Mynd: Baldvin Örn Berndsen
Í kvöld kl. 18:00 koma Keflvíkingar í heimsókn á Fjölnisvöllinn. Þetta er leikur í 17 umferð Pepsí-deild karla.
Bæði liðinn eru komin í fallbaráttu og nú þurfum við að fá alla Fjölnis- og Grafarvogsbúa til að koma og styðja okkar lið til sigurs.
Mætum tímanlega með alla fjölskylduna og skemmtum okkur saman.
Áfram Fjölnir !
Kristinn Þórarinsson úr Sunddeild Fjölnis hefur nú lokið keppni á Ólympíuleikum ungmenna sem fram fóru Kína. Kristinn synti síðustu greinina sína 200 metra baksund í sl. laugardag á tímanum 2:07.53 mínútum sem er rétt við hans besta tíma í greininni.
Kristinn hóf keppni á leikunum í 100 metra baksundi og synti hann á 57,98 sekúndum sem er rétt við hans besta tíma í greininni og endaði í 25 sæti. Næst var komið að 20 0metra fjórsundi þar byrjaði Kristinn frábærlega vel og leiddi sundið eftir baksundið og endaði svo rétt við sinn besta tíma 2:06.90 og endaði í 15.sæti. Kristinn synti svo 50 metra baksund á 27.05 sem er aðeins 0,3 sek frá því að komast áfarm í undanúrslit og nokkrum brotum frá hans besta tíma enn gríðarlega jöfn keppni var í þessu sundi.
Árangur þessa unga og efnilega sundmanns er sannarlega glæsilegur og verður spennandi að fylgjast með Kristni í framtíðinni. Núna tekur við hjá honum síðbúið sumarfrí eftir rúmlega tólf mánaða tímabil af stífum æfingum. Nú hefjast æfingar hjá honum fljótt á ný enda ærin verkefni fram undan.
Ef þú sérð einhvern sem á erfitt með að eignast vini eða einhvern sem aðrir eru að stríða af því að hann eða hún á ekki vini, eða iPhone, eða er í flottum tískufötum.
Endilega labbið til þeirra og heilsið eða bara brosið til þeirra á ganginum.
Það veit enginn í hverju aðrir lenda eftir skóla.
Ef þú ert indæll eða indæl getur þú lagað erfiðan dag í lífi annarrar manneskju.
Skátaforingar, foreldrar, afar og ömmur ættu að hafa þetta í huga.
Kolbrún Tinna Eyjólfsdóttir
Fjölniskonur mættu Keflavík á heimavelli í gær í næstsíðustu umferð A-riðils 1. deildarinnar í knattspyrnu og lauk leiknum með öruggum 5-2 sigri okkar kvenna.
Fjölnir byrjaði vel og Íris skoraði með skalla eftir hornspyrnu strax á 12. mínútu og aðeins tveimur mínútum síðar kom Erla liðinu í 2-0 með skoti af stuttu færi eftir frábært spil. Esther gerði svo þriðja markið rétt fyrir leikhlé með frábærri vippu úr teignum eftir góðan undirbúning og staðan vænleg að loknum fyrri hálfleik.
Seinni háflleikurinn fór vel af stað hjá Fjölni þegar Esther bætti við fjórða markinu af stuttu færi. Keflavík minnkaði muninn í 4-1 á 68. mínútu og bætti svo við öðru marki 82. mínútu en það kom úr vítaspyrnu eftir að Helena markvörður braut á sóknarmanni Keflavíkur og var hún stálheppin að fá ekki rautt spjald í kjölfarið. Fjölnir átti þó síðasta orðið þegar Esther komst ein í gegn, lék á markvörðinn og innsiglaði 5-2 sigur Fjölnis.
“Þetta var góður leikur hjá okkur í dag, spiluðum vel og baráttan var góð. Keflavíkurliðið er ungt og efnilegt. Það var fleira en góður sigur sem var gleðilegt í leiknum, María kom inná undir lok leiksins og lék þar með sinn fyrsta leik á tímabilinu og er því komin til baka eftir erfið meiðsli. Nú er einn erfiður leikur eftir í riðlinum gegn Hömrunum á Akureyri og við þurfum að klára hann með glans og svo er úrslitakeppnin handan hornsins.” –Sagði Siggi þjálfari að leik loknum.
Liðið; Helena, Elvý, Íris, Eyrún (Oddný 49.mín), Kristjana (Jódís 82.mín), Ásta, Theresa, Lovísa (Aníta 59.mín), Esther, Hrefna (María 82.mín), Erla (Kamilla 43.mín). Bjarklind og Regína voru einnig á bekknum en komu ekki inn á.
