Messa í Grafarvogskirkju

Messa með altarisgöngu í Grafarvogskirkju klukkan 11:00. Sr. Guðrún Karls Helgudóttir þjónar og kór Grafarvogskirkju syngur. Organisti er Hákon Leifsson

Sunnudagaskólinn

Sunnudagaskólinn er á sínum stað á neðri hæð kirkjunnar kl. 11:00. Dans, söngvar og skemmtilegar sögur. Pétur Ragnhildarson hefur umsjón og Stefán Birkisson leikur á píanó.

Skírnarstund í Grafarvogskirkju

Skírnarstund verður klukkan 12:30 í Grafarvogskirkju og barn borið til skírnar. Boðið er upp á skírnarstund í kirkjunni síðasta sunnudag hvers mánaðar kl. 12:30. Skírnarstudin er foreldrum að kostnaðarlausu en organisti kirkjunnar annast tónlistina og presturinn sem leiðir messuna þann daginn skírir.

Selmessa í Kirkjuselinu í Spöng kl. 13:00

Selmessa verður í Kirkjuselinu klukkan 13:00. Sr. Arna Ýrr Sigurðardóttir þjónar og Vox Populi syngur. Organisti er Hilmar Örn Agnarsson.

Verið öll hjartanlega velkomin!

Follow

Skákdeild Fjölnis býður öllum grunnskólabörnum að taka þátt í  TORG skákmótinu sem fram fer í 14. sinn í Rimaskóla Grafarvogi. Strætó – leið 6 stoppar nálægt skólanum. Mótið hefst kl. 11:00 laugardaginn 26. janúar og því lýkur kl. 13:15. Þetta er tilvalið skákmót fyrir alla áhugasama skákkrakka á aldrinum 6 – 16 ára.

Sex umferðir og tímamörkin 5 + 2. Krakkar, mætið tímanlega til skráningar.
TORG skákmótið er einkar vinsælt ekki síst fyrir fjölda vinninga og ókeypis veitinga frá Emmess ís og Hagkaupum. Foreldrar geta fylgst með, keypt sér kaffi og kexkökur á vægu verði og haft það huggulegt í félagsmiðstöðinni í skólanum.

Fyrirtækin Hagkaup Spönginni, Emmess ís, Disney og fyrirtækin á Torginu , verslunarmiðstöðinni við Hverafold; Pizzan, Bókabúð Grafravogs, CoCo´s, RS blóm gefa allt að 40 áhugaverð verðlaun.

Auk verðlaunanna 40 verða afhentir þrír verðlaunagripir fyrir efstu sætin í eldri og yngri flokki og í stúlknaflokki.

Nú er bara að taka tímann frá strax og mæta tímanlega til skráningar annan laugardag, 26. janúar 2019.

Nánari upplýsingar um Skákdaginn.

Follow

Messa í Grafarvogskirkju kl. 11:00

Messa verður í Grafarvogskirkju þar sem sr. Grétar Halldór Gunnarsson og sr. Sigurður Grétar Helgason þjóna. Kór Grafarvogskirkju syngur. Organisti er Hákon Leifsson. Fermingarbörn úr Vætta- Rima- og Kelduskóla ásamt fjölskyldum þeirra eru sérstaklega boðin velkomin. Eftir messu verður fundur þar sem farið verður yfir allt sem viðkemur fermingunni, sem óðfluga styttist í.
Kaffi og kleinur eftir messu!

Sunnudagaskólinn

Sunnudagaskólinn er á sínum stað á neðri hæð kirkjunnar kl. 11:00. Dans, söngvar og skemmtilegar sögur. Pétur Ragnhildarson hefur umsjón og Stefán Birkisson leikur á píanó.

Selmessa í Kirkjuselinu í Spöng kl. 13:00

Sr. Sigurður Grétar Helgason þjónar við Selmessu í Kirkjuselinu. Vox Populi syngur og organisti er Hilmar Örn Agnarsson.

