Hinu árlega N1 knattspyrnumóti sem staðið hefur yfir undanfarna daga á Akureyri er lokið. Leikgleðin var alls ráðandi á mótinu og lét ungviðið ekki veðrið á sig fá en mikið rigndi flesta mótsdagana.
Fjölnir var með 8 lið á mótinu sem er fyrir drengi í 5.flokk og voru það samtals 72 strákar sem stóðu sig með prýði.
6 af 8 liðum Fjölnis voru að berjast um sæti 1-8 og niðurstaðan eitt gull, eitt silfur, lið í fjórða sæti, tvö lið í fimmta sæti og svo framvegis.
Fjölnir vann N1 bikarinn fyrir bestan árangur félags og er þeim hér með óskað til hamingju með góðan árangur og fyrir skemmtilegt og gott mót.
![Hverjir eru bestir?](https://i0.wp.com/fbcdn-sphotos-a-a.akamaihd.net/hphotos-ak-xfp1/t1.0-9/q77/s480x480/10391031_10203468254621376_4784538346919508735_n.jpg?resize=311%2C175&ssl=1)
Hérna eru flottir strákar í Fjölni sem voru á N1 mótinu, stóðu sig mjög vel.