breytinga á lögum félagsins, undirritaðar af flutningsmönnum, skulu sendar aðalstjórn félagsins eigi síðar en 5 dögum fyrir boðaðan aðalfund. Sami frestur gildir um tillögur um stjórnarmenn.

Bestu kveðjur,

Málfríður Sigurhansdóttir

Íþrótta- og félagsmálastjóri

Ungmennafélagsins Fjölnir

frida@fjolnir.is

578-2700 

Follow

Hvernig getur þitt hverfi orðið enn betra? Þú getur komið hugmynd á framfæri á hverfidmitt.is. Sendu inn þína tillögu fyrir 20. mars 2017.  

Kosið verður í október og þær hugmyndir sem koma til framkvæmda á næsta ári.

Follow

Messa kl. 11:00 í Grafarvogskirkju. Séra Grétar Halldór Gunnarsson prédikar og þjónar. Kór Grafarvogskirkju leiðir söng og organisti er Hákon Leifsson.

Sunnudagaskóli kl. 11:00 á neðri hæð kirkjunnar. Umsjón hefur Þóra Björg Sigurðardóttir og undirleikari er Stefán Birkisson.

Selmessa kl. 13:00 í Kirkjuselinu á æskulýðsdaginn. Séra Arna Ýrr Sigurðardóttir þjónar og Þóra Björg Sigurðardóttir guðfræðinemi prédikar. Vox Populi leiðir söng og organisti er Hilmar Örn Agnarsson.

Follow

Vegna umræðu íbúa í Grafarvogi um aukna tíðni innbrota hafa Miðgarður og lögreglan ákveðið að halda opinn íbúafund þann 5. mars og ræða um nágrannavörslu og stöðu mála í hverfinu.

Láttu þig ekki vanta!
Borgir, Félagsmiðstöð í Spönginni 43

Follow

Fyrsta deild Íslandsmóts skákfélaga hefst í kvöld í Rimaskóla. Hinar deildirnar (2.-4.) hefjast hins vegar á morgun. Taflmennskan í kvöld hefst kl. 19:30 en hefst kl. 20:00 á morgun

1. deild

Víkingaklúbburinn hefur mikla yfirburði og hefur 6 vinninga forskot á Hugin. Fjölnir er í þriðja sæti. Fallbaráttan er einnig hörð.

2. deild

B-sveit Taflfélags Reykjavíkur og Skákfélag Reykjanesbæjar eru langefst í 2. deild. Haukar eru í þriðja sæti. Fallbaráttan þar er einnig afar hörð.

3. deild

B-sveit Víkingaklúbbsins er langefst í 3. deild. B-sveit Skákdeild Fjölnis er í 2. sæti. Skákgengið, Skákfélag Sauðárkróks og Skákfélag Siglufjarðar eru í 3.-5. sæti.

4. deild

Taflfélag Akraness er efst í 4. deild. B-sveit Taflfélags Garðabæjar er í 2. sæti og b-sveit Hróka alls fagnaðar í 3. sæti.

Heimasíða mótsins

Follow

Starfsmenn Reykjavíkurborgar vilja bregðast skjótt við holum sem myndast í malbiki en slíkt getur gerst í rysjóttri tíð eins og verið hefur undanfarið.  Viðgerðir á holum sem valdið geta slysi eða tjóni á ökutækjum hafa hæsta forgang og gert er við þær eins skjótt og mögulegt er eða sett viðeigandi varúðarskilti.

Þeir sem vilja koma ábendingu á framfæri um holumyndun geta hringt í síma- og þjónustuver Reykjavíkurborgar í síma 411 1111 eða sett inn á ábendingavef Reykjavíkurborgar  > reykjavik.is/abendingar,

Ábendingavefur beintengdur verkstjórnarkerfi

Ábendingarnar geta varðað ýmislegt sem viðkemur viðhaldi á eignum borgarinnar eða hreinsun, svo sem holur í malbiki, laus brunnlok, sködduð umferðarmerki, lausar hellur, yfirfullar ruslatunnur, trjágróður sem hindrar för, skemmda bekkir, óþrifnað, snjóhreinsun, bilaðir ljósastaurar eða annað sem tengist þjónustu í borgarlandinu.

Ábendingakerfið er tengt verkstjórnarkerfi hverfamiðstöðvanna og er því besta leiðin til að koma ábendingum áleiðis.

