Fyrri hluti Íslandsmóts skákfélaga 2015-16 fer fram dagana 24.-27. september nk. Mótið fer fram í Rimaskóla í Reykjavík. 1. umferð (eingöngu í 1.deild) mun hefjast kl. 19.30 fimmtudaginn 24. september. Aðrar deildir munu hefja taflmennsku föstudaginn 25. september. kl. 20.00 og síðan tefla laugardaginn 26. september kl. 11.00 og kl. 17.00 sama dag. Síðasta umferðin í fyrri hlutanum hefst kl. 11.00 sunnudaginn 27. september

Nánari upplýsingar: http://skak.blog.is/blog/skak/entry/1957113/

Upplýsingar um þegar skráðar sveitir: https://docs.google.com/spreadsheets/d/1yGsvkeScwrMffEvwetFSHzDtci1b-k0tuk4za_y4K8k

Follow

Barna og unglingaráð körfuknattleiksdeildar Fjölnis hélt Grunnskólamót Grafarvogs 2015 í íþróttahúsinu Dalhúsum.

Börn fædd árið 2004 frá grunnskólum hverfisins mættu og sýndu skemmtilega tilburði.

Mikil leikgleði rýkti og allir krakkarnir stóðu sig vel.

Lið frá Rimaskóla spiluðu til úrslita í drengja og stúlkna liðum.

Follow

Hafdís og Klemmi koma með leiksýningu í Grafarvogskirkju sunnudaginn 27. september kl.11:00.

Splunkuný og spennandi sýning, sem hentar öllum aldurshópum, um ævintýri Hafdísar og Klemma.

Follow

Dansfitness með Auði – Spöngin

Lýsing: Skemmtileg hreyfing á léttu nótunum fyrir alla. Auður Harpa kennir nokkur einföld og fjörug dansspor sem hópurinn dansar svo saman.

Dagsetning: Miðvikudagur 23. september 2015

Kl. 15:00-15:45

Staðsetning: Félagsmiðstöðinni Borgum, Spönginni 43, 112 Reykjavík

http://iceland.moveweek.eu/events/2015/Reykjav%C3%ADk/dans-fitness_i_sponginni/1002244/

Follow

Elín Ásgrímsdóttir tók við blómum og kveðjugjöf á sínum síðasta leikskólastjórafundi. Hér er hún ásamt Hildi Skarphéðinsdóttur skrifstofustjóra leikskólamála hjá SFS.

Á fundi leikskólastjóra borgarinnar fyrir helgina var Elín Ásgrímsdóttir fráfarandi leikskólastjóri Fífuborgar kvödd eftir 23 ára starf.

Elín hefur unnið hjá Reykjavíkurborg frá árinu 1972 og átt afar farsælan feril sem leikskólastjóri í Fífuborg í tæp 23 ár.

Leikskólastjórar kvöddu hana á fundi sínum og þökkuðu henni störf í þágu reykvískra barna. Á meðal þeirra voru þrjár samstarfskonur sem starfað hafa með henni sem aðstoðarleikskólastjórar í Fífuborg; Ásgerður Guðnadóttir, Brynja Benediktsdóttir og Ingibjörg M. Gunnlaugsdóttir.

Elínu fylgja þakkir fyrir vel unnin störf og óskir um farsæld um ókomna tíð.

Follow

Hreyfivika UMFÍ „MOVE WEEK“ er árlegt evrópskt lýðheylsuverkefni sem hefur það að markmiði að kynna kosti þess að taka virkan þátt í hreyfingu og íþróttum reglulega.

Margt veður í boði hjá okkur í Ungmennafélaginu Fjölnir í Hreyfivikunni.

Allir ættu að geta fundið eitthvað til að taka þátt í með okkur og njóta þess að vera þátttakandi í skemmtilegu og flottu verkefni.

Dagskrá okkar í Hreyfiviku UMFÍ:

