Grafarvogur – hverfið mitt! – Ljósmyndasamkeppni fyrir alla Grafarvogsbúa

Borgarbókasafnið í Spönginni stendur fyrir ljósmyndasamkeppni meðal íbúa Grafarvogs. Keppnin er fyrir fólk á öllum aldri, það eina sem þú þarft er myndavél af einhverju tagi, hvort sem það er myndavél í símanum, í spjaldtölvunni eða myndavél upp á gamla mátann.

Taktu mynd einhvers staðar í Grafarvogi og sendu okkur á netfangið spongin@borgarbokasafn.is. Ef þú tekur ekki stafrænar myndir, framkallaðu þá myndina og komdu með hana til okkar eða sendu hana í pósti.

Hver þátttakandi má senda inn fimm myndir. Myndirnar mega vera svarthvítar eða í lit, af skrýtnum/fallegum/sérstökum/ skemmtilegum stað, af landslagi, náttúru, fólki og/eða byggingum.

Skilafrestur er til 14. maí, en 1. júní verður tilkynnt um verðlaunahafa og opnuð sýning á innsendum ljósmyndum á Borgarbókasafninu Menningarhúsi Spönginni.

Hvernig er þinn Grafarvogur?

Follow