Grafarvogsbúar – í dag var afreksfólk Fjölnis 2020 heiðrað – góð mæting var að Facebook viðburðinn og þökkum við fyrir það. Allt þetta afreksfólk á hrós skilið og eru frábærar fyrirmyndir fyrir aðra iðkendur félagsins. #FélagiðOkkar
Áfram Fjölnir
Nýr veitingastaður var að opna í Langarima,
Þrír indverskir vinir með bakgrunn í framreiðslu og matreiðslu sem sakna hefðbundins indversks heimilismatar á Íslandi, svona eins og þeir ólust upp við. Ákváðu þeir að besta leiðin í stöðunni til þess að bæta úr því væri einfaldlega að elda sinn eigin mat. Þar af leiðandi var the Indian Food Factory stofnað í október 2020. Indian Food Box er heiti veitingastaðarins.
Við keyptum veitingarstaðinn á Langarima 21 í Reykjavík, tókum ógnvekjandi bankalán, keyptum öll tæki og tól með sparifé okkar, byrjuðum að elda rétti upp úr 100 ára gömlum uppskriftarbókum ömmu okkar og bættum okkar eigin leynivopni á réttina til þess að gera þá ómótstæðilega fyrir Íslendinga. Kryddi 😉
Við erum með lítinn matseðil en höfum auga fyrir smáatriðum. Hver réttur er eldaður til fullkomnunnar með kryddblöndum frá fjölskyldum okkar á Indlandi. Við bjóðum upp á heimsendingu, veisluþjónustu og take away þjónustu.
Indian Food Box er að færa fólki bragðið af indverskum heimilismat og mun það ávallt vera okkar helsta áhersla (or markmið).
Í ljósi aðstæðna verður Foreldradagur Heimilis og skóla með öðru sniði þetta árið og boðið verður upp á glæný og spennandi erindi fyrir foreldra og aðra áhugasama á netinu. Þau verða í boði frá og með 27. nóvember nk. fyrir ykkur til að horfa þegar hentar. Við fengum til liðs við okkur frábæra fyrirlesara sem hafa sett saman fyrir okkur stutt erindi um áhugaverð og aðkallandi málefni sem nýtast ekki hvað síst nú á krefjandi tímum farsóttar. Erindin verða gerð aðgengileg á youtube- og facebooksíðum Heimilis og skóla og SAFT á Foreldradeginum, föstudaginn 27. nóvember nk. en hægt verður að horfa á þau þegar hentar frá og með þeim degi.
Hér er tengill á viðburðinn á facebook: https://www.facebook.com/events/808995876620937
Þið megið gjarnan auglýsa daginn fyrir okkur í ykkar hópi.
FORELDRADAGURINN Á NETINU 2020 – DAGSKRÁ
Ný áhugaverð rafræn erindi fyrir foreldra í boði frá og með 27. nóvember nk.
UM ÁBYRGA NETHEGÐUN OG PERSÓNUVERND BARNA
Steinunn Birna Magnúsdóttir, lögfræðingur og verkefnastjóri yfir málefnum barna hjá Persónuvernd
STUÐLAÐ AÐ AUKINNI VELLÍÐAN OG SEIGLU UNGMENNA
Unnur Björk Arnfjörð, verkefnastýra UPRIGHT verkefnisins
STAFRÆN BORGARAVITUND FORELDRA
Sigurður Sigurðsson, verkefnastjóri hjá Heimili og skóla og SAFT
Bestu kveðjur f.h. Heimili og skóla teymisins,
Hildur Halldórsdóttir
________________________________
Hildur Halldórsdóttir
Verkefnastýra / Project Manager
Heimili og skóli – landssamtök foreldra
Suðurlandsbraut 24, 2.hæð, 108 Reykjavík
Sími: 516 0100
Netfang: hildur@heimiliogskoli.is
LOKSINS, LOKSINS skákæfing
Skákdeild Fjölnis boðar ykkur þann gleðiboðskap að skákæfingar á fimmtudögum hefjist að nýju næsta fimmtudag 19. nóv. í Rimaskóla kl. 16:30 – 18:00.
Á æfingunni verður passað upp á að ekki verði fleiri en 25 þátttakendur í hverju rými. Salurinn, bókasafnið og skákkennslustofan verða skákstöðvar. Landsliðsskákkonan
Jóhanna Björg bætist í hóp leiðbeinanda og stjórnenda á aldeilis réttum tíma svona rétt eftir Netflix þættina „Queen´s Gambit“.
