Brúðubíllinn kom við í Grafarvoginum í dag.

Eins og sést á myndunum þá skemmtu krakkarnir sér vel enda er þetta ótrúlega skemmtilegt í hvert sinn.

Þórdís er á vaktinni í galleríinu í dag fimmtudag og á morgun föstudag. Opið frá kl. 14-18.

Nýjar körfur og betra skipulag vallarins er meðal endurbóta á 18 brauta frisbígolfvellinum við Gufunesbæinn í Grafarvogi. Endurbæturnar eru meðal verkefna sem íbúar völdu í íbúakosningunum „Betri hverfi”.

Arna Ýrr Sigurðardóttir Mynd: Stefán

Biskup Íslands hefur ákveðið að skipa séra Örnu Ýrr Sigurðardóttur í embætti prests í Grafarvogsprestakalli í Reykjavíkurprófastsdæmi eystra. Frestur til að sækja um embættið rann út 5. maí sl. 20 umsækjendur voru um embættið. Embættið veitist frá 1. september nk.

Voru tveir umsækjendur metnir jafnhæfir en biskup fór að ákvæðum jafnréttislaga. Þau kveða skýrt á um að séu tveir umsækjendur jafnir skal velja þann sem er af því kyni er færri er í starfsstéttinni.

Aðalstjórn félagsins hvetur alla iðkendur félagsins sem eru á aldrinum 11 – 18 ára að taka þátt og keppa á mótinu, þó það sé ekki verið að keppa í greinum sem þið æfið þá er um að gera að nota tækifærið og keppa í öðrum greinum J Alltaf gaman að prófa eitthvað nýtt.

Skráning á mótið fer fram á skráningarsíðu UMFÍ á  þessari slóð  http://skraning.umfi.is/   skráningar gjald er greitt um leið og skráð er á mótið. 

Eins og undanfarin ár eru allir iðkendur Fjölnis sem skrá sig á mótið á ábyrgð foreldra sinna, félagið leggur ekki til starfsmenn hvorki fararstjóra né þjálfara. Aðalstjórn félagsins hvetur iðkendur og fjölskyldur þeirra eindregið til að taka þátt í þessu frábæra fjölskyldumóti sem er alltaf með flotta dagskrá þar sem eitthvað er að finna fyrir allan aldur.

Við sem félag verðum að útnefna einn tjaldbúðarstjóra fyrir félagið, sá aðili sér meðal annars um að smala okkar fólki saman fyrir mótssetningu, minna okkar fólk á að ganga snyrtilega um svæðið okkar, fara eftir og virða tjaldstæðis reglur.  Ef eitthvert foreldri sem er að fara er tilbúið í að taka þetta hlutverk að sér má hinn sami senda mér póst á frida@fjolnir.is .  Annað sem við viljum koma á framfæri er, ef einhver er með mikið pláss hjá sér á leiðinni norður og til baka þá væri gaman ef viðkomandi væri til í að taka með sér samkomutjald sem félagið á til að tjalda á svæðinu sem okkur verðu úthlutað. Sendið póst á frida@fjolnir.is ef þið getið aðstoðað með flutning á tjaldinu.

Annars hvet ég ykkur öll enn og aftur að skella ykkur á Unglingalandsmótið og njóta alls sem er í boði fyrir fjölskylduna á þessu skemmtilega móti J Eins og sjá má í auglýsingunni hér fyrir neðan er hægt að keppa í ýmsum greinum. 

Ef einhverjar spurningar vakna endilega hafið samband með því að senda tölvupóst á frida@fjolnir.is

Áfram Fjölnir

Bestu kveðjur fyrir hönd aðalstjórnar

Málfríður Sigurhansdóttir

Íþrótta- og félagsmálastjóri

Ungmennafélagsins Fjölnir

Nýju slæðurnar komnar í
Skúmaskot, Laugarvegi 23, bakhús.

Borgarráð hefur samþykkt húsaleigusamning Reykjavíkurborgar og Reita I ehf. um leigu á húsnæði að Spönginni 41 í Reykjavík sem Foldasafn Borgarbókasafns mun flytja í innan tíðar. Foldasafn Borgarbókasafns hefur undanfarin 18 ár verið staðsett í 702 m2 húsnæði í kjallara Grafarvogskirkju.

Við flutning í nýtt og stærra hús mun skapast tækifæri til að breyta áherslum í rekstri bókasafnsins en nýtt húsnæði að Spönginni 41 er um 1300 m2 að stærð en þar var áður líkamsræktarstöð. Í leigusamningnum er gert ráð fyrir að húseigendur sjái um breytingar þannig að það henti fyrir bókasafn.

