Breytingar voru gerðar á grunnskólum í Grafarvogi haustið 2020. Eftir breytingarnar sækja nemendur í Staðahverfi nú skóla í Engjaskóla og Víkurskóla. Reykjavíkurborg óskaði því eftir tillögu frá Strætó til að bæta þjónustu fyrir nemendur í Staðahverfi. Samhliða var hugað að breytingum sem samræmast nýju leiðaneti.
Hægt að skoða þetta nánar á vefsíðu Stærtó…..
Þorsteinn Jónsson setur inn færslu á Facebook hópinn – Íbúar í Grafarvogi
Vill vekja athygli fólks á aukinni útbreiðslu risahvanna við voginn, tröllakló og bjarnarkló eru að ná útbreiðslu báðu megin vogsins og hafa myndað breiður við Gullinbrú. Þetta eru hættulegar plöntur bæði mannfólki og vistkerfum. Safi úr þeim veldur slæmum bruna komist hann í tæri við húð. Reykjavíkurborg segist vera í átaki en felling plantnanna virðist stundum gerð með hangandi hendi mv. lýsingu náttúrufræðistofnunar sem talar um fellingu og uppgröft róta í 3 ár. Spurningin er þarf ekki aukinn kraft og fjármagn til þess að vogurinn verði ekki alsettur þessum plöntum og ófær til útivistar á fáeinum árum https://www.ni.is/grodur/agengar-plontur/risahvannir
Team Rynkeby er samevrópskt góðgerðarverkefni sem fagnar 20 ára afmæli á árinu 2021. Verkefnið felst í því að þátttakendur þess hjóla frá Danmörku til Parísar til styrktar börnum með alvarlega sjúkdóma.Árið 2017 tók íslenskt lið þátt í verkefninu í fyrsta sinn. Í ár eru þátttökuliðin 59 með rúmlega 2300 hjólurum og 440 manna aðstoðarliði. Þátttökulið eru frá öllum Norðurlöndunum, Þýskalandi og Sviss ásamt einu samevrópsku liði. Markmiðið er það sama hjá öllum liðunum sem er að safna styrkjum sem allir fara til barna með alvarlega sjúkdóma í hverju landi fyrir sig.
Allir þátttakendur bæði hjólarar og þjónustulið greiða sjálfir allan kostnað, bæði fyrir þátttöku og búnað s.s. hjól og liðsföt, þannig að allt sem safnast rennur óskipt í söfnun liðsins.
Markmiðið að safna fyrir börn með alvarlega sjúkdóma
Til að taka þátt í verkefninu þarf fólk að sækja um með formlegum hætti á vefsíðu www.teamrynkebyisland.is í síðasta lagi 29. ágúst n.k. Í framhaldinu er liðið valið og skipað í byrjun september ár hvert. Hægt er að sækja um sem hjólari eða í aðstoðarliðinu. Þau sem valin eru í liðið hefjast síðan handa við að safna styrkjum t.d. hjá fyrirtækjum og stofunum og vinna að verkefninu á ýmsan annan hátt.
Íslenska liðið
Íslenska liðið er skipað 38 hjólurum og 11 í aðstoðarliði. Eitt af markmiðum Team Rynkeby verkefnisins er að liðið sé byggt upp af fólki úr sem flestum atvinnugreinum, á öllum aldri og sem jafnastri skipting milli kvenna og karla.
Miklar æfingar að baki hjá liðsmönnum
Æfingar hefjast fljótlega eftir að nýtt lið er valið að hausti. Byrjað er að æfa saman úti en síðan taka við æfingar inni t.d. á trainerum. Þegar líður að vori er bætt við útiæfingum m.a. til að æfa liðið saman í hóp.
Hápunkturinn er síðan að hjóla frá Danmörku til Parísar um 1300 km leið á átta dögum í júlí ár hvert. Það getur tekið á að sitja í hjólahnakknum í um 8 klst. en lengsta dagleiðin er rúmlega 200 km. Góð þjálfun fyrir ferðina er því lykilatriði.
Íslensk fyrirtæki stutt myndarlega við verkefnið
Fjölmörg fyrirtæki hafa stutt við bakið á verkefninu þessi fimm ár sem íslenskt lið hefur verið starfandi. Árið 2020 söfnuðust rúmlega 25 milljónir en allir styrkir sem safnast hafa hafa farið til Styrktarfélags krabbameinssjúkra barna. Alls hafa safnast rúmlega 75 milljónir frá upphafi en Team Rynkeby er lang stærsti styktaraðili SKB.