Verið öll hjartanlega velkomin!

Follow

Kæru skólastjórnendur og foreldrar/forráðamenn.

Nú í byrjun nýs árs mun SAFT dreifa á alla nemendur í 4. bekk Andrésar Andar  blaði um samskipti á netinu, en þar er m.a. farið yfir öryggisógnir, samfélagsmiðla og neteinelti svo dæmi séu tekin. Efnið var samið í samstarfi við útgefendur Andrésar Andar á Norðurlöndunum og hefur blaðið verið gefið út á norrænum tungumálum.  

Nemendur í 1. bekk fá eintak af nýjum foreldrabæklingi „Ung börn og snjalltæki“ en þar er meðal annars fjallað um fyrstu kynni barna af snjalltækjum.  

Við hvetjum skólastjórnendur/kennara til að dreifa Andrésblöðunum á alla nemendur í 4. bekk og setja eintak af „Ung börn og snjalltæki“ í „töskupóst“ hjá öllum nemendum í 1. bekk og biðja alla foreldra að kynna sér efnið með börnum sínum.  

Samhliða munum við dreifa veggspjöldum um hatursorðræðu og heilræðum um dreifingu myndefnis á netinu ásamt lestrarbókum fyrir yngsta stig og miðstig, sem vonandi rata á bókasafnið og/eða í verkfærakistu kennara. 

sjá kynningu hérna…..

Kveðja, 

SAFT / Heimili og skóli – landssamtök foreldra

Follow

Messa í Grafarvogskirkju kl. 11:00. sr. Arna Ýrr Sigurðardóttir og sr. Guðrún Karls Helgudóttir þjóna. Kór Grafarvogskirkju syngur. Organisti er Hákon Leifsson. Fermingarbörn úr Foldaskóla og fjölskyldur þeirra eru sérstaklega boðin velkomin en eftir messu verður fundur þar sem farið verður yfir allt sem viðkemur fermingunni, sem óðfluga styttist í.
Kaffi og kleinur eftir messu!

Sunnudagaskólinn er á sínum stað á neðri hæð kirkjunnar kl. 11:00. Dans, söngvar og skemmtilegar sögur. Pétur Ragnhildarson hefur umsjón og Stefán Birkisson leikur á píanó.

Selmessa í Kirkjuselinu í Spöng kl. 13:00. sr. Guðrún Karls Helgudóttir þjónar. Guðrún Eggertsdóttir guðfræðinemi prédikar. Vox Populi syngur og organist er Hilmar Örn Agnarsson.

Verið öll hjartanlega velkomin!

Follow

Frímúraramessa verður í Grafarvogskirkju 6. janúar klukkan 11:00. Séra Vigfús Þór Árnason þjónar. Kór Grafarvogskirkju leiðir song.

Sunnudagaskólinn verður á sínum stað á neðri hæð kirkjunnar klukkan 11:00. Dans, söngvar og sögur fylla stundina og umsjón hefur Pétur Ragnhildarson.

Follow

ATHUGIÐ: BRENNAN SJÁLF BYRJAR KL. 18:00

Dagskrá:
17:00 Notaleg stund í Hlöðunni:
– Kakó- og vöfflusala, og glowstick sala
– Harmonikkuleikur
– Andlitsmálning fyrir börnin

17:20 Skólahljómsveit Grafarvogs leikur létt lög

17:55 Skólahljómsveit leiðir göngu frá Hlöðunni ásamt jólasveinum

18:00 Kveikt í brennu
– Fjörkarlarnir skemmta á sviði

18:30 Þrettándagleði lýkur með frábærri flugeldasýningu

Skemmtum okkur saman, ungir sem aldnir og brennum út jólin eins og Grafarvogsbúum einum er lagið