21. – 27. september.  Sundkeppni á milli sveitarfélaga stendur yfir alla vikuna, við Grafarvogsbúar ætlum að taka þátt í kepninni og skrá alla metra sem syntir verða  í Grafarvogslaug. Við hvetjum alla hverfisbúa  til að skella sér í sund og skrá synta metra niður í afgreiðslunni að loknu sundi. Heildartala á syntum metrum er skilað inn til UMFÍ daglega,  UMFÍ heldur utan um metra fjölda allra sveitarfélaganna sem taka þátt. Að vikunni lokinni stendur eitt Sveitarfélag uppi sem sigurvegari.       Ath. Bannað er að skrá niður synta metra í skólasundi og á æfingum sundélaga.
22. – 27. september. Vinavika í körfubolta. Körfuknattleiksdeild Fjölnis býður öllum iðkendum í minnibolta  3 – 11 ára að taka með sér vini á æfingu í Hreyfivikunni.  Flott tækifæri til að fá að kynnast íþróttinni með góðum vinum. Körfuknattleiksdeildin æfir í Dalhúsum, Rimaskóla og Vættaskóla Borgum, sjá æfingatöflur flokka á http://www.fjolnir.is/karfa/aefingatoflur-korfubolti/ til að vita hvar og hvenær æfingar eru.
23. september. Hjólahópur Fjölnis býður öllum 16 ára og eldri að taka þátt í hjólaæfingu.  Hjólað verður Grafarvogshringinn ca. 12 km. Allir verða að mæta á hjólum, þurfa ekki að vera keppnishjól. Lagt verður af stað frá bílaplaninu norðan meginn við Egilshöllina við gervigrasvellina, klukkan 17:30
24. september.  Opin æfing með hlaupahóp Fjölnis, við ætlum að taka saman og skrá hvað hver einstaklingur og allur  hópurinn  hleypur marga kílómetra samtals. Lagt er af stað frá Hamraskóla, klukkan 17:30
25. september. Önnur opin æfing með hlaupahópnum,  eftir æfinguna verður aftur skráð niður hvað hver hleypur marga kílómetra og  samtals allur hópurinn á þessum tveim æfingum. Gaman verður að sjá hver hljóp mest og hvað hópurinn hljóp marga kílómetra saman. Mæting við Harmraskóla, klukkan 17:30
26. september. Opnar karateæfingar hjá Karatedeild Fjölnis.  Allar æfingar dagsins eru opnar þennan dag, allir velkomnir að mæta og prófa. 7 – 9 ára kl. 17:00 – 18:00, 10 – 12 ára kl. 18:00 – 19:00, 13 – 15 ára kl. 19:15 – 20:15, 16 ára og eldri kl. 20:15 – 21:15.  Þetta er gott tækifæri til að kynnast þessari skemmtilegu íþrótt. Æfingarnar eru í æfingasal karatedeildar í Egilshöllinni.
27. september. Hjólahópur Fjölnis býður öllum 16 ára og eldri að taka þátt í annari hjólaæfingu.  Hjólað verður skemmtilegur hringur um nágreinni Grafarvogs. Allir verða að mæta á hjólum. Lagt verður af stað frá bílaplaninu norðan meginn við Egilshöllina við gervigrasvellina, klukkan 10:30

1. Við ætlum að taka þátt, hvað með þig og þína ?
2. Kæri Grafarvogsbúi við hlökkum til að sjá þig taka þáttt í þessu flotta sam Evrópska verkefni.

Hér er linkur á síðu Hreyfiviku UMFÍ http://iceland.moveweek.eu/  þar er að finna öll hin fjölmörgu verkefni sem verða í boði um allt land í Hreyfivikunni og ýmsan fróðleik um verkefnið.

Hreyfivikan 2015 verður formlega sett með góðu þjófstarti á morgun föstudag 18.september kl: 11:00 66 sprækir 3.bekkingar úr Langholtsskóla ætla að dansa Hreyfivikudansinn og taka þátt í náttúru bingo.

Ef þú vilt læra dansinn þá er linkur á hann hér https://www.youtube.com/watch?v=z3x_QTtHo70

Íslandi allt,

Kær kveðja starfsfólk skrifstofu Ungmennafélagsins Fjölnis.

Follow

„Blandaðu flandrið“ eru hvatningarorð evrópskrar samgönguviku sem hefst á morgun, en með þeim er fólk hvatt til að velja, blanda og njóta þeirra samgöngumáta sem bjóðast.

Á fyrsta degi samgönguviku, miðvikudaginn 16. september mun göngugötusvæði miðborgarinnar í fyrsta sinn ná alla leið frá gatnamótum Vatnsstígs að Aðalstræti eða alls um 800 metra. Í þrjár klukkustundir, milli kl. 11:00-14:00 munu ungir listamenn og leikskólabörn vinna saman að því að gera stórt krítarlistaverk í Bankastrætinu. Skemmtileg tónlist mun óma um svæðið og litagleði fær að ráða ríkjum.  Lokað verður fyrir umferð frá Þingholtsstræti og Skólastræti niður Bankastræti á meðan viðburðurinn stendur yfir.

Dagskrá samgönguviku er að finna á reykjavik.is/samgonguvika-2015

Samgönguviðurkenning og ný göngubrú

Á fimmtudag mun borgarstjóri opinbera hverjir hljóta Samgönguviðurkenningu Reykjavíkur, en hún er veitt í tveimur flokkum til þeirra sem stigið hafa mikilvæg skref í átt til vistvænni samgöngumáta. Umsóknir undanfarinna ára hafa að mati valnefndar sýnt mikinn metnað, fagmennsku og frumkvöðlahugsun. Viðurkenningin verður veitt í Ráðhúsi Reykjavíkur kl. 15.30

Síðar sama dag mun Dagur B. Eggertsson borgarstjóri og fulltrúar íbúa í Norðlingaholti og Árbæ taka nýja göngu- og hjólabrú yfir Breiðholtsbraut formlega í notkun.  Athöfnin verður kl. 17.00 og eru allir velkomnir að njóta hins nýja mannvirkis.

