Fermingar hefjast í Grafarvogskirkju á Pálmasunnudag. Á meðan fermingunum stendur er þó alltaf sunnudagaskóli á neðri hæð kirkjunnar og Selmessa í Kirkjuselinu kl. 13:00 á sunnudögum.

Pálmasunnudagur:

Ferming kl. 10:30 í Grafarvogskirkju. Prestar eru Guðrún Karls Helgudóttir og Grétar Halldór Gunnarsson. Kór Grafarvogskirkju leiðir söng og organisti er Hákon Leifsson.

Ferming kl. 13:30 í Grafarvogskirkju. Prestar eru Arna Ýrr Sigurðardóttir og Sigurður Grétar Helgason. Kór Grafarvogskirkju leiðir söng og organisti er Hákon Leifsson.

Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Hilmar Örn Agnarsson.

Selmessa kl. 13:00 í Kirkjuselinu. Séra Grétar Halldór Gunnarsson prédikar og þjónar. Vox Populi leiðir söng og organisti er Hilmar Örn Agnarsson.

Follow

Morten Christian Holm segir frá færeyska þjóðdansinum og mikilvægi hans fyrir færeyska tungu og menningu. Dansinn skipar sérstakan sess í hugum og hjörtum Færeyinga og er lifandi hefð, dansaður af ungum sem öldnum, einkum í kringum Ólafsvöku 29. júní.

Morten fær nokkra landa sína í lið með sér til að sýna færeyska dansinn og gestir geta tekið nokkur spor með þeim.

Öll eru hjartaliga vælkomin!

Follow

Taktu þátt í STÆRSTA getraunakaffi landsins sem hefur slegið gjörsamlega í gegn hjá Fjölni. Við ætlum að bæta Íslandsmetið í þáttöku og því eru ALLIR VELKOMNIR og EKKERT ÞÁTTTÖKUGJALD!

Nýr hópleikur fer í gang laugardaginn 24. mars og stendur yfir til 12. maí alla laugardaga á milli kl. 10 og 12 í Egilshöll.

Leikurinn er sáraeinfaldur en tveir eru saman í liði og giska á úrslit 13 leikja í enska boltanum. Þetta verður 7 vikna hópleikur þar sem 6 bestu vikurnar gilda (frí um páskahelgina).

Reglurnar í leiknum má finna hér:
http://www.fjolnir.is/knattspyrna/getraunir1/

Þessi FB grúbba sér um allt utanumhald:
https://www.facebook.com/groups/1299902466780921/

Þetta er flottur vettvangur sem gefur Fjölnisfólki tækifæri á að hittast, spjalla og hafa gaman. Kjörið fyrir foreldra að koma við, kíkja í kaffi og tippa þegar búið er að skutla krökkunum á æfingu.

Þá viljum við bjóða KONUR sérstaklega velkomnar. Það er algjör mýta að getraunir séu einungis fyrir karla og við viljum virkja konurnar betur og vera félagið sem er með flestar konur í getraunakaffinu en þess má geta að kvennahópurinn Tippkonur hefur staðið sig einna best hingað til!

Við bjóðum alltaf upp á kaffi og bakkelsi frá Bakarameistaranum fyrir alla ókeypis.

Mættu með vin/vinkonu/son/dóttur/ömmu/afa þann 24. mars í Egilshöll og stofnaðu lið eða sendu okkur tölvupóst á netfangið 1×2@fjolnir.is með kennitölu og símarnúmeri liðsmanna sem og nafni á liðinu.

ALLIR velkomnir og FRÍTT að taka þátt! #FélagiðOkkar

Follow

Guðrún Gunnarsdóttir sýnir verk, unnin úr þráðum. Í þeim byggir hún á bakgrunni sínum í textíl og hönnun, en vefstólinn nýtir hún ekki lengur, heldur notar hún þráðinn beint, mótar hann í höndunum og gerir að skúlptúrum sem hún kallar þrívíddarteikngar.

Þráðurinn er oftast vír, en einnig notar Guðrún á þessari sýningu hrosshár, plast, garn, pappír og þurrkaðar jurtarætur. Einnig eru útsaumsverk á sýningunni. Í verkum Guðrúnar má oft finna tengingu við gamalt handverk.

Verkin eru unnin í rýmið í Spönginni, eru leikur með línur og skugga og tengsl við náttúru og menningu. Öllu er skákað saman til að ná fram spennu og því sem svo oft er mikilvægt í upplifun, hrárri fegurð hins smáa. Óreiða og flækjur sem hægt er að tengja við dulúð og ljóð. Verkin eru flest unnin á árunum 2017-2018.

Sýningin stendur yfir til 30. apríl, verið velkomin á opnun hennar fimmtudag 22. mars kl. 17:00.

Follow

Messa kl. 11:00 í Grafarvogskirkju. Séra Grétar Halldór Gunnarsson prédikar og þjónar. Kór Grafarvogskirkju leiðir söng og organisti er Hilmar Örn Agnarsson.

Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa kl. 13:00 í Kirkjuselinu. Séra Sigurður Grétar Helgason prédikar og þjónar. Ragnheiður Gröndal sér um söng og organisti er Hilmar Örn Agnarsson.

Follow

Fjölmenni á Miðgarðsmótinu. Strákarnir í 7. bekk sigruðu 3. árið í röð

Miðgarður þjónustumiðstöð og Skákdeild Fjölnis sem halda skákskólamótið árlega og var þetta 13. árið í röð sem Miðgarðsmótið fer fram. Skákstjórar voru þau Helgi Árnason formaður skákdeildar Fjölnis og Sara Ósk verkefnisstjóri Miðgarðs ásamt liðstjórum frá skólunum sem hjálpuðu til. Boðið var upp á ávaxtadrykk og ávexti í skákhléi.

