Dansnámskeið

Dansskóli Ragnars er nú Dansskóli Reykjavíkur og er með aðsetur að Bíldshöfða 18

Námskeið í boði á haustönn

Börn 2-3 ára

Foreldrar og börn – Dansskóli Reykjavíkur er frumkvöðull með þessa tíma og finnst okkur þetta vera spennandi kostur fyrir foreldra þar sem þeir dansa við börnin sín í tímunum og læra þá dansa sem barnið lærir og geta þá dansað við barnið heima í stofu sem bæði þjálfar barnið og veitir því gleði.  Farið verður í helstu barnadansa og dansleiki.  Áhersla lögð á gleði og að fá tilfinningu fyrir því að hreyfa sig skipulega með tónlist.

Börn 4-5 ára

Fyrir 4-5 ára börn þá bjóðum við upp á almenna barnadansa í bland við fyrstu sporin í almennum samkvæmisdönsum. Lögð áhersla á að búa til góðan grunn með því að tengja tónlist við skipulagðar hreyfingar.  Taktur, tækni, tónlist.

Börn 6 ára og eldri

Aðallega unnið með almenna samkvæmisdansa í bland við aðra skemmtilega dansa.  Lögð áhersla á góðan grunn og tækni til þess að gefa þeim tækifæri til þess að geta dansað með öryggi og tilfinningu.

Unglingar

Við bjóðum upp á hressa og skemmtilega tíma í samkvæmisdönsum fyrir unglinga þar sem farið er í almenna samkvæmisdansa.  Lögð áhersla á jákvæðni og jákvæða uppbyggingu.

Keppnishópar

Keppnishópar eru fyrir þá sem hafa áhuga á að keppa og sýna og stefna hátt í dansinum. Erlendar keppnisferðir og mikill metnaður er einkennandi fyrir keppnishópa.

Einkatímar

Bjóðum upp á einkatíma fyrir pör og einstaklinga fyrir öll tækifæri.  Hvort sem þú ert að fara að keppa á Íslandsmeistaramóti eða vilt verða öruggari á byrjendasporunum þá getum við aðstoðað.

Fullorðnir

Farið verður í fyrstu sporin í nokkrum samkvæmisdönsum t.d. cha cha, swing, rumbu, enskum valsi, foxtrot og tango.  Einnig verður bryddað upp á gömlum dönsum og salsa.  Farið verður vel í grunnatriði þess að geta dansað með öryggi og tilfinningu svo sem tækni, takt og stjórnun.  Meiri áhersla lögð á gæði en magn.

Sérhópar

Eitt af því sem dansskólinn býður upp á eru sérsniðin námskeið fyrir vinnustaðahópa sem og aðra hópa. Af hverju ekki að hafa samband og við setjum upp styttra eða lengra námskeið.  Við reynum eftir fremsta megni að mæta séróskum.

Brúðarvals

Þeir sem hafa gift sig vita hvað það er mikilvægt að geta sýnt öryggi og tilfinningu þegar brúðarvalsinn er dansaður.  Bjóðum upp á einkatíma fyrir brúðarvalsinn og einnig er hægt að taka 1-2 aðra dansa sem þá er hægt að dansa í veislunni þegar fjörið færist yfir.  Brúðarvalsinn er næstum eins mikilvægur og athöfnin sjálf.  Á aðeins nokkrum tímum er hægt að setja saman atriði sem passar við uppáhaldslagið ykkar. Ástfangin og samtaka munu þið líða um gólfið í takt við ljúfa tóna.  Það er fátt yndislegra en að sjá fallegan brúðarvals.