Þann 1. janúar 2015 taka gildi nýjar reglur um ferðaþjónustu fatlaðs fólks í Reykjavík, sjá meðfylgjandi reglur.

Helstu breytingarnar á reglunum eru að nú getur hver einstaklingur fengið að hámarki 60 ferðir á mánuði, en þjónustumiðstöðvum velferðarsviðs er heimilt að veita fleiri ferðir til þeirra notenda sem eru, auk annars í mikilli virkni, s.s. íþróttum eða skipulögðu félagsstarfi. Umframferðir geta að hámarki verið 20 og heildarfjöldi ferða því 80 á mánuði. Notandi skal, samkvæmt gjaldskrá, greiða hærra gjald fyrir umframferðir.

Um áramótin breytist einnig gjaldskrá velferðarsviðs um ferðaþjónustu fatlaðs fólks  sjá meðfylgjandi gjaldskrá, þannig að þegar fjöldi ferða fer yfir 60 á mánuði er greiddar kr. 1.100 fyrir hverja ferð.

Vakni spurningar um þjónustuna er hægt að snúa sér til þjónustumiðstöðvar í þínu hverfi eða þjónustuvers Reykjavíkurborgar.

Þjónustumiðstöðvar:

• Þjónustumiðstöð Vesturbæjar – Vesturgarður, Hjarðarhaga 45-47, s. 411 1700.
• Þjónustumiðstöð Miðborgar og Hlíða, Skúlagötu 21, s. 411 1600.
• Þjónustumiðstöð Laugardals og Háaleitis, Síðumúla 39, s. 411 1500.
• Þjónustumiðstöð Grafarvogs og Kjalarness, Miðgarður, Gylfaflöt 5, s. 411 1400.
• Þjónustumiðstöð Breiðholts, Álfabakka 12, s. 411 1300.
• Þjónustumiðstöð Árbæjar og Grafarholts, Hraunbæ 115, s. 411 1200.

Þjónustuver borgarinnar: sími 4 11 11 11.

Bæklingur frá Strætó bs. um tilhögun ferðaþjónustunnar á höfuðborgarsvæðinu. 

Follow

Í dag, gamlársdag kl. 12 fór fram val á íþróttamanni Fjölnis í hátíðarsalnum í Dalhúsum. Þetta er í 26 skipti sem að valið fór fram og það vour margir Fjölnismenn og Grafarvogsbúar sem að komu til að heiðra íþróttafólkið okkar. Þetta er orðin árviss hefð og gaman hversu margir mæta á ári hverju. Léttar kaffiveitingar í boði Afreksmaður hverrar deildar er heiðrarður sérstaklega.

Þetta er í 26 skiptið sem íþróttamaður og Fjölnismaður ársins eru valdir.

Follow

Flugeldasala stendur nú yfir sem hæst en gamla árið verður kvatt með stæl á miðnætti annað kvöld. Landsmenn hafa verið duglegir í gegnum tíðina að skjóta flugeldum á loft og kveðja þannig gamla árið og fagna hinu nýja. Það hefur ekki farið framhjá neinum manni að Grafarvogsbúar hafa alltaf verið duglegir að skjóta upp flugeldum á þessum tímamótum.

Í Spönginni mörg undanfarin ár hefur Hjálparsveit skáta í Reykjavík verið með til sölu ýmiss konar flugelda og blys og annan varning tengdum áramótunum. Grafarvogsbúar í stórum hópum hafa lagt leið sína á sölustað skátanna í Spönginni en um leið eru þeir að styðja gott málefni.

Vefsíðan grafarvogsbuar.is var á ferðinni í hverfinu í kvöld og kom við á sölustað Hjálparsveitar Skáta í Spönginni og þar var nóg að gera og búið að vera í allan dag. Fram kom í fréttum í kvöld að sala flugelda sé betri núna en í fyrra.

Opnunartími flugeldasölu Hjálparsveitar Skáta í Spönginni er frá klukkan 10-16 á morgun, gamlársdag.

