Afgreiðslutími:

Opin alla virka daga kl. 8:30 til 16:00.

Sumaropnun 1. júní til 31. ágúst kl. 8:30-15:00

Almennt um Þjónustumiðstöðina

Í Grafarvogi er starfrækt þjónustumiðstöðin Miðgarður sem sér um alhliða upplýsingamiðlun um þjónustu borgarinnar. Hægt er að skila öllum umsóknum um þjónustu borgarinnar til þjónustumiðstöðvarinnar sem ber ábyrgð á að koma þeim í réttar hendur innan borgarkerfisins.

Þú getur pantað tíma í ráðgjöf og/eða fengið nánari upplýsingar um þjónustuna með því að hringja í þjónustumiðstöðina í síma 411-1400 eða senda tölvupóst.

Þekkingarmiðstöð

Þjónustumiðstöðvar Reykjavíkurborgar bera allar skilgreinda ábyrgð á sérverkefnum, hver á sínu sviði. Þekkingarmiðstöðvarverkefni Miðgarðs er „Félagsauður og forvarnir“. Skilgreining Miðgarðs á félagsauði er: „Félagsauður hverfisins byggir á þekkingu, trausti, krafti og samtakamætti þeirra sem þar búa eða starfa og sameiginlegum vilja þeirra til að auðga og þróa samfélagið til betri vegar.“

Redder eru staðsettir á Hyrjarhöfða 2

Redder veitir persónulega og faglega þjónustu fyrir metnaðarfulla fagmenn í byggingaiðnaði sem vilja viðhafa vönduð vinnubrögð og uppfylla kröfur um framsæknar og varanlegar lausnir.
Við byggjum á menntun, reynslu og þekkingu á byggingaiðnaði bæði hérlendis og erlendis.

Við bjóðum stoltir gæðavörur frá eftirfarandi framleiðendum:

Arbo sérhæfir sig í þéttiefnum og þanborðum ásamt EPDM borðum. Arbo býr yfir 150 ára reynslu af framleiðslu iðnaðarvara. www.arbo.co.uk

Carlisle Hertalan bjóða EPDM þakdúka í fremsta gæðaflokki sem sannað hafa gildi sitt í yfir 50 ár á markaði. www.hertalan.co.uk

Expandet er með hágæða skrúfur, bolta, rær og skinnur sem hafa reynst vel á íslenskum markaði. Frá móðurfyrirtæki Expandet, Kyocera
Senko Denmark bjóðum við loft- og rafmagnshandverkfæri undir vörumerkinu SENCO. www.expandet.dk

FSI er einn helsti framleiðandi á eldvarnarvörum í Bretlandi. Frá þeim bjóðum við m.a. akríl, ull, kraga, sílikon, bönd, og borða. FSI er þekkt fyrir að gera einna flestar rannsóknir og prófanir á eldvarnarvörum og bjóða upp á framúrskarandi tækniblöð fyrir sína vöru. www.fsiltd.com

KWB er þýskt fyrirtæki sem sérhæfir sig í verkfærum og smávörum fyrir byggingaiðnað. Frá þeim seljum við m.a. bora, bita, sagarblöð, skrúfbita og hnífa. KWB býður upp á mikið úrval af gæðavörum. www.kwb.eu

Proclima er leiðandi í framleiðslu á öndunardúkum, rakavarnarlögum og límböndum fyrir byggingaiðnaðinn. Þeir leggja mikinn metnað í prófanir og tæknilegar mælingar fyrir viðskiptavini sína um allan heim. www.proclima.com

Rothoblaas er einn fremsti framleiðandi í heimi á festingum, skrúfum og tengdum vörum fyrir timburhús og CLT hús (límtréshús) sem hafa verið að ryðja sér til rúms á Íslandi undanfarin ár. www.rothoblaas.com

Strákarnir frá Redder voru á Bylgjunni í morgun, hægt að hlusta á það hérna.

https://www.visir.is/k/420509bf-2f21-4ce1-815b-234cf0fdc3d9-1583137019970?jwsource=fb&fbclid=IwAR1edKfvDj8XWwAuoHLv6pPzXRHbIJ1YViGgFWh2ZFNpjplLPxDHzhVnAjY

• 

• 

• 

• 

• 

• 

• 

• 

• 

• 

• 

• 

• 

• 

• 

Við settumst niður með Kolbeini og spurðum hann nokkurra spurninga um starfið framundan.