Skák er afar skemmtileg tómstund. Á skákæfingum Fjölnis er boðið upp á upphitun, kennslu, keppni, verðlaun og veitingar í skákhléi.
Í nóvember verður boðið upp á pólskt súkkulaðikex í umbúðum (PP) í skákhléi. Við hvetjum síðan þátttakendur til að þvo sér um hendur og spritta sig á meðan á skákæfingu stendur.
Hlökkum til að hitta hópinn, stráka og stelpur.
Kveðja Helgi
Mikið brottfall áhyggjuefni
Æfingar hjá Fjölnir hafa verið með breyttu sniði síðustu mánuði. Sóttvarnaraðgerðir yfirvalda hafa bannað hópæfingar, lokað íþróttahúsum og sundstöðum og því hafa æfingar í því formi sem margir hafa vanist ekki verið með hefðbundnu hætti. Hafa ýmsar deildir innan Fjölnis prófað margvíslegar og nýstárlegar aðferðir til að viðhalda æfingum auk þess sem verkefnið #FjölnirHeima vakti mikla lukku.
“Knattspyrnudeildin hefur eftir fremsta megni haldið uppi æfingum eins og hægt er miðað við aðstæður með heimaæfingum, spurningakeppnum og ratleik svo eitthvað sé nefnt. Þetta eru skrýtnir tímar og hafa yfirþjálfarar og þjálfarar verið dugleg að reyna allt mögulegt til að nálgast iðkendur á sem fjölbreyttastan hátt” segir Sævar Reykjalín formaður Barna- og unglingaráðs knattspyrnudeildar (BUR) Fjölnis.
Nú hillir undir að takmörkunum verði létt í þessari viku, íþróttahús opni og æfingar hefjist aftur í hópum fyrir börn og unglinga og að sögn Sævars er það mikið gleðiefni enda bíði þjálfarar og starfsfólk knattspyrnudeildar spennt eftir því að taka á móti iðkendum að nýju.
“Um leið og það er mikið gleðiefni að æfingar eru að hefjast að nýju og að íþróttastarf barna og unglinga færist í samt horf þá er það mikið áhyggjuefni hve mikið brottfall hefur verið það sem af er ári. Þetta á við um öll félög í Reykjavík sem ég hef rætt við og sumstaðar er brottfallið í kringum 15% og annarsstaðar í kringum 30%” segir Sævar og hefur miklar áhyggjur af því að þessir krakkar hætta alfarið í íþróttum.
“Það er mjög mikilvægt að foreldrar, forráðamenn og við sem samfélag hvetjum þessi börn til að fara að mæta aftur á æfingar og hitta vini og félaga. Íþrótta iðkunn snýr ekki eingöngu að líkamlegu hreysti og vellíðan heldur er félagslegi parturinn og forvarnargildið gríðarlega mikilvægt einnig. Við þurfum að passa upp á þessa krakka og styðja þau til að koma sér aftur af stað og á æfingar” bætir hann við.
Ljóst er að fækkun iðkenda hefur gríðarleg fjárhagsleg áhrif á íþróttafélögin og tekur Sævar undir það. “Vissulega hefur þetta áhrif og það er eitthvað sem við erum stanslaust að fylgjast með en okkar fókus er núna fyrst og fremst að þá þessa iðkendu aftur og virkja þá. Það er mikilvægasta verkefnið okkar og samfélagsins. Við hjá Fjölni erum tilbúin að taka á móti þeim sem hafa verið að stunda heimaæfingar að kappi, sem og þeim sem þurfa að koma sér aftur af stað”
Finna má allar upplýsingar um æfingatíma á heimasíðu Fjölnis.
Fjórir ungir og efnilegir knattspyrnumenn skrifuðu undir samning við knattspyrnudeild Fjölnis á dögunum. Þetta eru þeir Baldvin Þór Berndsson, Alexander Aron Tómasson, Kristófer Dagur Arnarsson og Júlíus Mar Júliusson.
Allir þessir drengir koma úr sterkum 2004 árgangi Fjölnis sem náði eftirtektarverðum árangri með 3.fl karla á liðnu keppnistímabili, liðið varð bikarmeistari og endaðu í 2. sæti á Íslandsmóti.
Fjölnir bindur miklar vonir við að þessir leikmenn taki skrefið upp í meistaraflokk félagsins á komandi árum og eigi bjarta framtíð hjá félaginu.