Malbikað fyrir tvo milljarða í sumar

Í sumar eru fyrirhugaðar miklar malbiksframkvæmdir og hefur aldrei verið malbikað jafn mikið í borginni á einu ári. Kostnaðaráætlun hljóðar upp á tæpa tvo milljarða en lagðir verða 43 kílómetrar af malbiki.

Í frétt á vef Reykjavíkurborgar eru virkir tenglar >  http://reykjavik.is/frettir/skjot-vidbrogd-vid-holum-i-malbiki

Follow

Samn­ing­ar um upp­bygg­ingu gagna­vers á Korpu­torgi voru und­ir­ritaðir á blaðamanna­fundi á Korpu­torgi eft­ir há­degið í dag. Verk­efnið er sam­starfs­verk­efni Op­inna kerfa, Voda­fo­ne, Reikni­stofu bank­anna og Korpu­torgs.

Um að ræða allt að 5 þúsund fer­metra ný­bygg­ingu sem byggð verður í áföng­um og mun fyrsti áfangi kosta hátt í millj­arð króna. Fram­kvæmd­ir hefjast fljót­lega og gera áætlan­ir ráð fyr­ir því að fyrsti áfangi verði til­bú­inn snemma árs 2019, að því er fram kem­ur í frétta­til­kynn­ingu.

Þor­steinn Guðlaug­ur Gunn­ar­son, for­stjóri Op­inna kerfa sagði staðsetn­ing­una á Korpu­torgi vera frá­bæra með til­liti til orku­af­hend­ing­ar og þá væri svæðið „í hjarta ljós­leiðara­nets Íslands.“ Gagna­verið yrði 5000 fm að stærð og mögu­lega stærra síðar.

Þór­dís Kol­brún Rey­kjörð Gylfa­dótt­ir, at­vinnu­vega- og ný­sköp­un­ar­ráðherra, ávarpaði fund­inn. mbl.is/​Krist­inn Magnús­son

Þór­dís Kol­brún R. Gylfa­dótt­ir, ráðherra orku­mála, sagði mik­il tæki­færi fel­ast í upp­bygg­ingu gagna­ver á Íslandi. Sí­fellt fleiri horfi til þess hvaðan ork­an komi út frá um­hverf­is­sjón­ar­miðum. Ef sú þróun haldi áfram verði Ísland í eft­ir­sókn­ar­verðri stöðu.

Stefán Sig­urðsson, for­stjóri Voda­fo­ne, sagði að þetta gagna­ver yrði einskon­ar „fjög­urra stjörnu hót­el“ í heimi gagna­vera, á meðan að mörg önn­ur sem hefðu risið hér­lend­is væru ef til vill bara einn­ar stjörnu hót­el og vísaði þar til gagna­vera sem nýtt eru til þess að grafa eft­ir raf­mynt­inni bitco­in.

Borg­ar­stjóri Reykja­vík­ur, Dag­ur B. Eggerts­son, sagði gagna­verið henta vel fyr­ir það skipu­lag sem væri fyr­ir­hugað á svæðinu til framtíðar.

Follow

Það var sérstaklega gaman að taka þátt í skóflustungu í dag þegar við fulltrúar borgarinnar, verkalýðshreyfingin og félagsmenn í ASÍ og BSRB mættu til að hefja vinnu við byggingu leiguíbúða á viðráðanlegu verði í sannkölluðu skítaveðri upp í Spöng í Grafarvogi. Íbúðirnar á reitnum verða alls 155 og verða byggðar á vegum Bjargs. Bjarg er uppbyggingarfélag verkalýðshreyfingarinnar og er ekki rekið í hagnaðarskyni. Þetta samstarf er hluti af byggingu þúsund leiguíbúða verkalýðshreyfingarinnar á viðráðanlegu verði í borginni og er gríðarlega mikilvægt, fyrir framtíðarleigjendur, borgina og húsnæðismarkaðinn.Það vill stundum gleymast að þetta grettistak sem hefur verið í undirbúningi frá 2016 eru jafnmargar íbúðir og í síðasta stóra uppbyggingarátaki verkalýðshreyfingarinnar og borgarinnar í Breiðholti. Munurinn er sá að nú dreifast þessar lóðir um alla borg og við gerum ráð fyrir að byggingartíminn verði styttri.

Það var því stór dagur í dag að hefjast handa á 155 fyrstu íbúðunum í Grafarvogi. Næstu skóflustungu á næstu lóð ætti ekki að vera langt að bíða.

Follow