Hvenær ákvaðst þú að bjóða þig fram í þetta?

Það hefur legið fyrir í einhvern tíma að ég myndi bjóða mig fram sem formann knattspyrnudeildar. Hvenær nákvæmlega er erfitt að segja en einhverjir gárungar (Einar Hermannsson) vilja meina að þetta hafi legið fyrir í meira en áratug.

Hvernig leggst þetta í þig?

Þetta leggst mjög vel í mig. Ég er bæði stoltur og hreykinn og hlakka til að takast á við þetta verkefni ásamt öðrum sjálfboðaliðum og starfsmönnum félagsins.

Ert þú með fastmótaðar áherslur sem þú vilt fara í ?

               Já, tíminn mun leiða þær betur í ljós.      

Eru miklar breytingar sem þú vilt reyna að gera og þá hverjar helstar?

Félagið stefnir nú þegar í rétta átt á mörgum sviðum að mínu mati og við megum vera stolt af því. Nýju fólki fylgja hins vegar oft nýjar áherslur – og breytingar taka mislangan tíma. Ýmsar minni breytingar og tilfærslur er hægt að ráðast strax í og framkvæma á tiltölulega skömmum tíma (talið í dögum og vikum) og svo eru stærri breytingar sem þurfa að vera mjög vel ígrundaðar sem taka lengri tíma (talið í mánuðum og árum). En fyrst og síðast snýst þetta þó um framfarir. Halda áfram eitt skref í einu, gera sanngjarnar kröfur og hafa trú á verkefninu.

Hvernig er staðan á leikmönnum meistaraflokka?

Staðan er góð heilt yfir. Leikmenn beggja meistaraflokka eru búnir að leggja hart að sér í allan vetur og það styttist í að þeir uppskeri eftir því.

Koma nýjir leikmenn til liðsins, eitthvað sem þú mátt segja frá?

Fyrst og síðast stefnum við á að byggja liðin okkar upp á uppöldum leikmönnum eins og kostur er og reynum að gefa þeim leikmönnum sanngjörn tækifæri. Aldur skiptir engu máli í því samhengi ef gæðin eru til staðar – og félagið er með mjög hæfa þjálfara sem meta það hverju sinni. Hvað varðar nýja leikmenn almennt; þá hafa einhverjar mannabreytingar verið á milli ára hjá meistaraflokkunum eins og gengur. Við reiknum með liðsstyrk í báðum liðum áður en Íslandsmótið hefst.       

Hvar sérð þú Fjölni næstu misserin?

Fjölnir er frábært félag og ég sé okkur halda áfram að taka jákvæð skref í rétta átt og þróast enn frekar. Við höfum allt til alls og erum risaklúbbur á íslenskan mælikvarða.

Munt þú reyna að fjölga “litlum” mótum hjá Fjölni?

Mótahald yngri flokka hefur hingað til verið undir styrkri stjórn öflugs Barna- og unglingaráðs (BUR) félagsins og verður það áfram. Í mínum huga ætti áherslan í mótahaldi almennt að vera á gæði fremur en magn. Ég sé t.d. fyrir mér að Fjölnir byggi upp a.m.k. eitt risamót yfir sumartímann í yngri flokkunum þannig að eftir verður tekið. Mót þar sem margir sjálfboðaliðar koma að skipulagningu og framkvæmd. Mót sem allir í félaginu geta verið stoltir af. Klúbburinn og hverfið hefur nú þegar alla innviði til þess, sbr. grunnskóla til gistinga, stóra og flotta grasvelli í Dalhúsum, gervigras velli inni og úti í Egilshöll, aðgengi að sundlaug, bíó, skautasvelli o.fl. Það eru nánast engin takmörk fyrir því hvað er hægt að gera – en það kostar vinnu, metnað og þolinmæði.         

Eitthvað fleira sem þú vilt segja frá?

