Megas og Magga

Það var árið 1969 sem Megas spreytti sig fyrst á því að semja lag við Passíusálm Hallgríms Péturssonar. Síðan árið 1973 lauk hann við að semja lag við alla sálmana.

Nú, rúmum fjórum áratugum síðar þá heyrast þeir allir með tölu.

Það er engin tilviljun að ákveðið var að flytja alla sálmana nú í ár, þegar 400 ár eru , liðin frá fæðingu Hallgríms Péturssonar. Mesta verka Hallgríms, Passíusálmarnir hafa fylgt þjóðinni gegnum aldir og sjálfur er Megas alinn upp við sálmana.

Það dylst engum sem hlustar á Passíusálmalög Megasar að ýmislegt hefur vissulega síast inn af textum Hallgríms og að hann hefur kynnt sér efni þeirra í þaula við lagasmíðarnar.

Þessir fyrstu tónleikar í Grafarvogskirkju voru alveg frábærir. Mikið af fólki sem skemmti sér vel við þennan flutning hjá Megas sem ásamt Margrét Kristín Blöndal og Ungmeyjakór voru stórkostleg.

Caput skipa

Kolbeinn Bjarnason og Áshildur Haraldsdóttir , flauta

Grímur Helgason og Rúnar Óskarsson, klarinett

Sigrún Eðvaldsdóttir og Zbigniew Dubik, fiðla

Þórunn Ósk Marínósdóttir, víóla

Bryndís Halla Gylfadóttir og Gunnhildur Halla Guðmundsdóttir, selló

Hrynsveit skipa

Agnar Már Magnússon, píanó

Gunnar Hrafnsson, kontrabassi

Kjartan Guðnason, trommur.

Stjórnandi; Guðni Franzson

Listrænn stjórnandi: Hilmar Örn Agnarsson

Útsetningar: Þórður Magnússon

Follow

Fjölnir karfa

Fjölnir vann öruggan sigur á Hetti, 88:62, í fyrsta leik liðanna um laust sæti í úrvalsdeild karla í körfuknattleik á heimavelli í kvöld. Fjölnismenn voru með 14 stiga forskot í hálfleik, 51:37.

Liðin mætast öðru sinni á föstudaginn á Egilsstöðum og vinni Fjölnir þann leik tryggir liðið sér sæti í úrvalsdeildinni. Ef Höttur vinnur á föstudag kemur til oddaleiks á þriðjudaginn eftir viku á heimavelli Fjölnis.

Leikurinn í kvöld var jafn fyrstu 15 mínúturnar en eftir það tóku leikmenn Fjölnis öll völd á leikvellinum og tryggðu sér öruggan sigur.

Follow

Nemendur 4SF fóru í fjöruskoðun í Grafarvogi. Ýmislegt var rannsakað s.s.: fuglar, gróður, skeljar, kuðungar, marflær, drasl og m.fl. sem sjá mátti í fjörunni. Veðrið lék við nemendur.

Follow

Í tilefni dagsins vorum við með lítið og nett aprílgabb.  Það var látið berast út að þekktur fótboltakappi myndi heiðra okkur með nærveru sinni í hádegisfrímínútum og jafnvel gefa eiginhandaraáritanir.

Margir voru vantrúaðir en tóku samt ekki áhættuna á að missa af hugsanlegum stórviðburði og vildu vera með á hópmynd.

Þegar það kom í ljós að þetta var grín þá ákváðu nokkrir nemendur að vera ekkert að svekkja sig á því og fengu eiginhandaráritun hjá Marinó deildarstjóra í staðinn.

Follow

Í gær 31. mars fór fram í Hlöðunni í Gufunesbæ lokahátíð Stóru upplestrarkeppninnar hjá nemendum í 7. bekk í grunnskólum í Grafarvogi.

Kelduskóli átti tvo keppendur þau Arngrím Brodda og Glódísi Ylju. Þau stóðu sig mjög vel og lenti Arngrímur Broddi í 1. sæti.

Við óskum honum innilega til hamingju með það. Í 2. og 3. sæti voru keppendur úr Rimaskóla.

Follow

QIGONG hópur Korpúlfa

Gleðifundur Korpúlfa var haldinnn 26 mars 2014

Hérna er mynd af  QIGONG hópi Korpúlfa sem hafa stundað heilsuíþróttina tvisvar í viku í vetur undir stjórn Þóru Halldórsdóttir.