Fimm efstu skáksveitirnar fengu í verðlaun bíómiða í Sam-bíóin í boði Landsbankans. Þrjár efstu sveitirnar hlutu verðlaunapeninga, gull, silfur og brons.

Keppt er um vinninga og verðlaunagrip sem sigursveitin vinnur. Það hefur komið í hlut Rimaskóla að sigra mótið alveg frá upphafi.

Lokastaðan í riðlakeppninni.

1. Rimaskóli A sveit                      28 vinninga
2. Rimaskóli ungl.sveit                25
3. Foldaskóli A sveit                     24,5
4. Kelduskóli                                   21
5. Rimaskóli B sveit                      20,5
6. Rimaskóli C (stúlkur) sveit    18
7. Húsaskóli A                                13
8. Rimaskóli D sveit                     9
9. Foldaskóli B sveit                     8
10. Húsaskóli B sveit                      6
11. Vættaskóli                                  5
12. Húsaskóli C sveit                      2

Follow

Hæfi er staðsett í sérhönnuðu nýju húsnæði í Egilshöll. Í allri hönnun var lögð áhersla á að skapa hlýlegt og þægilegt umhverfi þar sem bæði starfsfólki og þeim sem sækja þjónustuna getur liðið vel. Um er að ræða rúmlega 500 fm húsnæði þar sem fyrirmyndar aðstaða er til staðar fyrir starfsemi lækna, sjúkraþjálfara, sálfræðinga, félagsráðgjafa og fleiri fagaðila.

Við erum auk þess með samkomulag við World Class í Egilshöll um aðgengi að tækja-og þjálfunarsal þeirra, getum nýtt okkur eina stærstu inngöngubraut á landinu og höfum möguleika á nýtingu annarra æfingasala hér í Egilshöll eins og þörf er.

Merki / logo Hæfi samanstendur af þremur hringjum sem tákna mismunandi tengingu við þjónustuna og lýsir áherslum okkar í þverfaglegri nálgun: líkamleg, sálfræðileg og félagsleg (bio-psycho-social). Í miðju hringanna má sjá manneskju sem er tilvitnun í sameiginlegan þátt þessara þriggja hringja-heilsu. Græni liturinn stendur fyrir vöxt, samræmi, heilsu og öryggi. Höfundur merkis er Elsa Nielsen.

Hjá Hæfi starfar reynslumikið fagfólk á sviði endurhæfingar og heilbrigðisþjónustu. Við leggjum áherslu á einstaklingsmiðaða nálgun auk þverfaglegarar samvinnu með það að markmiði að hámarka gæði og árangur þjónustunnar einstaklingnum í hag. Einnig er hægt að skrá sig í opna hópa og á námskeið sem auglýst eru hér á síðunni.

Follow

Borgarbókasafnið | Menningarhús Spönginni Laugardaginn 10. mars kl. 13.15-14

Leifur Gunnarsson – kontrabassi
Hjörtur Ingvi Jóhannsson – Píanó
Magnús Trygvason Elíassen – Trommur

Ókeypis aðgangur.

Á næstu tónleikum Jazz í hádeginu verða tekin fyrir verk Leonard Bernstein, en hann hefði orðið 100 ára á þessu ári. Hjörtur Ingvi Jóhannsson píanóleikari leiðir tríó en auk hans skipa það Magnús Trygvason Elíassen á trommur og Leifur Gunnarsson á kontrabassa. Flutt verða helstu söngleikjaperlum Bernsteins í útsetningum tríósins.

Hjörtur Ingvi er fæddur í Reykjavík þann 7. september 1987. Hann hóf ungur píanónám í Tónskóla Eddu Borg, en þaðan lá leiðin í Tónlistarskóla F.Í.H., þaðan sem hann útskrifaðist með burtfararpróf í klassískum píanóleik árið 2010. Eftir að hafa lagt stund á hagfræði við H.Í. Þá hóf Hjörtur nám við Konservatoríið í Amsterdam, þaðan sem hann útskrifaðist með B.M. gráðu í jasspíanóleik, sem innihélt einnig kennsluréttindi. Að lokinni útskrift þaðan sumarið 2015 fluttist Hjörtur aftur til Íslands, þar sem hann starfar sem tónlistarmaður og píanókennari.

Hjörtur er hljómborðsleikari hljómsveitarinnar Hjaltalín, og er virkur í tónlistarlífi landsins, þ.á.m. sem sjálfstæður lagasmiður, útsetjari í hinum ýmsu hljómsveitum og leikhúsum. Hann hefur vítt áhugasvið, en hefur síðustu árin einbeitt sér að jass og popptónlist. Hjörtur kennir einnig píanóleik við Tónlistarskóla Árbæjar og spilar meðleik í Tónlistarskóla FÍH.

Follow

Guðsþjónusta kl. 11:00 í Grafarvogskirkju. Séra Sigurður Grétar Helgason prédikar og þjónar. Kór Grafarvogskirkju leiðir söng og organisti er Hilmar Örn Agnarsson. Sérstakir gestir eru tónlistarfólkið Kai Robert Johansen og Anette Lyche Brautaset.

Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa kl. 13:00 í Kirkjuselinu. Séra Sigurður Grétar Helgason prédikar og þjónar. Vox Populi leiðir söng og organisti er Hilmar Örn Agnarsson. Sérstakir gestir eru tónlistarfólkið Kai Robert Johansen og Anette Lyche Brautaset.

Follow