Follow

31. desember, gamlársdagur

Grafarvogskirkja

Aftansöngur kl. 18.00
Prestur: séra Vigfús Þór Árnason
Kór Grafarvogskirkju syngur
Einsöngur: Jóhann Friðgeir Valdimarsson
Organisti: Hákon Leifsson

1. janúar 2015, nýársdagur

Grafarvogskirkja

Hátíðarguðsþjónusta kl. 14.00
Prestur: séra Arna Ýrr Sigurðardóttir
Kór Grafarvogskirkju syngur
Einsöngur: Þóra Einarsdóttir
Organisti: Hákon Leifsson

4. janúar 2015

Grafarvogskirkja

Messa kl. 11.00
Prestur: séra Sigurður Grétar Helgason
Kór kirkjunnar syngur
Organisti: Hákon Leifsson

Follow

Hin árlega þrettándagleði Grafarvogsbúa verður haldin þriðjudaginn 6.janúar 2015

Dagskrá

17.15     Kakó – og kyndlasala í Hlöðunni. Skólahljómsveit Grafarvogs leikur létt lög.

17:50     Blysför frá Hlöðunni.

18:00     Kveikt í brennu, skemmtun á sviði.

18:30     Þrettándagleði lýkur með skotköku sýningu

Álfar og aðrar furðuverur mæta á svæðið

Skotköku sýning í boði Íslenska Gámafélagsins og Frístundamiðstöðvarinna Gufunesbær.

Skemmtum okkur saman ungir sem aldnir og brennum út jólin eins og Grafarvogsbúum einum er lagið

Fyrir hönd íbuanna í hverfinu hafa eftirtalin félög og stofnanir undirbúið þrettándagleðina:

Miðgarður, þjónustumiðstöð Grafarvogs og Kjalarness, frístundamiðstöðin Gufunesbær, Ungmennafélagið Fjölnir, Skólahljómsveit Grafarvogs, Skátafélagið Hamar og Íslenska Gámafélagið.

Follow

Áramótabrennur verða á sömu tíu stöðum í Reykjavík og undanfarin ár. Umsjón með þeim er ýmist á hendi borgarinnar eða félagasamtaka, sem huga vel að því sem sett er á brennurnar og tryggja að frágangur sé í lagi.

Eldur verður borinn að köstunum kl. 20:30 á gamlárskvöld á öllum stöðum nema einum, en á Úlfarsfelli verður tendrað í kestinum kl. 14:30 um daginn.
Áramótabrennur verða á eftirtöldum stöðum. (Staðsetning brenna á korti).

• Við Ægisíðu, stór brenna.
• Skerjafjörður gegnt Skildinganesi 48 – 52,  lítil brenna.
• Við Suðurhlíðar, neðan við Fossvogskirkjugarð, lítil brenna.
• Vestan Laugarásvegar móts við Valbjarnarvöll,  lítil brenna.
• Geirsnef, stór brenna.
• Við Suðurfell, lítil brenna.
• Fylkisbrennan við Rauðavatn, stór brenna.
• Gufunes við gömlu öskuhaugana, stór brenna.
• Kléberg á Kjalarnesi, lítil brenna.
• Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 14:30).

Stærð brennanna ræðst af mati Eldvarnareftirlitsins á aðstæðum á hverjum stað og er það óbreytt frá fyrra ári.  Stóru brennurnar eru fjórar og þær minni sex talsins.

Höfum góða skapið með en enga skotelda!

Fólk er hvatt til að skjóta ekki upp flugeldum við brennurnar. Stjörnuljós og blys eru betri kostur enda barnvænni og hættuminni. Flugeldar og tertur eru betur geymd heima.

Hvað má fara á köstinn?

Byrjað verður að taka á móti efni á kestina mánudaginn 29. desember.  Best er að fá hreint timbur á brennurnar og stærstur hluti þess sem fer á brennurnar eru vörubretti en einnig er fenginn afgangur af jólatrjáasölu. Plast, gúmmí og unnið timbur á ekki erindi í köstinn.  Starfsmenn hverfastöðva Reykjavíkurborgar verða á vettvangi við flestar brennurnar og leiðbeina þeim sem koma með efni.  Hætt verður að taka á móti efni þegar brennurnar eru orðnar hæfilega stórar eða í síðasta lagi kl. 12:00 á gamlársdag.

