- HEIM
- FRÉTTIR
- MYNDIR
- HVERFIÐ OKKAR
- AÐSENT EFNI
- ÍÞRÓTTIR
- UM OKKUR
Fjölnir og Stjarnan gerðu 0-0 jafntefli í hörkuleik þar sem Fjölnir fékk ívið betri færi til að skora.
Þetta er kærkomið stig í baráttunni í deildinni og gott að halda hreinu.
Myndir: Baldvin Örn Berndsen
Leikurinn gegn Stjörnunni sem átti að vera á sunnudaginn s.l. en var frestað vegna veðurs fer fram í dag kl. 16.30 á Fjölnisvelli.
Þessi leikur er gríðarlega mikilvægur fyrir bæði lið, Fjölnir að tryggja sér veru í deild þeirra bestu að ári og Stjarnan í gríðarlegri baráttu við FH um Íslandsmeistaratitilinn.
Við hvetjum fólk til að mæta tímanlega og er ekki vitlaust að fá sér göngutúr á völlinn því bílastæðin eru nú af skornum skammti í kringum völlinn okkar, það má búast við miklum fjölda á leikinn.
ÁFRAM FJÖLNIR
Hér má sjá stöðuna í deildinni
SKIPULAGSMÁL „Viðræður síðustu mánaða og ára hafa ekki borið árangur og því óhjákvæmilegt að undirbúa nauðsynlegar aðgerðir til að rýma lóðina,“
segir í samþykkt stjórnar Faxaflóahafna sem ákvað í gær að segja upp lóðarleigusamningi fyrirtækisins Björgunar við Sævarhöfða.
Í samþykkt hafnarstjórnarinnar segir að viðræður um flutning á starfsemi Björgunar af lóðinni ásamt könnun á möguleikum þess að koma starfseminni fyrir á öðrum stað hafi staðið allt frá árinu 2004.
Lóðarleigusamningur Björgunar frá 1969 hafi runnið út árið 2009 og Faxaflóahafnir hafi ítrekað sagt að ekki yrði um að ræða áframhaldandi útleigu á lóðinni.
Fram kemur að Björgun telji sig eiga bæði forleigurétt og byggingarrétt á svæðinu. Um sé að ræða tvær lóðir, 3.161 fermetra lóð sem innheimt hefur verið leiga fyrir frá upphafi og 73.503 fermetra lóð sem ekki hefur verið innheimt leiga af frá því lóðarleigusamningurinn rann út 1. september 2009.
Hér eru nokkrar myndir frá leiknum. Hann endaði með sigri Fjölnis 24 mörk gegn 19 mörkum ÍH. Hörkuleikur þar Fjölnir sem lenti 5 mörkum undir í fyrri hálfleik og var marki undir í hálfleik, en tóku sig saman í andlitinu í seinni hálfleik og sigruðu örugglega.
Mörk Fjölnis: Kristján Örn Kristjánsso 8, Brynjar Loftsson 5 og Breki Dagsson og Bjarki Lárusson með 3 mörk hvor, Breki Dagssson 2, Bjarni Ólafsson, Björgvin Páll Rúnarsson með 1 mark.
Mörk ÍH: Þórir Bjarni Traustason 8, Stefán og Tómas Þórarinsson 4, Guðni Siemsen 3, Bergur Elí Rúnarsson 2, Oliver Jóhannesson og Sigurður Þorgeirsson 1 mark hvor.
Myndir: Þorgils Garðar Gunnþórsson.
Víðast er trjágróður til prýði og ánægju, en þegar hann hefur vaxið út fyrir lóðarmörk getur hann skapað óþægindi og hindrað för vegfarenda.
Reykjavíkurborg hvetur garðeigendur til að bregðast við og klippa tré sín svo þau hvorki hindri vegfarendur, hylji umferðarskilti né dragi úr götulýsingu.
Nokkur atriði þurfa að vera í lagi:
Þeir sem vilja koma ábendingum á framfæri geta sett hana inn á ábendingavef – OPNA ÁBENDINGAVEF, haft samband í síma 411 11 11 eða sent tölvupóst á netfangið upplysingar@reykjavik.is.
Byggingarreglugerð setur garðeigendum þá skyldu á herðar að halda gróðri innan lóðarmarka. Í reglugerðinni nr. 112/2012 gr. 7.2.2 segir: „Lóðarhafa er skylt að halda vexti trjáa eða runna á lóðinni innan lóðarmarka. Sinni hann því ekki og þar sem vöxtur trjáa eða runna fer út fyrir lóðarmörk við götu, gangstíga eða opin svæði er veghaldara eða umráðamanni svæðis heimilt að fjarlægja þann hluta er truflun eða óprýði veldur, á kostnað lóðarhafa að undangenginni aðvörun“.
Nánari upplýsingar á þjónustusíðu: Trjágróður út fyrir lóðarmörk.
