Yfirskrift morgunverðarfundar Náum áttum er að þessu sinni Hvernig líður börnum í íþróttum?

Flutt verða nokkur erindi: Líðan barna í íþróttum sem Margrét Guðmundsdóttir, aðjúnkt íþróttafræðasviðs Háskólans í Reykjavík og sérfræðingur hjá Rannsóknum og greiningu flytur, Samfélagslegt hlutverk íþrótta sem Sveinn Þorgeirsson, aðjúnkt íþróttafræðasviðs Háskólans í Reykjavík og yfirmaður afrekssviðs Borgarholtsskóla flytur.

Sýnum karakter – markmið og áherslur  sem þær Sabína Steinunn Halldórsdóttir, starfsmaður UMFÍ og Ragnhildur Skúladóttir, starfsmaður ÍSÍ flytja.

SJÁ AUGLÝSING
„Sýnum karakter“ er átaksverkefni íþróttahreyfingarinnar um þjálfun sálrænnar og félagslegrar færni barna og ungmenna í íþróttum.
Fundarstjóri verður Karitas H. Gunnarsdóttir skrifstofustjóri íþrótta- æskulýðs- og menningarmála mennta- og menningarmálaráðuneytisins.

Follow

Reykjavíkurborg sér um hreinsun á götum og gönguleiðum. Megináherslan er hreinsun gatna og gönguleiða á vorin og fram á sumar.

Hvenær eru götur og gönguleiðir hreinsaðar?

Megináherslan í hreinsun gatna og gönguleiða er á vorin og fram á sumar. Einnig er farin yfirferð að hausti til að viðhalda góðu ástandi og þá er sérstök áætlun um hreinsun miðborgarinnar. Upplýsingar um þessi verkefni eru hér neðar á síðunni.  Á veturna tekur við snjóhreinsun og er sérstök upplýsingasíða um hana.

Hreinsun að vori

Vorhreinsun fer fram í öllum hverfum þegar svæði koma skítug undan snjó. Húsagötur, stofnbrautir, tengi- og safngötur og gönguleiðir eru sópaðar.  Dreifibréf eru send til íbúa og merkingar settar upp áður en húsagötur eru sópaðar og þvegnar. Íbúar eru beðnir um að færa bíla sína af almennum svæðum í götunni til að auðvelda þrifin. Einungis er þrifið á borgarlandi en ekki er farið inn fyrir lóðamörk.

Forgangsröð í vorhreinsun

Hreinsun í borginni miðar við eftirfarandi forgangsröð vorið 2017:

• Helstu göngu- og hjólastígar – stofnbrautir og tengibrautir gatna og stígar í kringum þær (frá viku 12, sem er 19.-25. mars)
• Húsagötur og stéttir og stígar við þær (frá viku 14 sem er 2. – 8. apríl).

Smella á mynd til að fá sem pdf-skrá.

og vikutalið er eftirfarandi:

• Vika 12 er 19. – 25. mars
• Vika 13 er 26. mars – 1. apríl
• Vika 14 er 2.- 8. apríl
• Vika 15 er 9 – 15. apríl
• Vika 16 er 16. – 22. apríl
• Vika 17 er 23. – 29. apríl
• Vika 18 er 30. apríl – 6. maí
• o.s.frv.

Kort yfir forgang í vorhreinsun 2017:

• Forgangur vorhreinsunar 2017 – kort af allri borginni    
• Forgangur vorhreinsunar 2017 – kort af Árbæ, Breiðholti og Grafarholti  
• Forgangur vorhreinsunar 2017 – kort af Grafarvogi
• Forgangur vorhreinsunar 2017 – kort af vesturhluta borgarinnar  

Hreinsun að hausti

Að hausti fer fram ein umferð af sópun á götum og gönguleiðum til að viðhalda góðu ástandi eftir að laufblöð eru byrjuð að falla.

Hvenær er miðbærinn þrifinn?

Á tímabilinu 15. apríl – 15. nóvember er miðbærinn hreinsaður fimm sinnum í viku að morgni frá kl. 4.00 til 8.00  virka daga og frá kl. 6.00 til 9.00 um helgar. Miðbærinn er sápuþveginn að meðaltali aðra hverja viku og tjarnarbakkinn er hreinsaður vikulega. Stampar eru á fjölförnustu stöðunum tæmdir daglega.  Skoða mynd af miðbæjarþrifum sem pdf-skrá.

