STOLT GRAFARVOGS

Hvert einasta hverfi borgarinnar allt frá Vesturbæ norður á Kjalarnes er ómissandi þáttur í heildarmynd Reykjavíkur. Öll búa hverfin yfir ákveðinni sérstöðu og státa af Stoltum í mannlífi, umhverfi  og aðstæðum, samanber listann að neðan yfir stolt Grafarvogs.

Samvinna

Samvinna stofnana í Grafarvogi hefur verið einkennandi síðustu árin.  Mörgum samvinnuverkefnum hefur verið hleypt af stokkunum og flest þeirra gengið mjög vel.  Til að gefa einhverjar hugmyndir verða hér nefnd nokkur.

• Vinahópur Borgarholtsskóla.  Samvinnuverkefni  Miðgarðs, Borgarholtsskóla, Grafarvogskirkju og Gufunesbæjar.  Markmiðið er að sporna við brottfalli úr Borgarholtsskóla.

• Betra líf.  Betra líf er samvinnuverkefni Miðgarðs og Heilsuakademíunnar.  Um er að ræða líkamsræktarnámskeið fyrir unglinga með sérþarfir.  Markmið námskeiðsins er að gera þátttakendur sjálfstæða innan veggja líkamsræktarinnar.  Á námskeiðinu er m.a. fjallað um umgengi um búningsklefa og tækjasal, almennar reglur í tækjasal og stillingar þrek- og æfingatækja.

• N-8. Samstarf grunnskólanna um leiðir til lausna á atferlisvanda nemenda.

• L-9.  Þróunarverkefni til að móta lestraráætlun í 3.-10. bekk fyrir grunnskóla í Grafarvogi

• Fjölbreyttara námsframboð.  Samvinna grunnskólanna í hverfinu í þeim tilgangi að bjóða upp á fjölbreyttara námsframboð fyrir unglinga í skólunum

• Barnaþing.  Samstarfsverkefni Miðgarðs og grunnskólanna.  Þingið er haldið með nemendum 6. bekkja ár hvert. Á barnaþinginu kynna börnin hugmyndir sínar um betra hverfi, betri borg, yfirleitt undir ákveðnu þema.

• Skákmót.  Samstarfsverkefni Miðgarðs og grunnskólanna í hverfinu.  Skólarnir senda lið til keppninnar sem hefur notið mikilla vinsælda.

• Grafarvogsdagurinn.  Ekki nýtt verkefni en er sívaxandi og frábær samstarfsvettvangur stofnana og félagasamtaka í hverfinu.

• Þrettándabrenna.  Ekki nýtt verkefni en er gífurlega vinsæl og gott dæmi um frábært samvinnuverkefni stofnana og félagasamtaka í hverfinu.

• Vinahópar.  Samvinnuverkefni Miðgarðs og Gufunesbæjar þar sem unnið er með börn og unglinga í hópum.  Hóparnir eru mismunandi og unnið með ólíkt efni.

Nýbreytni

• Frístundaklúbbur fyrir börn með fötlun.  Gufunesbær hefur undanfarin ár starfrækt frístundaklúbb fyrir börn með fötlun.  Klúbburinn heitir Höllin og er starfræktur í sérhannaðri aðstöðu í Egilshöll.  Starfsemin hefur vaxið jafnt og þétt.

• Sumarstarf fyrir 10-12 ára.  Gufunesbær bauð upp á frístundastarf fyrir 10-12 ára börn sumarið 2009.  Boðið var upp á smiðjur og margs konar viðburði og var hægt að skrá sig á hvern viðburð fyrir sig. Markmiðið var að auka fjölbreytta, skemmtilega og áhugaverða þjónustu fyrir þennan aldurshóp og ýta undir félagsþroska.

• Félagsmiðstöðvar.  Niðurstöður úr könnunum hafa sýnt óvenju mikla þátttöku unglinga í hverfinu í félagsstarfi í félagsmiðstöðvum samanborið við borgina í heild.  Félagsmiðstöðvarnar búa yfir öflugri liðsheild og eru skipulagðar þannig að þær séu miðsvæðis  í hverfishlutunum.  Markvisst er unnið með unglingalýðræði.

• Framtíðarskólinn.  Miðgarður hefur aukið mjög námskeiðaframboð fyrir foreldra og börn í hverfinu undanfarin ár.  Markmið námskeiðanna er að styrkja einstaklinga og fjölskyldur.

• Hamraskóli hefur lagt sérstaka áherslu á nýja kennsluhætti í móðurmálskennslu.

• Foldaskóli hefur kennslu í ensku í 2. bekk.

Hvatningarverðlaun

• Margir skólar í hverfinu hafa hlotið hvatningarverðlaun menntaráðs, má þar nefna Víkurskóla, Rimaskóla, Foldaskóla, Húsaskóla og Borgaskóla.  Hvatningarverðlaunin hafa þeir hlotið fyrir ýmis þróunarverkefni.

• Leikskólinn Bakki hlaut hvatningarverðlaun leikskólaráðs fyrir umhverfisverkefni með börnum bæði  2008 og 2009.  Bakki fékk einnig Evrópugæðamerki fyrir þróunarverkefni leikskólans: Með augum barna, töfrar litanna, löndin okkar og frumefnin fjögur.

Grænfáni

• Vikurskóli, Borgaskóli, Foldaskóli og leikskólinn Bakki eru Grænfánaskólar
Sérkennsla

• Fardeild.  Samstarfsverkefni grunnskóla hverfisins með áherslu á sérdeildarþjónustu í heimaskólum barnanna.

• Foldakot hefur unnið að þróun sérkennslu.  Lögð er áhersla á að byggja upp færni á ýmsum sviðum en um leið að uppræta truflandi hegðun.