Dr. Grétar Halldór Gunnarsson skipaður prestur í Grafarvogssöfnuði

Biskup Íslands hefur ákveðið að skipa Dr. Grétar Halldór Gunnarsson í embætti prests í Grafarvogsprestakalli, Reykjavíkurprófastsdæmi eystra.

Frestur til að sækja um embættið rann út 8. ágúst sl. Kjörnefnd prestakallsins komst að þessari niðurstöðu en kosið var á milli fimm umsækjenda.

Áður hafði matsnefnd metið þessa fimm umsækjendur hæfasta til þess að gegna embættinu.

Á vef Grafar­vogs­kirkju seg­ir að Grét­ar Hall­dór hafi lokið embætt­is­prófi frá Há­skóla Íslands árið 2008. Hann út­skrifaðist með meist­ara­próf í guðfræði frá Princet­on Semin­ary árið 2009 og lauk doktors­prófi í guðfræði frá Ed­in­borg­ar­há­skóla árið 2015. Grét­ar er nú starfsmaður Kjal­ar­nes­pró­fasts­dæm­is og sinn­ir sömu­leiðis stunda­kennslu við guðfræðideild Há­skóla Íslands.

Grét­ar er jafn­framt formaður Kyrrðarbæna­sam­tak­anna og á sæti í stjórn Biblíu­fé­lags­ins. Grét­ar þýddi ný­verið bók­ina Það sem við töl­um um þegar við töl­um um Guð, sem kom út hjá Skál­holtskút­gáf­unni í ág­úst.

Grét­ar Hall­dór verður vígður til Grafar­vogs­safnaðar á næstu vik­um og mun hefja störf svo fljótt sem auðið er.

Grétar Halldór verður vígður til Grafarvogsprestakalls á næstu vikum.

Follow