Kæru foreldrar/forráðamenn
Æfingar yngri flokka hefjast mánudaginn 6.október samkvæmt æfingatöflu. Upphaflega áttu æfingar að hefjast 1.október en vegna Grunnskólamóts KRR sem fram fer í Egilshöll frá 29.september til 04.október þurfum við að að breyta áður auglýstum dagsetningum. Grunnskólamótið í ár er mun stærra en undan farin ár þar að leiðandi þarf KRR að taka fleiri tíma í Egilshöll.
Kær kveðja stjórn knattspyrnudeildar Fjölnis
Dusan Ivkovic
Í gær var gengið frá ráðningu á tveimur nýjum þjálfurum hjá knattspyrnudeildinni fyrir næstkomandi tímabil.
Dusan Ivkovic var ráðinn sem æfingaþjálfari hjá 4, 3 og 2 flokki karla og eins mun hann koma að séræfingum hjá deildinni. Dusan hefur spilað með liðum í efstu deild í Serbíu og kom svo til Íslands og spilaði með KS, Þrótti R og Njarðvík.
Sveinn Guðmundsson var ráðinn sem þjálfari 2 flokks kvenna. Hann tekur við af Daníel Jóhannnssyni sem lætur nú af störfum. Við þökkum honum fyrir góð störf fyrir félagið.
Sveinn hefur bæði þjálfað meistaraflokk og yngri flokk kvenna en síðast var hann þjálfari hjá Álftanes.
Við bjóðum þá báða velkomna til starfa og væntum mikils af þeim á næsta tímabili.
Sveinn Guðmundsson
185 íbúðir verða byggðar í öðrum áfanga Bryggjuhverfis við Tanga- og Naustabryggju en borgarráð hefur ákveðið að setja deiliskipulag fyrir reitinn í auglýsingu.
Borgarráð hefur samþykkt að setja breytt deiliskipulag fyrir annan áfanga Bryggjuhverfis í auglýsingu. Samkvæmt tillögu að deiliskipulagi fyrir Tangabryggju og Naustabryggju munu 185 íbúðir rísa á reitnum. Íbúðir á reitnum verða aðeins fleiri og smærri en áætlað var í fyrra deiliskipulagi frá 2010.
„Það er fagnaðarefni að næsti áfangi Bryggjuhverfisins sé að fara í gang. Uppbygging við Elliðavog og stækkun Bryggjuhverfis verður eitt af lykiluppbyggingarsvæðum borgarinnar næstu ár,“ segir Dagur B. Eggertsson borgarstjóri. „Í vetur munum við efna til skipulagssamkeppni um framhald Bryggjuhverfisins, ásamt því að Faxaflóahafnir vinna að því að losa um lóðir Björgunar. Þar verður blönduð íbúðabyggð til framtíðar.“
Stjórn Faxaflóahafna ákvað á fundi sínum á mánudag að gefa fyrirtækinu Björgun tvö ár til að rýma athafnasvæði sitt við Sævarhöfða en lóðarleigusamningur fyrirtækisins rann út árið 2009. Þegar starfsemi Björgunar hverfur af svæðinu verður unnt að hefjast handa við uppbyggingu þriðja áfanga svæðisins. Samkvæmt aðalskipulagi Reykjavíkur munu um 3.600 íbúðir rísa við Elliðavog og er áframhaldandi uppbygging Bryggjuhverfisins hluti af því.
Kynningarfundur um fyrirhugaðar framkvæmdir er áætlaður á næstunni.
Deiliskipulagstillaga fyrir 2. áfanga Bryggjuhverfis
Fjölnismenn unnu Þróttara í kvöld með 5 marka sigri.
Þróttur – Fjölnir 22-27. (11-10)
Liðin voru nánast jöfn allann fyrri hálfleik kvöldsins en endaði 11-10 Þrótturum í vil.
Þróttarar eru greinilega að einbeita sér að styrkja vörnina enda var hún nánast skotheld. Fjölnismenn náðu samt sem áður með góðum sóknarleik að koma sér í gegnum varnarleik Þróttar.
Fjölnir missti aðeins niður leikinn og náðu Þróttarar á tímabili smá forskoti á Fjölni. Fjölnismenn brutust þá í gegn og á 41 mínútu náðu þeir að komast í 18-15 og stoppuðu svo sannarlega ekki þar og kláruðu leikinn 27-22.
Það fór eitt rautt spjald á loft í þessum leik og það á 59.33 mínútu. Viktor Jóhannsson leikmaður Þróttar hlaut það fyrir kjaftbrúk.
Markahæsti leikmaður leiksins var Breki Dagsson (Fjölni). Á eftir honum komu Bergur Snorrason(Fjölni) og Viktor Jóhannsson(Þrótti) báðir með 5 mörk.
Mörk Þróttar: Viktor Jóhannsson 5, Leifur Óskarsson 4, Logi Ágústsson 4, Ólafur Guðni Eiríksson 2, Gísli Guðjónsson 2, Úlfur Kjartansson 2, Eyþór Snæland Jónsson 1, Bergur Vilhjálmsson 1, Elías Baldursson 1.
Mörk Fjölnis: Breki dagsson 10, Bergur Snorrason 5, Brynjar Loftsson 4, Aðalsteinn Örn Aðalsteinsson 3, Sigurður Guðjónsson 2, Björgvin Páll Rúnarsson 2, Kristján Örn Kristjánsson 1.