Fyrir hönd íbúanna í hverfinu hafa eftirtalin félög og stofnanir
undirbúið og stutt þrettándagleðina: Miðgarður, þjónustumiðstöð Grafarvogs og Kjalarness, frístundamiðstöðin Gufunesbær, Landsnet, SORPA, Faris, Fanntófell, Valur Helgason,skólahljómsveit Grafarvogs, Korpúlfar, Hjálparsveit Skáta Reykjavík, Skeljungur og Íslenska gámafélagið

Follow

Á þessu ári eru þrjátíu ár liðin frá því að Barnasáttmálinn var samþykktur á allsherjarþingi Sameinuðu þjóðanna þann 20. nóvember 1989. Þessum merka áfanga verður fagnað með ýmsu móti víða um heim enda hafa öll ríki heims, utan Bandaríkjanna, staðfest sáttmálann og er Barnasáttmálinn á þrjátíu ára afmælinu því orðinn útbreiddasti mannréttindasáttmáli í heiminum. Embætti umboðsmanns barna stendur á tímamótum við upphaf afmælisársins því á síðustu starfsdögum Alþingis fyrir jól voru samþykktar breytingar á lögum um embættið sem munu styrkja það verulega auk þess sem þingið hafði samþykkt auknar fjárveitingar til embættisins í fjárlögum stuttu áður.

Með breytingum á lögum um umboðsmann barna er kveðið skýrar á um hlutverk embættisins með sérstakri áherslu á réttindi barna, m.a. með vísun til Barnasáttmálans og fleiri alþjóðasamninga sem lúta að réttindum barna, eins og til dæmis samningur Sameinuðu þjóðanna um réttindi fatlaðs fólks. Með samþykkt laganna hefur embættinu verið falið sérstakt hlutverk við að afla og miðla gögnum um stöðu tiltekinna hópa barna hverju sinni í samvinnu við ýmsa aðila. Þau gögn munu liggja til grundvallar samræmdri og markvissri stefnu í málefnum barna hjá stjórnvöldum. Þá hefur verið lögfest virkt samráð við börn en embættið hefur haft hóp barna sér til ráðgjafar um árabil. Loks er kveðið á um að umboðsmaður barna boði annað hvert ár til þings um málefni barna þar sem farið verði yfir stöðu og þróun í málefnum barna á helstu sviðum samfélagsins og þá verða niðurstöður þingsins kynntar ríkisstjórn og hlutaðeigandi ráðherrum. Fyrsta þingið um málefni barna – barnaþing – verður haldið í nóvembermánuði á þessu ári og verður án efa einn stærsti viðburður afmælisársins. Gera má ráð fyrir um 400-500 þátttakendum en í nýsamþykktum lögum er kveðið á um virka þátttöku barna í skipulagningu og framkvæmd þingsins og að börn verði meðal gesta og mælenda þess. Umboðsmanni barna er ekki kunnugt um að sambærilegt þing hafi verið haldið annars staðar þó ýmsar leiðir hafi verið farnar til að virkja þátttöku barna víða um heim.

Í umræðum þingmanna og nefndaráliti velferðarnefndar við afgreiðslu lagabreytinganna kom fram mikill einhugur meðal þingmanna um að styrkja embætti umboðsmanns barna og tryggja þannig börnum á Íslandi öflugan málsvara. Þá kom fram skýr vilji þingmanna um aukið samráð við börn í starfi þingsins og var fulltrúum úr ráðgjafarhópi barna við embættið boðið á fund velferðarnefndar til samráðs um fyrirhugaðar lagabreytingar. Í áliti velferðarnefndar við afgreiðslu frumvarpsins var sérstaklega fjallað um þær áherslur sem komu fram í samræðu við fulltrúa barna þar sem sagði »að Alþingi hefði reglulegt og raunverulegt samráð við börn þegar til umfjöllunar væru mál sem snerta hagsmuni þeirra. Sérstaklega var vísað til þess sem ungmennin komu á framfæri um að vefsíður og skjöl Alþingis væru ekki alltaf nógu aðgengileg, en jafnframt að styrkja þyrfti fræðslu til barna um lýðræðisþátttöku svo að þeim væri gert auðveldara að afla sér upplýsinga og hafa áhrif á framgang mála á Alþingi. Telur nefndin þetta mikilvæga þróun sem öflugra embætti umboðsmanns barna muni reynast traustur bandamaður í.« Álit velferðarnefndar og jákvæð afstaða þingmanna er mikilvægt veganesti fyrir embættið á næstu misserum en þar hefur á síðustu árum verið lögð áhersla á að stofnanir og sveitarfélög styrki samráð við börn með því að setja á laggirnar ráðgjafarhópa barna eða ungmennaráð.