Á myndinni eru frá hægri : Baldvin Þór, Alexander Aron, Kristófer, og Júlíus Mar, ásamt Gunnar Má yfirþjálfari yngriflokka karla
Með Fjölniskveðju,
Virðing – Heilbrigði – Samkennd – Metnaður
Gunnar Már Guðmundsson | Yfirþjálfari yngri flokka knattspyrnudeildar
Fossaleyni 1 | 112 Reykjavík | Sími: 578 2700
gunnar@fjolnir.is | www.fjolnir.is/knattspyrna
Fjölnir yngri flokkar á FACEBOOK
#FélagiðOkkar
Dagskráin hefst kl. 16.00
Vegna fjöldatakmarkana verður viðburðurinn ekki opinn almenningi í Hörpu.
Dagskránni verður streymt hér:https://player.vimeo.com/video/478874066
Áskorun Fjölnis til iðkenda og annarra félagsmanna. Við viljum hvetja allt landið til að hreyfa sig heima á þessum krefjandi tímum https://fjolnir.is/felagid-okkar/aefum-heima/.
Í tilefni samkomubanns og lokunar á íþróttastarfsemi og líkamsræktarstöðva ætlar Fjölnir að fara af stað með skemmtilega áskorun! Það sem þú þarft að gera er að setja inn færslu með mynd eða myndbandi á Instagram, með þinni útgáfu af Heima-Æfingu og merkja #FjölnirHeima og fylgja @ungmennafelagidfjolnir á Instagram.
Úrslit verða tilkynnt 31. október!
Glæsilegir vinningar eru í boði:
Skilyrði eru að setja inn sitt eigið efni og aðgangurinn þarf að vera stilltur á ‘public’ svo við sjáum þitt framlag! Við hvetjum alla áhugasama til að taka þátt og nota ímyndunaraflið til að gera sýna frá skemmtilegum æfingum. Það má taka þátt eins oft og maður vill! Dómnefnd velur sex bestu framlögin þann 31. október, einnig verða veitt útdráttarverðlaun fyrir þátttöku.
Við fengum nokkra úr hópi afreksíþróttafólks okkar til að taka sýnikennslu á nokkrum æfingum sem allir geta gert heima við. Æfingarnar má sjá í myndböndunum hér á #FjölnirHeima heimasvæðinu okkar: https://fjolnir.is/felagid-okkar/aefum-heima/
—
Með bestu kveðju,
Arnór Ásgeirsson
Markaðsfulltrúi Fjölnis
arnor@fjolnir.is / +354 849 3418
Ásmundur Einar Daðason, félagsmálaráðherra tók fyrstu skóflustunguna að þremur nýjum fjölbýlishúsum sem Þorpið vistfélag byggir í Gufunesi kl. 13 í dag. Íbúðirnar, sem eru 65, eru byggðar með ný lög um hlutdeildarlán í huga og munu kaupendur þeirra geta sótt um slík lán séu þeir innan tekjuviðmiða laganna.
Við bendum á facebook síðu okkar; Þorpið-vistfélag en þar má finna ýmsar upplýsingar um verkefnið.
Þetta er annar áfanginn í uppbyggingu Þorpsins, en verið er að reisa fyrsta áfanga verkefnisins, 45 íbúðir sem afhentar verða eigendum 1. júlí næstkomandi.Íbúðirnar eru hannaðar af Yrki arkitektum. Áhersla er á vandaða hönnun og góða rýmisnýtingu íbúðanna sem eru af fjórum gerðum; stúdíó, tveggja, þriggja og fjögurra herbergja. Fyrstu íbúðirnar, sem kosta á bilinu 19-37 milljónir fullbúnar, verða afhentar eigendum í árslok á næsta ári. Eykt byggir íbúðir Þorpsins í Gufunesi úr steinsteyptum einingum sem framleiddar eru af Steypustöðinni í Borgarnesi.
Staðsetning og hæð húsa skapar skjólsælt, sólríkt og grænt umhverfi. Byggð Þorpsins í Gufunesi er brotin upp í þriggja til fimm hæða þyrpingu íbúðarhúsa sem hverfist um miðlægt torg og garða. Íbúðir eru samtals 137. Göngustígar í nágrenni eru tengdir inn og í gegnum í svæðið.Gufunesið býður upp á einstaka staðsetningu fyrir þorp í miðri borg.
Nýtt smáíbúðahverfi Þorpsins verður vistvænt samfélag þar sem metnaður verður lagður í deililausnir og samfélagslega uppbyggingu hverfisins. Byggðin liggur að einstakri stönd og handan hennar tekur við stórt grænt svæði með grænmetisgörðum fyrir íbúa og möguleikum til útivistar.
Follow