Myndir: Þorgils G
Ágúst Gylfason, þjálfari Fjölnis, var vonsvikinn eftir að liðið tapaði fyrir Fylki í Lautinni í Árbæ fyrr í dag. Úrslitin þýða að Fjölnir getur enn fallið niður um deild, tapi liðið í síðustu umferðinni og Fram vinnur. Rautt spjald skipti sköpum í leiknum sem Ágúst sagði að hefði verið réttur dómur.
Hann sagði að þegar rauða spjaldið var staðreynd rétt fyrir hálfleik hafi hann lagt upp með það að koma í veg fyrir að Fylkir næðu að skora snemma eftir leikhléið. Það hafi gengið eftir en hins vegar hafi fyrir vikið vantað mörk frá liðinu.
Þórdís búin að vera á vaktinni í dag í endurskipulögðu galleríinu.
Opið til kl. 18 í dag og á morgun og sunnudag frá 12-16.
Búið að vera svo gaman í dag
Næst seinasti leikur Fjölnis í Pepsideildinni í ár er gegn Fylki og fer fram á sunnudaginn kl. 14.00 á Fylkisvelli í Árbænum.
Þó svo við séum í 9. sæti deildarinnar þá erum við einungis tveimur stigum frá fallsæti svo það er alveg lífsnauðsynlegt að ná í fleiri stig.
Fylkismenn sitja í 6. sæti deildarinnar og eru alveg lausir við falldrauginn og ef allt gengur eftir hjá þeim þá eiga þeir möguleika á 4. sætinu sem gefur þátttökurétt í Evrópukeppi að ári. Svo þeir munu mæta með þaninn brjóstkassann í þennan leik, það er á hreinu.
Stuð í Dalhúsum
Það verður upphitun í hátíðarsalnum í Dalhúsum fyrir leikinn frá kl. 12:00 en þar verður boðið upp á kaffi, djús og bakkelsi. Krakkar fá ókeypis tattoo. Allir velkomir á svæðið og viljum við hvetja alla Fjölnismenn til að taka alla fjölskylduna með á völlinn á sunnudaginn og helst að mæta í Fjölnistreyjum eða einhverju gulu. Síðan höldum við í Lautina í Árbænum og hvetjum strákana til dáða og hjálpum þeim að tryggja sætið í Pepsideildinni.
ÁFRAM FJÖLNIR
Hér má sjá stöðuna í deildinni
Tæknihópur
(10-12 ára)
Tæknihópurinn hittist í 6 skipti yfir önnina og er fyrsta skiptið fimmtudaginn 2. október. Þar gefst þátttakendum kostur á að skyggnast inn í tækniheiminn í tengslum við ljós, hljóð og tölvur. Áætlað er að farið verði í 1-2 vettvangsferðir. Fyrir þá sem hafa brennandi tækniáhuga þá er þetta tækifæri sem þú vilt ekki missa af. Tæknihópurinn verður í umsjá Geirlaugs Inga og Þóru Bjargar. Þó munu fleiri koma að námskeiðinu með kynningar á ýmsum tæknimálum. Námskeiðsgjald fyrir tæknihópinn er 5.000 kr á barn. Fjöldatakmörkun er í hópinn og fer skráning fram á thora@grafarvogskirkja.is
Listasmiðja (9-11 ára)
Listasmiðjan hittist 12 sinnum yfir önnina og er fyrsta skiptið fimmtudaginn 18. september.
Í listasmiðjunni munum við m.a. læra að mála á postulín og búa til útsaumuð listaverk í samstarfi við eldri borgara í Grafarvogi.
Við munum einnig búa til brjóstsykur, halda hæfileikasýningu, syngja, dansa og fleira.
Námskeiðsgjald fyrir listasmiðjuna er 5.000 kr á barn. Fjöldatakmörkun er í hópinn og fer skráning fram á thora@grafarvogskirkja.is
Sigurvegarar Skrekks 2013 voru úr Langholtsskóla.
Sextán grunnskólar af 25 sem eru með unglingadeildir hafa skilað inn umsókn um að taka þátt í Skrekk, árlegri hæfileikakeppni grunnskólanna. Keppnin mun að vanda fara fram í nóvember í Borgarleikhúsinu.
Umsóknarfrestur fyrir þátttöku í Skrekk rennur út föstudaginn 26. september og víða í skólum eru nemendur þeg
ar farnir að huga að keppnisatriðum sem jafnan eru afar fjölbreytt. Umsjón með keppninni í ár hefur frístundamiðstöðin Frostaskjól.
Í fyrra var settur af stað rýnihópur til að fara yfir fyrirkomulag keppninnar þar sem sátu fulltrúar skólastjórnenda, félagsmiðstöðva og fulltrúar ungmennaráðs Reykjavíkur. Margt var rætt og ein af nýjungunum í ár er að unglingur mun sitja í dómnefndinni.
Undanúrslitakvöld í Skrekk verða 10. 12. og 12. nóv. og sjálft úrslitakvöldið þann 17. nóv. Keppnin fer öll fram í Borgarleikhúsinu. Dómnefnd velur tvö sigurlið á hverju úrslitakvöldi en að auki velur nefndin tvö lið til keppni á sjálfu úrslitakvöldinu þar sem atriði átta grunnskóla keppa til sigurs.
Héðinn Sveinbjörnsson í Frostaskjóli er verkefnastjóri Skrekks.