Á þessu ári mun Ísland sitja fyrir svörum hjá Sameinuðu þjóðunum um framkvæmd Barnasáttmálans og viðbrögð stjórnvalda við lokaathugasemdum barnaréttarnefndarinnar frá árinu 2011. Meðal tilmæla nefndarinnar til íslenskra stjórnvalda var ábending um nauðsyn þess að þróa heildstætt kerfi um söfnun, vinnslu og greiningu gagna sem grundvöll árangursmats á framkvæmd réttinda þeirra sem Barnasáttmálinn tryggir börnum. Þá mæltist nefndin jafnframt til þess að tryggt verði að tillit verði tekið til sjónarmiða barna hjá öllum stofnunum sem aðkomu hafa að málefnum barna. Ljóst er að efling embættis umboðsmanns barna er mikilvægur liður í því að gera nauðsynlegar úrbætur í samræmi við athugasemdir og tilmæli Sameinuðu þjóðanna um framkvæmd Barnasáttmálans á Íslandi.

Ísland hefur sjaldan staðið betur efnahagslega en nú um stundir og án efa er betra að vera barn á Íslandi en víða annars staðar. Margt bendir þó til þess að þær þjóðfélagsbreytingar sem orðið hafa á síðustu áratugum hafi aukið verulega álag á börn. Sú kynslóð sem nú er að vaxa úr grasi er í skipulagðri dagskrá nánast allan ársins hring, fyrst í leikskóla, síðan grunnskóla og loks framhaldsskóla og jafnframt hefur skóladögum ársins fjölgað. Þá sýna nýjustu tölur að um helmingur ungmenna á aldrinum 15-17 ára vinnur með skóla. Skjánotkun og samfélagsmiðlum fylgir meiri félagslegur þrýstingur en áður hefur þekkst sem skapar aukna félagslega samkeppni með tilheyrandi álagi og streitu. Það ætti því ekki að koma á óvart að vaxandi fjöldi barna glímir við kvíða og vanlíðan og lyfjanotkun barna hefur aukist verulega á síðustu árum.

Þessi staða barna er umhugsunarefni fyrir íslenskt samfélag sem allir verða að taka alvarlega. Stjórnvöld hafa sett málefni barna í forgang og einn liður í því er stofnun nýs ráðuneytis barnamála sem tók til starfa nú um áramótin. Það verður vonandi mikilvægt skref í átt að því að móta stofnanir samfélagsins út frá þörfum og hagsmunum barna ekki síður en fullorðinna og tryggja þannig réttindi allra barna á Íslandi.

Hérna eru fleiri Upplýsingar…..

og einnig hérna……..

Follow

Gamlársdagur 31. desember

Aftansöngur kl. 18:00. Séra Sigurður Grétar Helgason prédikar og þjónar. Einsöngvari er Sigrún Hjálmtýsdóttir, Diddú. Kór Grafarvogskirkju syngur og organisti er Hákon Leifsson.

Nýársdagur 1. janúar 2019

Hátíðarguðsþjónusta kl. 14:00. Séra Guðrún Karls Helgudóttir prédikar og þjónar. Einsöngvari er Hallveig Rúnarsdóttir. Kór Grafarvogskirkju syngur og organisti er Hákon Leifsson.

Follow