Færeyjar, þessar eyjar rétt sunnan við okkur, byggðar okkar minnstu frændum, okkar bestu vinum sem réttu fram hjálparhönd þegar aðrir sneru við okkur bakinu. Færeyingar, sem eru eina þjóðin sem eru færri en við og tala svo fyndið tungumál. Hvað vitum við eiginlega um þjóðina sem dansar Orminn langa, étur skerpukjöt í hvert mál, klæðist þjóðbúningum við hvert tækifæri, heldur upp á Ólavsvöku, les William Heinesen og hlustar á Eivør?

Sif Gunnarsdóttir er nýflutt heim eftir fimm ára dvöl hjá þessum nágrönnum okkar og ætlar að reyna að útskýra hversvegna hluti af hjarta hennar varð eftir í Færeyjum og afhverju henni finnst að allir verði betri menn af því að skreppa þangað í heimsókn.

Follow

Messa í Grafarvogskirkju kl. 11:00. Séra Guðrún Karls Helgudóttir prédikar og þjónar. Kór Grafarvogskirkju leiðir söng og organisti er Gunnsteinn Ólafsson.

Sunnudagaskóli kl. 11:00 á neðri hæð kirkjunnar. Umsjón hefur Hólmfríður Frostadóttir og undirleikari er Stefán Birkisson.

Selmessa kl. 13:00. Sérstakur gestur verður söngvarinn KK eða Kristján Kristjánsson. Séra Arna Ýrr Sigurðardóttir prédikar og þjónar. Vox Populi leiðir almennan söng og organisti er Hilmar Örn Agnarsson.

Follow

Sumardagurinn fyrsti verður haldinn hátíðlegur fimmtudaginn 19. apríl nk. með glæsilegri dagskrá.
Frábær fjölskylduskemmtun!

Klukkan 11.00 Skrúðganga frá Spöng að Rimaskóla

Skátafélagið Hamar og Skólahljómsveit Grafarvogs leiða gönguna

kl: 11.30-14.00 Fjölbreytt dagskrá í og við Rimaskóla

• Jón Jónsson kemur og syngur
• Blaðrarar gefa blöðrudýr
• Tónlistaratriði frá Tónlistarskóla Grafarvogs
• Söng og dansatriði frá frístundaheimilum Gufunesbæjar
• Fagrir tónar frá Skólahljómsveit Grafarvogs
• Kynningar á sumarstarfi Gufunesbæjar og Skátanna
• Hopppukastalar og leiktæki
• Skátar bjóða upp á fléttubrauðsgerð
• Street hokkí í boði Íshokkídeildar Bjarnarins
• Veitingasala
• Andlitsmálun

Nánari upplýsingar er að finna hérna……

www.gufunes.is  www.facebook.com/midgardurrvk

Follow

Borgarbókasafnið í Spönginni stendur fyrir ljósmyndasamkeppni meðal íbúa Grafarvogs. Keppnin er fyrir fólk á öllum aldri, það eina sem þú þarft er myndavél af einhverju tagi, hvort sem það er myndavél í símanum, í spjaldtölvunni eða myndavél upp á gamla mátann.

Taktu mynd einhvers staðar í Grafarvogi og sendu okkur á netfangið spongin@borgarbokasafn.is. Ef þú tekur ekki stafrænar myndir, framkallaðu þá myndina og komdu með hana til okkar eða sendu hana í pósti.

Hver þátttakandi má senda inn fimm myndir. Myndirnar mega vera svarthvítar eða í lit, af skrýtnum/fallegum/sérstökum/ skemmtilegum stað, af landslagi, náttúru, fólki og/eða byggingum.

Skilafrestur er til 14. maí, en 1. júní verður tilkynnt um verðlaunahafa og opnuð sýning á innsendum ljósmyndum á Borgarbókasafninu Menningarhúsi Spönginni.

Hvernig er þinn Grafarvogur?

Follow

Laugardaginn 14. apríl verður iðkendum boðið á opna æfingu og kynningu á leikmönnum í meistaraflokkum Fjölnis í knattspyrnu. Kynningin/æfingin fer fram í Egilshöll kl. 9:30 og stendur til kl. 10:45.

Leikmenn verða kynntir til leiks í upphafi, í kjölfarið fara iðkendur á stöðvar og gera æfingar undir leiðsögn meistaraflokkanna. Eftir það er afhending á plakötum og iðkendum gefið tækifæri á því að fá áritanir frá leikmönnum liðanna.

Iðkendum gefst tækifæri á að gera æfingar og fá kennslu frá leikmönnum meistaraflokkanna ásamt því að fá afhent plakat með liðsmynd af liðunum. Allir velkomnir #FélagiðOkkar

Follow

Ferming kl. 10:30 í Grafarvogskirkju. Prestar eru Guðrún Karls Helgudóttir og Sigurður Grétar Helgason. Kór Grafarvogskirkju leiðir söng og organisti er Hákon Leifsson.

Ferming kl. 13:30 í Grafarvogskirkju. Prestar eru Arna Ýrr Sigurðardóttir og Grétar Halldór Gunnarsson. Kór Grafarvogskirkju leiðir söng og organisti er Hákon Leifsson.

Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa kl. 13:00. Séra Guðrún Karls Helgudóttir prédikar og þjónar. Vox Populi leiðir söng. Gospelþema verður í messunni og einsöngvari er Áslaug Helga Hálfdánardóttir. Stefán Birkisson sér um undirleik ásamt hljómsveit.

Follow

Við viljum vekja athygli á því að við munum veita foreldraverðlaunin 2018 í maí.  Ef þið vitið um einhver spennandi verkefni sem foreldrafélög eða einstakir foreldrar hafa staðið fyrir þá hvet ég ykkur til að tilnefna.

Eins ef þið vitið um einstakling sem hefur verið sérstaklega drífandi og öflugur í foreldrastarfi þá er hægt að tilnefna viðkomandi til dugnaðarforks Heimilis og skóla.

Síðasti dagur til að senda inn er 10.april

Hægt er að skrá tilnefningar hérna….

Follow

Það er ánægjulegt að segja frá því að undirskriftasöfnun sem ég hóf og á þriðja þúsund manns tóku þátt í hefur skilað þeim árangri að frá og með núna á föstudag verður í Grafarvogslaug og Árbæjarlaug opið alla virka daga og allar helgar til 22.00 eins og við íbúar hverfanna tveggja kröfðumst.

Það verður því eins opnunartími í sundlaug Grafarvogs og sundlaug Árbæjar og í öðrum sundlaugum borgarinnar:

Follow