Hvaða búnaður er notaður?

Til verksins eru notuð sérútbúin vélknúin tæki:

• 2 götusópar með háþrýstisugu,
• 4 götusópar,
• 6 gangstéttasópar,
• 2 dagsópar,
• 4 sugur,
• 4 stórir vatnsbílar,
• 2 litlir vatnsbílar,
• 1 stampalosunarbíll.

Fyrirspurnir og/eða ábendingar

Þjónustumiðstöð borgarlandsins hefur umsjón með hreinsun gatna og gönguleiða.

Við viljum gjarnan fá ábendingar um það sem betur má fara. Þú getur sett inn ábendingu og upplýsingar í ábendingakerfið okkar >>> SETJA INN ÁBENDINGU <<< eða hringt í þjónustuver Reykjavíkurborgar, Borgartúni 12 – 14, í síma 4 11 11 11. Starfsmenn þar færa þá ábendingu inn í kerfið. Opið kl. 8.20 – 16.15 alla virka daga. Netfang: upplysingar@reykjavik.is.

Follow

Barnamenningarhátíð í Reykjavík verður sett í sjöunda sinn þriðjudaginn 25. apríl kl. 11 með mikilli gleðihátíð í Hörpu.

Viðburðir Barnamenningarhátíðar standa í sex daga og fara fram í öllum hverfum borgarinnar. Hátíðin er ein sú umfangsmesta á vegum borgarinnar og undirstrikar mikilvægi barna í mótun borgarmenningar.

Það eru yfir 150 Viðburðir á hátíðinni sem eru skipulagðir af listafólki, mennta-, frístunda og menningarstofnunum, ungmennum og öðrum sem starfa fyrir og með börnum.

Pabbi, mamma, afi og amma og allir hinir velkomin að deila með börnum þessari stærstu Barnamenningarhátíð til þessa. Í viðhengi má sjá dagskrá í heild sinni.
Góða skemmtun!

Follow

Árni Davíðsson talar um samgönguhjólreiðar

Menningarhús Spönginni, mánudaginn 24. apríl kl. 17:15-18:00

Aðstaða fyrir hjólandi vegfarendur fer sífellt batnandi í Reykjavík og þar er Grafarvogurinn engin undantekning. Nýlegar göngu- og hjólabrýr yfir Elliðaárósa stytta leiðina úr Grafarvoginum í miðbæinn. 10 mínútur á hjóli og maður er kominn úr Spönginni í fuglaskoðun við Geldinganes eða í gróðurinn í Mosfellsbæ. Í kaupbæti er frítt eldsneyti, pump fyrir hjarta og blóðrás, framlag til umhverfisverndar og tækifæri til að njóta tilverunnar undir berum himni!

Árni Davíðsson frá Hjólafærni á Íslandi talar á léttum nótum um samvinnu í umferðinni, hindurvitni hjólreiða, hjólaleiðir, hjólamenningu, öryggi og hjólafærni, aðbúnað fyrir hjól og fjölbreytta samgöngumöguleika í borginni.

Allir velkomnir, ókeypis aðgangur.

Nánari upplýsingar veitir:
Sigríður Stephensen, deildarbókavörður
sigridur.steinunn.stephensen@reykjavik.is
s. 411 6230

Follow

Sumardagurinn fyrsti, fimmtudagurinn 20. apríl, verður haldinn hátíðlegur í öllum hverfum borgarinnar með lúðrablæstri, skrúðgöngum og hoppukastölum. Dagskrá verður á vegum frístundamiðstöðva, skátafélaga og íþróttafélaga og Dr. Bæk verður á þeytingi um borgina að undirbúa hjólin fyrir sumarið.