Follow

Nýtt tímabil Frístundakortsins á vegum íþrótta- og tómstundaráðs Reykjavíkurborgar hefst 1. janúar. Frístundakortið tryggir hverju barni og unglingi í Reykjavík á aldrinum 6 til 18 ára styrk að upphæð 35 þúsund krónur til ráðstöfunar á árinu 2015. Frístundakortið hækkar úr 30 þúsund krónum eða um 16,7% á milli ára. Fimmtán þúsund börn nýttu Frístundakortið hjá 200 félögum.

Alls voru tæplega 16 þúsund börn skráð á námskeið hjá þeim 200 félögum sem aðild eiga að kerfinu og af þeim var ráðstafað styrk vegna rúmlega fimmtán þúsund barna árið 2014.

Nýting á Frístundakortinu hefur aukist ár frá ári síðan það var tekið í notkun 2007. Mest er notkun þess er í aldurshópnum 6 – 12 ára en rúm 95% barna á þeim aldri nýttu sér styrkinn. Í aldurshópnum 13 – 15 ára var nýtingin um 87%. Minnst er nýtingin í aldurshópnum 16 – 18 ára en 55% ungmenna á þeim aldri nýttu sér Frístundakortið.

Meginmarkmið með Frístundakortinu er að auka jöfnuð meðal barna og unglinga í borginni varðandi þátttöku í skipulögðu félags,- menningar- og íþróttastarfi. Grannt er fylgst með því að auknir styrkir til barna leiði ekki til óeðlilegra hækkana á gjaldskrám félaganna. Árið 2015 verður gert sérstakt átak til að ná til þeirra barna og unglinga sem síst taka þátt í skipulegu félagsstarfi og nýta sér Frístundakortið.

ÍTR hefur nýverið tekið í gagnið leitar- og upplýsingavefinn fristund.is. Þar má finna upplýsingar um nánast allt íþrótta-, félags- og tómstundastarf sem boðið er upp á í borginni. Einnig er aukin upplýsingamiðlun til foreldra um framboð á frístundastarfi fyrir grunnskólabörn með svokallaðri frístundagátt í Mentor.

Follow

Fjölnir og Grótta léku í 1. deildinni í kvöld og þetta var baráttuleikur milli tveggja sterkra liða sem munu án efa bæði berjast í efstu sætunum í vetur. Fjölnis mennn hafa komið á óvart að mati sumra í vetur og voru yfir í kvöld í hálfleik 15-13. Grótta hafði þó betur í seinni hálfleiknum og sigraði að lokum með 5 mörkum, 28-33. Munaði þar sjálfsagt um markahrókinn Viggó Kristjánsson sem var með 14 mörk í kvöld og hefur þar með gert alls 117 mörk í vetur.

Fjölnir er því en fast í 3 sæti deildarinnar með 15 stig, en Grótta trómnir á toppnum með 25 stig og hefur 5 stiga forskot á Víkinga.

Mörk Fjölnis: Kristján Örn Kristjánsson 9, Björgvin Páll Rúnarsson 5, Bjarki Lárusson 4, Bergur Snorrason 4, Brynjar Loftsson 3, Breki Dagsson 2, Bjarni Ólafsson 1.
Mörk Gróttu: Viggó Kristjánsson 14, Þórir Jökull Finnbogason 6, Aron Dagur Pálsson 3, Aron Heiðar Guðmundsson 3, Þráinn Orro Jónasson 3, Hjalti Már Hjaltason 2, Kristján Karlson 1 og Þorgeir Bjarki Davíðsson 1.

Myndir: Þorgils G.

Follow

Þó nokkur umferð var í Gufuneskirkjugarði í dag og aðstandendur að vitja leiða ástvina sinna. Á Þorláksmessu og aðfangadag milli kl. 9:00 – 15:00 eru starfsmenn KGRP til aðstoðar í Fossvogskirkjugarði, Gufuneskirkjugarði, Kópavogskirkjugarði og Hólavallagarði. Þeir aðstoða fólk við að finna leiði og afhenda ratkort ef með þarf.

Aðalskrifstofa í Fossvogskirkjugarði, sími: 585 2700 og skrifstofan í Gufuneskirkjugarði, sími: 585 2770 eru opnar frá kl. 9:00 – 15:00 og geta aðstandendur fengið upplýsingar um leiði þar.

Follow