Allir stórir draumar þurfa smá aðstoð. Ég hvet Grafarvogsbúa til að sýna frumkvæði og leggja sitt af mörkum til fótboltans í Fjölni. Það er hagur okkar allra að félagið haldi áfram að eflast og dafna.

Við þökkum Kolbeini góð svör og ósk um gott gengi í starfi.

Áfram Fjölnir

---

Messa kl. 11:00 í Grafarvogskirkju. Séra Sighvatur Karlsson héraðsprestur prédikar og þjónar. Organisti er Hákon Leifsson og Kór Grafarvogskirkju leiðir söng.

Sunnudagaskóli á neðri hæð kirkjunnar kl. 11:00. Umsjón hefur Hólmfríður Frostadóttir.

Selmessa kl. 13:00 í Kirkjuselinu. Séra Sigurður Grétar Helgason prédikar og þjónar. Organisti er Hilmar Örn Agnarsson og Vox Populi leiðir söng.

Heil og sæl

Hér er dagskrá Gufunesbæjar í vetrarleyfinu mánudaginn 2.mars n.k.
Endilega skoðið þessa skemmtilegu dagskrá sem er opin fyrir alla.

Bestu kveðjur
Starfsfólk Sigynjar

---

„Grafarvogurinn er kannski ekki alveg jafn vel heppnaður að mínu mati og Grafarholtið, þar sem það er í rauninni bara alger einangrun þar þú átt bara að sitja í bílnum þínum einn helst og búa í þínu risa stóra einbýlishúsi og þar er rosalega lítið hugsað um þessi félagslegu samskipti“ sagði Sigurborg Ósk Haraldsdóttir formaður skipulagsráðs Reykjavíkurborgar í þættinum Flakk með Lísu Páls á Rás 1. Orð formanns skipulagsráðs Reykjavíkur hafa mikið vægi og því slær það mann að heyra hana tala þannig um skipulag Reykjavíkurborgar. Það að formaður skipalagsráðs tali niður tvö hverfi Reykjavíkurborgar með þessum hætti er óskiljanlegt.  Þetta er þó því miður ekki einsdæmi því í borgarstjórn þann 21. janúar lét borgarfulltrúi Hjálmar Sveinsson þau orð falla að á Kjalarnesi og Geldinganesi sem er hluti af Grafarvogi : “Þar sem hvorki kindur, hestar né kýr hafa einu sinni viljað vera á beit“ sagði hann um Geldinganes í kjölfar orðræðu um að hverfin væru „ekki frábærir staðir til að búa á“.  Það er sárt að hlusta á borgarfulltrúa tala niður hverfi og hugsanlega byggingareiti með þessum hætti.

Þjónustuskerðingar í úthverfum

Það er rétt að upplýsa að í Grafarvogi og Grafarholti blómstrar mannlífið og félagsleg samskipti, þrátt fyrir kerfisbundnar þjónustuskerðingar, sem við höfum orðið fyrir frá meirihlutanum í Reykjavík. Í þessum hverfum hefur meirihlutinn minnkað tíðni strætó yfir sumartímann, hér er verið að sameina skóla/leikskóla reglulega með tilheyrandi raski, hér á í fyrst sinn að loka grunnskóla í Reykjavík. Þrátt fyrir gríðarleg mótmæli íbúa og fjölda undirskrifta um það að hætta við þessi áform. Bent hefur verið á að með þeirri ákvörðun sé verið að brjóta á núverandi skipulagi hverfisins. Hverfi án grunnskóla verður til án þess að nemendur komist greiðlega með strætó þá 3 km sem eru í þeirra (nýja) hverfisskóla. Þó að okkur sé vegið bæði með þjónustuskerðingum og niðurrifstali þá blómstra hér félagsleg samskipti.

Grafarvogur

Við sem búum í Grafarvogi vitum að Grafarvogur er samsettur úr átta hverfum sem eru misjöfn og mis þétt. Hér erum við líka eins misjöfn eins og við erum mörg, sumir nýta sér strætó eða hjóla á meðan aðrir ferðast um á fjölskyldubílnum. Hér lifum við í miklu návígi við náttúruna sem og við hvert annað enda einstaklega góð félagsleg samskipti á milli okkar sem hér búa. Hér höfum við Egilshöllina, hún fær 1,4 milljónir heimsókna á ári. Reyndar er hverfið okkar það þétt byggt að hér hafa borgaryfirvöld skipulagt að borgarlína muni ganga. Þetta ætti formaður skipulags og samgönguráðs að vita.