—
Fjölnisliðið er efst í riðlinum með 40 stig og hefur sex stiga forskot á HK/Víking sem á þó leik til góða en ljóst er að þessi tvö lið fara í úrslitakeppnina um sæti í Pepsí-deild á næstu leiktíð. Fjölni nægir eitt stig gegn Hömrunum í lokaumferðinni til að tryggja sér efsta sætið og mætir liðið þá annað hvort Þrótti Reykjavík eða Hetti í umspilinu en HK/Víkingur etur þá kappi við KR sem þegar hefur tryggt sér efsta sæti B-riðils. Þau lið sem vinna þær viðureignir mætast svo í úrslitaleik deildarinnar og spila jafnframt bæði á meðal þeirra bestu á næstu leiktíð!
Hvernig væri að byrja menningarröltið í dag hjá okkur á Korpúlfsstöðum og líta við í fallega galleríinu okkar?
Opið í dag frá 12-16. Ásdís á vaktinni og hlakkar til að sjá ykkur sem flest.
Menningarnótt er afmælishátíð Reykjavíkur og verður haldin í nítjánda sinn þann 23. Ágúst. Menningarnótt er hátíð sem allir borgarbúar skapa og upplifa saman, úti á torgum og götum miðborgarinnar, í bakgörðum eða söfnum, fyrirtækjum og ekki síst í húsunum í bænum. Yfirskrift hátíðarinnar er „Gakktu í bæinn!“ sem vísar til þeirrar gömlu og góðu hefðar að bjóða fólk velkomið og gera vel við gesti.
Menningarnótt markar upphaf menningarárs borgarinnar þegar söfn, leikhús, menningarstofnanir og listamenn hefja sína haust- og vetrardagskrá. Markmið hátíðarinnar er að hvetja til menningarþátttöku með því að reiða fram fjölbreytt og ríkulegt framboð af hinum ýmsu viðburðum.
Með yfir 100.000 gesti og 400 viðburði má segja að Menningarnótt sé stærsta hátíð landsins. Dagskráin er þverskurður af menningar- og listflóru borgarinnar Allir viðburðir hátíðarinnar eru gestum að kostnaðarlausu og er þar með séð til þess að allir borgarbúar geti notið kraftmikils menningarlífs og góðrar samveru frá hádegi til miðnættis.
Dagskrá
[su_button url=“http://menningarnott.is/dagskra“ target=“blank“ style=“3d“ background=“#1065bd“ radius=“0″]Dagskrá [/su_button]
Hátíðarkort í pdf
[su_button url=“http://menningarnott.is/sites/all/upplysingar_kort.pdf“ target=“blank“ style=“3d“ background=“#1065bd“ radius=“0″]Hátíðarkort [/su_button]
Aldrei hefur verið lokað fyrir bílaumferð í miðborginni jafn mikið og nú vegna Menningarnætur. „Við ákváðum að fara að ráðleggingum um fjörutíu samtaka, stofnana og
sérfræðinga varðandi öryggismál. Við viljum tryggja öryggi fólks,“ sagði Einar Bárðarson, forstöðumaður Höfuðborgarstofu. Þessar aðgerðir eiga að tryggja öryggi bæði gangandi og akandi vegfarenda og auðvelda aðgengi lögreglu, sjúkrabíla og slökkviliðs um svæðið. „Við viljum geta rýmt svæðið á innan við hálftíma ef til þess kæmi eins og til
dæmis eldsvoði.“ Slæm reynsla frá árinu áður Ástæðan fyrir þessari umfangsmiklu lokunum er meðal annars slæm reynsla frá árinu áður. „Við hvetjum fólk til að taka strætó, leggja á
bílastæðum og taka strætó nær bænum,“ sagði Einar.
Gestir eru hvattir til að taka strætó, en frítt verður í strætó í dag. Sæbrautin verður lokuð þar sem hún mætir Snorrabrautinni en þar er leyfð bílaumferð. Gamla Hringbrautin
verður lokuð en hægt að keyra Hringbrautina. Tilvalið er því fyrir gesti að leggja á bílastæðinu við Háskóla Íslands og ganga í miðbæinn. Á meðan Reykjavíkurmaraþonið
stendur verða nokkrar götur lokaðar fyrir umferð rétt á meðan hlaupararnir fara sína leið. Hringurinn nær út á Seltjarnarnes. Klukkan 8.40 verður ræst í maraþonhlaup,
hálfmaraþon og boðhlaup.Tæpum klukkutíma seinna verður 10 km hlaupið ræst. Tímatöku lýkur 14.40.
Allir vagnar flytja gesti heim klukkan ellefu Hefðbundið leiðakerfi Strætó verður aftengt klukkan 23 á Menningarnótt og allir vagnar verða settir í það verkefni að flytja gesti heim úr miðbænum. Farið verður frá BSÍ og Hlemmi. Mikilvægt er að gestir kynni sér hvert vagnarnir fara, en þeir verða merktir með bókstöfum. Nánari upplýsingar er að finna á vefsíðu strætó.