Follow

Gerðuberg menningarmiðstöð, Gerðuberg 3-5, 111 Reykjavík

• Fim. 08:00—18:00
• Fös. 08:00—18:00
• Lau. 13:00—16:00
• Sun. 13:00—16:00

Follow

Þjónustumiðstöðin Miðgarður er fyrsti vinnustaðurinn til að ljúka við verkefnin í skrefi 3 í grænum skrefum. Á vinnustaðnum er ítarleg sorpflokkun, óflokkað spor einungis 9%, í boði er eingöngu umhverfismerktur pappír, hreinsiefni og aðrar hreinlætisvörur eru einnig umhverfismerktar. Starfsfólk hefur aðgang að vistvænum farartækjum vegna vinnutengdra ferða og nýta sér það óspart. Farartækin hafa hlotið nöfn í samræmi við nafn vinnustaðarins. Rafdrifna reiðhjólið á staðnum heitir Sleipnir og í þjónustumiðstöðinni er einnig aðgangur að 2 metanbílum sem heita Huginn og Muninn.

Hera Hallbera Björnsdóttir hefur borið hitann og þungann af innleiðingu Grænna skrefa á vinnustaðnum með dyggri aðstoð samstarfsfólks síns. Í skrefi 2 og 3 er t.d. gerð krafa um grænt bókhald þar sem skráð er niður magnnotkun á pappír, rafmagni, hita og hreinlætisvörum. Einnig magnnotkun á jarðefnaolíu til að hægt sé að reikna út losun gróðurhúsalofttegunda. „Með því að fylgjast með pappírsnotkun í gegnum græna bókhaldið höfum við tekið eftir að pappírsnotkun hefur dregist saman eftir að við hófum þátttöku í Grænum skrefum. Í raun hefur ekkert annað breyst, kannski er ástæðan sú að við erum meira meðvituð um að draga úr prentun.“ segir Hera.

Við óskum starfsfólki Miðgarðs innilega til hamingju með áfangann og hlökkum til að koma til þeirra aftur þegar vinnustaðurinn lýkur við verkefnin í skrefi 4.

Framkvæmd verkefnisins Grænna skrefa í starfsemi Reykjavíkurborgar er einföld og aðgengileg og allir vinnustaðir á vegum Reykjavíkurborgar geta tekið þátt. Græn skref byggist á fjölmörgum aðgerðum sem snerta níu þætti sem hafa áhrif á umhverfið og innleidd í fjórum skrefum.  Eitt af markmiðum Grænna skrefa er einmitt að vinnustaðir fái viðurkenningu fyrir metnað sinn í umhverfismálum.
Markmið verkefnisins er að:
•         Gera starfssemi Reykjavíkurborgar umhverfisvænni
•         Auka vellíðan starfsmanna og bæta starfsumhverfi þeirra
•         Draga úr kostnaði í rekstri Reykjavíkurborgar
•         Innleiða áherslur í umhverfismálum sem þegar hafa verið samþykktar
•         Vinnustaðir fái viðurkenningu fyrir metnað sinn í umhverfismálum
•         Vinnustaðir borgarinnar geti innleitt aðgerðir á mismunandi hátt eftir umfangi og eðli starfsseminnar
•         Aðgerðir Reykjavíkurborgar í umhverfismálum séu sýnilegar
•         Reykjavíkurborg verði fyrirmynd annarra í umhverfismálum

Follow

Sex einstaklingar voru sæmdir silfurmerki Fjölnis á aðalfundi félagsins í Dalhúsum í fyrrakvöld.

Aðalfundur Ungmennafélagsins Fjölnis var haldinn í Dalhúsum í Grafarvogi í fyrrakvöld. Ágætis mæting var á fundinn sem gekk vel fyrir sig. Reikningar og skýrsla stjórnar voru samþykkt einróma. Jón Karl Ólafsson var endurkjörinn formaður Fjölnis. Kristinn Óskar Grétuson í varastjórn Ungmennafélags Íslands flutti ávarp og sæmdi þau Jarþrúði Hönnu Jóhannsdóttur og Örn Pálsson starfsmerki UMFÍ.

Stjórn Fjölnis er skipuð eftirtöldum einstaklingum: Jón Karl Ólafsson, formaður, Birgir Gunnlaugsson, Ásgeir Heimir Guðmundsson, Ingibjörg Óðinsdóttir, Sveinn Ingvarsson, Björk Guðbjörnsdóttir, Kristján Friðrik Karlsson og Laufey Jörgensdóttir. Úr stjórn gengu þau Jarþrúður Hanna Jóhannsdóttir, Örn Pálsson og Jón Oddur Davíðsson.

Sex einstaklingar voru sæmdir silfurmerki Fjölnis. Þau eru Guðmundur L. Gunnarsson, framkvæmdastjóri Fjölnis, Stefán Birkisson, fimleikadeild, Ingibjörg Grétarsdóttir, handboltadeild, Ingibjörg Kristinsdóttir, sunddeild, Valborg Guðrún Guðjónsdóttir, karatedeild, og Boris Bjarni Akbachev handboltadeild.

Follow