Í Grafarvogi verður margt til skemmtunar en dagskráin verður með eftirtöldum hætti:
Kl. 11:00 Skrúðganga frá Spöng að Rimaskóla. Skátafélagið Hamar og Skólahljómsveit Grafarvogs leiða gönguna
Kl. 11:30 – 14:00 Fjölbreytt dagskrá í og við Rimaskóla;

• Aron Hannes syngur
• Blaðrarar gefa blöðrudýr
• Atriði frá félagsmiðstöðvum og frístundaheimilum Gufunesbæjar
• Skólahljómsveit Grafarvogs
• Kynningar á sumarstarfi Gufunesbæjar, Fjölnis og fl.
• Hoppukastalar og leiktæki
• Andlitsmálun
• Veitingasala

Nánari upplýsingar á: www.gufunes.is, www.midgardur.is og www.fjolnir

Follow

Páskar

Að venju er mikið um að vera í Grafarvogssöfnuði yfir páskahátíðina. Fermingarmessur verða á skírdag og annan í páskum og boðið er til máltíðar á skírdagskvöld. Á föstudaginn langa verður guðsþjónusta ásamt því að Passíusálmarnir verða lesnir síðdegis. Páskadagur hefst með hátíðarguðsþjónustu kl. 8 í Grafarvogskirkju og í kjölfarið verður hátíðarguðsþjónusta á hjúkrunarheimilinu Eir kl. 10:30. Upprisuhátíð verður svo í Kirkjuselinu kl. 13 á páskadag.

Hér fyrir neðan má sjá nánari upplýsingar um helgihaldið yfir páskana.

Skírdagur 13.apríl

Ferming kl. 10:30.

Prestar eru Arna Ýrr Sigurðardóttir og Grétar Halldór Gunnarsson. Ferming kl. 13:30. Prestar eru Guðrún Karls Helgudóttir og Sigurður Grétar Helgason. Kór Grafarvogskirkju syngur og organisti er Hákon Leifsson.

Skírdagskvöld – Boðið til máltíðar

Við minnumst síðustu kvöldmáltíðar Jesú Krists með lærisveinum sínum með því að neyta einfaldrar máltíðar við langborð í kirkjunni. Máltíðin er hluti af messunni. Séra Arna Ýrr Sigurðardóttir þjónar. Stundin er kl. 20:00 í Grafarvogskirkju.

Föstudagurinn langi 14.apríl

Guðsþjónusta kl. 11:00.

Séra Sigurður Grétar Helgason þjónar. Söngkonur og strengjasveit flytja fjögur lög úr Stabat Mater eftir Pergoleis. Organisti er Hákon Leifsson

Passíusálmar Hallgríms Péturssonar verða fluttir í heild sinni kl. 13:00 – 18:00.

Lesarar eru rithöfundar, félagar í Rithöfundasambandi Íslands. Hákon Leifsson leikur á píanó og Guðrún Karls Helgudóttir sóknarprestur flytur ávarp í upphafi.

Páskadagur 16.apríl

Hátíðarguðsþjónusta á páskadag kl. 08:00.

Séra Guðrún Karls Helgudóttir prédikar og þjónar fyrir altari. Kór Grafarvogskirkju syngur. Einsöngvari er Gissur Páll Gissurarson. Organisti er Hákon Leifsson. Heitt súkkulaði og hátíðarmorgunverður í boði eftir messuna.

Hátíðarguðsþjónusta á hjúkrunarheimilinu Eir kl. 10:30.

Séra Guðrún Karls Helgudóttir þjónar. Kór Grafarvogskirkju syngur. Einsöngvari er Gissur Páll Gissurarson. Organisti er Hákon Leifsson.

Upprisuhátíð í Kirkjuselinu kl. 13:00.

Séra Grétar Halldór Gunnarsson prédikar og þjónar fyrir altari. Vox Populi syngur. Einsöngvari er Björg Þórhallsdóttir. Organisti er Hilmar Örn Agnarsson. Boðið er upp á Fiskisúpu Sægreifans eftir messu.

Annar í páskum 17.apríl

Ferming kl. 10:30.

Prestar eru Sigurður Grétar Helgason og Grétar Halldór Gunnarsson.

Ferming kl. 13:30.

Prestar eru Arna Ýrr Sigurðardóttir og Guðrún Karls Helgudóttir. Kór Grafarvogskirkju syngur og organisti er Hákon Leifsson.

Follow

Nú styttist heldur betur í fyrsta leik hjá Fjölni í Pepsi-deild karla 2017 og því eru heimaleikjakort á Extra völlinn komin til sölu inn á Tix.is.
Kaupferlið er hægt að afgreiða einfaldlega í gegnum þennan link: https://tix.is/is/event/3905/arsmi-ar-a-heimaleiki-fjolnis-2017/
Þrjú mismunandi heimleikjakort eru í boði, hvert öðru betra. Sjá meðfylgjandi mynd til útskýringar.