Dagur B. Eggertsson borgarstjóri segir safnið hugsað sem miðstöð menningar og mannlífs í Grafarvogi. „Það er mikilvægt að í einu fjölmennasta hverfi borgarinnar sé til gott bókasafn. Bæði fyrir íbúana í hverfinu og aðra borgarbúar sem vilja geta notið fjölbreyttrar afþreyingar, þjónustu og menningarstarfsemi“ segir Dagur.

Í safninu verða góð borð og stólar til afnota fyrir lestraraðstöðu sem kemur nemum að góðum notum en í næsta nágrenni við safnið er stór framhaldsskóli. Safnið er einnig á mörkum fjögurra grunnskólahverfa í Grafarvogi en í núverandi húsnæði er engin slík aðstaða fyrir hendi.

Þá er einnig gert ráð fyrir fjölnota sal og tveimur minni fundarsölum sem nýtast mun undir ráðstefnur, fundi og aðra viðburði.
Afhending verður 1. september næstkomandi.

Reykvískir unglingar stóðu sig einna best miðað við landshluta í PISA 2012

Reykjavíkurborg birtir nú opinberlega niðurstöður PISA- rannsóknar 2012 eftir skólum, eftir að úrskurðarnefnd um upplýsingamál kvað upp úr um að borginni væri skylt að birta þær. Í PISA 2012 stóðu reykvískir grunnskólanemar sig í heildina einna best, sé árangur eftir landshlutum skoðaður. Skóla- og frístundasvið hefur lagt áherslu á að skólastjórnendur nýti þessi gögn sem og önnur í umbótastarfi skólanna.

Skóla- og frístundasvið Reykjavíkurborgar leggur mikla áherslu á að greina þau gögn sem verða til um námsárangur og líðan nemenda í því skyni að starfsfólk grunnskóla hafi góðar upplýsingar til að byggja umbætur og þróun í skólastarfinu á.  Niðurstöður úr PISA hafa verið nýttar í því skyni jafnvel þó að PISA- rannsóknin sé fyrst og fremst hönnuð til þess að gera áreiðanlegan samanburð hjá fjölmennum hópum nemenda, þ.e. samanburð á menntakerfum landa.

Þátttaka í PISA er valfrjáls og svarhlutfall misjafnt eftir skólum þótt skóla- og frístundasvið hvetji grunnskóla til að taka þátt í rannsókninni.  Óvissan sem felst í notkun PISA niðurstaðna fyrir hvern og einn skóla er því mun meiri en t.d. í samræmdum könnunarprófum sem tekin eru árlega í íslenskum grunnskólum og ber að hafa þá staðreynd í huga við túlkun niðurstaðna.

Reykvískir grunnskólanemendur stóðu sig í heildina einna best sé árangur eftir landshlutum skoðaður í PISA 2012. Auk þess má í greiningu á niðurstöðum einstakra skóla sjá að talsvert margir reykvískir skólar fengu niðurstöðu sem jafnast á við þau lönd sem hæst skoruðu í PISA rannsókninni 2012.

Munur á meðaltali reykvískra skóla er í nokkrum tilvikum tölfræðilega marktækur en þrátt fyrir það sýna niðurstöður PISA 2012 að munur eftir skólum er langsamlega minnstur í íslenska skólakerfinu, að Reykjavík meðtalinni.  Það merkir að jöfnuður milli grunnskóla hér á landi er með allra mesta móti í heiminum.  Einnig má geta þess að niðurstöður um skólabrag og líðan nemenda í grunnskólum voru sérlega jákvæðar, bæði fyrir Reykjavík og landið í heild.

Samstarfshópur skólastjórnenda og starfsfólks skrifstofu skóla- og frístundasviðs leggur nú grunn að umbótaáætlun þar sem vellíðan, árangur, fagmennska og jöfnuður verða áfram lykilþættir í grunnskólum Reykjavíkurborgar. Sem hluta af þeirri vinnu er starfshópurinn m.a. að skoða með Námsmatsstofnun hvaða þættir það eru í PISA sem reykvískum nemendum gengur vel og illa að leysa. Fyrstu niðurstöður þeirrar athugunar koma verulega á óvart.

[su_button url=“http://reykjavik.is/sites/default/files/pisa2012_kynning_til_rads_og_skolastjornenda.pdf“ target=“blank“ style=“3d“ background=“#1065bd“ radius=“0″]Pisa 2012[/su_button]

[su_button url=“http://reykjavik.is/sites/default/files/afrit_af_reykjavik_medaltol_haefnisthrep_fra_namsmatsstofnun.pdf“ target=“blank“ style=“3d“ background=“#1065bd“ radius=“0″]Niðurstöður fyrir Reykjavík[/su_button]