Það verður sannkallaður stórleikur á Fjölnisvellinum á sunnudaginn kl. 16. Stjörnumenn mæta þá í heimsókn en þeir eru enn taplausir í deildinni eftir 19. umferðir og sitja í 2. sæti deildarinnar með jafnmörg stig og topplið FH en er með slakari markatölu. Fjölnismenn unnu frábæran sigur á Fram í seinustu umferð og komu sér úr fallsæti og upp í 9. sætið. Gunnar Már, Þórir og Ragnar skoruðu mörk okkar í 3-1 sigri. Fyrri leikur Fjölnis og Stjörnunnar fór fram á teppinu í Garðabænum í júlí og þar vann Stjarnan með marki í uppbótartíma 2-1. Ansi súrt tap og eru strákarnir staðráðnir að hefna ófaranna í þeim leik. Þessi leikur er gríðarlega mikilvægur fyrir bæði lið, Fjölnir að tryggja sér veru í deild þeirra bestu að ári og Stjarnan í gríðarlegri baráttu við FH um Íslandsmeistaratitilinn. Vði hvetjum fólk til að mæta tímanlega og er ekki vitlaust að fá sér göngutúr á völlinn því bílastæðin eru nú af skornum skammti í kringum völlinn okkar, það má búast við miklum fjölda á leikinn. ÁFRAM FJÖLNIR Hér má sjá stöðuna í deildinni
Það voru 25 krakkar sem mættu á fyrstu skákæfingu Fjölnis á nýju skákári. Æfingarnar hafa nú verið færðar yfir á miðvikudaga kl. 17.00 – 18:30 og virðist sá tími henta vel . Skákmeistararnir efnilegu, þeir Jón Trausti Harðarson og Oliver Aron Jóhannesson, mættu nýir i þjálfarateymi skákdeildarinnar og veittu þeir 10 krökkum kennslu og þjálfun. Á næstu æfingum Fjölnis bjóða þeir upp á kennslu fyrir nýliða og að fara yfir kappskákir með ungum og efnilegum skákmönnum sem taka þátt í Haustmóti TR og Íslandsmóti félagsliða, leiðbeina þeim um það sem betur má fara í byrjunum og endatöflum.
Á fyrstu æfingunni stjórnaði Helgi Árnason, formaður skákdeildarinnar 18 manna skákmóti og þar sigraði hinn 10 ára gamli MIkael Maron Torfason sem hlaut 4,5 vinninga af 5 mögulegum. Mikael Maron hlaut eldskírn sína í kappskákum á Norðurlandasmóti barnaskólasveita á Selfossi um síðustu helgi með skáksveit Rimaskóla. Hann stefnir að því að bæta sig í vetur og tekur nú þátt í Haustmóti TR. Aðrir í verðlaunasætum á skákæfingu Fjölnis voru þau Einar Bjarki Arason, Sæmundur Árnason, Kjartan Karl Gunnarsson, Halldór Snær Georgsson, Joshua Davíðsson, Hilmir Arnarson og síðast en ekki síst ein efnilegasta skákkona deildarinnar, Ylfa Ýr Welding Hákonardóttir í Foldaskóla.
Fyrsta skákæfingin var mjög skemmtileg og öllum þátttakendum var boðið upp á veitingar í skákhléi. Næsta æfing verður miðvikudaginn 24. september í Rimaskóla og er gengið inn um íþróttahús.
Sunnudagaskóli kl. 11:00 – Umsjón hafa Þóra Björg Sigurðardóttir og sr. Arna Ýrr Sigurðardóttir. Undirleikari er Stefán Birkisson.
Messa kl. 14:00 – 25 ára afmæli safnaðarins verður fagnað. Biskup Íslands, frú Agnes Sigurðardóttir prédikar. Prestar safnaðarins þjóna ásamt fyrrverandi prestum Grafarvogssóknar. Allir kórar safnaðarins syngja þ.e. kirkjukórinn, Vox Populi og Stúlknakór Reykjavíkur í Grafarvogskirkju. Stjórnendur eru Hákon Leifsson, Hilmar Örn Agnarsson og Margrét Pálmadóttir.
Eftir messu verður biskupi afhent 25 ára afmælisbók Grafarvogssafnaðar. Höfundur er Sigmundur Ó Steinarsson blaðamaður. Bókin er vönduð að allri gerð og skemmtileg.
Þá verður boðið upp á afmæliskaffi þar sem kórarnir munu syngja nokkur lög. Það er von okkar að velunnarar safnaðarins sjái sér fært að taka þátt á þessum merku tímamótum í starfi safnaðarins.
Borgarmessa kl. 13:00 – Guðsþjónusta með einföldu sniði og léttri tónlist. Séra Petrína Mjöll Jóhannesdóttir prédikar og þjónar fyrir altari. Björg Þórhallsdóttir leiðir söng. Hilmar Örn Agnarsson er organisti.
Sunnudagaskóli kl. 13:00 – Börnin byrja í Borgarmessunni og fara síðan yfir í sunnudagaskólann. Umsjón hefur Ásthildur Guðmundsdóttir. Undirleikari er Stefán Birkisson.