Mælingarbíll verður á ferðinni næstu sex nætur og ekur hann samtals 250 km leið um götur borgarinnar. Bíllinn fer á aðeins 10 km hraða og eru því vegfarendur beðnir um að sýna aðgát og skilning ef hann verður á vegi þeirra.
Gögnum verður safnað í öllum hverfum borgarinnar. Mældur er ljósstyrkur, ljómi og jafnleiki, en það er hlutfall milli minnsta og mesta ljósstyrks á götu. Úttekin byggir á staðlaröðinni ÍST EN 13201 og er undirbúningur að endurnýjun götulýsingar í Reykjavík.
„Við fáum með þessum mælingum samanburð við lýsingu í öðrum borgum, en því hefur stundum verið haldið fram að borgin sé yfirlýst,“ segir Guðjón L. Sigurðsson, lýsingarhönnuður hjá Verkís um vinnuna. Framkvæmd mælinga annast þýska fyrirtækið Roch Services GmbH.
Follow