Almennt miðaverð í Pepsi-deildinni í ár verður 2.000 kr. og því eru heimaleikjakortin EXTRA hagstæð og sem dæmi er 32% ódýrara að kaupa Fjölniskort 1 í stað þess að kaupa sig inn á alla leiki í miðasölunni. Þetta eru því nánast 4 leikir ókeypis sem viðkomandi fær í kaupbæti.

Ef fólk vill dreifa greiðslum þá er það í boði í gegnum iðkendakerfi Fjölnis líkt og í fyrra – sjá link: https://fjolnir.felog.is/
Kortin verða svo afhent á fyrsta heimaleik í miðasölunni þann 8. maí.
Áfram verður frítt inn fyrir börn 16 ára og yngri að sjálfsögðu.
Það er skemmtilegt sumar framundan og þinn stuðningur skiptir miklu máli. Sjáumst á Extra vellinum í sumar.
https://tix.is/is/event/3905/arsmi-ar-a-heimaleiki-fjolnis-2017/

Áfram Fjölnir!“

Follow

Það var sigurhátíð í Dalhúsum um helgina þegar kvennalið Fjölnis í handknattleik tryggði sérsæti í úr­vals­deild kvenna í hand­knatt­leik með tveggja marka sigri á KA/Þ​ór 28:26.

Fyr­ir leik­inn var KA/Þ​ór í topp­sæt­inu og dugði jafn­teflið til þess að kom­ast upp um deild . Fjöln­is­kon­ur þurftu aðeins að vinna leik­inn í dag til þess að jafna KA/Þ​ór að stig­um og koma sér upp fyr­ir norðan­kon­ur vegna betri ár­ang­urs í inn­byrðis viður­eign­um liðanna, sem Grafar­vogs­stúlk­ur og gerðu.

Fjöln­ir mun því eiga lið í úr­vals­deild­um kvenna og karla á næsta tíma­bili en karlaliðið er fyr­ir löngu búið að tryggja sér í efstu deild

Andrea Jac­ob­sen var marka­hæst í liði Fjöln­is með sjö mörk en Berg­lind Bene­dikts­dótt­ir skoraði sex mörk.

Fjöln­ir og KA/Þ​ór fengu 33 stig hvort. FH vann HK 25:21 og endaði í þriðja sæti með 29 stig en HK endaði í fjórða sæti með 26 stig.

Þar með munu bæði kvenna og karla liðinn okkar spila í efstu deild á næsta tímabili í handbolta sem er frábær árangur hjá okkur og klárt skref uppá við.

Follow

Eigendur bifreiða á nöglum í Reykjavík huga að því að skipta um dekk eftir páskahátíðina.  Nagladekk slíta malbiki hundraðfalt hraðar en flestar aðrar tegundir dekkja, valda meiri hávaða og mengun í lofti. Þau eru ekki æskileg á götum borgarinnar enda vetrarþjónusta gatna góð. Eftir páska þarf að skipta út nagladekkjum fyrir önnur dekk í Reykjavík.

Nagladekk auka einnig eldsneytiskostnað bifreiða. Þau skapa skilyrði fyrir svifryksmengun sem hefur neikvæð áhrif á heilsu fólks.

Hlutfall nagladekkja hefur aukist

Í mars var hlutfall ökutækja á negldum dekkjum 42% en 58% á öðrum dekkjum. Aftur á móti náði hlutfall nagladekkja hápunkti í febrúar eða 46,6% sem var það hæsta í tíu ár. Það er ekki góð þróun og lækkar vonandi hratt á næstu árum.

Reykjavíkurborg hvetur ökumenn sem nota nagladekk að kynna sér önnur örugg vetrardekk en með minni notkun nagladekkja má draga úr óþörfu sliti á malbiki og hávaða- og loftmengun næsta vetur.

Nefna má að í mars 2014 voru 28% bifreiða á nagladekkjum í mars og er raunhæft og verðugt markmið að ná því fyrir mars 2018.

Tími sumardekkja og heilsársdekkja rennur með öðrum orðum upp eftir páskahátíðina.

Tengill

Tökum nagladekkin úr umferð

Follow