Hjólum til framtíðar

Landssamtök hjólreiðamanna standa fyrir árvissri ráðstefnu í samgönguviku og verður hún haldin föstudaginn 18. september og að þessu sinni í Smárabíó í Smáralind kl. 9 – 16.  Yfirskrift ráðstefnunnar er Veljum, blöndum & njótum!

Þeir sem ekki láta sér nægja að tala um hjólreiðar geta daginn eftir mætt í fyrsta laugardagshjólatúr vetrarins. Í vetur verða farnar hjólreiðaferðir frá Hlemmi á laugardagsmorgnum. Lagt er af stað kl. 10.15.

Ókeypis í Strætó

Samgönguviku líkur 22. september með „bíllausa deginum“ þegar fólk er sérstaklega hvatt til að skoða aðra valkosti til samgangna en bílinn.  Ókeypis verður í Strætó þennan dag.
Á vegum Stjórnvísi verður boðið upp á morgunverðarfund um samfélagsábyrgð og samgöngusamninga, en þar verður sérstaklega horft til góðra fyrirmynda. Fundurinn verður haldinn hjá Advania í Guðrúnartúni 10, kl. 8.30 – 10.00

Síðar um daginn verður fjallað um almenningssamgöngur til framtíðar, en Samtök sveitarfélaga á höfuðborgarsvæðinu hafa fengið Jarrett Walker sérfræðing í almenningssamgöngukerfum til að halda fyrirlestur um þetta efni. Fyrirlesturinn verður haldinn í Salnum í Kópavogi kl. 15.00 – 16.30.

Follow

„Blandaðu flandrið“ eru hvatningarorð evrópskrar samgönguviku sem hefst á morgun, en með þeim er fólk hvatt til að velja, blanda og njóta þeirra samgöngumáta sem bjóðast.

Á fyrsta degi samgönguviku, miðvikudaginn 16. september mun göngugötusvæði miðborgarinnar í fyrsta sinn ná alla leið frá gatnamótum Vatnsstígs að Aðalstræti eða alls um 800 metra. Í þrjár klukkustundir, milli kl. 11:00-14:00 munu ungir listamenn og leikskólabörn vinna saman að því að gera stórt krítarlistaverk í Bankastrætinu. Skemmtileg tónlist mun óma um svæðið og litagleði fær að ráða ríkjum.  Lokað verður fyrir umferð frá Þingholtsstræti og Skólastræti niður Bankastræti á meðan viðburðurinn stendur yfir.

Dagskrá samgönguviku er að finna á reykjavik.is/samgonguvika-2015

Samgönguviðurkenning og ný göngubrú

Á fimmtudag mun borgarstjóri opinbera hverjir hljóta Samgönguviðurkenningu Reykjavíkur, en hún er veitt í tveimur flokkum til þeirra sem stigið hafa mikilvæg skref í átt til vistvænni samgöngumáta. Umsóknir undanfarinna ára hafa að mati valnefndar sýnt mikinn metnað, fagmennsku og frumkvöðlahugsun. Viðurkenningin verður veitt í Ráðhúsi Reykjavíkur kl. 15.30

Síðar sama dag mun Dagur B. Eggertsson borgarstjóri og fulltrúar íbúa í Norðlingaholti og Árbæ taka nýja göngu- og hjólabrú yfir Breiðholtsbraut formlega í notkun.  Athöfnin verður kl. 17.00 og eru allir velkomnir að njóta hins nýja mannvirkis.

Hjólum til framtíðar

Landssamtök hjólreiðamanna standa fyrir árvissri ráðstefnu í samgönguviku og verður hún haldin föstudaginn 18. september og að þessu sinni í Smárabíó í Smáralind kl. 9 – 16.  Yfirskrift ráðstefnunnar er Veljum, blöndum & njótum!

Þeir sem ekki láta sér nægja að tala um hjólreiðar geta daginn eftir mætt í fyrsta laugardagshjólatúr vetrarins. Í vetur verða farnar hjólreiðaferðir frá Hlemmi á laugardagsmorgnum. Lagt er af stað kl. 10.15.

Ókeypis í Strætó

Samgönguviku líkur 22. september með „bíllausa deginum“ þegar fólk er sérstaklega hvatt til að skoða aðra valkosti til samgangna en bílinn.  Ókeypis verður í Strætó þennan dag.
Á vegum Stjórnvísi verður boðið upp á morgunverðarfund um samfélagsábyrgð og samgöngusamninga, en þar verður sérstaklega horft til góðra fyrirmynda. Fundurinn verður haldinn hjá Advania í Guðrúnartúni 10, kl. 8.30 – 10.00

Síðar um daginn verður fjallað um almenningssamgöngur til framtíðar, en Samtök sveitarfélaga á höfuðborgarsvæðinu hafa fengið Jarrett Walker sérfræðing í almenningssamgöngukerfum til að halda fyrirlestur um þetta efni. Fyrirlesturinn verður haldinn í Salnum í Kópavogi kl. 15.00 – 16.30.

Tengt efni / Nánari upplýsingar:

• Dagskrá Samgönguviku
• Hver ætti að fá samgönguviðurkenningu Reykjavíkurborgar? 

Follow