Skákdeild Fjölnis mætti með sitt sterkasta skáklið í 1. umferð í Hraðskákmóti taflfélaga 2014 og sigraði með yfirburðum sveit Taflfélags Garðabæjar 56 – 16. Hraðskákmótið er með úrslitafyrirkomulagi og eru Grafarvogsbúar með sigrinum komnir í 8 liða úrslit. Héðinn Steingrímsson stórmeistari og Tómas Björnsson sem gekk til liðs við Fjölnismenn í sumar voru ósigrandi í viðureigninni við Garðbæinga og hlutu 10,5 vinninga af 11 mögulegum. Næstir komu strákarnir efnilegu Jón Trausti og Oliver Aron með 10 vinninga. Í hverri viðureign eru tefldar 12 umferðir á sex borðum og 72 vinningar í pottinum.
Hér er hægt að nálgast innkaupalista fyrir skólaárið 2014-2015. Munið að nýta vel það sem þið eigið síðan í fyrra eins og pennaveski, tímaritabox, ókláraðar stílabækur og fleira.
[su_button url=“http://rimaskoli.is/index.php?option=com_content&view=article&id=619&Itemid=63″ target=“blank“ style=“3d“ background=“#1065bd“ radius=“0″]Rimaskóli[/su_button]
[su_button url=“http://foldaskoli.is/index.php/namogkennsla/innkaupalistar“ target=“blank“ style=“3d“ background=“#1065bd“ radius=“0″]Foldaskóli[/su_button]
[su_button url=“http://www.vaettaskoli.is/index.php/nam-og-kennsla/innkaupalistar/385-innkaupalistar-fyrir-skolaaridh-2014-2015″ target=“blank“ style=“3d“ background=“#1065bd“ radius=“0″]Vættaskóli [/su_button]
[su_button url=“http://kelduskoli.is/index.php/1037-innkaupalistar-2014-2015″ target=“blank“ style=“3d“ background=“#1065bd“ radius=“0″]Kelduskóli [/su_button]
[su_button url=“http://husaskoli.is/index.php/hagnytar-upplysingar/innkaupalistar“ target=“blank“ style=“3d“ background=“#1065bd“ radius=“0″]Húsaskóli [/su_button]
Ólafsvík í gærkvöld – Mynd: Guðlaugur H. Guðjónsson
Vörn og markvarsla skópu sigurinn í Ólafsvík
Það voru frábærar aðstæður til knattspyrnuiðkunar í Ólafsvík í gærkvöldi þegar stelpurnar í meistaraflokknum heimsóttu Víking í A-riðli 1. deildarinnar, flott veður og góður völlur.
Fjölnir byrjaði af krafti og fengu óskarbyrjun, strax á 6. mínútu skoraði Aníta gott mark með skoti úr teignum eftir góðan undirbúning Erlu og Estherar. Fljótlega jafnaðist leikurinn og bæði lið áttu sín færi, Víkingur kannski það besta þegar boltinn small í slánni á Fjölnismarkinu en inn vildi boltinn ekki. Fjölnir leiddi því í 1-0 í háflleik.
Seinni hálfleikurinn var svipaður, liðin skiptust á að sækja, fengu nokkur ágæt færi og varði Helena meðal annars boltann vel í slánna en fleiri mörk litu ekki dagsins ljós og mikilvægur sigur Fjölnis því í höfn.
„Þetta var heldur dauf frammistaða hjá okkur í dag. Við vorum undir í bardaganum víða á vellinum og héldum bolta illa í liðinu en sigurinn kannski því sætari. Ég var mjög ánægður með Helenu í markinu og varnarleikinn okkar í leiknum, að halda hreinu í níunda leiknum í sumar er frábært. Víkingsliðið er flott, duglegar og baráttuglaðar. Það sem skyggði á leikinn og maður nennir varla að tuða yfir eru dómaramálin en það er langt síðan maður hefur séð svona einhliða dómgæslu eins og var í leiknum í gær.“ -Sagði Siggi þjálfari að leik loknum.
Liðið: Helena, Elvý, Íris, Eyrún, Kristjana (Regína 79.mín), Ásta (Oddný 53.mín), Aníta, Theresa, Erla (Kamilla 70.mín), Esther, Hrefna (Lovísa 66.mín), Bjarklind kom ekki inn á.
—
Staðan í riðlinum er nú þannig að Fjölnir er á toppnum með 36 stig, HK/Víkingur í öðru sæti með 31 stig og Grindavík svo í þriðja sæti með 26 stig en öll lið eiga þrjá leiki eftir og níu stig í pottinum. Okkar konur eru þar með öruggar í fjögurra liða úrslitakeppnina um sæti í úrvalsdeild þar sem Grindavík á ekki möguleika á að ná þeim að stigum. Það getur þó skipt sköpum að vinna riðilinn til að fá næstefsta liðið úr B-riðli í umspilinu í stað þess efsta en þau lið sem vinna umspilið og komast í úrslitaleik deildarinnar spila í Pepsí-deildinni að ári!