Íslandsferð 2021
Ef allt væri eðlilegt væri liðið að undirbúa sig að leggja af stað frá Danmörku til Parísar. Hinsvegar var ákveðið að hætta við ferðina hjá öllum 59 liðunum þetta árið eins og í fyrra vegna Covid-19. Þess í stað mun liðið hjóla innanlands líkt og í fyrra þegar hringurinn var farinn. Ferðin í ár hefst með því að taka þátt í KIA Gullhringnum á Selfossi laugardaginn 10. júlí n.k. Þar verður leiðin ,,Flóaveitan‘‘ hjóluð‘‘. Næstu daga mun liðið hjóla og keyra gegnum Vesturland og til Vestfjarða (sjá leiðarlýsingu neðar). Ferðin endar síðan í Reykjavík laugardaginn 17. júlí eftir að hafa hjólað um 825 kílómetra hinsvegar eru hæðarmetrnir töluvert meiri en í ferð liðsins um Evrópu
Hægt að sjá live hvar liðið er statt á: www.team-rynkeby.com/LIVE
Hægt er að fylgjast með Team Rynkeby á Facebook
Ítarlegar leiðir liðsins má sjá hér
Óvissa um framtíð Keldna
Í Morgunblaðinu í dag 8.júlí er fjallað um óvissuna varðandi þetta land.
Tilraunastöð Háskóla Íslands í meinafræði að Keldum er háskólastofnun sem tengist læknadeild Háskóla Íslands en hefur sérstaka stjórn og sjálfstæðan fjárhag.
Starfsemin er mjög fjölþætt og aðferðum margra fræðigreina er beitt í grunn- og þjónusturannsóknum, þ.e. líffærameinafræði, örverufræði, ónæmisfræði, sníkjudýrafræði, lífefnafræði og sameindalíffræði.
95. Meistaramót Íslands í frjálsum íþróttum fór fram um helgina, 12.- 13. júní á Akureyri. Á mótið voru skráðir til leiks 154 keppendur frá sautján félögum og áttum við þar 14 keppendur. Gaman er að segja frá því að boðhlaupssveitirnar okkar tóku sitthvor gullverðlaunin á mótinu. Í 4 X 400 m boðhlaupssveit kvenna voru: Vilhelmína Þór, Guðný Lára, Helga Þóra og Sara. Í 4 X 400 m boðhlaupssveit karla voru Guðmundur, Daði, Kjartan Óli og Bjarni Anton. Einnig unnu Fjölniskeppendur til ferna silfurverðlauna og einna bronsverðlauna.
Silfurverðlaun fengu:
Helga Þóra Sigurjónsdóttir fyrir Hástökk.
Vilhelmína Þór Óskarsdóttir fyrir 100m hlaup
Bjarni Anton Theodórsson fyrir 400 m hlaup
Kjartan Óli Ágústsson fyrir 800m hlaup
Bronsverðlaun fékk:
Vilhelmína Þór Óskarsdóttir fyrir 400m hlaup.
Drög að stefnunni eru nú lögð fram til samráðs og er öllum gefinn kostur á að setja fram athugasemdir við hana á síðunni Betri Reykjavík.
Enn fremur verður fjallað um stefnuna á opnum fundi borgarstjóra sem haldinn verður 4. júní næstkomandi í Tjarnarsal Ráðhúss Reykjavíkur frá klukkan 9:00 til 10:30. Fundurinn verður einnig í beinu streymi. Sjá dagskrá fundarins
Nánar á síðu Reykjavíkurborgar…….
Þú getur valið um 4 tegundir af tunnum. Skoðaðu tunnurnar og reiknivélina hér fyrir neðan og sjáðu hvað hentar þér.
Benda skal á að fyrirtæki á markaði bjóða einnig upp á endurvinnslutunnur.
Litli Grafarvogsdagurinn fer fram laugardaginn 29.maí. Sem fyrr er markmið dagsins að sameina íbúa hverfisins og skapa vettvang til að hittast og gera sér glaðan dag en ætlunin er svo að halda annan dag núna í haus þegar búið er að aflétta samkomutakmörkunum.Dagskrá
Borgarbókasafnið í Spönginni
Kl. 14:00
Tónleikar með söngvaskáldinu Svavari Knúti sem hefur vakið athygli fyrir skemmtilegan söng og gítarspil.Sundlaug Grafarvogs
Kl. 10:00 til 13:00
Wibe-out braut í lauginni fyrir börnin.Gallerí Korpúlfsstaðir
Kl. 12:00 til 17:00
Eftir 10 frábær ár á Korpúlfsstöðum er komið að kveðjustund. Einstök tilboð verða á listmunum þennan síðasta dag þeirra á Korpúlfsstöðum.Gufunesbær
Kl. 11:00 til 13:00
Leiktækin eru úti á svæðinu og grillin heit
fyrir þá sem vilja grilla.Skemmtigarðurinn
Kl. 12:00 og 15:00
Frítt í minigolf milli 12:00 – 15:00.Skákmót Miðgarðs og
skákdeildar Fjölnis
Kl. 14:00 til 16:00
í Hlöðunni við GufunesbæSambíó
500 kr. á þrjár valdar sýningar kl. 13:00Verslunarkjarninn við Hverfafold
Kl. 14:00 til 16:00
Verslunarkjarninn við Hverafold mun iða af lífi. Grillaðar verða pylsur og drykkir verða í boði á meðan birgðir endast. Karlakór Grafarvogs mætir kl. 15:00 og tekur nokkur lög. Hoppukastali verður á svæðinu.Kaffihús Kaffitárs, Stórhöfða
2 fyrir 1 af öllum drykkjum á matseðli og 30% afsláttur af öllum kaffipökkum.
Follow