Einsleitni og alræði

Í Reykjavíkurborg á að  vera pláss fyrir alla. Hér viljum við hafa val og frelsi til þess að búa eins og við viljum þar sem viljum. Einsleitni og alræði er aldrei af hinu góða.  Við erum ekki öll steypt í sama mótið og því eru þarfir okkar ólíkar. Það er því mikilvægt að hafa borgarskipulagið sem fjölbreyttast líkt og það hefur verið í Reykjavík og það er nákvæmlega það sem gerir Reykjavík og hverfin svona skemmtileg og lifandi. þetta vitum við sem eigum heima í úthverfunum.

Greinin birtist í Morgunblaðinu 20. febrúar 2020.

---

Sunnudagurinn 16. febrúar:

Útvarpsmessa verður í Grafarvogskirkju kl. 11:00. Séra Grétar Halldór Gunnarsson prédikar og þjónar. Organisti er Hákon Leifsson og Kór Grafarvogskirkju leiðir söng.

Náttfata-sunnudagaskóli verður á neðri hæð kirkjunnar kl. 11:00. Börnin mega mæta í náttfötum í sunnudagaskólann og með bangsa ef þau vilja. Umsjón með sunnudagaskólanum hafa Þóra Björg og Hólmfríður. Undirleikari er Stefán Birkisson.

Selmessa í Kirkjuselinu í Spöng kl. 13:00. Séra Sigurður Grétar Helgason prédikar og þjónar. Organisti er Hilmar Örn Agnarsson og Vox Populi leiðir söng.

Ríkislögreglustjóri hefur lýst yfir óvissustigi almannavarna fyrir allt landið vegna aftakaveðurs á morgun, föstudag 14. febrúar.

Rauð veðurviðvörun hefur verið gefin út fyrir höfuðborgarsvæðið frá kl. 7 í fyrramálið sem þýðir að fólk á ekki að vera
ferðinni nema brýna nauðsyn beri til.

Reglulegt skólahald fellur niður en leikskólar og grunnskólar verða engu að síður opnir með lágmarksmönnun fyrir það fólk sem sinnir neyðarþjónustu, löggæslu, slökkvilið og björgunarsveitarfólk og aðra sem þurfa nauðsynlega á vistun fyrir börn sín að halda.

Frístundaheimili opna þegar viðvörunum lýkur. Eins og staðan er núna er appelsínugul viðvörun í gildi til kl. 15:30

Fólk er hvatt til þess að halda sig heima í fyrramálið og fylgjast vel með tilkynningum frá almannavörnum í fjölmiðlum.

Samkvæmt spám á veður að ganga niður eftir hádegi og verður hægt að vera á ferðinni eftir kl. 15 að öllu óbreyttu.

Staðan verður endurmetin í fyrramálið.

https://reykjavik.is/frettir/aftakavedur-morgun-folk-hvatt-til-ad-halda-sig-heima

Veðurviðvaranir: https://www.vedur.is/vidvaranir/svaedi/rvk
Weather alerts: https://en.vedur.is/alerts/area/rvk

---

Nú verða hreinlega allir Fjölnismenn og velunnarar að koma og styðja við bakið á strákunum í Laugardalshöll á miðvikudag. Það er ekkert mál að nálgast miða – og svo er bara að koma – í gulu – og hvetja liðið áfram – við ætlum okkur að komast í úrslitaleikinn á laugardaginn

Miðasala á leikinn:• Opna Fjölnistengil og kaupa miða í gegnum TIX. ATH! Þetta er okkar miðasölutengill: https://tix.is/is/specialoffer/exf6x5rpi5dbe.• Kaupa miða í Egilshöll á morgun milli kl. 16:15-17:00. Sjá hér: https://www.facebook.com/events/193750155361566/.• Kaupa miða og mæta í upphitun fyrir leikinn á miðvikudag milli kl. 15:15-16:15. Sjá hér: https://www.facebook.com/events/180909246474814/.#FélagiðOkkar

---

---